ഡാ​ള​സ്: ക​ഴി​ഞ്ഞ മാ​സം ഡാ​ളസി​ലെ ഒ​രു ഗ്യാ​സ് സ്റ്റേ​ഷ​നി​ലു​ണ്ടാ​യ വെ​ടി​വ​യ്പ്പി​ൽ പ്ര​തി​യാ​യ സ്ത്രീ​യെ തി​രി​ച്ച​റി​യാ​നും ക​ണ്ടെ​ത്താ​നും പൊ​തു​ജ​ന​ങ്ങ​ളു​ടെ സ​ഹാ​യം തേ​ടി ഡാ​ളസ് പോ​ലീ​സ്. ജൂ​ൺ 30ന് ​പു​ല​ർ​ച്ചെ 4:10ഓ​ടെ എ​സ്.​ആ​ർ.​എ​ൽ. തോ​ൺ​ട​ൺ ഫ്രീ​വേ​യു​ടെ 4700 ബ്ലോ​ക്കി​ലു​ള്ള ക്വി​ക്ക്ട്രി​പ്പ് ഗ്യാ​സ് സ്റ്റേ​ഷ​നി​ലാ​ണ് സം​ഭ​വം ന​ട​ന്ന​ത്.

പോ​ലീ​സ് ന​ൽ​കു​ന്ന വി​വ​ര​മ​നു​സ​രി​ച്ച്, ഗ്യാ​സ് പ​മ്പി​ൽ വ​ച്ച് പ്ര​തി​യും ഇ​ര​യും ത​മ്മി​ൽ വാ​ക്കു​ത​ർ​ക്ക​മു​ണ്ടാ​യി. ത​ർ​ക്ക​ത്തി​നി​ടെ, ഇ​ര സ്ത്രീ​യെ അ​ടി​ച്ച​തോ​ടെ ഇ​ത് ശാ​രീ​രി​ക ഏ​റ്റു​മു​ട്ട​ലി​ലേ​ക്ക് നീ​ങ്ങു​ക​യാ​യി​രു​ന്നു. ഈ ​സ​മ​യ​ത്ത്, പ്ര​തി ഒ​രു സു​ഹൃ​ത്തി​നൊ​പ്പം സം​ഭ​വ​സ്ഥ​ല​ത്ത് നി​ന്ന് പോ​യെ​ങ്കി​ലും ഏ​ക​ദേ​ശം 15 മി​നി​റ്റി​നു​ശേ​ഷം തി​രി​കെ​യെ​ത്തി.


ഗ്യാ​സ് സ്റ്റേ​ഷ​നി​ലെ സി​സി​ടി​വി ദൃ​ശ്യ​ങ്ങ​ളി​ൽ, പ്ര​തി ത​ന്‍റെ വാ​ഹ​ന​ത്തി​ൽ നി​ന്നി​റ​ങ്ങി ഇ​ര​യെ പി​ന്തു​ട​രു​ന്ന​തും ഏ​ഴ് ത​വ​ണ വെ​ടി​യു​തി​ർ​ക്കു​ന്ന​തും വ്യ​ക്ത​മാ​യി കാ​ണാം. വെ​ടി​വ​യ്പ്പി​ൽ ഇ​ര​യു​ടെ കാ​ലി​ൽ മൂ​ന്ന് ത​വ​ണ വെ​ടി​യേ​റ്റു. കൃ​ത്യം ചെ​യ്ത ശേ​ഷം പ്ര​തി ഇ​രു​ണ്ട നി​റ​ത്തി​ലു​ള്ള സെ​ഡാ​ൻ വാ​ഹ​ന​ത്തി​ൽ സം​ഭ​വ​സ്ഥ​ല​ത്ത് നി​ന്ന് ര​ക്ഷ​പ്പെ​ട്ടു.

വെ​ടി​വ​യ്പ്പി​ൽ നി​ന്ന് ഇ​ര ര​ക്ഷ​പ്പെ​ട്ടു, എ​ന്നാ​ൽ പ്ര​തി ഇ​പ്പോ​ഴും ഒ​ളി​വി​ലാ​ണ്. ഈ ​സം​ഭ​വ​ത്തെ​ക്കു​റി​ച്ച് എ​ന്തെ​ങ്കി​ലും വി​വ​രം ല​ഭി​ക്കു​ന്ന​വ​ർ ഡാ​ളസ് പോ​ലീ​സ് വ​കു​പ്പു​മാ​യി ബ​ന്ധ​പ്പെ​ട​ണ​മെ​ന്ന് അ​ധി​കൃ​ത​ർ അ​ഭ്യ​ർ​ഥി​ച്ചി​ട്ടു​ണ്ട്. കേ​സി​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്.