സെക്യൂ​രി​റ്റി ഡെ​പ്പോ​സി​റ്റി​ന്‍റെ പേ​രി​ലും കെ​എ​സ്ഇ​ബി യി​ൽ പി​ഴി​ച്ചി​ൽ
Saturday, September 30, 2023 1:13 AM IST
വ​ട​ക്ക​ഞ്ചേ​രി: സെ​ക്യൂ​രി​റ്റി ഡെ​പ്പോ​സി​റ്റി​ന്‍റെ പേ​രി​ലും കെ​എ​സ്ഇ​ബി​യി​ൽ പി​ഴി​യ​ൽ. ക​റ​ന്‍റ് ബി​ൽ മാ​ത്രം അ​ട​ച്ചാ​ൽ പോ​ര സെ​ക്യൂ​രി​റ്റി ഡെ​പ്പോ​സി​റ്റ് കു​ടി​ശി​ക ഉ​ണ്ടെ​ങ്കി​ൽ അ​തു​കൂ​ടി അ​ട​ച്ചാ​ൽ മാ​ത്ര​മെ ബി​ൽ അ​ട​യ്ക്കാ​തെ വി​ഛേദി​ക്കു​ന്ന ക​ണ​ക്ഷ​ൻ പി​ന്നീ​ട് പു​ന​:സ്ഥാ​പി​ക്കു​ക​യു​ള്ളു.

മൂ​ന്നു​മാ​സ​ത്തെ വൈ​ദ്യു​തി ഉ​പ​യോ​ഗം നോ​ക്കി​യാ​ണ് സെ​ക്യൂ​രി​റ്റി ഡെ​പ്പോ​സി​റ്റ് തു​ക ക​ണ​ക്കാ​ക്കു​ന്ന​ത്. ഈ ​സെ​ക്യൂ​രി​റ്റി തു​ക ഏ​തു​കാ​ല​ത്ത് തി​രി​ച്ചു ത​രും എ​ന്നൊ​ക്കെ ചോ​ദി​ക്കു​ന്ന​തൊ​ന്നും അ​ധി​കൃ​ത​ർ​ക്ക് അ​ത്ര ഇ​ഷ്ട​മു​ള്ള കാ​ര്യ​ങ്ങ​ള​ല്ല. ഉ​പ​യോ​ഗി​ക്കു​ന്ന ക​റന്‍റിന് ഉ​പ​ഭോ​ക്താ​വി​ൽ നി​ന്നും മു​ൻ​കൂ​ട്ടി വാ​ങ്ങു​ന്ന​താ​ണ് പ​ല​പ്പോ​ഴും സെ​ക്യൂ​രി​റ്റി ഡെ​പ്പോ​സി​റ്റ്. ഇ​തി​നാ​ൽ ഒ​രു മാ​സ​ത്തെ ക​റ​ന്‍റ് ബി​ൽ ഉ​പ​ഭോ​ക്താ​വ് അ​ട​ച്ചി​ല്ലെ​ങ്കി​ലും ക​ണ​ക്ഷ​ൻ വി​ഛേദി​ക്കാ​ൻ പാ​ടി​ല്ല. എ​ന്നാ​ൽ അ​തു​പോ​ലും പ​രി​ഗ​ണി​ക്കാ​തെ​യാ​ണ് മ​നു​ഷ്യ​ത്വ​ര​ഹി​ത​മാ​യി ക​ണ​ക്ഷ​ൻ വി​ഛേദി​ച്ച് വ്യാ​പാ​ര​സ്ഥാ​പ​ന​ങ്ങ​ളെ​യും വീ​ട്ടു​കാ​രേ​യും ബു​ദ്ധി​മു​ട്ടി​ക്കു​ന്ന​ത്.

ക​ഴി​ഞ്ഞ​ദി​വ​സം വ​ട​ക്ക​ഞ്ചേ​രി ടൗ​ണി​ലെ ഒ​രു സ്ഥാ​പ​നം ക​റ​ന്‍റ് ബി​ൽ അ​ട​യ്ക്കാ​ത്ത​തി​നെ തു​ട​ർ​ന്ന് അ​ധി​കൃ​ത​ർ ഫ്യൂ​സ് ഊ​രി. ഫ്രീ​സ​ർ ഉ​ൾ​പ്പെ​ടെ​യു​ള്ള വൈ​ദ്യു​തോ​പ​ക​ര​ണ​ങ്ങ​ൾ പ​ല​തും ഉ​ള്ള​തി​നാ​ൽ ക​ടം വാ​ങ്ങി​യും മ​റ്റും മു​പ്പ​തി​നാ​യി​ര​ത്തോ​ളം വ​രു​ന്ന ബി​ൽ തു​ക ക​ട ഉ​ട​മ അ​ട​ച്ചു. എ​ന്നി​ട്ടും വി​ഛേദി​ച്ച ക​ണ​ക്ഷ​ൻ പു​ന:​സ്ഥാ​പി​ച്ചി​ല്ല. കാ​ര​ണം അ​ന്വേ​ഷി​ച്ച​പ്പോ​ഴാ​ണ് പ​റ​യു​ന്ന​ത് സെ​ക്യൂ​രി​റ്റി തു​ക​യും മു​ഴു​വ​ൻ അ​ട​യ്ക്ക​ണ​മെ​ന്ന്.

ക​ച്ച​വ​ട​മി​ല്ല, സാ​മ്പ​ത്തി​ക പ്ര​യാ​സ​മു​ണ്ട് ഒ​രു​മാ​സം ക​ഴി​ഞ്ഞ് അ​ട​ക്കാം എ​ന്നൊ​ക്കെ സ്ഥാ​പ​ന ഉ​ട​മ പ​റ​ഞ്ഞു​നോ​ക്കി​യെ​ങ്കി​ലും അ​തൊ​ന്നും അ​ധി​കൃ​ത​ർ മു​ഖ​വി​ല​യ്ക്കെ​ടു​ത്തി​ല്ല. സെ​ക്യൂ​രി​റ്റി ഡെ​പ്പോ​സി​റ്റ് തു​ക​യു​ടെ പ​കു​തി തു​ക അ​ട​യ്ക്ക​ണ​മെ​ന്നാ​യി ഒ​ടു​വി​ൽ അ​ധി​കൃ​ത​ർ.

എ​ന്നാ​ൽ ഇ​ത് ക​ണ്ടെ​ത്താ​നു​ള്ള വ​ഴി​യി​ല്ലാ​തി​രു​ന്ന​തി​നാ​ൽ സ്ഥാ​പ​ന ഉ​ട​മ പ​രാ​തി ന​ൽ​കാ​നു​ള്ള തീ​രു​മാ​ന​ത്തി​ലേ​ക്ക് നീ​ങ്ങി. എ​ഴു​തി​യ പ​രാ​തി ക​ണ്ട​തോ​ടെ അ​ധി​കൃ​ത​രു​ടെ ക​ണ്ണു​തു​റ​ന്നു, ഗൗ​ര​വം കു​റ​ഞ്ഞു, സം​സാ​ര​ത്തി​ലും സൗ​മ്യ​ത വ​ന്നു. പി​ന്നെ സെ​ക്യൂ​രി​റ്റി ഡെ​പ്പോ​സി​റ്റ് അ​ട​ച്ചോ ഇ​ല്ല​യോ എ​ന്നൊ​ന്നും നോ​ക്കാ​തെ വി​ഛേദി​ച്ച ക​ണ​ക്ഷ​ൻ പു​ന:​സ്ഥാ​പി​ച്ച് അ​ധി​കൃ​ത​ർ ത​ടി​യൂ​രി.

മു​ക​ളി​ൽ നി​ന്നു​ള്ള പ്ര​ഷ​റാ​ണ് ഇ​ങ്ങ​നെ​യൊ​ക്കെ പ​റ​യി​പ്പി​ക്കു​ന്ന​തെ​ന്ന് കീ​ഴ് ഓ​ഫീ​സ് ജീ​വ​ന​ക്കാ​ർ പ​റ​ഞ്ഞ​പ്പോ​ൾ അ​വ​രു​ടെ നി​സഹാ​യാ​വ​സ്ഥ​യും സ​ർ​ക്കാ​രി​ന്‍റെ സാ​മ്പ​ത്തി​ക ഞെ​രു​ക്ക​ങ്ങ​ളും സ്ഥാ​പ​ന ഉ​ട​മ​യു​ടെ ഓ​ർ​മ​യി​ൽ വ​ന്നു. പ​ക്ഷെ, അ​ധി​കൃ​ത​രു​ടെ വാ​ശി​യി​ൽ സ്ഥാ​പ​ന ഉ​ട​മ​ക്ക് ന​ഷ്ട​ങ്ങ​ളു​ണ്ടാ​ക്കി. സ്ഥാ​പ​ന​ത്തി​ൽ ക​റ​ന്‍റ് ഇ​ല്ലെ​ങ്കിൽ കേ​ടു​വ​രു​ന്ന കു​റെ സാ​ധ​ന​ങ്ങ​ളു​ണ്ടാ​യി​രു​ന്നു. ഇ​തി​നാ​ൽ ജ​ന​റേ​റ്റ​ർ പ്ര​വ​ർ​ത്തി​പ്പി​ക്കേ​ണ്ടി​വ​ന്നു. അ​ങ്ങ​നെ കു​റ​ച്ച് ആ​യി​ര​ങ്ങ​ൾ കൂ​ടി ബാ​ധ്യ​ത​യായി മാ​റി. വാ​ട​ക​യ്ക്ക് ക​ട​മു​റി​യെ​ടു​ത്ത് ക​ച്ച​വ​ടം ന​ട​ത്തു​ന്ന​വ​ർ പ​ല​പ്പോ​ഴും സെ​ക്യൂ​രി​റ്റി ഡെ​പ്പോ​സി​റ്റി​ൽ കു​ടു​ങ്ങു​ന്നു​ണ്ട്.

ഏ​തെ​ങ്കി​ലും കാ​ല​ത്ത് സെ​ക്യൂ​രി​റ്റി ഡെ​പ്പോ​സി​റ്റ് തി​രി​ച്ചു കൊ​ടു​ക്കു​മ്പോ​ൾ അ​ത് കെ​ട്ടി​ട ഉ​ട​മ​യ്ക്കാ​ണ് ല​ഭി​ക്കു​ക. അ​തു​മാ​ത്ര​മ​ല്ല സെ​ക്യൂ​രി​റ്റി ഡെ​പ്പോ​സി​റ്റ് എ​ന്ന വ​ക​യി​ൽ ല​ക്ഷ​ങ്ങ​ളു​ടെ വ​രു​മാ​ന​വും കെ​എ​സ്ഇ​ബി​ക്ക് ഉ​ണ്ടാ​കു​ന്നു​ണ്ടെ​ന്നാ​ണ് വി​ല​യി​രു​ത്ത​ൽ.

Copyright @ 2022 , Rashtra Deepika Ltd.