ഫാ. മാത്യു പടിഞ്ഞാറേക്കുറ്റിന് യാത്രയയപ്പ് നല്‍കി
Wednesday, June 25, 2025 2:37 AM IST
കോട്ടയം: ദീപിക ജനറല്‍ മാനേജര്‍ (പ്രൊഡക്ഷന്) ചുമതലയില്‍നിന്നു വിരമിച്ച് അതിരമ്പുഴ സെന്‍റ് മേരീസ് ഫൊറോന പള്ളി വികാരിയായി സ്ഥലം മാറി പോകുന്ന ഫാ. മാത്യു പടിഞ്ഞാറേക്കുറ്റിന് ദീപിക കുടുംബാംഗങ്ങള്‍ യാത്രയയപ്പ് നല്‍കി.
കോട്ടയം കേന്ദ്ര ഓഫീസില്‍ നടന്ന സമ്മേളനത്തില്‍ രാഷ്‌ട്രദീപിക ലിമിറ്റഡ് മാനേജിംഗ് ഡയറക്‌ടര്‍ ഫാ. മൈക്കിള്‍ വെട്ടിക്കാട്ട് അധ്യക്ഷത വഹിച്ചു.
ദീപിക ചീഫ് എഡിറ്റര്‍ റവ. ഡോ. ജോര്‍ജ് കുടിലില്‍, ജനറല്‍ മാനേജര്‍ (സര്‍ക്കുലേഷന്‍) ഫാ. ജിനോ പുന്നമറ്റത്തില്‍, ജനറല്‍ മാനേജര്‍ (അഡ്മിനിസ്‌ട്രേഷന്‍) ഫാ. രഞ്ജിത്ത് ആലുങ്കല്‍, ജനറല്‍ മാനേജര്‍ (മാര്‍ക്കറ്റിംഗ്) കെ.സി. തോമസ്, ചീഫ് ഫിനാൻഷ്യല്‍ ഓഫീസര്‍ എം.എം. ജോര്‍ജ്, ചീഫ് ന്യൂസ് എഡിറ്റര്‍ സി. കെ. കുര്യാച്ചന്‍, ഡെപ്യൂട്ടി ജനറല്‍ മാനേജര്‍ (എച്ച്ആര്‍) കോര ജോസഫ്, കമ്പനി സെക്രട്ടറി സോഫിയ ജോസഫ്, പിആര്‍ഒ മാത്യു കൊല്ലമലക്കരോട്ട്, സ്റ്റാഫ് പ്രതിനിധി ആര്‍. ബിജു എന്നിവര്‍ പ്രസംഗിച്ചു. രാഷ്‌ട്രദീപിക കമ്പനിയുടെ ഉപഹാരം മാനേജിംഗ് ഡയറക്‌ടര്‍ ഫാ. മൈക്കിള്‍ വെട്ടിക്കാട്ട് ഫാ. മാത്യു പടിഞ്ഞാറേക്കുറ്റിന് സമ്മാനിച്ചു.