വാഷിംഗ്ടൺ ഡിസി: അമേരിക്കയിലെ കോവിഡ് ബാധിതരുടെ എണ്ണം കുറവില്ലാതെ തുടരുന്നു. കഴിഞ്ഞ 24 മണിക്കൂറിനിടെ രണ്ടു ലക്ഷത്തിലേറെപ്പേർക്കാണ് വൈറസ് ബാധിച്ചത്. 200,491 പേർക്കാണ് പുതിയതായി കോവിഡ് ബാധിച്ചതെന്നാണ് കണക്ക്. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 14,975,082 ആയി ഉയർന്നു.
ജോൺസ് ഹോപ്കിൻസ് സർവകലാശാലയും വേൾഡോ മീറ്ററും പുറത്തുവിട്ട കണക്കുകൾ പ്രകാരമാണിത്. പുതിയതായി 2,211 പേർകൂടി കോവിഡ് ബാധിച്ച് മരിച്ചതോടെ രാജ്യത്തെ ആകെ കോവിഡ് മരണങ്ങൾ 287,784 ആയി ഉയരുകയും ചെയ്തു.
8,783,830 പേരാണ് അമേരിക്കയിൽ ഇതുവരെ രോഗമുക്തി നേടിയത്. 5,903,468 പേർകൂടി രോഗം ബാധിച്ച് നിലവിൽ ചികിത്സയിലുണ്ട്. രാജ്യത്ത് ഇതുവരെ 205,775,242 പേർക്കാണ് കോവിഡ് പരിശോധന നടത്തിയത്.
ടെക്സസ്, കലിഫോർണിയ, ഫ്ളോറിഡ, ഇല്ലിനോയിസ്, ന്യൂയോർക്ക്, ജോർജിയ, ഒഹിയോ, മിഷിഗൺ, പെൻസിൽവേനിയ, വിസ്കോസിൻ എന്നീ 10 സംസ്ഥാനങ്ങളിലാണ് കോവിഡ് ബാധിതർ കൂടുതലുള്ളത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.