ചിറ്റൂർ : ചിറ്റൂർ ഗവ കോളജ് ചിറ്റൂരിന്‍റെ പ്ലാറ്റിനം ജൂബിലി ആഘോഷത്തോടനുബന്ധിച്ചു നടന്ന എക്സിബിഷൻ ’ചക്ര 75’ ശ്രദ്ധേയമായി. വിദ്യാഭ്യാസ, സാംസ്ക്കാരിക, വൈജ്ഞാനിക, വിനോദ പരിപാടികൾകൊണ്ട് നിറഞ്ഞ ആദ്യ ദിവസത്തെ എക്സിബിഷൻ കാണാൻ ബഹുജനം കോളജിലേക്ക് നിറഞ്ഞൊഴുകി.
പ്ലാറ്റിനം ജൂബിലി എക്സിബിഷൻ ഉന്നത വിദ്യാഭ്യാസ വകുപ്പുമന്ത്രി ഡോ.ആർ. ബിന്ദു ഉദ്ഘാടനം നിർവഹിച്ചു.
വൈദ്യുതി മന്ത്രി കെ.കൃഷ്ണൻകുട്ടി അധ്യക്ഷനായ ചടങ്ങിൽ നഗരസഭ ചെയർപേഴ്സണ്‍ കെ.എൽ. കവിത, ഉന്നത വിദ്യാഭ്യാസ വകുപ്പ് അഡീഷണൽ ഡയറക്ടർ ഡോ.എം. ജ്യോതിരാജ്, വാർഡ് കൗണ്‍സിലർ എം.മുകേഷ്, കോളജ് പ്രിൻസിപ്പാൾ ഡോ.വി.കെ. അനുരാധ, വൈസ് പ്രിൻസിപ്പാൾ ഡോ.കെ. ബേബി, പിടിഎ ഭാരവാഹി എ.ഹരിദാസ്, കോളജ് യൂണിയൻ ഭാരവാഹി യു.കൃഷ്ണാഞ്ജലി, അധ്യാപകരായ ഡോ.ടി. റെജി, ഡോ.പി. മുരുഗൻ, ഡോ.മനുചക്രവർത്തി, പൂർവ അധ്യാപകരായ ഡോ.പി.പ്രഭാകരൻ, ജയദേവ് കരിന്പത്ത്, ഓഫീസ് സൂപ്രണ്ട് സി.മണികണ്ഠൻ, പ്രോഗ്രാം കോഓർഡിനേറ്റർ കെ.എ. സുരേഷ്കുമാർ എന്നിവർ സംസാരിച്ചു.