മനാ​മ: ബ​ഹ​റ​നി​ൽ പ്ര​വാ​സ ജീ​വി​തം അ​വ​സാ​നി​പ്പി​ച്ചു നാ​ട്ടി​ൽ സ്ഥി​ര താ​മ​സ​മാ​ക്കി​യ പ്ര​വാ​സി​ക​ളെ ഏ​കോ​പി​പ്പി​ച്ചു കൊ​ല്ലം ജി​ല്ല കേ​ന്ദ്ര​മാ​ക്കി ബ​ഹ​റി​ൻ കൊ​ല്ലം എ​ക്സ് പ്ര​വാ​സി അ​സോ​സി​യേ​ഷ​ൻ പ്ര​വ​ർ​ത്ത​നം ആ​രം​ഭി​ച്ചു.

ബ​ഹറിനി​ൽ പ്ര​വ​ർ​ത്തി​ക്കു​ന്ന കൊ​ല്ലം പ്ര​വാ​സി അ​സോ​സി​യേ​ഷ​ന്‍റെ കീ​ഴി​ൽ പ്ര​വാ​സി​ക​ൾ​ക്കും എ​ക്സ് പ്ര​വാ​സി​ക​ൾ​ക്കും ഗു​ണ​പ​ര​മാ​കു​ന്ന ത​ര​ത്തി​ലാ​യി​രി​ക്കും സം​ഘ​ട​ന​യു​ടെ പ്ര​വ​ർ​ത്ത​നം.

കൊ​ല്ല​ത്തു നി​ന്നും ബ​ഹറ​നി​ലേ​ക്ക് പോ​കു​ന്ന​വ​ർ​ക്ക്‌ മാ​ർ​ഗനി​ർ​ദേ​ശം ന​ൽ​കു​ക, ബ​ഹറ​നി​ലെ തൊ​ഴി​ല​വ​സ​ര​ങ്ങ​ൾ അ​റി​യി​ക്കു​ക, ബ​ഹറനി​ൽ പ​ഠി​ക്കു​ന്ന കു​ട്ടി​ക​ൾ​ക്ക് നാ​ട്ടി​ലെ ഉ​ന്ന​ത വി​ദ്യാ​ഭ്യാ​സ​ത്തി​നു ആ​വ​ശ്യ​മാ​യ മാ​ർ​ഗനി​ർ​ദേ​ശ​ങ്ങ​ൾ ന​ൽ​കു​ക, ബ​ഹറി​ൻ പ്ര​വാ​സി​ക​ളു​ടെ നാ​ട്ടി​ലെ കു​ടും​ബ​ത്തി​നു ആ​വ​ശ്യ​മാ​യ സം​ര​ക്ഷ​ണം ന​ൽ​കു​ക, ആ​രോ​ഗ്യ പ​രി​പാ​ല​ന​ത്തി​ന് ആ​വ​ശ്യ​മാ​യ ഇ​ട​പെ​ട​ലു​ക​ൾ ന​ട​ത്തു​ക, പ്ര​വാ​സി പു​ന​ര​ധി​വാ​സ പ​ദ്ധ​തി​ക​ൾ ആ​വി​ഷ്ക​രി​ക്കു​ക, ക​ലാ സാ​ഹി​ത്യ പ്ര​വ​ർ​ത്ത​ന​ങ്ങ​ൾ ന​ട​ത്തു​ക, തു​ട​ങ്ങി കേ​ന്ദ്ര, സം​സ്ഥാ​ന സ​ർ​ക്കാ​രു​ക​ളു​ടെ പ്ര​വാ​സി ആ​നു​കൂ​ല്യ​ങ്ങ​ൾ അ​ർ​ഹ​രാ​യ​വ​ർ​ക്ക് എ​ത്തി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ക എ​ന്നി​വ​യാ​ണ് അ​സോ​സി​യേ​ഷ​ൻ മു​ൻ‌​തൂ​ക്കം ന​ൽ​കു​ന്ന പ്ര​വ​ർ​ത്ത​ന​ങ്ങ​ൾ.


ക​ഴി​ഞ്ഞ ദി​വ​സം കൊ​ല്ലം സീ ​ഫോ​ർ യു ​ഹാ​ളി​ൽ കൂ​ടി​യ പ്ര​ഥ​മ സം​ഗ​മ​ത്തി​ൽ നി​ര​വ​ധി എ​ക്സ് ബ​ഹറിൻ പ്ര​വാ​സി​ക​ൾ പ​ങ്കെ​ടു​ത്തു. കൊ​ല്ലം പ്ര​വാ​സി അ​സോ​സി​യേ​ഷ​ൻ ബ​ഹറിൻ പ്ര​സി​ഡ​ന്‍റ് അ​നോ​ജ് മാ​സ്റ്റ​ർ അ​ധ്യക്ഷ​നാ​യ സം​ഗ​മ​ത്തി​ൽ കെപിഎ സ്ഥാ​പ​ക പ്ര​സി​ഡ​ന്‍റ് നി​സാ​ർ കൊ​ല്ലം എ​ക്സ് പ്ര​വാ​സി അ​സോ​സി​യേ​ഷ​ന്‍റെ പ്ര​വ​ർ​ത്ത​ന​ങ്ങ​ൾ വി​ശ​ദീ​ക​രി​ച്ചു സം​സാ​രി​ച്ചു.

തു​ട​ർ​ന്ന് കി​ഷോ​ർ കു​മാ​ർ ക​ൺ​വീ​ന​റായും ഹ​രി, നാ​രാ​യ​ണ​ൻ, നി​സാ​മു​ദ്ധീ​ൻ, അ​ഭി​ലാ​ഷ്, സ​ജി​ത്ത്, എ​ന്നി​വ​ർ കോഓ​ർ​ഡി​നേ​റ്റ​ർ​മാ​രാ​യും ആ​റു മാ​സ​ത്തേ​ക്കു​ള്ള അ​ഡ്‌​ഹോ​ക് ക​മ്മി​റ്റി രൂ​പീ​ക​രി​ച്ചു.

സം​ഗ​മ​ത്തി​ന് കി​ഷോ​ർ കു​മാ​ർ നേ​തൃ​ത്വം ന​ൽ​കി. കൊ​ല്ല​ത്തു​ള്ള എ​ക്സ് ബ​ഹറി​ൻ പ്ര​വാ​സി​ക​ൾ​ക്ക് അ​സോ​സി​യേ​ഷ​നി​ൽ ചേ​ർ​ന്ന് പ്ര​വ​ർ​ത്തി​ക്കാ​നും അ​സോ​സി​യേ​ഷ​നി​ൽ അം​ഗ​മാ​കാ​നും കി​ഷോ​ർ​കു​മാ​ർ 9207932778, കെ. നാ​രാ​യ​ണ​ൻ - 9446662002 ​എ​ന്നീ ന​മ്പ​റു​ക​ളി​ൽ ബ​ന്ധ​പ്പെ​ടു​ക.