പോലീസ് മർദനത്തിൽ നിയമസഭ പ്രക്ഷുബ്ധം; സ്പീക്കർ ഇറങ്ങിപ്പോയി |

Click here for detailed news of all items

പോലീസ് മർദനത്തിൽ നിയമസഭ പ്രക്ഷുബ്ധം; സ്പീക്കർ ഇറങ്ങിപ്പോയി

Wednesday, November 20, 2019 12:47 PM IST

തിരുവനന്തപുരം: കെഎസ്‌യു പ്രവർത്തകർക്കും ഷാഫി പറന്പിൽ എംഎൽഎയ്ക്കുമെതിരായ പോലീസ് നടപടിയിൽ നിയമസഭ സ്തംഭിച്ചു. പ്രതിപക്ഷ അംഗങ്ങൾ സ്പീക്കറുടെ ഡയസിൽ കയറി മുദ്രാവാക്യം മുഴക്കി. റോജി എം. ജോൺ, എൽദോസ് കുന്നപ്പള്ളി, ഐ.സി. ബാലകൃഷ്ണൻ, അൻവർ സാദത്ത് എന്നിവരാണ് ഡയസിൽ കയറിയത്. ഇതേതുടർന്ന് സഭ നിർത്തിവച്ച് സ്പീക്കർ ഡയസിൽനിന്നും ഇറങ്ങിപ്പോയി.

കെഎസ്‍യു മാര്‍ച്ചിന് നേരെയുണ്ടായ പോലീസ് മര്‍ദനത്തില്‍ വി.ടി. ബല്‍റാമാണ് അടിയന്തരപ്രമേയത്തിന് നോട്ടീസ് നൽകിയത്. പോലീസിലെ സിപിഎം അനുകൂലികളാണ് ആക്രമണത്തിന് നേതൃത്വം നല്‍കിയതെന്ന് ബൽറാം ആരോപിച്ചു. എംഎൽഎയ്ക്കു മർദനമേറ്റത് ദൗര്‍ഭാഗ്യകരമായ സംഭവമാണെന്നും പോലീസ് നിയമപരമായ നടപടികളാണ് സ്വീകരിച്ചതെന്നും മന്ത്രി ഇ.പി. ജയരാജൻ മറുപടി നൽകി. സംഭവം അന്വേഷിക്കാന്‍ ആഭ്യന്തര അഡീഷണല്‍ ചീഫ് സെക്രട്ടറിക്ക് നിര്‍ദ്ദേശം നല്‍കിയതായും മന്ത്രി അറിയിച്ചു.

ബാനറുകളും പ്ലക്കാർഡുകളുമായാണ് പ്രതിപക്ഷാംഗങ്ങൾ സഭയിലെത്തിയത്. പ്രതിപക്ഷ അംഗങ്ങൾ ഷാഫിയുടെ രക്തംപുരണ്ട വസ്ത്രം സഭയിൽ ഉയർത്തിക്കാട്ടി. ചോദ്യോത്തരവേള നിർത്തി വർച്ച് വിഷയം ചർച്ച ചെയ്യണമെന്ന് പ്രതിപക്ഷ നേതാവ് രമേശ് ചെന്നിത്തലയും ആവശ്യപ്പെട്ടു. കേരള സർവകലാശാല മാർക്ക് ദാനത്തിനെതിരെ കെഎസ് യു നിയമസഭയിലേക്ക് നടത്തിയ മാർച്ചിലുണ്ടായ സംഘർഷത്തിലാണു ഷാഫി പറന്പിൽ എംഎൽഎ, സംസ്ഥാന പ്രസിഡന്‍റ് കെ.എം. അഭിജിത്ത് ഉൾപ്പടെയുള്ളവർക്കു പരിക്കേറ്റത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.