തി​രു​വ​ന​ന്ത​പു​രം: ക​ണ്ണൂ​ർ ജി​ല്ലാ പ​ഞ്ചാ​യ​ത്ത് മു​ൻ പ്ര​സി​ഡ​ന്‍റും സി​പി​എം നേ​താ​വു​മാ​യി​രു​ന്ന പി.​പി. ദി​വ്യ​യു​ടെ ബി​നാ​മി ക​ന്പ​നി​ക്കു ക​രാ​റു​ക​ൾ ന​ൽ​കി​യ​തി​നെ​ക്കു​റി​ച്ച് വി​ജി​ല​ൻ​സ് അ​ന്വേ​ഷ​ണ​ത്തി​ന് ഉ​ത്ത​ര​വി​ട്ട​തി​നു പി​ന്നാ​ലെ വി​ജി​ല​ൻ​സ് ഡ​യ​റ​ക്ട​റാ​യി​രു​ന്ന യോ​ഗേ​ഷ് ഗു​പ്ത​യെ മാറ്റി. അ​ഴി​മ​തി​ക്കാ​ർ​ക്കെ​തി​രേ ക​ടു​ത്ത ന​ട​പ​ടി സ്വീ​ക​രി​ച്ച​തി​നു പിന്നാ​ലെ​യാ​ണ് മു​തി​ർ​ന്ന ഡി​ജി​പി​യാ​യ അ​ദ്ദേ​ഹ​ത്തെ ഫ​യ​ർ ആൻ​ഡ് റ​സ്ക്യു വി​ഭാ​ഗ​ത്തി​ലേ​ക്കു മാ​റ്റി​യ​ത്.

ഫ​യ​ർ ആ​ൻ​ഡ് റസ്ക്യു മേ​ധാ​വി​യാ​യി​രു​ന്ന മ​നോ​ജ് ഏ​ബ്ര​ഹാ​മി​നെ വി​ജി​ല​ൻ​സ് ഡ​യ​റ​ക്ട​റാ​യി മാ​റ്റി നി​യ​മി​ച്ചു.

ദി​വ്യ​യു​മാ​യി ബ​ന്ധ​പ്പെ​ട്ട പ്രാ​ഥ​മി​കാ​ന്വേഷ​ണ​ത്തി​ൽ ബി​നാ​മി ഇ​ട​പാ​ടി​ൽ കേ​സെ​ടു​ക്കാ​നും ദി​വ്യ​യു​ടെ​യും കു​ടും​ബ​ത്തി​ന്‍റെ​യും സ്വ​ത്തു​ക്ക​ളെ​ക്കു​റി​ച്ച് അ​ന്വേ​ഷി​ക്കാ​നും വി​ജി​ല​ൻ​സ് മേ​ധാ​വി നി​ർ​ദേ​ശി​ച്ചി​രു​ന്നു. ഇ​തി​നു പി​ന്നാ​ലെ​യാ​ണ് അ​ദ്ദേ​ഹ​ത്തെ മാ​റ്റി​യ​ത്.

കൈ​ക്കൂ​ലി​ക്കാ​ർ​ക്കെ​തി​രേ ക​ർ​ക്ക​ശ ന​ട​പ​ടി​ക​ളാ​ണ് വി​ജി​ല​ൻ​സ് സ്വീ​ക​രി​ച്ച​ത്. സ​ർ​വീ​സി​ൽ നി​ന്ന് പി​രി​ച്ചുവി​ട​ണ​മെ​ന്ന് വി​ജി​ല​ൻ​സ് ശി​പാ​ർ​ശ ചെ​യ്ത തി​രു​വ​ന​ന്ത​പു​ര​ത്തെ വ​നം ഉ​ദ്യോ​ഗ​സ്ഥ​നെ സ​സ്പെ​ൻ​ഷ​ൻ റ​ദ്ദാ​ക്കി തി​രി​ച്ചെ​ടു​ക്കു​ന്ന​തി​ൽ യോ​ഗേ​ഷ് രേ​ഖാ​മൂ​ലം എ​തി​ർ​പ്പ​റി​യി​ച്ചി​രു​ന്നു.


വ​നം​ മ​ന്ത്രി​യു​ടെ നി​ർ​ദേ​ശ​പ്ര​കാ​ര​മാ​ണ് ഉ​ദ്യോ​ഗ​സ്ഥ​നെ തി​രി​ച്ചെ​ടു​ക്കു​ന്ന​തെ​ന്ന് ഉ​ത്ത​ര​വി​ൽ അ​ഡീ​ഷ​ണ​ൽ ചീ​ഫ് സെ​ക്ര​ട്ട​റി​യാ​യി​രു​ന്ന കെ.​ആ​ർ. ജ്യോ​തി​ലാ​ൽ രേ​ഖ​പ്പെ​ടു​ത്തി​യി​രു​ന്നു. ഇ​തോ​ടെ ജ്യോ​തി​ലാ​ലി​നെ​യും വ​നം​വ​കു​പ്പി​ൽ​നി​ന്നു മാ​റ്റി​യി​രു​ന്നു.

തൃ​ശൂ​ർ പൂ​രം ക​ല​ക്കി​യ​തു​മാ​യി ബ​ന്ധ​പ്പെ​ട്ട ആ​രോ​പ​ണമു​യ​ർ​ന്ന എ​ഡി​ജി​പി എം.​ആ​ർ. അ​ജി​ത്കു​മാ​റി​നെ എ​ക്സൈ​സ് ക​മ്മീ​ഷ​ണ​റാ​ക്കി. നി​ല​വി​ൽ ബ​റ്റാ​ലി​യ​ൻ എ​ഡി​ജി​പി​യാ​ണ്.

എ​ക്സ് കേ​ഡ​ർ ത​സ്തി​ക സൃ​ഷ്ടി​ച്ചാ​ണ് നി​യ​മ​നം. ജ​യി​ൽ മേ​ധാ​വി ബ​ൽ​റാം​കു​മാ​ർ ഉ​പാ​ധ്യാ​യ​യെ പോ​ലീ​സ് അ​ക്കാ​ദ​മി ഡ​യ​റ​ക്ട​റാ​ക്കി. എ​ക്സൈ​സ് ക​മ്മീ​ഷ​ണ​റാ​യി​രു​ന്ന മ​ഹി​പാ​ൽ യാ​ദ​വി​നെ ക്രൈം​ബ്രാ​ഞ്ച് എ​ഡി​ജി​പി​യാ​ക്കി.

ഇ​ന്‍റ​ലി​ജ​ൻ​സ് ഐ​ജി ജി. ​സ്പ​ർ​ജ​ൻ​കു​മാ​റി​നെ തി​രു​വ​ന​ന്ത​പു​രം ക്രൈം​ബ്രാ​ഞ്ച് ഐ​ജി​യാ​ക്കി. കോ​ഴി​ക്കോ​ട് ക്രൈം​ബ്രാ​ഞ്ച് ഐ​ജി പി. ​പ്ര​കാ​ശി​നെ കോ​സ്റ്റ​ൽ പോ​ലീ​സ് ഐ​ജി​യാ​ക്കി.

പോ​ലീ​സ് അ​ക്കാ​ദ​മി ഐ​ജി കെ. ​സേ​തു​രാ​മ​നെ ജ​യി​ൽ ഐ​ജി​യാ​ക്കി. ജ​യി​ൽ മേ​ധാ​വി​യാ​യി ഡി​ജി​പി, എ​ഡി​ജി​പി ത​സ്തി​ക​യി​ലു​ള്ള​വ​രെ നി​യ​മി​ക്കേ​ണ്ട സ്ഥാ​ന​ത്ത് ഐ​ജി​യെ നി​യ​മി​ക്കു​ക​യാ​യി​രു​ന്നു. കൊ​ച്ചി ക്രൈം​ബ്രാ​ഞ്ച് ഐ​ജി എ. ​അ​ക്ബ​റി​നെ ആ​ഭ്യ​ന്ത​ര സു​ര​ക്ഷാ വി​ഭാ​ഗം ഐ​ജി​യാ​ക്കി.