കൊ​ല്ലം: കൊ​ല്ലം കോ​ർ​പ​റേ​ഷ​നി​ൽ മ​രു​ത്ത​ടി ഡി​വി​ഷ​നി​ലെ 400 കു​ടും​ബ​ങ്ങ​ൾ 25 ദി​വ​സ​മാ​യി ശു​ദ്ധ​ജ​ലം ല​ഭി​ക്കാ​തെ വ​ല​യു​ക​യാ​ണ്. ജ​ല വി​ത​ര​ണ പൈ​പ്പു​ക​ൾ​ക്കു​ണ്ടാ​യ ചോ​ർ​ച്ച​യെ തു​ട​ർ​ന്നാ​ണ് 400 കു​ടും​ബ​ങ്ങ​ൾ​ക്ക് കു​ടി​വെ​ള്ളം മു​ട​ങ്ങു​ന്ന​ത്.

ശു​ദ്ധ​ജ​ല വി​ത​ര​ണം മു​ട​ങ്ങി​യ​തോ​ടെ പ്ര​തി​ഷേ​ധ​വു​മാ​യി രം​ഗ​ത്തി​റ​ങ്ങി​യ നാ​ട്ടു​കാ​രും കോ​ൺ​ഗ്ര​സ് പ്ര​വ​ർ​ത്ത​ക​രും കൗ​ൺ​സി​ല​റും ഉ​ൾ​പ്പെ​ടെയുള്ള​വ​ർ ജ​ല​ഭ​വ​നു മു​ന്നി​ലും കോ​ർ​പ​റേ​ഷ​ൻ സോ​ണ​ൽ ഒ‍ാ​ഫീസി​നു മു​ന്നി​ലും സ​മ​ര​ങ്ങ​ൾ ന​ട​ത്തി​യ​തി​ലൂടെയാണ് പ്രശ്ന പരിഹാ രമുണ്ടായത്.

ചോ​ർ​ച്ച​യു​ണ്ടാ​യ പൈ​പ്പു​ക​ൾ മാ​റ്റി പു​തി​യ പൈ​പ്പു​ക​ൾ സ്ഥാ​പി​ക്കാ​ൻ ജ​ല അ​ഥോ​റി​റ്റി തീ​രു​മാ​നി​ക്കു​ക​യാ​യി​രു​ന്നു.​പ​ഴ​യ പൈ​പ്പി​ൽ ചോ​ർ​ച്ച ഉ​ണ്ടാ​യ വി​ള​യി​ൽ​മു​ക്ക് മു​ത​ൽ മു​ത്തേ​ഴ​ത്ത് കി​ഴ​ക്കേ​ത​റ പാ​ലം വ​രെ 700 മീ​റ്റ​ർ നീ​ള​ത്തി​ലാ​ണ് പൈ​പ്പു​ക​ൾ സ്ഥാ​പി​ക്കേ​ണ്ട​ത്.

കോ​ർ​പ​റേ​ഷ​ന്‍റെ അ​മൃ​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി പു​തി​യ പൈ​പ്പു​ക​ൾ സ്ഥാ​പി​ക്കാ​നാ​ണ് തീ​രു​മാ​നം. പു​തി​യ പൈ​പ്പു​ക​ൾ സ്ഥാ​പി​ക്കു​ന്ന ജോ​ലി​ക​ൾ തു​ട​ങ്ങി​യി​ട്ടു​ണ്ട്. കു​ടി​വെ​ള്ള​ത്തി​നാ​യി ഇ​നി നാ​ല് ദി​വ​സം കൂ​ടി മരത്ത​ടി​യി​ലെ കു​ടും​ബ​ങ്ങ​ൾ കാ​ത്തി​രി​ക്കേ​ണ്ടി വ​രും.

ഒ​പ്റ്റി​ക്ക​ൽ ഫൈ​ബ​ർ സ്ഥാ​പി​ക്കാ​നാ​യി സ്വ​കാ​ര്യ ടെ​ലി​ഫോ​ൺ ക​മ്പ​നി റോ​ഡി​ൽ കു​ഴി​യെ​ടു​ത്ത​പ്പോ​ൾ പ​ല സ്ഥ​ല​ങ്ങ​ളി​ലാ​യി പൈ​പ്പു​ക​ൾ പൊ​ട്ടി​യ​താ​ണ് ശു​ദ്ധ​ജ​ല വി​ത​ര​ണം ത​ട​സ​പ്പെ​ടാ​ൻ മു​ഖ്യ കാ​ര​ണ​മാ​കു​ന്ന​ത്.

എ​ന്നാ​ൽ റോ​ഡ് വെട്ടി​പ്പൊ​ളി​ച്ച് പൈ​പ്പു​ക​ൾ ത​ക​രാ​റി​ലാ​ക്കി​യ സ്വ​കാ​ര്യ ടെ​ലി​ഫോ​ൺ ക​മ്പ​നി​ക്കെ​തി​രെ കോ​ർ​പ​റേ​ഷ​നും ജ​ല അ​ഥോ​റി​റ്റി​യും ചെ​റു​വി​ര​ൽ പോ​ലും അ​ന​ക്കി​യി​ല്ല. ഒ​രു ന​ട​പ​ടി​യും എ​ടു​ത്തി​ല്ല.

ജ​ല അ​ഥോറി​റ്റി പ​ല സ്ഥ​ല​ങ്ങ​ളി​ലും പൈ​പ്പു​ക​ളു​ടെ അ​റ്റ​കു​റ്റ​പ്പ​ണി ന​ട​ത്തി നോ​ക്കി​യെ​ങ്കി​ലും ഫ​ല​മു​ണ്ടാ​യി​ല്ല. മ​റ്റു നി​ർ​വാ​ഹ​മി​ല്ലാ​താ​യ​തോ​ടെ​യാ​ണ് പു​തി​യ പൈ​പ്പു​ക​ൾ സ്ഥാ​പി​ക്കാ​ൻ ഒ​ടു​വി​ൽ തീ​രു​മായമായത്.