പൂ​ച്ചാ​ക്ക​ല്‍: പൈ​പ്പ് വ​ഴി പാ​ച​ക​വാ​ത​കം വീ​ടു​ക​ളി​ലെ​ത്തി​ക്കു​ന്ന സി​റ്റി ഗ്യാ​സ് പ​ദ്ധ​തി തൈ​ക്കാ​ട്ടു​ശേ​രി ബ്ലോ​ക്ക് പ​രി​ധി​യി​ല്‍ ഓ​ഗ​സ്റ്റി​ന് മു​ന്‍​പ് തു​ട​ങ്ങും. ചേ​ര്‍​ത്ത​ല താ​ലൂ​ക്കി​ലെ വി​വി​ധ പ്ര​ദേ​ശ​ങ്ങ​ളി​ല്‍ പൈ​പ്പ് സ്ഥാ​പി​ക്ക​ലും വീ​ടു​ക​ളി​ല്‍ ക​ണ​ക്ഷ​ന്‍ ന​ല്‍​കു​ക​യും ചെ​യ്തി​ട്ടു​ണ്ട്. ചേ​ര്‍​ത്ത​ല​യി​ലെ ചി​ല വാ​ര്‍​ഡു​ക​ളി​ല്‍ 96 ശ​ത​മാ​ന​ത്തോ​ളം വീ​ടു​ക​ളി​ല്‍ ക​ണ​ക‌്ഷ​ന്‍ എ​ടു​ത്തുക​ഴി​ഞ്ഞു. ഡി​സം​ബ​റി​നു​ള്ളി​ല്‍ 5000 ക​ണ​ക‌്ഷ​നു​ക​ള്‍ കൂ​ടി ന​ല്‍​കും.

ഇ​തി​നി​ട​യി​ല്‍ ഓ​ഗ​സ്റ്റി​ല്‍ പൂ​ച്ചാ​ക്ക​ലി​ല്‍ പൈ​പ്പ് എ​ത്തി​ക്കും. ചേ​ര്‍​ത്ത​ല​യി​ല്‍ ദേ​ശീ​യ​പാ​ത​യു​ടെ കി​ഴ​ക്ക് ഭാ​ഗ​ത്തും ക​ണ​ക‌്ഷ​നു​ക​ള്‍ ന​ല്‍​കി. തീ​ര​ദേ​ശ മേ​ഖ​ല​യി​ല്‍ വെ​ള്ള​ക്കെ​ട്ടാ​യ​തി​നാ​ലാ​ണ് പൈ​പ്പ് സ്ഥാ​പി​ക്കു​ന്ന​തി​നു​ള്ള കാ​ല​താ​മ​സം നേ​രി​ടു​ന്ന​ത്. പൈ​പ്പ് സ്ഥാ​പി​ക്കു​ന്ന​തു​മാ​യി ബ​ന്ധ​പ്പെ​ട്ട് തൈ​ക്കാ​ട്ടു​ശേ​രി ബ്ലോ​ക്ക് പ​രി​ധി​യി​ല്‍ സ​ര്‍​വേ ന​ട​ത്തി​യി​രു​ന്നു. സിം​ഗ​പ്പൂ​ര്‍ ക​മ്പ​നി​യാ​യ എ​ജി ആ​ന്‍​ഡ് പി ​പ്ര​ഥം ആ​ണ് പ​ദ്ധ​തി ന​ട​പ്പാ​ക്കു​ന്ന​ത്.

ചേ​ര്‍​ത്ത​ല ത​ങ്കി​ക്ക​വ​ല​യി​ല്‍ സ്ഥാ​പി​ച്ച പ്ലാ​ന്‍റില്‍നി​ന്നാ​ണ് പാ​ച​ക​വാ​ത​കം പൈ​പ്പി​ലൂ​ടെ വീ​ടു​ക​ളി​ലെ​ത്തി​ക്കു​ന്ന​ത്. അ​പ​ക​ട​ര​ഹി​ത​വും ചെ​ല​വ് കു​റ​ഞ്ഞ​തു​മാ​യ രീ​തി​യാ​ണ് സി​റ്റി ഗ്യാ​സ് പ​ദ്ധ​തി. എ​ല്‍​പി​ജി​യെ​ക്കാ​ള്‍ 25 മു​ത​ല്‍ 30 ശ​ത​മാ​നം വ​രെ ചെ​ല​വ് കു​റ​വാ​ണ്. മു​ഴു​വ​ന്‍ സ​മ​യ​വും പാ​ച​ക​വാ​ത​കം ല​ഭ്യ​മാ​കു​മെ​ന്ന​താ​ണ് സി​റ്റി ഗ്യാ​സി​ന്‍റെ മ​റ്റൊ​രു പ്ര​ധാ​ന പ്ര​ത്യേ​ക​ത. പാ​ച​ക​വാ​ത​ക സി​ലി​ണ്ട​റി​ന് വി​ല വ​ര്‍​ധി​ക്കു​ന്ന സാ​ഹ​ച​ര്യ​ത്തി​ല്‍ ജ​ന​ങ്ങ​ളെ ചൂ​ഷ​ണം ചെ​യ്യു​ന്ന സ്ഥി​തി സി​റ്റി ഗ്യാ​സ് പ​ദ്ധ​തി വ​രു​ന്ന​തോ​ടെ ഇ​ല്ലാ​താ​കും. ബു​ക്ക് ചെ​യ്താ​ല്‍ ആ​ഴ്ച​ക​ള്‍​ക്ക് ശേ​ഷ​മാ​ണ് ഉ​പ​ഭോ​ക്താ​ക്ക​ള്‍​ക്ക് ഗ്യാ​സ് എ​ത്തി​ക്കു​ന്ന​ത്.

പൈ​പ്പി​ലൂ​ടെ​യു​ള്ള പാ​ച​കവാ​ത​ക വി​ത​ര​ണം തു​ട​ങ്ങു​ന്ന​തോ​ടെ ഗ്യാ​സി​നാ​യി കാ​ത്തി​രി​ക്കു​ന്ന അ​വ​സ്ഥ​യും ഒ​ഴി​വാ​കും. പ​ള്ളി​പ്പു​റം, തൈ​ക്കാ​ട്ടു​ശേ​രി, പാ​ണാ​വ​ള്ളി, അ​രൂ​ക്കു​റ്റി എ​ന്നീ പ്ര​ദേ​ശ​ങ്ങ​ളി​ലേ​ക്ക് സി​റ്റി ഗ്യാ​സ് പ​ദ്ധ​തി നീ​ട്ട​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം. പെ​രു​മ്പ​ളം പാ​ലം തു​റ​ന്ന് കൊ​ടു​ക്കു​ന്ന​തോ​ടെ പാ​ല​ത്തി​ലൂ​ടെ പൈ​പ്പ് സ്ഥാ​പി​ച്ച് പെ​രു​മ്പ​ളം പ​ഞ്ചാ​യ​ത്തി​ലും സി​റ്റി ഗ്യാ​സ് പ​ദ്ധ​തി ന​ട​പ്പി​ലാ​ക്ക​ണ​മെ​ന്ന ആ​വ​ശ്യ​വും ഉ​യ​രു​ന്നു​ണ്ട്.