പുസ്തകോത്സവം ആരംഭിച്ചു
1565717
Monday, June 9, 2025 3:42 AM IST
പത്തനംതിട്ട: ജില്ലാ ലൈബ്രറി വികസന സമിതിയുടെ നേതൃത്വത്തിൽ പത്തനംതിട്ട പുസ്തകോത്സവം പ്രമാടം രാജീവ് ഗാന്ധി ഇൻഡോർ സ്റ്റേഡിയത്തിൽ (എം.എൻ. സോമരാജൻ നഗർ) സംസ്ഥാന ലൈബ്രറി കൗൺസിൽ വൈസ് പ്രസിഡന്റ് എ.പി. ജയൻ ഉദ്ഘാടനം ചെയ്തു.
ജില്ലാ ലൈബ്രറി കൗൺസിൽ പ്രസിഡന്റ് ഡോ. പി.ജെ. ഫിലിപ്പിന്റെ അധ്യക്ഷതയിൽ കൂടിയ യോഗത്തിൽ സംസ്ഥാന ലൈബ്രറി കൗൺസിൽ എക്സിക്യൂട്ടീവ് അംഗം പ്രഫ. ടി. കെ. ജി. നായർ, ജില്ലാ പഞ്ചായത്ത് അംഗം റോബിൻ പീറ്റർ,വൈസ് പ്രിസിഡന്റ് സതികുമാരി, പറക്കോട് ബ്ലോക്ക് പഞ്ചായത്ത് അംഗം ആർ. തുളസീധരൻ പിള്ള,
കോന്നി ബ്ലോക്ക് പഞ്ചായത്ത് അംഗം തുളസീമണിയമ്മ, സംസ്ഥാന ലൈബ്രറി കൗൺസിൽ അംഗങ്ങളായ എസ്.ഹരിദാസ്, എം.എസ് ജോൺ, രാജൻ വർഗീസ്, കെ.പി രാധാകൃഷ്ണൻ, എന്നിവർ സംസാരിച്ചു.
ജില്ലാ സെക്രട്ടറി പി.ജി ആനന്ദൻ സ്വാഗതവും കോന്നി താലൂക്ക് ലൈബ്രറി കൗൺസിൽ സെക്രട്ടറി പേരൂർ സുനിൽ നന്ദിയും പറഞ്ഞു. പുസ്തകോത്സവം ഇന്നു സമാപിക്കും.