പ്ലാൻ വരയ്ക്കാൻ കുടുംബശ്രീ യൂണിറ്റുകളെ ചുമതലപ്പെടുത്തിയതിനെതിരേ ലെൻസ്ഫെഡ് : Deepika.com Nattu Visesham

KOTTAYAM

പ്ലാൻ വരയ്ക്കാൻ കുടുംബശ്രീ യൂണിറ്റുകളെ ചുമതലപ്പെടുത്തിയതിനെതിരേ ലെൻസ്ഫെഡ്

Wednesday, March 27, 2024 6:43 AM IST

കോട്ടയം: എം-പാനൽ എൻജിനിയർമാർ കുറവാണെന്ന കാരണം പറഞ്ഞു പ്ലാൻ വരയ്ക്കാൻ കുടുംബശ്രീ യൂണിറ്റുകളെ ചുമതലപ്പെടുത്തിയതിനെതിരേ ലെൻസ്ഫെഡ്.‌ നിലവിൽ എം-പാനൽ ചെയ്തവർക്കു മാത്രമേ പ്ലാൻ വരയ്ക്കാൻ കഴിയൂ. സാധാരണ ലൈസൻസിന്‍റെ ഇരട്ടി ഫീസടച്ച് എം-പാനലിനു അപേക്ഷിച്ചാലും ലൈസൻസ് ലഭിക്കാൻ കാലതാമസം നേരിടുന്നതു എൻജിനിയർക്കു തിരിച്ചടിയാകുകയാണ്.

ലൈസൻസികളുടെ തൊഴിലില്ലായ്മ നിലനിൽക്കുന്ന സാഹചര്യത്തിൽ എം-പാനൽ എൻജിനിയർമാർ കുറവാണെന്നു കാണിച്ചാണു സർക്കാർ പ്ലാൻ വരയ്ക്കാൻ കുടുംബശ്രീ യൂണിറ്റുകളെ ചുമതലപ്പെടുത്തിയത്. റഗുലർ ലൈസൻസികൾക്കു പ്ലാൻ വരയ്ക്കാൻ അനുമതി നൽകുന്നതിനു പകരമാണു കുടുംബശ്രീകളെ ആശ്രയിക്കുന്നത്. ഇതേ സ്ഥിതി തുടരുകയാണെങ്കിൽ നിരവധി ലൈസൻസ്ഡ് എൻജിനിയർമാരുടെ തൊഴിൽ നഷ്ടമാകും.

നിരവധി തവണ ഇക്കാര്യങ്ങൾ ഉന്നയിച്ചു സംസ്ഥാന സർക്കാരിനു നിവേദനങ്ങൾ സമർപ്പിച്ചെങ്കിലും അനുകൂല നടപടിയുണ്ടാവാത്തതിനെ തുടർന്നു സംസ്ഥാന കമ്മിറ്റിയുടെ നേതൃത്വത്തിൽ കഴിഞ്ഞ 18നു സെക്രട്ടേറിയറ്റ് മാർച്ച് നടത്തിയിരുന്നു. തുടർസമരത്തിന്‍റെ ഭാഗമായി ഇന്ന് രാവിലെ 10ന് ജില്ലാ കമ്മറ്റിയുടെ നേതൃത്വത്തിൽ നഗരസഭകളിലേക്കു മാർച്ച് സംഘടിപ്പിക്കും. കോട്ടയത്ത് നടക്കുന്ന മാർച്ച് മോൻസ് ജോസഫ് എംഎൽഎ ഉദ്ഘാടനം ചെയ്യും.