പാറശാല: പാറശാല അയ്ങ്കാമം ഗവ. എല്‍പി സ്‌കൂളില്‍ പുതുതായി പണികഴിപ്പിച്ച മന്ദിരം സി.കെ. ഹരീന്ദ്രന്‍ എംഎല്‍എ ഉദ്ഘാടനം ചെയ്തു. സ്‌കൂളില്‍ നിലവിലുള്ള പഴയ കെട്ടിടം പൊളിച്ചുമാറ്റി സമഗ്ര ശിക്ഷാ കേരളയുടെ ഫണ്ട് ഉപയോഗിച്ച് പുതിയ മന്ദിരം പണിയാനുള്ള കരാറില്‍ ഏര്‍പ്പെട്ടതായും വര്‍ണക്കൂടാരം പദ്ധതി നടപ്പിലാക്കാനുള്ള തീരുമാനമായതായും അദ്ദേഹം അറിയിച്ചു.
പൊതു വിദ്യാഭ്യാസ വകുപ്പിന്‍റെ 2024-25 വര്‍ഷത്തെ പദ്ധതി വിഹിതത്തില്‍നിന്ന് 50 ലക്ഷം രൂപ ചെലവഴിച്ചാണ് 2,335 ചതുരശ്ര അടി വിസ്തീര്‍ണമുള്ള ബഹുനില മന്ദിരം പണികഴിപ്പിച്ചത്. മൂന്നു ക്ലാസ് മുറികളും ഗോവണിയും അടങ്ങിയതാണ് പുതിയ മന്ദിരം.
പാറശാല പഞ്ചായത്ത് പ്രസിഡന്‍റ് എല്‍. മഞ്ജുസ്മിത അധ്യക്ഷതവഹിച്ചു. പിഡബ്ല്യൂഡി എഇ പ്രിമി റിപ്പോര്‍ട്ട് അവതരിപ്പിച്ചു. പാറശാല ബ്ലോക്ക് പഞ്ചായത്ത് പ്രസിഡന്‍റ് എസ്.കെ. ബെന്‍ഡാര്‍വിന്‍, പഞ്ചായത്ത് വൈസ് പ്രസിഡന്‍റ് ആര്‍. ബിജു, ബ്ലോക്ക് പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷ വിനിതകുമാരി, ഗ്രാമപഞ്ചായത്ത് ആരോഗ്യ വിദ്യാഭ്യാസകാര്യ സ്ഥിരംസമിതി അധ്യക്ഷ വീണ, പഞ്ചായത്ത് അംഗങ്ങളായ ഓമന, മഹിളകുമാരി, സുനില്‍, സെയ്ദാലി, അനിത, പ്രധാനാധ്യാപിക ഷെറീന, പിടിഎ പ്രസിഡന്‍റ് ലിജു, സുന്ദര്‍രാജ്, നളിനകുമാരന്‍, രാജന്‍, എഡ്വിന്‍ ജയരാജ്, അശോക് കുമാര്‍, മഞ്ജു അനി, പഞ്ചായത്ത് സെക്രട്ടറി പി. സിജു തുടങ്ങിയവര്‍ പ്രസംഗിച്ചു.