ഷാര്ജയില് അന്തരിച്ച മലപ്പുറം സ്വദേശിയുടെ മൃതദേഹം നാട്ടിലെത്തിച്ചു
Saturday, August 30, 2025 4:41 PM IST
ഷാര്ജ: കഴിഞ്ഞാഴ്ച ഷാര്ജയില് അന്തരിച്ച മലപ്പുറം തിരൂര് പുതുപ്പള്ളി സ്വദേശി പ്രേമരാജന്റെ(49) മൃതദേഹം നാട്ടിലെത്തിച്ച് സംസ്കരിച്ചു.
വെള്ളിയാഴ്ച രാത്രി എയര് അറേബ്യ വിമാനത്തില് കോഴിക്കോട്ടേക്ക് കൊണ്ടുപോയ മൃതദേഹം ശനിയാഴ്ച പുലര്ച്ചെ 3.35ന് ബന്ധുക്കള് ഏറ്റുവാങ്ങി.
ഷാര്ജയിലെ താമസസ്ഥലത്താണ് പ്രേമരാജനെ മരിച്ചനിലയില് കണ്ടെത്തിയത്. ജീവനൊടുക്കിയതാണെന്നാണ് പ്രാഥമിക നിഗമനം. പ്രേമരാജന് ഭാര്യയും മൂന്ന് മക്കളുമുണ്ട്.
മൃതദേഹം നാട്ടിലെത്തിക്കുന്നതിനുള്ള നിയമപരമായ നടപടികള്ക്ക് യാബ് ലീഗല് സര്വീസസ് സിഇഒ സലാം പാപ്പിനിശേരി, കമ്പനി എച്ച്ആര് ഡിപ്പാര്ട്ട്മെന്റ് പ്രതിനിധി അശ്വതി ദാസ്, ബന്ധുക്കളായ കിരണ്, രാജു, സുരേഷ് എന്നിവര് നേതൃത്വം നല്കി.