റേ​ഷ​ന്‍ക​ട​ക​ളി​ല്‍ അ​രി വൈ​കു​ന്നു; കിട്ടുന്നവ പു​ഴു​വ​രി​ച്ച​തും ക​ട്ട​കെ​ട്ടി​യ​തും
Wednesday, March 27, 2024 6:58 AM IST
ച​ങ്ങ​നാ​ശേ​രി: വാ​തി​ല്‍പ്പ​ടി​യി​ല്‍ സാ​ധ​ന​ങ്ങ​ള്‍ എ​ത്തി​ക്കു​ന്ന വാ​ഹ​ന​ങ്ങ​ളു​ടെ സ​മ​രം തീ​ര്‍ന്നി​ട്ടും റേ​ഷ​ന്‍ ക​ട​ക​ളി​ല്‍ റേ​ഷ​ന്‍ സാ​ധ​ന​ങ്ങ​ളെ​ത്താ​ന്‍ വൈ​കു​ന്ന​താ​യി പ​രാ​തി. ക​ഴി​ഞ്ഞ 16ന് ​സ​മ​രം തീ​ര്‍ന്ന് 19ന് ​എ​ന്‍എ​ഫ്എ​സ്എ ഗോ​ഡൗ​ണി​ല്‍നി​ന്നു വി​ത​ര​ണം ആ​രം​ഭി​ച്ചെ​ങ്കി​ലും ച​ങ്ങ​നാ​ശേ​രി താ​ലൂ​ക്കി​ലെ വി​വി​ധ ക​ട​ക​ളി​ല്‍ റേ​ഷ​ന്‍ സാ​ധ​ന​ങ്ങ​ള്‍ എ​ത്തു​ന്നി​ല്ലെ​ന്നാ​ണ് പ​രാ​തി ഉ​യ​ര്‍ന്നി​രി​ക്കു​ന്ന​ത്. ഇ​ത് വി​ത​ര​ണ​ത്തെ ബാ​ധി​ച്ച​താ​യാ​ണ് റേ​ഷ​ന്‍ വ്യാ​പാ​രി​ക​ളു​ടെ സം​ഘ​ട​ന​ക​ള്‍ ചൂ​ണ്ടി​ക്കാ​ട്ടു​ന്ന​ത്.

പെ​സ​ഹാ​വ്യാ​ഴം, ദുഃ​ഖ​വെ​ള്ളി ദി​ന​ങ്ങ​ള്‍ റേ​ഷ​ന്‍ ക​ട​ക​ള്‍ക്ക് അ​വ​ധി​യാ​യ​തി​നാ​ല്‍ ഈ ​മാ​സ​ത്തി​ലെ റേ​ഷ​ന്‍ വി​ത​ര​ണ​ത്തി​ന് ഇ​ന്നും ശ​നി​യാ​ഴ്ച​യും മാ​ത്ര​മാ​ണ് ദി​വ​സ​ങ്ങ​ളു​ള്ള​ത്. പ​ച്ച​രി​യും കു​ത്ത​രി​യും ക​ട​ക​ളി​ല്‍ എ​ത്തി​യി​ല്ലെ​ന്നാ​ണ് റേ​ഷ​ന്‍ വ്യാ​പാ​രി​ക​ള്‍ ചൂ​ണ്ടി​ക്കാ​ട്ടു​ന്ന​ത്. പ​ല റേ​ഷ​ന്‍ ക​ട​ക​ളി​ലും വി​ത​ര​ണ​ത്തി​ന് ആ​വ​ശ്യ​മാ​യ അ​രി ഇ​ല്ലെ​ന്നും പ​റ​യു​ന്നു.

ഓ​രോ മാ​സ​വും വി​ത​ര​ണം ചെ​യ്യു​ന്ന റേ​ഷ​ന്‍ സാ​ധ​ന​ങ്ങ​ള്‍ക്ക് ആ​നു​പാ​തി​ക​മാ​യാ​ണ് വ്യാ​പാ​രി​ക​ള്‍ക്ക് ക​മ്മീ​ഷ​ന്‍ അ​നു​വ​ദി​ക്കു​ന്ന​ത്. ജ​നു​വ​രി, ഫെ​ബ്രു​വ​രി മാ​സ​ങ്ങ​ളി​ലെ വി​ത​ര​ണ ക​മ്മീ​ഷ​ന്‍ ഇ​തു​വരെ​യും വ്യാ​പാ​രി​ക​ള്‍ക്ക് ല​ഭി​ച്ചി​ട്ടി​ല്ല.

പ​ച്ച​രി​യി​ലെ പു​ഴു​വും ക​ട്ട​യും; അ​ന്വേ​ഷ​ണം വേ​ണ​മെ​ന്ന ആ​വ​ശ്യം ശ​ക്ത​ം

വി​വി​ധ റേ​ഷ​ന്‍ ക​ട​ക​ളി​ല്‍ വി​ത​ര​ണം ചെ​യ്യു​ന്ന പ​ച്ച​രി ക​ട്ട​കെ​ട്ടി​യ​തും പു​ഴു​വ​രി​ക്കു​ന്ന​തു​മാ​ണെ​ന്ന പ​രാ​തി​യും ശ​ക്ത​മാ​ണ്. തെ​ങ്ങ​ണയി​ലെ ഗോ​ഡൗ​ണി​ല്‍നി​ന്ന് ഇ​ന്ന​ലെ വി​ത​ര​ണം ചെ​യ്ത പ​ച്ച​രി​ച്ചാ​ക്കു​ക​ളി​ല്‍ പു​ഴു​വും ക​ട്ട​യു​മു​ള്ള​താ​യി വ്യാ​പാ​രി​ക​ള്‍ പ​റ​ഞ്ഞു.

എ​ഫ്‌​സി​ഐ ഗോ​ഡൗ​ണി​ല്‍ ക്വാ​ളി​റ്റി ക​ണ്‍ട്രോ​ള​ര്‍ പ​രി​ശോ​ധി​ച്ച് ക​യ​റ്റി വി​ടു​ന്ന അ​രി എ​ന്‍എ​ഫ്എ​സ്എ ഗോ​ഡൗ​ണു​ക​ളി​ല്‍ എ​ത്തി​ച്ച് അ​വി​ടെ​നി​ന്നാ​ണ് വാ​ഹ​ന​ങ്ങ​ളി​ല്‍ ക​യ​റ്റി റേ​ഷ​ന്‍ ക​ട​ക​ളി​ല്‍ എ​ത്തി​ക്കു​ന്ന​ത്.

പു​ഴു​വ​രി​ച്ച് ഉ​പ​യോ​ഗ​പ്ര​ദ​മ​ല്ലാ​ത്ത അ​രി റേ​ഷ​ന്‍ ക​ട​ക​ളി​ല്‍ വി​ത​ര​ണ​ത്തി​ന് എ​ത്തു​ന്ന​തു സം​ബ​ന്ധി​ച്ച് വ​സ്തു​നി​ഷ്ഠ​മാ​യ അ​ന്വേ​ഷ​ണം വേ​ണ​മെ​ന്നാ​ണ് റേ​ഷ​ന്‍ വ്യാ​പാ​രി​ക​ളും ഒ​പ്പം കാ​ര്‍ഡ് ഉ​ട​മ​ക​ളും ആ​വ​ശ്യ​പ്പെ​ടു​ന്ന​ത്. റേ​ഷ​ന്‍ ക​ട​ക​ളി​ല്‍ വി​ത​ര​ണം ചെ​യ്യു​ന്ന പ​ച്ച​രി പു​ഴു​വ​രി​ച്ച നി​ല​യി​ലെ​ന്നു ക​ഴി​ഞ്ഞ​ദി​വ​സം ദീ​പി​ക റി​പ്പോ​ര്‍ട്ട് ചെ​യ്തി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ല്‍ വി​ത​ര​ണ യോ​ഗ്യ​മ​ല്ലാ​ത്ത അ​രി വി​ത​ര​ണം ചെ​യ്യ​രു​തെ​ന്നും തി​രി​ച്ചെ​ടു​ത്ത് പ​ക​രം ന​ല്‍കാ​ന്‍ നി​ര്‍ദേ​ശം ന​ല്‍കി​യി​ട്ടു​ണ്ടെ​ന്നും സി​വി​ല്‍ സ​പ്ലൈ​സ് അ​ധി​കൃ​ത​ര്‍ റേ​ഷ​ന്‍ വ്യാ​പാ​രി​ക​ള്‍ക്കും റേ​ഷ​നിം​ഗ് ഉ​ദ്യോ​ഗ​സ്ഥ​ര്‍ക്കും വാ​ട്സാ​പ്പി​ലൂ​ടെ നി​ര്‍ദേ​ശം ന്ൽകി​യി​ട്ടു​ണ്ട്.

ഈ ​മാ​സം വി​ത​ര​ണം ചെ​യ്യാ​നു​ള്ള അ​രി ക​ട​ക​ളി​ല്‍ സ്റ്റോ​ക്കു​ണ്ടെ​ന്നും റേ​ഷ​ന്‍ക​ട​കളി​ല്‍ സാ​ധ​ന​ങ്ങ​ള്‍ എ​ത്തി​ക്കു​ന്ന​തി​നു​ള്ള ന​ട​പ​ടി​ക​ള്‍ വേ​ഗ​ത്തി​ല്‍ ന​ട​ത്തി വ​രി​ക​യാ​ണെ​ന്നും സി​വി​ല്‍ സ​പ്ലൈ​സ് അ​ധി​കൃ​ത​ര്‍ പ​റ​ഞ്ഞു.

Copyright @ 2022 , Rashtra Deepika Ltd.