പ​ത്ത​നാ​പു​രം: ആ​ന​ക്കൂട്ടം ജ​ന​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണി ഉ​യ​ർ​ത്തു​ക​യാ​ണ്. സാ​ധാ​ര​ണ ആ​ന കൂ​ട്ട​മാ​യി എ​ത്തു​മ്പോ​ൾ വ​നംവ​കു​പ്പി​നെ വി​വ​രം അ​റി​യി​ക്കു​ക​യാ​ണ് നാ​ട്ടു​കാ​ർ ചെ​യ്യു​ന്ന​ത്. വ​നംവ​കു​പ്പ് ജീ​വ​ന​ക്കാ​രും നാ​ട്ടു​കാ​രും ചേ​ർ​ന്ന് പാ​ട്ട​കൊ​ട്ടി​യും മ​റ്റും വ​ന​ത്തി​ലേ​ക്ക് കാ​ട്ടാ​ന കൂ​ട്ട​ത്തെ പാ​യി​ക്കും. എ​ന്നാ​ൽ ഇ​പ്പോ​ൾ മ​ട​ങ്ങു​ന്ന കാ​ട്ടാ​നക്കൂട്ടം മ​ണി​ക്കൂ​റു​ക​ൾ​ക്കു​ള്ളി​ൽ വീ​ണ്ടും എ​ത്തി ജ​ന​വാ​സ മേ​ഖ​ല​യി​ലെ സ്വൈ​ര്യ ജീ​വി​തം കെ​ടു​ത്തു​ക​യാ​ണ്.

പ​ത്ത​നാ​പു​രം പു​ന്ന​ല ക​ട​ശേ​രി ഫോ​റ​സ്റ്റ് സ്റ്റേ​ഷ​ൻ പ​രി​ധി​യി​ൽ ത​ച്ച​ക്കോ​ട്, പി​റ​മ​ല പൊ​ട്ട​ൻ കു​ഴി, പൂ​ങ്കു​ള​ഞ്ഞി തു​ട​ങ്ങി ജ​ന​വാ​സ മേ​ഖ​ല​യി​ൽ ഭീ​തി പ​ര​ത്തി കാ​ട്ടാ​ന​ക്കൂ​ട്ടം ദി​വ​സ​ങ്ങ​ളാ​യി ത​മ്പ​ടി​ച്ചി​രി​ക്കു​ക​യാ​ണ്. എ​സ്എ​ഫ്സികെയു​ടെ ഭൂ​മി​യി​ൽ ത​ച്ച​ക്കോ​ട് പൂ​ങ്കു​ള​ഞ്ഞി ,മാ​ങ്കോ​ട് പ്ര​ദേ​ശ​ങ്ങ​ളി​ൽ പു​തു​താ​യി വൈ​ദ്യു​ത വേ​ലി സ്ഥാ​പി​ച്ചി​ട്ടു​ണ്ട്. ഇ​ത് എ​സ്എ​ഫ്സികെ യു​ടെ റ​ബ​ർ ,ക​ശു​മാ​വ് ഉ​ൾ​പ്പെ​ടെ കൃ​ഷി​യും സ്വ​കാ​ര്യ വ്യ​ക്തി​ക​ൾ​ക്ക് പാ​ട്ട​ത്തി​ന് ന​ൽ​കി​യി​ട്ടു​ള്ള കൈ​ത​ച​ക്ക കൃ​ഷി​യും സം​ര​ക്ഷി​ക്കാ​നാ​യി മാ​ത്ര​മാ​ണെ​ന്നാ​ണ് ആ​ക്ഷേ​പം.

ആ​ന ഇ​റ​ങ്ങി വ​രു​ന്ന വ​നാ​തി​ർ​ത്തി​യി​ൽ വൈ​ദ്യു​തി വേ​ലി​യോ കി​ട​ങ്ങു​ക​ളോ സ്ഥാ​പി​ച്ചി​ട്ടി​ല്ല. എ​സ് എ​ഫ് സി ​കെ നി​ർ​മി​ച്ച വൈ​ദ്യു​ത വേ​ലി ആ​ന​ക​ൾ മ​രം പി​ഴി​തി​ട്ട് ത​ക​ർ​ത്ത ശേ​ഷം ജ​ന​വാ​സ മേ​ഖ​ല​യി​ലേ​ക്ക് എ​ത്തു​ക​യാ​ണ് ചെ​യ്യു​ന്ന​ത്. ആ​ന​ക​ളെ തു​ര​ത്തി ഉ​ൾ​വ​ന​ത്തി​ലേ​ക്ക് വി​ടാ​ൻ അ​ധി​കൃ​ത​ർ ആ​വ​ശ്യ​മാ​യ ഒ​രു ന​ട​പ​ടി​യും സ്വീ​ക​രി​ക്കു​ന്നി​ല്ല.

പ​ത്ത​നാ​പു​രം പു​ന്ന​ല ഫോ​റ​സ്റ്റ് സ്റ്റേ​ഷ​ൻ പ​രി​ധി​യി​ൽ ജ​ന​വാ​സ​മേ​ഖ​ല​യാ​യ ത​ച്ച​ക്കോ​ട് പി​റ​മ​ല ,പൊ​ട്ട​ൻ​ കു​ഴി, പൂ​ങ്കു​ള​ഞ്ഞി, ക​ട​ശേ​രി ഭാ​ഗ​ത്താ​ണ് പ​ക​ലെ​ന്നോ രാ​ത്രി​യെ​ന്നോ ഇ​ല്ലാ​തെ കാ​ട്ടാ​ന​ക​ൾ ത​മ്പ​ടി​ച്ചി​രി​ക്കു​ന്ന​ത്.
പ്ര​ദേ​ശ​വാ​സി​ക​ൾ ശ​ബ്‌ദം വ​ച്ചും പ​ട​ക്കം പൊ​ട്ടി​ച്ചും പാ​ട്ട​കൊ​ട്ടി​യും ഇ​ന്ന​ലെ ഉ​ച്ച​ക്ക് ആ​ന​ക​ളെ തു​ര​ത്തി​യെ​ങ്കി​ലും വ​ന​മേ​ഖ​ല​യോ​ടെ ചേ​ർ​ന്ന് ജ​ന​വാ​സ മേ​ഖ​ല​യി​ൽ ത​ന്നെ നി​ല​യു​റ​പ്പി​ച്ചി​രി​ക്ക​യാ​ണ് കാ​ട്ടാ​ന​ക്കൂ​ട്ടം. മൂ​ന്ന് മാ​സം മു​ന്പ് കൂ​ട് സ്ഥാ​പി​ച്ച് പു​ലി അ​ക​പ്പെ​ട്ട പ്ര​ദേ​ശ​ത്തി​ന​ടു​ത്താ​യാ​ണ് ഇ​പ്പോ​ൾ കാ​ട്ടാ​ന​ക്കൂട്ട​ങ്ങ​ൾ നി​ല​യു​റ​പ്പി​ച്ചി​ട്ടു​ള്ള​ത്. എ​സ്എ​ഫ്സി ​കെ തൊ​ഴി​ലാ​ളി കു​ടും​ബ​ങ്ങ​ള​ട​ക്കം നി​ര​വ​ധി പേ​ർ താ​മ​സി​ച്ചു വ​രു​ന്ന പ്ര​ദേ​ശ​മാ​ണി​ത്.

കാ​ർ​ഷി​ക വി​ള​ക​ൾ ഒ​ന്നു പോ​ലു​മി​ല്ലാ​തെ ന​ശി​പ്പി​ക്കു​ന്ന​തി​നാ​ൽ ക​ർ​ഷ​ക​രും വ​ന്യ​മൃ​ഗ​ശ​ല്യ​ത്തി​ൽ പൊ​റു​തി മു​ട്ടു​ക​യാ​ണ്. വ​ന്യ​മൃ​ഗ​ങ്ങ​ൾ കാ​ർ​ഷി​ക വി​ള​ക​ൾ ന​ശി​പ്പി​ച്ചാ​ൽ ന​ഷ്‌ടപ​രി​ഹാ​ര​ത്തി​ന് ഓ​ഫീ​സു​ക​ൾ ക​യ​റി​യി​റ​ങ്ങി സ​മ​യം ക​ള​യു​ന്ന​ത​ല്ലാ​തെ ന​ഷ്‌ടപ​രി​ഹാ​രം ല​ഭി​ക്കു​ന്നി​ല്ലെ​ന്നും ക​ർ​ഷ​ക​ർ പ​രാ​തി​യാ​യി പ​റ​യു​ന്നു. ക​ഴി​ഞ്ഞ ദി​വ​സ​ങ്ങ​ളി​ൽ ജ​ന​വാ​സ​മേ​ഖ​ല​യി​ൽ ത​ച്ച​ക്കോ​ട്, ചാ​ച്ചി​പ്പു​ന്ന, മാ​ങ്കോ​ട് പ്ര​ധാ​ന​റോ​ഡി​ൽ ത​ച്ച​ക്കോ​ട് ജ​ന​വാ​സ മേ​ഖ​ല​യി​ൽ കാ​ട്ട​ന​ക്കൂ​ട്ടം എ​ത്തി. ആ​ന കൂ​ട്ട​ത്തി​ന് മു​ന്നി​ൽ​പെട്ട ഇ​രു​ച​ക്ര​വാ​ഹ​ന യാ​ത്രി​ക​ര​ട​ക്കം അ​ത്ഭു​ത​ക​ര​മാ​യാ​ണ് ര​ക്ഷ​പ്പെ​ട്ട​ത്.

സ്കൂ​ൾ വി​ദ്യാ​ർ​ഥി​ക​ള​ട​ക്കം നി​ര​വ​ധി യാ​ത്രി​ക​ർ സ​ഞ്ച​രി​ക്കു​ന്ന പാ​ത​യി​ലാ​ണ് കാ​ട്ട​നക്കൂട്ടം മി​ക്ക ദി​വ​സ​ങ്ങ​ളി​ലും എ​ത്തു​ന്ന​ത്. സ്ത്രീ​ക​ള​ട​ക്ക​മു​ള്ള തോ​ട്ടം​തൊ​ഴി​ലാ​ളി​ക​ൾ ജോ​ലി ചെ​യ്യു​ന്ന ഇ​വി​ടെ കാ​ട്ടാ​ന, പു​ലി, പ​ന്നി, കാ​ട്ട് പോ​ത്ത്, കേ​ഴ​ ഉ​ൾ​പ്പെ​ടെ​യു​ള്ള വ​ന്യ​മൃ​ഗ​ങ്ങ​ളു​ടെ ശ​ല്യം അ​തി​രൂ​ക്ഷ​മാ​യി​രി​ക്കു​ക​യാ​ണ്.

വൈ​ദ്യു​ത വേ​ലി​ക​ളും കി​ട​ങ്ങു​ക​ളും ന​ശി​ച്ച​താ​ണ് പ​ക​ലും രാ​ത്രി​യു​മെ​ന്നി​ല്ലാ​തെ ആ​ന ഉ​ൾ​പ്പെ​ടെ വ​ന്യ​ജീ​വി​ക​ൾ ജ​ന​വാ​സ മേ​ഖ​ല​യി​ലെ​ത്താ​ൻ ഇ​ട​യാ​ക്കു​ന്ന​ത്. വ​നം വ​കു​പ്പ്, സ്റ്റേ​റ്റ് ഫാ​മിം​ഗ് കോ​ർ​പ​റേ​ഷ​ന​ട​ക്ക​മു​ള്ള സ്ഥാ​പ​ന​ങ്ങ​ളി​ലെ അ​ധി​കൃ​ത​ർ വ​ന്യ​മൃ​ഗ ശ​ല്യം ഒ​ഴി​വാ​ക്കു​ന്ന​തി​ന് വേ​ണ്ട​ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.