Business News
രാ​ജ്യാ​ന്ത​ര റ​ബ​ർവി​ല​യി​ൽ തി​രി​ച്ചുവ​ര​വ്, ആ​ഭ്യ​ന്ത​ര വി​പ​ണി പ്ര​തീ​ക്ഷ​യി​ൽ
രാ​ജ്യാ​ന്ത​ര റ​ബ​ർവി​ല​യി​ൽ തി​രി​ച്ചുവ​ര​വ്, ആ​ഭ്യ​ന്ത​ര വി​പ​ണി പ്ര​തീ​ക്ഷ​യി​ൽ
Monday, August 2, 2021 12:32 AM IST
വിപണി വിശേഷം / കെ.ബി. ഉദയഭാനു

കാ​ല​വ​ർ​ഷം ആ​ദ്യ പ​കു​തി പി​ന്നി​ട്ടു, മ​ഴ ഇ​രു​പ​ത്തിയെ​ട്ടു ശ​ത​മാ​നം കു​റ​ഞ്ഞു. രാ​ജ്യാ​ന്ത​ര റ​ബ​ർ വി​ല​യി​ൽ തി​രി​ച്ചുവ​ര​വ്, ആ​ഭ്യ​ന്ത​ര വി​പ​ണി പ്ര​തീ​ക്ഷ​യി​ൽ. വെ​ളി​ച്ചെ​ണ്ണ വി​ല​യും വി​ൽ​പ്പ​ന​യും ഉ​യ​രു​മെ​ന്ന നി​ഗ​മ​ന​ത്തി​ൽ മി​ല്ലു​കാ​ർ. കു​രു​മു​ള​ക് വി​പ​ണി​യി​ലെ സാ​ങ്കേ​തി​ക തി​രു​ത്ത​ൽ തു​ട​രു​ന്നു. സ്വ​ർ​ണ വി​ല ചാ​ഞ്ചാ​ടി.

സം​സ്ഥാ​ന​ത്ത് ഇ​ക്കു​റി മ​ഴ​യു​ടെ അ​ള​വ് ചു​രു​ങ്ങി. ജൂ​ണ്‍​-ജൂ​ലൈ കാ​ല​യ​ള​വി​ൽ കേ​ര​ള​ത്തി​ൽ മ​ഴ പ​തി​വി​ലും 28 ശ​ത​മാ​നം കു​റ​ഞ്ഞു. പ​ല ജി​ല്ല​ക​ളി​ലും പ്ര​തീ​ക്ഷി​ച്ച​തോ​തി​ൽ മ​ഴ ല​ഭി​ച്ചി​ല്ല​ങ്കി​ലും മ​ധ്യകേ​ര​ള​ത്തി​ൽ പ​തി​വ് മ​ഴ ല​ഭ്യ​മാ​യി. ര​ണ്ട് മാ​സ​ങ്ങ​ളി​ൽ 1363 മി​ല്ലി​മീ​റ്റ​ർ മ​ഴ ല​ഭി​ക്കേ​ണ്ട സ്ഥാ​ന​ത്ത് ല​ഭ്യ​മാ​യ​ത് 986 മി​ല്ലി​മീ​റ്റ​ർ മാ​ത്ര​മാ​ണ്. കാ​ല​വ​ർ​ഷം അ​ൽ​പ്പം ദു​ർ​ബ​ല​മാ​യ​ത് ന​മ്മു​ടെ കൃ​ഷി​യെ ചെ​റി​യ അ​ള​വി​ൽ ബാ​ധി​ച്ചെ​ങ്കി​ലും വ​രും ആ​ഴ്ചക​ളി​ൽ കാ​ല​വ​ർ​ഷം സ​ജീ​വ​മാ​കു​മെ​ന്ന പ്ര​തീ​ക്ഷ​യി​ലാ​ണ് കാ​ർ​ഷി​ക മേ​ഖ​ല.

തെ​ളി​ഞ്ഞ കാ​ലാ​വ​സ്ഥ മു​ൻ നി​ർ​ത്തി റ​ബ​ർ ടാ​പ്പി​ംഗി​ൽ കൂ​ടു​ത​ൽ ശ്ര​ദ്ധ​ചെ​ലു​ത്താ​നു​ള്ള നീ​ക്ക​ത്തി​ലാ​ണ് ഉ​ത്പാ​ദ​ക​ർ. ഇ​തി​നി​ട​യി​ൽ രാ​ജ്യാ​ന്ത​ര മാ​ർ​ക്ക​റ്റി​ൽ നി​ന്നും അ​നു​കൂ​ല വാ​ർ​ത്ത​ക​ൾ പു​റ​ത്തു​വ​ന്നാ​ൽ അ​ത് നേ​ട്ട​മാ​ക്കാ​ൻ ആ​ഭ്യ​ന്ത​ര വി​പ​ണി ശ്ര​മി​ക്കാം. വെ​ട്ട് ചെ​റി​യ​തോ​തി​ൽ പു​ന​രാ​രം​ഭി​ക്കു​ന്ന​തി​ന് അ​നു​സൃ​ത​മാ​യി സ്റ്റോ​ക്കി​സ്റ്റു​ക​ൾ ഷീ​റ്റു​മാ​യി വി​പ​ണി​യി​ലേ​ക്കു തി​രി​യും. ഓ​ണാ​വ​ശ്യ​ങ്ങ​ൾ മു​ന്നി​ൽക്ക​ണ്ട് ചെ​റു​കി​ട ക​ർ​ഷ​ക​രും അ​ടു​ത്ത ര​ണ്ടാ​ഴ്ച​ക​ളി​ൽ ച​ര​ക്ക് വി​ൽ​പ്പ​ന​യ്ക്ക് ഉ​ത്സാ​ഹി​ക്കും.

ട​യ​ർ നി​ർ​മാ​താ​ക്ക​ൾ വി​ദേ​ശ​ത്തെ ഉ​ണ​ർ​വ് ക​ണ്ട് ക്വ​ട്ടേ​ഷ​ൻ നി​ര​ക്ക് ഉ​യ​ർ​ത്താ​ൻ ത​യ്യാ​റാ​യി. ആ​ർഎ​സ്എ​സ് നാ​ലാം ഗ്രേ​ഡ് 16,950ൽനി​ന്ന് വാ​രാ​വ​സാ​നം 17,100ലേ​ക്ക് ക​യ​റി. അ​ഞ്ചാം ഗ്രേ​ഡ് നൂ​റ് രു​പ​യു​ടെ മി​ക​വു​മാ​യി 16,500-16,900 രൂ​പ​യാ​യി. ഒ​ട്ടു​പാ​ൽ 11,800ലും ​ലാ​റ്റ​ക്സ് 12,000 രൂ​പ​യി​ലും വ്യാ​പാ​രം ന​ട​ന്നു. ബാ​ങ്കോ​ക്കി​ൽ റ​ബ​ർ 2021ലെ ​ഏ​റ്റ​വും താ​ഴ്ന്ന വി​ല​യാ​യ 13,175 രൂ​പ​യി​ൽനി​ന്ന് 13,623 ലേ​ക്ക് ഉ​യ​ർ​ന്നു.

ആ​ഭ്യ​ന്ത​ര റ​ബ​ർ അ​വ​ധി വി​ല 17,405ൽനി​ന്ന് ക​ഴി​ഞ്ഞ വാ​രം സൂ​ചി​പ്പി​ച്ച 17,900 രൂ​പ​യി​ലെ പ്ര​തി​രോ​ധ​ത്തി​ലേ​ക്ക് ഉ​യ​ർ​ന്ന ശേ​ഷം വാ​രാ​ന്ത്യം 17,300 ലാ​ണ്.

ഓ​ണം അ​ടു​ത്ത സാ​ഹ​ച​ര്യ​ത്തി​ൽ വെ​ളി​ച്ചെ​ണ്ണ വി​ല​യും വി​ൽ​പ്പ​ന​യും ഉ​യ​രു​മെ​ന്ന പ്ര​തീ​ക്ഷ​യി​ലാ​ണ് മി​ല്ലു​കാ​ർ. ഉ​ത്സ​വ വേ​ള​യി​ൽ വെ​ളി​ച്ചെ​ണ്ണ വി​ല ക​ത്തിക്കയ​റു​മെ​ന്ന ക​ണ​ക്കുകൂ​ട്ട​ലി​ലാ​ണ് ഒ​രു വി​ഭാ​ഗം മി​ല്ലു​കാ​ർ. കൊ​പ്ര ഉ​ത്പാ​ദ​ന​ത്തി​ലെ കു​റ​വ് ഇ​തി​ന് ഇ​ട​യാ​ക്കു​മെ​ന്നാ​ണ് വി​ല​യി​രു​ത്ത​ൽ. അ​തേസ​മ​യം, കോ​വി​ഡ് പ്ര​തി​സ​ന്ധി​ക​ൾ മൂ​ലം സാ​ന്പ​ത്തി​ക രം​ഗ​ത്തെ മ​ര​വി​പ്പ് വി​ല​യി​രു​ത്തി​യാ​ൽ നി​ര​ക്ക് അ​മി​ത​മാ​യി ക​യ​റി​യാ​ൽ വി​ൽ​പ്പ​നത്തോ​ത് ഇ​ടി​യും. അ​യ​ൽസം​സ്ഥാ​ന​ങ്ങ​ളി​ലെ വ​ൻ​കി​ട മി​ല്ലു​കാ​ർ വെ​ളി​ച്ചെ​ണ്ണ​യു​ടെ വ​ൻ ശേ​ഖ​ര​വു​മാ​യി ഓ​ണ വി​ൽ​പ്പ​ന​യെ വ​ര​വേ​ൽ​ക്കാ​ൻ ഒ​രു​ങ്ങു​ക​യാ​ണ്.


കൊ​ച്ചി​യി​ൽ എ​ണ്ണ വി​ല 16,600ൽ ​ര​ണ്ടാ​ഴ്ച വ്യാ​പാ​രം ന​ട​ന്ന ശേ​ഷം പോ​യ​വാ​രം നി​ര​ക്ക് 16,800ലേ​ക്ക് ക​യ​റി. കൊ​പ്ര 10,400ൽ​നി​ന്ന് 10,600 രൂ​പ​യാ​യി. കാ​ങ്ക​യ​ത്ത് കൊ​പ്ര വി​ല 10,400ലാ​ണ്. അ​വി​ടെ ശ​നി​യാ​ഴ്ച വെ​ളി​ച്ചെ​ണ്ണ വി​ല 15,500ൽനി​ന്ന് 15,175 ലേ​ക്ക് ഇ​ടി​ഞ്ഞ​ത് ക​ണ​ക്കി​ലെ​ടു​ത്താ​ൽ ക​ന​ത്ത വി​ൽ​പ്പ​ന സ​മ്മ​ർ​ദം മി​ല്ലു​കാ​ർക്കി​ട​യി​ൽ ഉ​ട​ലെ​ടു​ത്തതാ​യി വേ​ണം അ​നു​മാ​നി​ക്കാ​ൻ.

കു​രു​മു​ള​ക് വി​പ​ണി​യി​ലെ സാ​ങ്കേ​തി​ക തി​രു​ത്ത​ൽ തു​ട​രു​ന്നു. ആ​ഭ്യ​ന്ത​ര വ്യാ​പാ​രി​ക​ൾ ച​ര​ക്ക് സം​ഭ​രി​ക്കു​ന്നു​ണ്ട​ങ്കി​ലും നി​ര​ക്ക് താ​ഴ്ത്തി​യാ​ണ് പ​ല അ​വ​സ​ര​ത്തി​ലും അ​വ​ർ മു​ള​ക് എ​ടു​ത്ത​ത്. വാ​ര​ത്തി​ന്‍റെ തു​ട​ക്ക​ത്തി​ൽ കി​ലോ 419 രൂ​പ​യി​ൽ നീ​ങ്ങി​യ ഗാ​ർ​ബി​ൾ​ഡ് മു​ള​കി​ന് വാ​രാ​ന്ത്യം 415ലാ​ണ്. കൊ​ച്ചി​യി​ൽ അ​ണ്‍ഗാ​ർ​ബി​ൾ​ഡ് കു​രു​മു​ള​ക് വി​ല 395 രൂ​പ.

രാ​ജ്യാ​ന്ത​ര മാ​ർ​ക്ക​റ്റി​ൽ ഇ​ന്ത്യ​ൻ കു​രു​മു​ള​ക് വി​ല ട​ണ്ണി​ന് 5,620 ഡോ​ള​ർ. ഇ​ന്തോ​നേ​ഷ്യ 3,830 ഡോ​ള​റി​നും മ​ലേ​ഷ്യ 5,600 ഡോ​ള​റി​നും വി​യ​റ്റ്നാം 3,900 ഡോ​ള​റി​നും ബ്ര​സീ​ൽ 3,950 ഡോ​ള​റി​നും ശ്രീ​ല​ങ്ക 3,800 ഡോ​ള​റി​നും ക്വ​ട്ടേ​ഷ​ൻ ഇ​റ​ക്കി.

കാ​ർ​ഷി​ക മേ​ഖ​ല​ക​ളി​ലെ ചെ​റു​കി​ട വി​പ​ണി​ക​ളി​ൽ ജാ​തി​ക്ക വി​ല​യി​ൽ നേ​രി​യ കു​റ​വ് ദൃ​ശ്യ​മാ​യി. വ​ര​വ് ഉ​യ​ർ​ന്ന​തും ഡി​മാ​ൻഡ് കു​റ​ഞ്ഞ​തും വി​ല​യെ ബാ​ധി​ച്ചു. കാ​ല​ടി വി​പ​ണി​യി​ൽ ജാ​തി​ക്ക തൊ​ണ്ട​ൻ കി​ലോ 280, തൊ​ണ്ടി​ല്ല​ത്ത​ത് 550, ജാ​തി​പ​ത്രി 1200-1300, ജാ​തി ഫ്ല​വ​ർ 1550-1700 രൂ​പ​യി​ലു​മാ​ണ്. അ​തേസ​മ​യം, കൊ​ച്ചി​യി​ൽ ഉ​ത്പ​ന്ന വി​ല​യി​ൽ മാ​റ്റ​മി​ല്ല.

കേ​ര​ള​ത്തി​ൽ സ്വ​ർ​ണ വി​ല ഉ​യ​ർ​ന്നു. പ​വ​ൻ 35,760 രൂ​പ​യി​ൽനി​ന്ന് 36,200 ലേ​ക്കു ക​യ​റി​യശേ​ഷം ശ​നി​യാ​ഴ്്ച 36,000 രൂ​പ​യി​ലാ​ണ്. ഗ്രാ​മി​ന് വി​ല 4,500 രൂ​പ. ന്യൂയോ​ർ​ക്കി​ൽ ട്രോ​യ് ഒൗ​ണ്‍​സി​ന് 1801 ഡോ​ള​റി​ൽനി​ന്ന് 1832 വ​രെ ഉ​യ​ർ​ന്ന ശേ​ഷം ക്ലോ​സിംഗി ൽ 1814 ഡോ​ള​റി​ലാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.