വൈക്കം: വൈക്കം നഗരസഭാപരിധിയിൽ കഴിഞ്ഞ രണ്ടാഴ്ചക്കാലമായി കുടിവെള്ളക്ഷാമം രൂക്ഷമായിട്ടും നടപടി സ്വീകരിക്കാത്ത ജലവിഭവ വകുപ്പ് അധികൃതരുടെ അനാസ്ഥയ്ക്കെതിരേ ടൗൺ മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ വൈക്കം വാട്ടർ അഥോറിറ്റി ഓഫീസിലേക്ക് പ്രതിഷേധ മാർച്ചും ഉപരോധസമരവും നടത്തി.
വാട്ടർ അഥോറിറ്റി ഓഫീസിനു മുന്നിൽ പ്രതിഷേധക്കാരെ തടഞ്ഞ പോലീസും കോൺഗ്രസ് പ്രവർത്തകരും തമ്മിൽ ഉന്തും തള്ളുമുണ്ടായത് നേരിയ സംഘർഷത്തിന് ഇടയാക്കി.
ഡിസിസി ജനറൽ സെക്രട്ടറി അബ്ദുൽസലാം റാവുത്തർ പ്രതിഷേധ സമരം ഉദ്ഘാടനം ചെയ്തു. ടൗൺ മണ്ഡലം കോൺഗ്രസ് കമ്മിറ്റി പ്രസിഡന്റ് സോണി സണ്ണിയുടെ നേതൃത്വത്തിൽ വലിയ കവലയിൽനിന്നു വാട്ടർ അഥോറിറ്റി ഓഫീസിലേക്ക് നടത്തിയ മാർച്ചിൽ കെപിസിസി അംഗം മോഹൻ ഡി. ബാബു, ബ്ലോക്ക് കോൺഗ്രസ് പ്രസിഡന്റ് പി.ഡി. ഉണ്ണി, ജയ് ജോൺ, ബ്ലോക്ക് ജനറൽ സെക്രട്ടറി ഇടവട്ടം ജയകുമാർ, പി. ടി. സുഭാഷ്, ഡി. ബാബുരാജ്, ബി. ചന്ദ്രശേഖരൻനായർ, ജോർജ് വർഗീസ്, പി. ഡി. പ്രസാദ്, എം.ടി. അനിൽകുമാർ തുടങ്ങിയവർ പ്രസംഗിച്ചു.
വൈക്കം: വൈക്കം നിയോജകമണ്ഡലത്തിന്റെ വിവിധ പ്രദേശങ്ങളില് കുടിവെള്ളക്ഷാമം രൂക്ഷമായതോടെ വിഷയത്തില് ഉദ്യോഗസ്ഥര് കാട്ടുന്ന അനാസ്ഥ അവസാനിപ്പിക്കണമെന്ന് ആവശ്യപ്പെട്ട് മണ്ഡലത്തിലെ ഇടതുപക്ഷ ജനപ്രതിനിധികളുടെ നേതൃത്വത്തില് വൈക്കം വാട്ടര് അഥോറിട്ടിക്ക് മുന്നിൽ സമരം നടത്തി.
കുടിവെള്ളക്ഷാമം പരിഹരിക്കുന്നതിന് സര്ക്കാര് തലത്തില് ആവശ്യമായ നിര്ദേശങ്ങള് നല്കിയിരുന്നുവെങ്കിലും വൈക്കം വാട്ടര് അഥോറിട്ടിയിലെ ചില ഉദ്യോഗസ്ഥരുടെ അനാസ്ഥയാണ് കുടിവെള്ളക്ഷാമം രൂക്ഷമാകുന്നതിന് ഇടയാക്കിയതെന്ന് എല്ഡിഎഫ് ജനപ്രതിനിധികള് കുറ്റപ്പെടുത്തി. വൈക്കം വാട്ടര് അഥോറിട്ടിക്ക് മുന്നില് നടന്ന സമരം വൈക്കം ബ്ലോക്ക് പഞ്ചായത്ത് പ്രസിഡന്റ് അഡ്വ.കെ.കെ. രഞ്ജിത്ത് ഉദ്ഘാടനം ചെയ്തു. ജില്ലാ പഞ്ചായത്ത് അംഗം പി.എസ്. പുഷ്പണി അധ്യക്ഷത വഹിച്ചു.
പഞ്ചായത്ത് പ്രസിഡന്റുമാരായ പി.കെ. ആനന്ദവല്ലി, ശ്രീജി ഷാജി, പി. പ്രീതി, എന്. ഷാജിമോള്, സുകന്യ സുകുമാരന്, ബ്ലോക്ക് പഞ്ചായത്തംഗം കെ.എസ്. ഗോപിനാഥന്, എം.ഡി. ബാബുരാജ്, സാബു പി. മണലൊടി, ടി.ടി . സെബാസ്റ്റ്യന്, ഏബ്രഹാം പഴയകടവന് എന്നിവര് പ്രസംഗിച്ചു. കുടിവെള്ളക്ഷാമം പരിഹരിക്കാന് അടിയന്തര ഇടപെടല് ഉണ്ടാകുമെന്ന് ജനപ്രതിനിധികളുമായുള്ള ചര്ച്ചയില് വാട്ടര് അഥോറിട്ടി ഉദ്യോഗസ്ഥര് ഉറപ്പുനല്കിയതിനെ തുടര്ന്ന് സമരം അവസാനിപ്പിച്ചു.
തുടര്നടപടികളുടെ ഭാഗമായി കുടിവെള്ളക്ഷാമം രൂക്ഷമായ വൈക്കം മണ്ഡലത്തിലെ വിവിധ പ്രദേശങ്ങളില് ജലലഭ്യത ഉറപ്പാക്കുന്നതിന് കണ്ട്രോള് റൂം ഉടന് പ്രവര്ത്തനമാരംഭിക്കും. വൈദ്യുതി തടസം മൂലം പമ്പിംഗ് മുടങ്ങുന്നത് ജലലഭ്യത ഉറപ്പാക്കുന്നതിന് വലിയ പ്രതിസന്ധി സൃഷ്ടിക്കുന്നുണ്ട്.
അതുകൊണ്ടുതന്നെ ഇലക്ട്രിസിറ്റി ബോര്ഡും വാട്ടര് അഥോറിട്ടിയും തമ്മില് കൃത്യമായ ഏകോപനം ഉണ്ടാക്കുന്നതിനും വൈദ്യുത തടസം ഉണ്ടാകുന്നത് മുന്കൂട്ടി വാട്ടര് അഥോറിട്ടിയിലെ ബന്ധപ്പെട്ടവരെ അറിയിച്ച് പ്രധാന ജലവിതരണ പൈപ്പുകളിലെ വെള്ളം തിരികെ ഇറങ്ങാതെ ബ്ലോക്ക് ചെയ്യുന്നതിനു നടപടി സ്വീകരിക്കും. ഈ പ്രവര്ത്തനങ്ങള് ഡെപ്യൂട്ടി സൂപ്രണ്ടിംഗ് എൻജിനിയറുടെ ചുമതലയില് ഏകോപിപ്പിക്കും.
കുടിവെള്ളം എത്തിച്ചേരാത്ത പ്രദേശങ്ങളിലേക്ക് അത്യാവശ്യഘട്ടങ്ങളില് ടാങ്കറുകളില് എത്തിക്കാനും ക്രമീകരണങ്ങള് ഏര്പ്പെടുത്തി. പ്രവൃത്തികള് വിലയിരുത്തുന്നതിന് ഏപ്രില് ആറിന് വീണ്ടും യോഗം ചേരാനും തീരുമാനമായി.
വൈക്കം വാട്ടര് അഥോറിട്ടി അസിസ്റ്റന്റ് എക്സിക്യുട്ടീവ് എൻജിനിയറുടെ കാര്യാലയത്തില് ചേര്ന്ന യോഗത്തില് സി.കെ. ആശ എംഎല്എ, ത്രിതല പഞ്ചായത്ത് ജനപ്രതിനിധികള്, വാട്ടര് അതോറിട്ടി ചീഫ് എൻജിനീയര്, ഡെപ്യൂട്ടി സൂപ്രണ്ടിംഗ് എൻജിനീയര്, എല് ഡി എഫ് നേതാക്കള് എന്നിവര് പങ്കെടുത്തു.