വ​ട​ക​ര-​വി​ല്യാ​പ്പ​ള്ളി-​ചേ​ല​ക്കാ​ട് റോ​ഡ് ന​വീ​ക​രി​ക്കു​ന്നു
Saturday, July 5, 2025 5:11 AM IST
കോ​ഴി​ക്കോ​ട് : ഏ​റെ​ക്കാ​ല​ത്തെ കാ​ത്തി​രി​പ്പി​നൊ​ടു​വി​ല്‍ വ​ട​ക​ര-​വി​ല്യാ​പ്പ​ള്ളി-​ചേ​ല​ക്കാ​ട് റോ​ഡ് ന​വീ​ക​ര​ണം യാ​ഥാ​ര്‍​ഥ്യ​മാ​കു​ന്നു. ദേ​ശീ​യ​പാ​ത​യെ​യും സം​സ്ഥാ​ന പാ​ത​യെ​യും ബ​ന്ധി​പ്പി​ക്കു​ന്ന വ​ട​ക​ര താ​ലൂ​ക്കി​ലെ പ്ര​ധാ​ന പാ​ത​യാ​ണ് കി​ഫ്ബി പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി ന​വീ​ക​രി​ക്കു​ന്ന​ത്.

വ​ട​ക​ര ന​ഗ​ര​സ​ഭ, വി​ല്യാ​പ്പ​ള്ളി, ആ​യ​ഞ്ചേ​രി, പു​റ​മേ​രി, നാ​ദാ​പു​രം എ​ന്നീ ഗ്രാ​മ​പ​ഞ്ചാ​യ​ത്തു​ക​ളി​ലൂ​ടെ ക​ട​ന്നു​പോ​കു​ന്ന റോ​ഡ് ന​വീ​ക​ര​ണ​ത്തി​ന് നേ​ര​ത്തെ ഭ​ര​ണാ​നു​മ​തി ല​ഭ്യ​മാ​യെ​ങ്കി​ലും ഭൂ​മി വി​ട്ടു​കി​ട്ട​ല്‍ ഉ​ള്‍​പ്പെ​ടെ​യു​ള്ള കാ​ര​ണ​ങ്ങ​ളാ​ല്‍ വൈ​കു​ക​യാ​യി​രു​ന്നു.

വ​ട​ക​ര​യി​ല്‍​നി​ന്ന് വ​യ​നാ​ട്ടി​ലേ​ക്കും കി​ഴ​ക്ക​ന്‍ മ​ല​യോ​ര മേ​ഖ​ല​യി​ലേ​ക്കും നാ​ദാ​പു​രം, പെ​രി​ങ്ങ​ത്തൂ​ര്‍ ഭാ​ഗ​ത്തേ​ക്കും എ​ത്താ​നു​ള്ള എ​ളു​പ്പ​മാ​ര്‍​ഗ​മാ​ണ് ഈ ​റോ​ഡ്.​കു​റ്റ്യാ​ടി, നാ​ദാ​പു​രം നി​യോ​ജ​ക മ​ണ്ഡ​ല​ങ്ങ​ളി​ലെ ഭൂ​രി​ഭാ​ഗം ഭൂ​വു​ട​മ​ക​ളും ഭൂ​മി ഏ​റ്റെ​ടു​ക്ക​ല്‍ സ​മ്മ​ത​പ​ത്രം ന​ല്‍​കി​യ​തോ​ടെ​യാ​ണ് പ​ദ്ധ​തി​ക്ക് വേ​ഗം കൈ​വ​ന്ന​ത്.

കി​ഫ്ബി 77 കോ​ടി​യു​ടെ പു​തു​ക്കി​യ സാ​മ്പ​ത്തി​ക അ​നു​മ​തി ന​ല്‍​കി​യി​ട്ടു​ണ്ട്. സാ​ങ്കേ​തി​ക സ​മി​തി​യു​ടെ അ​നു​മ​തി​യും ല​ഭി​ച്ചു. ഊ​രാ​ളു​ങ്ക​ല്‍ ലേ​ബ​ര്‍ കോ​ണ്‍​ട്രാ​ക്ട് കോ​ഓ​പ​റേ​റ്റീ​വ് സൊ​സൈ​റ്റി​ക്കാ​ണ് ടെ​ന്‍​ഡ​ര്‍ ല​ഭി​ച്ച​ത്. സ​മ്മ​ത​പ​ത്രം ല​ഭി​ച്ച​തി​ന്റെ അ​ടി​സ്ഥാ​ന​ത്തി​ല്‍ കു​റ്റ്യാ​ടി, നാ​ദാ​പു​രം നി​യോ​ജ​ക മ​ണ്ഡ​ല​ങ്ങ​ളി​ലെ പ്ര​വൃ​ത്തി​യാ​ണ് നി​ല​വി​ല്‍ ടെ​ന്‍​ഡ​ര്‍ ചെ​യ്തി​ട്ടു​ള്ള​ത്.

മു​ഖ്യ​മ​ന്ത്രി​ക്ക് പ്ര​ത്യേ​ക അ​പേ​ക്ഷ ന​ല്‍​കി​യ​തി​ന്‍റെ അ​ടി​സ്ഥാ​ന​ത്തി​ല്‍ സ്ഥ​ലം വി​ട്ടു​ന​ല്‍​കു​ന്ന ഭൂ​വു​ട​മ​ക​ള്‍​ക്ക് അ​വ​രു​ടെ ജീ​വ​നോ​പാ​ധി​ക​ള്‍ നി​ല​നി​ര്‍​ത്തു​ന്ന​തി​നാ​വ​ശ്യ​മാ​യ ഘ​ട​ക​ങ്ങ​ള്‍ എ​സ്റ്റി​മേ​റ്റി​ല്‍ ഉ​ള്‍​പ്പെ​ടു​ത്തി​യി​ട്ടു​ണ്ട്. മ​തി​ലു​ക​ള്‍ പൊ​ളി​ക്കേ​ണ്ടി​വ​രു​ന്ന​വ​ര്‍​ക്ക് മാ​ന​ദ​ണ്ഡ​ങ്ങ​ള്‍​ക്ക് വി​ധേ​യ​മാ​യി പു​ന​ര്‍​നി​ര്‍​മി​ച്ചു ന​ല്‍​കു​ന്ന​തും ഇ​തി​ല്‍ ഉ​ള്‍​പ്പെ​ടു​ത്തി​യി​ട്ടു​ണ്ട്.

പൊ​തു​പ്ര​വ​ര്‍​ത്ത​ക​രു​ടെ​യും ജ​ന​പ്ര​തി​നി​ധി​ക​ളു​ടെ​യും നേ​തൃ​ത്വ​ത്തി​ല്‍ ന​ട​ത്തി​യ ഇ​ട​പെ​ട​ലു​ക​ളെ തു​ട​ര്‍​ന്നാ​ണ് കു​റ്റ്യാ​ടി, നാ​ദാ​പു​രം നി​യോ​ജ​ക​മ​ണ്ഡ​ല​ങ്ങ​ളി​ലെ ഭൂ​വു​ട​മ​ക​ള്‍ റോ​ഡ് വി​ക​സ​ന​ത്തി​നാ​യി ഭൂ​മി വി​ട്ടു​ന​ല്‍​കി​യ​ത്.

12 മീ​റ്റ​റി​ല്‍ വി​ക​സി​പ്പി​ക്കു​ന്ന റോ​ഡ് എ​ഫ് ഡി ​ആ​ര്‍ ടെ​ക്‌​നോ​ള​ജി ഉ​പ​യോ​ഗി​ച്ചും ബി​എം ബി​സി നി​ല​വാ​ര​ത്തി​ലു​മാ​ണ് നി​ര്‍​മി​ക്കു​ക. റോ​ഡി​ന്‍റെ പ്ര​വൃ​ത്തി ആ​രം​ഭി​ക്കേ​ണ്ട ഭാ​ഗ​ങ്ങ​ള്‍ അ​ട​യാ​ള​പ്പെ​ടു​ത്തു​ന്ന പ്ര​വൃ​ത്തി അ​ക്ലോ​ത്ത് ന​ട​പ്പാ​ല​ത്തി​ന​ടു​ത്ത് ആ​രം​ഭി​ച്ചി​ട്ടു​ണ്ട്.
Copyright @ 2018 , Rashtra Deepika Ltd.