ല​ങ്ക​ൻ സ്ഫോ​ട​ന പരമ്പര: കൊ​ല്ല​പ്പെ​ട്ട​വ​രു​ടെ എ​ണ്ണം 290; 24 പേ​ർ അ​റ​സ്റ്റി​ൽ
Monday, April 22, 2019 10:12 AM IST
കൊ​ളം​ബോ: ശ്രീ​ല​ങ്ക​യെ ന​ടു​ക്കി​യ സ്ഫോ​ട​ന പ​ര​മ്പ​ര​ക​ളി​ൽ കൊ​ല്ല​പ്പെ​ട്ട​വ​രു​ടെ എ​ണ്ണം 290 ആയി. മൂ​ന്ന് ക്രി​സ്ത്യ​ൻ പ​ള്ളി​ക​ളി​ലും ആ​ഡം​ബ​ര ഹോ​ട്ട​ലു​ക​ളി​ലും പാ​ർ​പ്പി​ട സ​മു​ച്ച​യ​ങ്ങ​ളി​ലു​മാ​യാണ് സ്ഫോടനം നടന്നത്. അഞ്ഞൂറിലേറെ പേർക്ക് പരിക്കേറ്റിട്ടുണ്ട്. ഇതിൽ പലരുടെയും നില ഗുരുതരമാണ്.



മരിച്ചവരിൽ നാൽപ്പതിലേറെ പേർ വിദേശികളാണ്. ഇതിൽ ആറ് പേർ ഇന്ത്യക്കാരുണ്ട്. ആ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ൽ പ്ര​സി​ഡ​ന്‍റ് മൈ​ത്രി​പാ​ല സി​രി​സേ​ന​യു​ടെ അ​ധ്യ​ക്ഷ​ത​യി​ല്‍ ല​ങ്ക​ൻ ദേ​ശീ​യ സു​ര​ക്ഷാ കൗ​ണ്‍​സി​ല്‍ ഇ​ന്ന് യോ​ഗം ചേ​രും. അ​തേ​സ​മ​യം, എ​ന്‍​ടി​ജെ ഭീ​ക​രാ​ക്ര​മ​ണം ന​ട​ത്താ​ന്‍ സാ​ധ്യ​ത​യു​ണ്ടെ​ന്ന ഇ​ന്‍റ​ലി​ജ​ന്‍​സ് റി​പ്പോ​ര്‍​ട്ട് ല​ഭി​ച്ചി​രു​ന്ന​താ​യി പ്ര​ധാ​ന​മ​ന്ത്രി റി​നി​ൽ വി​ക്ര​മ​സിം​ഗെ സ്ഥി​രീ​ക​രി​ച്ചു.

കൊ​ളം​ബോ സെ​ന്‍റ് ആ​ന്‍റ​ണീ​സ് ക​ത്തോ​ലി​ക്ക പ​ള്ളി, നെ​ഗോം​ബോ സെ​ന്‍റ് സെ​ബാ​സ്റ്റ്യ​ൻ​സ് ക​ത്തോ​ലി​ക്ക പ​ള്ളി, ബ​ട്ടി​ക്ക​ലോ​വ സി​യോ​ൻ പ്രോ​ട്ട​സ്റ്റ​ന്‍റ് പ​ള്ളി എന്നി​വി​ട​ങ്ങ​ളി​ൽ ഞ​യ​റാ​ഴ്ച രാ​വി​ലെ 8.45ന് ​ഈ​സ്റ്റ​ർ തി​രു​ക്ക​ർ​മ​ങ്ങ​ൾ​ക്കി​ടെ​യാ​യി​രു​ന്നു സ്ഫോ​ട​നം. കൊ​ളം​ബോ​യി​ലെ ഷാം​ഗ്രി-​ലാ, സി​ന​മ​ൺ ഗ്രാ​ൻ​ഡ്, കിം​ഗ്സ്ബ​റി ഹോ​ട്ട​ലു​ക​ളി​ൽ രാ​വി​ലെ ഒ​ൻ​പ​തോ​ടെ​യാ​ണു സ്ഫോ​ട​ന​മു​ണ്ടാ​യ​ത്.

സി​ന​മ​ൺ ഗ്രാ​ൻ​ഡ് ഹോ​ട്ട​ലി​ൽ ചാ​വേ​ർ സ്ഫോ​ട​ന​മാ​ണു ന​ട​ന്ന​ത്. ശ്രീ​ല​ങ്ക ൻ ​പ്ര​ധാ​ന​മ​ന്ത്രി റ​നി​ൽ വി​ക്ര​മ​സിം​ഗ​യു​ടെ ഔ​ദ്യോ​ഗി​ക വ​സ​തി​ക്ക് അ​ടു​ത്താ​ണ് സി​ന​മ​ൺ ഗ്രാ​ൻ​ഡ് ഹോ​ട്ട​ൽ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.