പയ്യാവൂർ: കടുത്ത സാമ്പത്തിക പ്രതിസന്ധി നേരിടുന്ന കശുമാവ് കർഷകരെ സംരക്ഷിക്കുന്നതിന് കശുവണ്ടിക്ക് 200 രൂപ തറവില നിശ്ചയിച്ച് സർക്കാർ ഏജൻസിയെ കൊണ്ട് സംഭരിക്കാനുള്ള നടപടികൾ സ്വീകരിക്കണമെന്ന് പയ്യാവൂർ മണ്ഡലം കർഷകർ കോൺഗ്രസ് കൺവൻഷൻ ആവശ്യപ്പെട്ടു.
കഴിഞ്ഞ സീസണിൽ പയ്യാവൂരിൽ ആരംഭിക്കും എന്ന് കൊട്ടിഘോഷിച്ച കശുമാങ്ങ സംസ്കരണ ഫാക്ടറി ഈ സീസണിൽ എങ്കിലും തുടങ്ങാൻ സർക്കാർ തയാറാകണംമെന്നും കൺവൻഷൻ ആവശ്യപ്പെട്ടു. കൺവൻഷൻ കർഷക കോൺഗ്രസ് ജില്ലാ പ്രസിഡന്‍റ് ജോസ് പൂമല ഉദ്ഘാടനം ചെയ്തു.
മണ്ഡലം കോൺഗ്രസ് പ്രസിഡൻറ് ഇ.കെ. കുര്യൻ അധ്യക്ഷത വഹിച്ചു, ഡിസിസി വൈസ് പ്രസിഡന്‍റ് പി.സി. ഷാജി മുഖ്യപ്രഭാഷണം നടത്തി. നേതാക്കളായ ചാക്കോ ജെ പാലക്കലോടി, ടി.എ. ജസ്റ്റിൻ, ജോണി മുണ്ടക്കൽ, ജിത്തു തോമസ് , ഷീംസ് തോമസ്, ജോസ് പരത്തനാൽ, ജെയിംസ് തുരുത്തേൽ , പി.ആർ. രഘവൻ, ജിജി പൂവത്തുംമണ്ണിൽ, തോമസ് തുടിയംപ്ലാക്കൽ, ജോസഫ് അറയ്ക്കപറമ്പിൽ, ജേക്കബ് പനന്താനം, ബേബി കല്ലിടുക്കിൽ, ബേബി മുല്ലക്കരി, ഷാജി പാട്ടശേരി, കുര്യാച്ചൻ മുണ്ടക്കൽ, കെ.കെ. ബാലൻ എന്നിവർ പ്രസംഗിച്ചു ജോസഫ് അറയ്ക്കപ്പറമ്പിലിനെ കർഷക കോൺഗ്രസ് മണ്ഡലം പ്രസിഡന്‍റായി കൺവൻഷൻ തെരഞ്ഞെടുത്തു