ജ​ഗീ​ഷ് ബാ​ബു

കോ​ന്നി: വീ​ണ്ടും ഒ​രു പ​രി​സ്ഥി​തി ദി​നം കൂ​ടി ക​ട​ന്നു​പോ​യ​പ്പോ​ൾ ശ്രീ​നി​വാ​സ​ന് പ്ര​കൃ​തി​യോ​ടും മ​നു​ഷ്യ​രോ​ടും പ​റ​യാ​നേ​റെ. ഇ​വ​യെ​ല്ലാം ക​വി​ത​ക​ളാ​യി കു​റി​ച്ചു​വ​ച്ചു​വെ​ന്നു മാ​ത്ര​മ​ല്ല, പ്ര​കൃ​തി​യി​ലേ​ക്കി​റ​ങ്ങി അ​തി​നെ സം​ര​ക്ഷി​ക്കാ​ൻ ചെ​ടി​ക​ളും വൃ​ക്ഷ​ങ്ങ​ളും സം​ര​ക്ഷി​ക്കു​ന്ന​തി​ലും ബ​ദ്ധ​ശ്ര​ദ്ധാ​ലു​വാ​ണ് ശ്രീ​നി​വാ​സ​ൻ.

പൂ​ന്തോ​ട്ട​ങ്ങ​ൾ ഒ​രു​ക്കു​ന്ന​തി​ലും ചെ​ടി​ക​ളെ പ​രി​പാ​ലി​ക്കു​ന്ന​തി​ലും അ​സാ​മാ​ന്യ വൈ​ദ​ഗ്ധ്യ​മു​ള്ള ഇ​ദ്ദേ​ഹ​ത്തി​ന്‍റെ ഒ​ഴി​വു​വേ​ള​ക​ളും പ്ര​കൃ​തി​ക്കു​വേ​ണ്ടി​യു​ള്ള ത​പ​സാ​ണ്. പ്ര​കൃ​തി​യു​ടെ സം​ര​ക്ഷ​ണ​ത്തി​ന് എ​ഴു​തി​യ ക​വി​ത​ക​ൾ പു​സ്ത​ക രൂ​പേ​ണ പു​റ​ത്തു​വ​ന്നു. തോ​ട്ടം സൂ​ക്ഷി​പ്പു​കാ​ര​നാ​യ ശ്രീ​നി​വാ​സ​ൻ ഏ​ർ​പ്പെ​ട്ടി​രി​ക്കു​ന്ന ജോ​ലി​യി​ൽ എ​പ്പോ​ഴും ഒ​രു താ​ളാ​ത്മ​ക​ത വ​ച്ചു​പു​ല​ർ​ത്തു​ന്നു​ണ്ട്.

ക​ഴി​ഞ്ഞ 30 വ​ർ​ഷ​ങ്ങ​ളാ​യി പു​ന്തോ​ട്ട നി​ർ​മി​തി​യി​ൽ പ്ര​വ​ർ​ത്തി​ച്ചു വ​രി​ക​യാ​ണ്. സ്കൂ​ളു​ക​ൾ​ക്കും സ്ഥാ​പ​ന​ങ്ങ​ൾ​ക്കും ശ്രീ​നി​വാ​സ​ൻ ഉ​ദ്യാ​ന​ങ്ങ​ൾ ത​യാ​റാ​ക്കി ന​ൽ​കാ​റു​ണ്ട്. ഇ​ല​ക​ളും പൂ​ച്ചെ​ടി​ക​ളും ഉ​പ​യോ​ഗി​ച്ച് അ​ക്ഷ​ര​ങ്ങ​ൾ ഒ​രു​ക്കി​യും ശി​ല്പ​ങ്ങ​ൾ പ​ണി​തും പ​ല​രു​ടെ​യും മ​ന​സി​ൽ ഇ​ഷ്ടം തീ​ർ​ത്ത ശ്രീ​നി​വാ​സ​ന് മ​ഴ​യെ ഇ​ഷ്ട​വും ഭ​യ​വു​മാ​ണ്.

ഒ​രു പെ​രു​മ​ഴ​ക്കാ​ലത്താ​ണ് ഇ​ദ്ദേ​ഹ​ത്തി​ന്‍റെ 19 വ​യ​സു​ള്ള മ​ക​ൻ ടി​ന്‍റു​വി​നെ പു​ഴ ക​വ​ർ​ന്ന​ത്. മ​ക​ൾ വൃ​ന്ദ​യും ഭാ​ര്യ ശൈ​ല​ജ ദേ​വി​ക്കു​മൊ​പ്പം പ​ന്ത​ളം കു​ര​മ്പാ​ല വ​ല്യ​യ​ത്ത് വീ​ട്ടി​ലാ​ണ് താ​മ​സം.

പ്ര​കൃ​തി സ്നേ​ഹി​യാ​യ ക​വി

ചെ​റു​പ്പം മു​ത​ലേ പ്ര​കൃ​തി​യോ​ടു പ്ര​ത്യേ​ക അ​ടു​പ്പം പു​ല​ർ​ത്തി​യി​രു​ന്നു. ശ്രീ​നി​വാ​സ​ൻ, ത​ന്‍റെ ചു​റ്റു​പാ​ടു​ക​ളി​ൽ കാ​ണു​ന്ന ഓ​രോ ചെ​ടി​യെ​യും പൂ​വി​നെ​യും പ​ക്ഷി​യെ​യും സൂ​ക്ഷ്മ​മാ​യി നി​രീ​ക്ഷി​ക്കു​ക​യും അ​വ​യു​ടെ ഭം​ഗി ത​ന്‍റെ ക​വി​ത​ക​ളി​ലേ​ക്ക് ആ​വാ​ഹി​ക്കു​ക​യും ചെ​യ്തു. "മ​ണ്ണി​ൽ പ​ണി​യെ​ടു​ക്കു​മ്പോ​ൾ ഓ​രോ ചെ​ടി​യും എന്നോ​ട് സം​സാ​രി​ക്കു​ന്ന​തു​പോ​ലെ തോ​ന്നും. അ​വ​യു​ടെ വേ​ദ​ന​ക​ളും സ​ന്തോ​ഷ​ങ്ങ​ളും എ​ന്‍റെ ക​വി​ത​ക​ളി​ലൂ​ടെ പു​റ​ത്തു​വ​രു​ന്നു,' ശ്രീ​നി​വാ​സ​ൻ പ​റ​യു​ന്നു.

വ​ർ​ഷ​ങ്ങ​ളാ​യി താ​ൻ എ​ഴു​തി​യ ക​വി​ത​ക​ൾ സ​മാ​ഹ​രി​ച്ച് നി​ര​വ​ധി പു​സ്ത​ക​ങ്ങ​ൾ ഇ​തി​നോ​ട​കം പ്ര​സി​ദ്ധീ​ക​രി​ച്ചി​ട്ടു​ണ്ട്. പ്ര​കൃ​തി സം​ര​ക്ഷ​ണം, ജൈ​വ​വൈ​വി​ധ്യം, മ​ര​ങ്ങ​ൾ ന​ട്ടു​പി​ടി​പ്പി​ക്കേ​ണ്ട​തി​ന്‍റെ പ്രാ​ധാ​ന്യം തു​ട​ങ്ങി​യ വി​ഷ​യ​ങ്ങ​ൾ അ​ദ്ദേ​ഹ​ത്തി​ന്‍റെ ക​വി​ത​ക​ളി​ൽ നി​റ​ഞ്ഞു​നി​ൽ​ക്കു​ന്നു.

ല​ളി​ത​മാ​യ ഭാ​ഷ​യി​ൽ, ആ​ഴ​ത്തി​ലു​ള്ള ആ​ശ​യ​ങ്ങ​ൾ ഉ​ൾ​ക്കൊ​ള്ളി​ച്ചു​കൊ​ണ്ട് എ​ഴു​തി​യ ക​വി​ത​ക​ൾ വാ​യ​ന​ക്കാ​രു​ടെ മ​ന​സി​ൽ പ്ര​കൃ​തി​യോ​ടു​ള്ള സ്നേ​ഹം ഊ​ട്ടി​യു​റ​പ്പി​ക്കു​ന്നു. ചെ​ടി​ക​ളും പ്ര​കൃ​തി​യു​മാ​യു​ള്ള ബ​ന്ധ​ത്തി​ൽ എ​ഴു​തി​യ ക​വി​ത​ക​ളാ​ണേ​റെ​യും. ജോ​ലി​യി​ൽ ഏ​ർ​പ്പെ​ട്ടി​രി​ക്കു​ന്പോ​ൾ മ​ന​സി​ൽ വ​രു​ന്ന വ​രി​ക​ൾ കു​റി​ച്ചി​ടു​ക​യും അ​തു പി​ന്നീ​ട് ക​വി​ത​യാ​യി രൂ​പ​പ്പെ​ടു​ക​യു​മാ​ണ് പ​തി​വ്.

അം​ഗീ​കാ​ര​ങ്ങ​ൾ തേ​ടി​യെ​ത്തി

ഒ​രു തോ​ട്ട​ക്കാ​ര​നാ​യി​രി​ക്കു​മ്പോ​ൾ ത​ന്നെ സാ​ഹി​ത്യ​രം​ഗ​ത്ത് ത​ന്‍റെ​താ​യ ഒ​രി​ടം ക​ണ്ടെ​ത്താ​ൻ ശ്രീ​നി​വാ​സ​ന് സാ​ധി​ച്ചു. അ​ദ്ദേ​ഹ​ത്തി​ന്‍റെ പു​സ്ത​ക​ങ്ങ​ൾ​ക്ക് മി​ക​ച്ച പ്ര​തി​ക​ര​ണ​മാ​ണ് ല​ഭി​ക്കു​ന്ന​ത്. വി​വി​ധ സാ​ഹി​ത്യ കൂ​ട്ടാ​യ്മ​ക​ളും പ​രി​സ്ഥി​തി സം​ഘ​ട​ന​ക​ളും ശ്രീ​നി​വാ​സ​ന്‍റെ പ്ര​വ​ർ​ത്ത​ന​ങ്ങ​ളെ അ​ഭി​ന​ന്ദി​ക്കു​ക​യും അ​ദ്ദേ​ഹ​ത്തി​ന് അം​ഗീ​കാ​ര​ങ്ങ​ൾ ന​ൽ​കു​ക​യും ചെ​യ്തി​ട്ടു​ണ്ട്.

""എ​ന്‍റെ ക​വി​ത​ക​ൾ ആ​ളു​ക​ളി​ലേ​ക്ക് എ​ത്തു​ന്നു എ​ന്ന​റി​യു​ന്ന​ത് വ​ലി​യ സ​ന്തോ​ഷം ന​ൽ​കു​ന്നു. പ്ര​കൃ​തി​യെ സം​ര​ക്ഷി​ക്കാ​ൻ എ​ന്‍റെ വാ​ക്കു​ക​ൾ​ക്ക് പ്ര​ചോ​ദ​ന​മാ​വാ​ൻ ക​ഴി​യു​മെ​ങ്കി​ൽ അ​താ​ണ് ഏ​റ്റ​വും വ​ലി​യ അം​ഗീ​കാ​രം'' - ശ്രീ​നി​വാ​സ​ൻ കൂ​ട്ടി​ച്ചേ​ർ​ത്തു.

മു​ന്പു ഡോ. ​ഫി​ലി​പ്പോ​സ് മാ​ർ ക്രി​സോ​സ്റ്റം മാ​ർ​ത്തോ​മ്മ വ​ലി​യ മെ​ത്രാ​പ്പോ​ലീ​ത്ത​യെ​ക്കു​റി​ച്ച് എ​ഴു​തി​യ 101 വ​രി​ക​ൾ അ​ദ്ദേ​ഹ​ത്തി​നു സ​മ​ർ​പ്പി​ക്കു​ക​യും അ​നു​ഗ്ര​ഹാ​ശി​സു​ക​ൾ നേ​രി​ട്ട് ഏ​റ്റു​വാ​ങ്ങു​ക​യും ചെ​യ്തു.