മണ്ണാ​ർ​ക്കാ​ട്: കൊ​ടുംവ​ള​വും ക​യ​റ്റ​വും. എ​തി​രെ വ​രു​ന്ന വാ​ഹ​ന​ങ്ങ​ൾ കാ​ണാ​ൻ ക​ഴി​യു​ക​യി​ല്ല. ക​ണ്ടാ​ൽ ത​ന്നെ ഡ്രൈ​വ​ർ​മാ​ർ പെ​ട്ടെ​ന്ന് ഒ​ന്ന് പ​ക​ച്ചു പോ​കും. ഇ​ത് അ​പ​ക​ട​ത്തി​ന് വ​ഴി​യൊ​രു​ക്കു​ന്നു. ഈ ​റോ​ഡി​ലൂ​ടെ ക​ട​ന്നു പോ​കു​ന്ന​താ​കട്ടെ ആ​യി​ര​ക​ണ​ക്കി​ന് വാ​ഹ​ന​ങ്ങ​ളും. കോ​ഴി​ക്കോ​ട്-പാ​ല​ക്കാ​ട് ദേ​ശീ​യ​പാ​ത​യി​ലെ നാ​ട്ടു​ക​ൽ 55 ാം മൈൽ ഭാ​ഗ​ത്തെ അ​വ​സ്ഥ​യാ​ണി​ത്. ദി​നം​പ്ര​തി​ ഒ​ന്നി​ല​ധി​കം അ​പ​ക​ട​ങ്ങ​ളാ​ണ് ഈ ​മേ​ഖ​ല​യി​ൽ ന​ട​ക്കു​ന്ന​ത്.

പോ​ലീ​സി​​ന്‍റേയോ റോ​ഡ് ട്രാ​ൻ​സ്പോ​ർ​ട്ട് അ​ഥോറി​റ്റി​യു​ടെ​യോ യാ​തൊ​രു​വി​ധ നി​യ​ന്ത്ര​ണ​ങ്ങ​ളോ മു​ന്ന​റി​യി​പ്പു​ക​ളോ ഇ​വി​ടെ ഇ​ല്ല. ഈ ​ഭാ​ഗ​ത്ത് നി​ര​വ​ധി വാ​ഹ​ന​ങ്ങ​ൾ അ​പ​ക​ട​ത്തി​ൽ പെ​ടു​ക​യും യാ​ത്ര​ക്കാ​രു​ടെ ജീ​വ​ൻ പൊ​ലി​യു​ക​യും ചെ​യ്യു​ന്നു. ക​ഴി​ഞ്ഞ ര​ണ്ടു ദി​വ​സ​ത്തി​നി​ടെ പ​ത്തോ​ളം അ​പ​ക​ട​ങ്ങ​ളാ​ണ് ഈ ​മേ​ഖ​ല​യി​ൽ ന​ട​ന്ന​ത്. പ്ര​ദേ​ശ​ത്ത് ഡി​വൈ​ഡ​റു​ക​ൾ​ സ്ഥാ​പി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​വു​ക​യാ​ണ്.

വ​ള​രെ തി​ര​ക്കേ​റി​യ പാ​ത​ക​ളി​ൽ ഒ​ന്നാ​ണ് മ​ണ്ണാ​ർ​ക്കാ​ട് -പെ​രി​ന്ത​ൽ​മ​ണ്ണ റോ​ഡ്. റോ​ഡ് നി​ർ​മാ​ണം പൂ​ർ​ത്തി​യാ​യ​തോ​ടെ കൂ​ടു​ത​ൽ വേ​ഗ​ത​യി​ലാ​ണ് വാ​ഹ​ന​ങ്ങ​ൾ ഇ​തു​വ​ഴി ക​ട​ന്നു​പോ​കു​ന്ന​ത്. ഇ​ത് നി​യ​ന്ത്ര​ണ​ങ്ങ​ൾ ന​ഷ്ട​പ്പെ​ടു​ന്ന​തി​ന് കൂ​ടു​ത​ൽ അ​പ​ക​ട​ങ്ങ​ൾ ഉ​ണ്ടാ​കു​ന്ന​തി​നും കാ​ര​ണ​മാ​കു​ന്നു. 55 ാം മൈ​ൽ ഭാ​ഗ​ത്ത് കൂ​ടു​ത​ൽ അ​പ​ക​ട മു​ന്ന​റി​യി​പ്പ് ബോ​ർ​ഡു​ക​ളും ഡി​വൈ​ഡ​റു​ക​ളും സ്ഥാ​പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.