സെ​ഞ്ചു​റി നേ​ട്ട​ത്തി​ൽ വി​ത്തുചേന
Thursday, March 28, 2024 11:47 PM IST
തൊ​ടു​പു​ഴ: ഇ​ത്ത​വ​ണ ചേ​ന ന​ട​ണ​മെ​ങ്കി​ൽ കാ​ശ് കൂ​ടു​ത​ൽ മു​ട​ക്കേ​ണ്ടി​വ​രും. മു​ന്പെ​ങ്ങു​മി​ല്ലാ​ത്ത വി​ല​യാ​ണ് ഇ​ത്ത​വ​ണ വിത്തു ചേനയ്ക്ക്. കി​ലോ​യ്ക്ക് 20 രൂ​പ​മു​ത​ൽ 30 രൂ​പവ​രെ വി​ല​യു​ണ്ടാ​യി​രു​ന്ന വിത്തുചേനയ്ക്കാ ണ് ഇ​ത്ത​വ​ണ വി​ല 100 രൂ​പ​യി​ലേ​ക്ക് എ​ത്തി​യ​ത്.

തൊ​ടു​പു​ഴ കാ​ഡ്സി​ൽ 100 രൂ​പ​യ്ക്കാ​ണ് വി​ത്തുചേന വി​റ്റ​ഴി​ക്കു​ന്ന​ത്. കൂ​ത്താ​ട്ടു​കു​ളം മാ​ർ​ക്ക​റ്റി​ൽ 115 രൂ​പ​യ്ക്കുവ​രെ ക​ച്ച​വ​ടം ന​ട​ന്നു. സീ​സ​ണി​ൽ ഭേ​ദ​പ്പെ​ട്ട വി​ല ല​ഭി​ച്ച​തി​നാ​ൽ ക​ർ​ഷ​ക​ർ വി​ത്തി​ന് ക​രു​തി​വ​യ്ക്കാ​തെ വി​ൽ​പ്പ​ന ന​ട​ത്തി​യ​താ​ണ് വി​ത്തി​ന് ഡി​മാ​ന്‍ഡ് വ​ർ​ധി​ക്കാ​ൻ പ്ര​ധാ​ന​കാ​ര​ണം. ഉ​ത്പാ​ദ​ന​ത്തി​ലു​ണ്ടാ​യ ഇ​ടി​വും വി​ല ഉ​യ​രാ​ൻ മ​റ്റൊ​രു കാ​ര​ണ​മാ​യി. തൊ​ഴി​ലാ​ളി​ക​ളു​ടെ വേ​ത​ന​ത്തി​ലു​ണ്ടാ​യ വ​ർ​ധ​ന​യും കാ​ലാ​വ​സ്ഥ വ്യ​തി​യാ​ന​വു​മെ​ല്ലാം ചേ​നകൃ​ഷി​യെ സാ​ര​മാ​യി ബാ​ധി​ച്ചു.

നേ​ര​ത്തേ ക​ർ​ഷ​ക​കു​ടും​ബ​ങ്ങ​ളി​ലെ​ല്ലാം പ​ത്തു​മൂ​ട് ചേ​ന​യെ​ങ്കി​ലും ന​ടു​മാ​യി​രു​ന്നു. എ​ന്നാ​ൽ ഇ​ന്നു സ്ഥി​തി​യാ​കെ മാ​റി. യു​വ​തീ-​യു​വാ​ക്ക​ൻ​മാ​ർ വി​ദേ​ശ​രാ​ജ്യ​ങ്ങ​ളി​ലേ​ക്ക് കു​ടി​യേ​റി​യ​തോ​ടെ ചേ​ന ന​ടീ​ൽ കു​റ​ഞ്ഞു. ചേ​ന പാ​കം ചെ​യ്ത് ക​ഴി​ക്കു​ന്ന​തി​നും പു​തു​ത​ല​മു​റ​യ്ക്ക് താ​ത്പ​ര്യ​മി​ല്ലാ​ത​ായ​തോ​ടെ കൃ​ഷി​യും അ​ന്യം​നി​ന്നു​പോ​കു​ന്ന സ്ഥി​തി​യാ​ണ്.

ഇ​ത്ത​വ​ണ വേ​ന​ൽ​മ​ഴ പ​ല​യി​ട​ത്തും ല​ഭി​ക്കാ​ത്ത​തി​നാ​ൽ ത​ന്നാ​ണ്ടു​വി​ള​ക​ൾ കൃ​ഷി​യി​റ​ക്കു​ന്ന​തും വൈ​കു​ക​യാ​ണ്. മ​ഴ​പെ​യ്താ​ൽ ചേ​ന, ചേ​ന്പ്, ചെ​റു​കി​ഴ​ങ്ങ്, ഇ​ഞ്ചി, മ​ഞ്ഞ​ൾ എ​ന്നി​വ​യു​ടെ വി​ത്തു​ക​ൾ​ക്ക് വി​പ​ണി​യി​ൽ ഡി​മാ​ന്‍ഡ് വ​ർ​ധി​ക്കാ​ൻ സാ​ധ്യ​ത​യേ​റെ​യാ​ണ്.

അ​തി​നാ​ൽ നേ​ര​ത്തേ വാ​ങ്ങി സൂ​ക്ഷി​ക്കു​ന്ന​വ​രു​മു​ണ്ട്. മു​ന്പെ​ങ്ങു​മി​ല്ലാ​ത്ത വി​ധ​ത്തി​ൽ വിത്തുചേനയ്ക്ക് വി​ല വ​ർ​ധി​ച്ചെ​ങ്കി​ലും ക​ർ​ഷ​ക​ർ​ക്കു പ്ര​യോ​ജ​ന​പ്പെ​ടാ​ത്ത സ്ഥി​തി​യാ​ണ്.

Copyright @ 2022 , Rashtra Deepika Ltd.