ന​വകേ​ര​ള സ​ദ​സ് എ​ത്തി​യി​ട്ടും വ​ന​സൗ​ഹൃ​ദ സ​ദ​സി​നു ന​ല്​കി​യ അ​പേ​ക്ഷ​ക​ളി​ൽ മ​റു​പ​ടിയില്ല
Sunday, December 3, 2023 5:12 AM IST
നെ​ന്മാ​റ: മാ​സ​ങ്ങ​ൾ മു​മ്പ് വ​നം മ​ന്ത്രി നേ​രി​ൽ സ്വീ​ക​രി​ച്ച പ​രാ​തി​ക​ൾ​ക്ക് മ​റു​പ​ടി ല​ഭി​ച്ചി​ല്ല. കേ​ര​ള മ​ന്ത്രി​സ​ഭ ഒ​ന്നാ​കെ എ​ത്തു​ന്ന ന​വ കേ​ര​ള സ​ദ​സ് നെ​ന്മാ​റ​യി​ൽ എ​ത്തി​യി​ട്ടും ഏ​പ്രി​ൽ 13ന് ​നെ​ന്മാ​റ​യി​ൽ വ​നം വ​കു​പ്പ് ന​ട​ത്തി​യ വ​ന സൗ​ഹൃ​ദ സ​ദ​സി​ൽ വ​നം വ​കു​പ്പ് സ്വീ​ക​രി​ച്ച നൂ​റു​ക​ണ​ക്കി​ന് പ​രാ​തി​ക്ക് മ​റു​പ​ടി ല​ഭി​ച്ചി​ല്ലെ​ന്ന് പ​രാ​തി.

വ​ന​മ​ന്ത്രി നേ​രി​ൽ പൊ​തു​ജ​ന​ങ്ങ​ളെ​യും വ​നം ഉ​ദ്യോ​ഗ​സ്ഥ​രെ​യും നെ​ന്മാ​റ, ആ​ല​ത്തൂ​ർ, ത​രൂ​ർ നി​യോ​ജ​ക​മ​ണ്ഡ​ല​ങ്ങ​ളി​ലെ ജ​ന​പ്ര​തി​നി​ധി​ക​ളെ​യും പൊ​തു​ജ​ന​ങ്ങ​ളെ​യും ഇ​രു​ത്തി ന​ട​ത്തി​യ പ​രി​പാ​ടി​യാ​യി​രു​ന്നു. ഇ​തി​ന്‍റെ ഭാ​ഗ​മാ​യി നെ​ന്മാ​റ ഡി​എ​ഫ്ഒയ്ക്ക് ​നൂ​റു ക​ണ​ക്കി​ന് പ​രാ​തി​ക​ളാ​ണ് ക​ർ​ഷ​ക​രും ജ​ന​പ്ര​തി​നി​ധി​ക​ളും ന​ല്കി​യ​ത്.

എ​ല്ലാ പ​രാ​തി​ക​ൾ​ക്കും 30 ദി​വ​സ​ത്തി​ന​കം മ​റു​പ​ടി ന​ല്​കു​മെ​ന്ന് അ​ന്ന​ത്തെ സിസിഎ​ഫ്, മ​ന്ത്രി​യു​ടെ സാ​ന്നി​ധ്യ​ത്തി​ൽ യോ​ഗ​ത്തി​ൽ പ​റ​ഞ്ഞി​രു​ന്നു. എ​ന്നാ​ൽ നാ​ളി​തു​വ​രെ ആ​ർ​ക്കും മ​റു​പ​ടി ല​ഭി​ച്ചി​ല്ലെ​ന്നാ​ണ് വ്യാ​പ​ക പ​രാ​തി. വ​ന്യ​മൃ​ഗ​ങ്ങ​ൾ മൂ​ല​മു​ള്ള കൃ​ഷി​നാ​ശ​ത്തി​നും ജീ​വ​ഹാ​നി​ക്കും ന​ഷ്ട​പ​രി​ഹാ​രം ന​ല്​കും എ​ന്നു​ള്ള വാ​ഗ്ദാ​ന​വും നാ​ളി​തു​വ​രെ പൂ​ർ​ണ്ണ​മാ​യി പാ​ലി​ക്ക​പ്പെ​ട്ടി​ല്ല.

മ​ന്ത്രി നേ​രി​ൽ വ​ന്ന് സ്വീ​ക​രി​ച്ച പ​രാ​തി​ക​ൾ​ക്ക് പോ​ലും മ​റു​പ​ടി ല​ഭി​ക്കാ​തി​രി​ക്കേ മു​ഖ്യ​മ​ന്ത്രി​യു​ടെ പ​രി​പാ​ടി​യു​ടെ ഭാ​ഗ​മാ​യി ഉ​ദ്യോ​ഗ​സ്ഥ​ർ സ്വീ​ക​രി​ക്കു​ന്ന പ​രാ​തി​ക​ളി​ൽ എ​ന്ത് തീ​ർ​പ്പ് ഉ​ണ്ടാ​കു​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​ക്ഷേ​പം.