തെരഞ്ഞെടുപ്പ് തിരിച്ചറിയൽ കാ​ർ​ഡ് ആ​ധാ​റു​മാ​യി ബ​ന്ധി​പ്പി​ക്കാനൊരുങ്ങി കേന്ദ്രം
Friday, January 24, 2020 7:48 PM IST
ന്യൂ​ഡ​ൽ​ഹി: തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ തി​രി​ച്ച​റി​യി​ൽ കാ​ർ​ഡ് ആ​ധാ​റു​മാ​യി ബ​ന്ധി​പ്പി​ക്കാ​ൻ നി​യ​മ ഭേ​ദ​ഗ​തി​ക്കൊ​രു​ങ്ങി കേ​ന്ദ്ര സ​ർ​ക്കാ​ർ. വോ​ട്ടേ​ഴ്സ് ഐ​ഡ​ന്‍റി​ന്‍റി കാ​ർ​ഡ് ആ​ധാ​റു​മാ​യി ബ​ന്ധി​പ്പി​ക്കു​ന്ന​തി​ന് ജ​ന​പ്രാ​തി​നി​ധ്യ നി​യ​മ​ത്തി​ൽ ഭേ​ദ​ഗ​തി വ​രു​ത്താ​നാ​ണ് കേ​ന്ദ്ര സ​ർ​ക്കാ​രി​ന്‍റെ നീ​ക്കം. ബി​ല്ല് പാ​ർ​ല​മെ​ന്‍റി​ൽ അ​വ​ത​രി​പ്പി​ക്കു​ന്ന​തി​ന് മു​ൻ​പ് കാ​ബി​ന​റ്റി​ന് അം​ഗീ​കാ​രം ന​ൽ​കാ​നാ​ണ് സ​ർ​ക്കാ​ർ പ​ദ്ധ​തി​യി​ട്ടി​രി​ക്കു​ന്ന​ത്. കേ​ന്ദ്ര നി​യ​മ മ​ന്ത്രാ​ല​യം ഇ​തു​മാ​യി ബ​ന്ധ​പ്പെ​ട് ന​ട​പ​ടി​ക​ൾ ആ​രം​ഭി​ച്ചു ക​ഴി​ഞ്ഞു.

വോ​ട്ട​ർ തി​രി​ച്ച​റി​യ​ൽ രേ​ഖ​യെ ആ​ധാ​റു​മാ​യി ബ​ന്ധി​പ്പി​ക്ക​ണ​മെ​ന്ന നി​ർ​ദേ​ശം മു​ന്നോ​ട്ടു​വ​ച്ച​ത് തെ​ര​ഞ്ഞെ​ടു​പ്പു ക​മ്മീ​ഷ​ൻ ആ​ണ്. ഒ​രാ​ൾ ഒ​ന്നി​ലേ​റെ സ്ഥ​ല​ങ്ങ​ളി​ൽ വോ​ട്ട​ർ പ​ട്ടി​ക​യി​ൽ ഇ​ടം​പി​ടി​ക്കു​ന്ന​തും വോ​ട്ടു ചെ​യ്യു​ന്ന​തും ഉ​ൾ​പ്പെ​ടെ​യു​ള്ള ക്ര​മ​ക്കേ​ടു​ക​ൾ ഇ​തി​ലു​ടെ ഒ​ഴി​വാ​ക്കാ​നാ​വു​മെ​ന്നാ​ണ് ക​മ്മി​ഷ​ന്‍റെ വി​ല​യി​രു​ത്ത​ൽ. വോ​ട്ട​ർ ഐ​ഡി​യെ ആ​ധാ​റു​മാ​യി ബ​ന്ധി​പ്പി​ക്കു​ന്ന​തി​ന് ജ​ന​പ്രാ​തി​നി​ധ്യ നി​യ​മ​ത്തി​ൽ ഭേ​ദ​ഗ​തി വ​രു​ത്ത​ണം. ഇ​തി​നാ​യു​ള്ള ക​ര​ടാ​ണ് നി​യ​മ മ​ന്ത്രാ​ല​യം ത​യാ​റാ​ക്കു​ന്ന​ത്. ബ​ജ​റ്റ് സ​മ്മേ​ള​നം തു​ട​ങ്ങു​ന്ന ജ​നു​വ​രി 31ന് ​മു​ന്പ് ക​ര​ട് പ്ര​ധാ​ന​മ​ന്ത്രി​യു​ടെ അ​ധ്യ​ക്ഷ​ത​യി​ലു​ള്ള കാ​ബി​ന​റ്റ് സ​മി​തി​ക്കു മു​ന്നി​ൽ സ​മ​ർ​പ്പി​ക്കാ​നാ​വു​മെ​ന്നാ​ണ് ഉ​ദ്യോ​ഗ​സ്ഥ​ർ പ​റ​യു​ന്ന​ത്.

പു​തി​യ വോ​ട്ട​ർ​മാ​ർ പേ​രു ചേ​ർ​ക്കു​ന്പോ​ൾ ആ​ധാ​ർ വി​വ​ര​ങ്ങ​ൾ കൂ​ടി ആ​രാ​യാ​ൻ തെ​ര​ഞ്ഞെ​ടു​പ്പു ക​മ്മി​ഷ​നെ അ​ധി​കാ​ര​പ്പെ​ടു​ത്തു​ന്ന​താ​ണ് ഭേ​ദ​ഗ​തി. നി​ല​വി​ലു​ള്ള വോ​ട്ട​ർ​മാ​രു​ടെ ആ​ധാ​ർ വി​വ​ര​ങ്ങ​ൾ ഉ​ൾ​പ്പെ​ടു​ത്താ​നു​ള്ള വ്യ​വ​സ്ഥ​ക​ളും ഭേ​ദ​ഗ​തി​യി​ലു​ണ്ടാ​വും. വോ​ട്ട​ർ പ​ട്ടി​ക കു​റ്റ​മ​റ്റ​താ​ക്കു​ന്ന​തി​ന് 2015ൽ ​ക​മ്മീ​ഷ​ൻ തു​ട​ക്ക​മി​ട്ട പ​ദ്ധ​തി​യി​ൽ വോ​ട്ട​ർ​മാ​രു​ടെ ആ​ധാ​ർ വി​വ​ര​ങ്ങ​ൾ ശേ​ഖ​രി​ക്കാ​ൻ നി​ർ​ദേ​ശി​ച്ചി​രു​ന്നു. ഇ​ത​നു​സ​രി​ച്ച് 30 കോ​ടി വോ​ട്ട​ർ​മാ​രു​ടെ ആ​ധാ​ർ വി​വ​ര​ങ്ങ​ൾ ക​മ്മി​ഷ​ൻ ശേ​ഖ​രി​ക്കു​ക​യും ചെ​യ്തു.

എ​ന്നാ​ൽ ഭ​ക്ഷ്യ പൊ​തു​വി​ത​ര​ണം, പാ​ച​ക വാ​ത​കം തു​ട​ങ്ങി​യ ഏ​താ​നും സ​ർ​വീ​സു​ക​ൾ​ക്ക​ല്ലാ​തെ ആ​ധാ​ർ നി​ർ​ബ​ന്ധ​മാ​ക്ക​രു​തെ​ന്ന സു​പ്രീം കോ​ട​തി വി​ധി​യോ​ടെ ക​മ്മീ​ഷ​ൻ ഈ ​പ​ദ്ധ​തി നി​ർ​ത്തി​വ​യ്ക്കു​ക​യാ​യി​രു​ന്നു. നി​യ​മ​ഭേ​ദ​ഗ​തി​യി​ല്ലാ​തെ ഇ​തു മു​ന്നോ​ട്ടു​കൊ​ണ്ടു​പോ​വാ​നാ​വി​ല്ലെ​ന്ന് വ്യ​ക്ത​മാ​ക്കി ക​മ്മി​ഷ​ൻ നി​യ​മ​മ​ന്ത്രാ​ല​യ​ത്തി​ന് ക​ത്ത് എ​ഴു​തി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് ഇ​പ്പോ​ൾ ജ​ന​പ്രാ​തി​നി​ധ്യ നി​യ​മം ഭേ​ദ​ഗ​തി ചെ​യ്യാ​ൻ സ​ർ​ക്കാ​ർ ഒ​രു​ങ്ങു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.