ADVERTISEMENT

ADVERTISEMENT

ആയൂർ സെന്‍റ് ആൻസ് സ്കൂളിന് നൂറുമേനി

ആയൂർ : സിബിഎസ്ഇ 10ാം ക്ലാസ്പരീക്ഷയിൽ ആയൂർ സെന്‍റ് ആൻസ് സ്കൂൾ 100ശതമാനം വിജയം കരസ്ഥമാക്കി. 98ശതമാനം മാർക്കോട് കൂടി എരോൺ മനോജ്‌ ഒന്നാം സ്ഥാനം കരസ്ഥമാക്കി.

ആറ് കുട്ടികൾ എല്ലാ വിഷയങ്ങൾക്കും എ വൺ നേടി. 58 കുട്ടികൾ പരീക്ഷ എഴുതിയതിൽ 43 പേർ ഡിസ്റ്റിംഗ്ഷൻ കരസ്ഥമാക്കി.

ADVERTISEMENT

മൂല്യവർധിത ഉത്പന്നങ്ങളിൽ ചേനപ്രഥമൻ അടയും

കൊല്ലം: ചേനകർഷകർക്ക് കൈത്താങ്ങായി കൊല്ലം മുനിസിപ്പൽ കോർപറേഷൻ കൃഷിഭവനും. കൃഷിഭവന്‍റെ ആഭിമുഖ്യത്തിൽ 'ഹരിതലക്ഷ്മി കൃഷിക്കൂട്ടം' വികസിപ്പിച്ചെടുത്ത ചേന പ്രഥമൻ അടയുടെ വിപണനോദ്‌ഘാടനം മേയർ ഹണി ബെഞ്ചമിന്‍റെഅധ്യക്ഷതയിൽ നിയമസഭ ഡെപ്യൂട്ടി സ്പീക്കർ ചിറ്റയം ഗോപകുമാർ നിർവഹിച്ചു. കാർഷിക മേഖലയിൽ വിവിധ പദ്ധതികൾ നടപ്പാക്കി വരുന്ന സർക്കാരിന്‍റെ ലക്ഷ്യം തരിശുരഹിത കേരളമാണെന്ന് അദ്ദേഹം ചൂണ്ടിക്കാട്ടി. പ്രധാനമായും കിഴങ്ങ് വർഗ വിളകളുടെ കൃഷി വ്യാപിപ്പിക്കുന്നതോടെ ലക്ഷ്യപ്രാപ്തിയിൽ എത്തിച്ചേരാം എന്നാണ് വിശ്വാസം. സമസ്ത മേഖലയിലെയും ജനങ്ങളെ ഉൾപ്പെടുത്തി സമഗ്രമായി നടപ്പാക്കുന്ന 'ഞങ്ങളും കൃഷിയിലേക്ക് " എന്ന പദ്ധതി പ്രകാരം പച്ചക്കറികൃഷിയിൽ വലിയ നേട്ടം കൈവരിക്കാൻ സാധിച്ചു. പൊതുസമൂഹത്തിന് സുരക്ഷിതമായ ഭക്ഷണം സുഭിക്ഷമായി ലഭിക്കുവാൻ കൃഷിവകുപ്പിന്‍റെ പ്രവർത്തനം കൊണ്ട് സാധിക്കുമെന്നും ഡെപ്യൂട്ടി സ്പീക്കർ പറഞ്ഞു. കേന്ദ്ര കിഴങ്ങ് വർഗവിള ഗവേഷ‌ണ കേന്ദ്രത്തിന്‍റെ ടെക്നോളജി ഉപയോഗിച്ച് രാജ്യത്ത് ആദ്യമായിട്ടാണ് ചേനയിൽ നിന്നും ചേന പ്രഥമൻ അട വികസിപ്പിച്ചെടുത്തത് എന്ന് കേന്ദ്രത്തിലെ ഡോ. ജി ബിജു അഭിപ്രായപ്പെട്ടു. യോഗത്തിൽ ജില്ലാ കൃഷി ഓഫിസർ എസ്. രാജേഷ് കുമാർ പദ്ധതി വിശദീകരണം നടത്തി. ഡെപ്യൂട്ടി മേയർ എസ്‌.ജയൻ, വികസനകാര്യ സ്റ്റാന്‍റിംഗ്കമ്മറ്റി ചെയർപേഴ്സൺ എസ്. ഗീതാകുമാരി,ആത്‌മ പ്രോജക്ട് ഡയറക്ടർ എസ്. ഗീത, കൃഷി ഡെപ്യൂട്ടി ഡയറക്ടർ ശ്രീഹരി, കൃഷി ഫീൽഡ് ഓഫീസർ ടി. പ്രകാശ്, അസിസ്റ്റന്‍റ്് കൃഷി ഓഫീസർ ബി. സജീവ് കുമാർ എന്നിവർ പ്രസംഗിച്ചു.

ജനറേറ്ററിന് ഡീസൽ വാങ്ങാനുള്ള പണമില്ല; ഗർഭിണികളെ ജില്ലാ ആശുപത്രിയിലേക്ക് മാറ്റി

കുണ്ടറ താലൂക്ക് ആശുപത്രിയിൽ പ്രതിഷേധം കുണ്ടറ : വൈദ്യുതി നിലച്ചപ്പോൾ ജനറേറ്റർ പ്രവർത്തിപ്പിക്കാൻ ഡീസൽ വാങ്ങാൻ പണമില്ലെന്ന കാരണത്താൽ, കുണ്ടറ താലൂക്ക് ആശുപത്രിയിൽ പ്രവേശിപ്പിച്ചിരുന്ന ഗർഭിണികളെ ജില്ലാ ആശുപത്രിയിലേക്ക് മാറ്റിയതിൽ കോൺഗ്രസ് പ്രതിഷേധം. മഴയിൽ വൈദ്യുതി മുടങ്ങിയതോടെ, ജനറേറ്റർ പ്രവർത്തിപ്പിക്കാൻ കഴിയാതെ വന്നു. ജനറേറ്റർ പ്രവർത്തിപ്പിക്കാൻ ഡീസൽ വാങ്ങാൻ പണമില്ലെന്ന കാരണത്താലാണ് ജില്ലാ ആശുപത്രിയിലേക്ക് മാറ്റിയത്. ഇതിൽപ്രതിഷേധിച്ച് കോൺഗ്രസിന്‍റെയും,യൂത്ത് കോൺഗ്രസിന്‍റെയും പ്രവർത്തകർ താലൂക്ക് ആശുപത്രി സൂപ്രണ്ട് ഡോ. ബാബു ലാലിനെ തടഞ്ഞുവച്ചു. ഡീസൽ വാങ്ങി ഹോസ്പിറ്റലിൽ കൊണ്ടുവന്ന് ജനറേറ്റർ പ്രവർത്തിപ്പിച്ചു എന്ന് ഉറപ്പുവരുത്തിയതിന് ശേഷമാണ് ഉപരോധം അവസാനിപ്പിച്ചത്. ചുറ്റുമല ബ്ലോക്ക് പഞ്ചായത്ത് ഡീസൽ വാങ്ങുന്ന പമ്പിൽ 75,000 രൂപ കൊടുക്കാനുള്ളതിനാൽ പമ്പുകാർ ഡീസൽ തന്നില്ല എന്ന ന്യായമാണ് ഹോസ്പിറ്റൽ അധികാരികൾ പറഞ്ഞത്. ഡിസിസി ജനറൽ സെക്രട്ടറിയും മുഖത്തല ബ്ലോക്ക് പഞ്ചായത്ത് അംഗവുമായ ഫൈസൽ കുളപ്പാടം, പേരയം ഗ്രാമപഞ്ചായത്ത് പ്രസിഡന്‍റ് അനീഷ് പടപ്പക്കര, പേരയം ഗ്രാമപഞ്ചായത്ത് അംഗങ്ങളായ റേച്ചൽ ജോൺസൺ, ഷേർലി ഷാൻ മുട്ടക്കാവ്, ജയൻ തട്ടാർകോണം, രാഹുൽ , റെക്സൺ പേരയം, കോൺഗ്രസ് നേതാക്കന്മാരായ പ്രവീൺ രാജ് കണ്ണനല്ലൂർ , നാസർ കണ്ണല്ലൂർതുടങ്ങിയവർ പ്രതിഷേധത്തിന് നേതൃത്വം നൽകി. ചുറ്റുമല ബ്ലോക്ക് പഞ്ചായത്തിന്‍റെയും, ഹോസ്പിറ്റൽ മാനേജ്മെന്‍റ് കമ്മിറ്റിയുടെയും അനാസ്ഥയാണ് ഡീസൽ മുടങ്ങാൻ കാരണമെന്ന്ഡിസിസി ജനറൽ സെക്രട്ടറി ഫൈസൽ കുളപ്പാടം പറഞ്ഞു. മഴ പെയ്തതോടെ ആശുപത്രിയിലെ വൈദ്യുതി തകരാറിലായി. ലേബർ റൂമിലായിരുന്ന രണ്ടു ഗർഭിണികളെയാണ് ജില്ലാ ആശുപത്രിയിലേക്ക് മാറ്റിയത്.

പ്രതിയെ വെറുതെ വിട്ടു

കൊല്ലം: ആശ്രാമം ഉൾനാടൻ ജലഗതാഗത വകുപ്പ് ഡയറക്‌ടറേറ്റ് കാര്യാലയത്തിന്‍റെ വാഹനം തകർക്കുകയും, ആശ്രാമം മുനീശ്വരൻ സ്വാമി ക്ഷേത്രത്തിലെ ഉത്സവം അലങ്കോലപ്പെടുത്തുകയും ചെയ്‌ത കേസിലെ പ്രതിയെവെറുതെവിട്ടു.പുള്ളിക്ക ടസ്വദേശിചെന്പൻ എന്ന വിഷ്ണുവിനെയാണ് വെറുതെവിട്ടത്. 2018 മാർച്ച് അഞ്ചിനാണ് കേസിനാസ്‌പദമായ സംഭവം .അന്നേ ദിവസം രാത്രി പുളളിക്കട സ്വദേശികളായ ഉദയകിരണും, ചെമ്പൻ എന്ന വിഷ്‌ണുവും ആശ്രാമം മുനീശ്വരൻ കോവിലിലെ ഗാനമേളയിൽ പങ്കെടുക്കു കയും അവിടെ വച്ച് മദ്യപിച്ച പ്രതികൾ അക്രമം അഴിച്ച് വിടുകയും ക്ഷേത്ര പരിസരത്തുണ്ടായിരുന്ന ട്യൂബ് ലൈറ്റുകളും മറ്റും നശിപ്പിച്ചു. തുടർന്ന് അവർ ഉൾനാടൻ ജലഗതാഗതവകുപ്പ് കാര്യാലയ മതിൽ ചാടി കടന്ന് ഡയറക്‌ടറുടെ കാർ അടിച്ചു തകർത്തു എന്ന് ആരോപിച്ച് ഈസ്റ്റ് പോലീസ് രജിസ്റ്റർ ചെയ്‌ത കേസിലാണ് കൊല്ലം ചീഫ് ജുഡീഷൽ മജിസ്ട്രേറ്റ് കെ.വി.നൈനയുടെ ഉത്തരവ് . കേസിന്‍റെ വിചാരണയ്ക്കിടെ ഒന്നാം പ്രതി ഉദയകിരൺ മരണപ്പെടുകയും രണ്ടാം പ്രതി ചെമ്പൻ മാത്രം വിചാരണ നേരിടുകയായിരുന്നു. പ്രതികൾക്ക് വേണ്ടി അഭിഭാഷകരായ അഡ്വ. ചവറ ഫ്രാൻസിസ്.ജെ നെറ്റോ, സി.എസ്. മനോഹർ മുണ്ടയ്ക്കൽ മോനിഷ എന്നിവർ കോടതിയിൽ ഹാജരായി.

മത്സ്യത്തൊഴിലാളി കുടുംബങ്ങൾക്ക് പതിനായിരം രൂപവീതം സഹായം നൽകണം

കൊല്ലം: ചരക്ക് കപ്പൽ അവകടവും കടൽ ക്ഷോഭവും കാരണം ഒരാഴ്ചയായി കടലിൽ പോകാനാവാത്ത മത്സ്യ തൊഴിലാളികളുടെ കുടുംബങ്ങൾക്ക് സർക്കാർ നൽകുന്ന സഹായം പതിനായിരം രൂപയാക്കി വർധിപ്പിച്ച് നൽകണമെന്ന് ഓൾ കേരള ഫിഷിംഗ് ബോട്ട് ഓപ്പററ്റേഴ്സ് അസോസിയേഷൻആവശ്യപ്പെട്ടു. സർക്കാർ നൽകുമെന്ന് പറഞ്ഞിരിക്കുന്ന സഹായം ജീവിതം ദുരിതപൂർന്ന മായിരിക്കുന്ന മത്സ്യ തൊഴിലാളികൾക്ക് അപര്യാപ്തമാണ്. ജൂണിൽ സ്കൂളുകൾ തുറക്കാനിരിക്കെ തൊഴിൽ നഷ്ടം മൂലം വരുമാന മാർഗമടഞ്ഞ തൊഴിലാളികളുടെ അടിയന്തിര ആവശ്യങ്ങൾ പോലും നിറവേറ്റാൻ പ്രഖ്യാപിച്ച സഹായം കൊണ്ട് കഴിയില്ലെന്ന് ബോട്ട് ഓപറേറ്റേഴ്സ് അസോസിയേഷൻ പ്രസിഡന്‍റ് പീറ്റർ മത്യാസ് പ്രസ്താവനയിൽ പറഞ്ഞു.

പവർഹൗസ് അങ്കണവാടി പ്രവർത്തനം ആരംഭിച്ചു

പുനലൂർ : പവർഹൗസ് വാർഡിൽ നിർമാണം പൂർത്തിയാക്കിയ അങ്കണവാടിയും കൃഷ്ണൻ കോവിലിന് സമീപത്ത് നിന്നും പോകുന്ന റോഡിന്‍റെയും ഉദ്ഘാടനം നടന്നു. അങ്കണവാടി അങ്കണത്തിൽ ചേർന്ന യോഗത്തിൽ പി .എസ്. സുപാൽ എം എൽഎ ഉദ്ഘാടനം നിർവഹിച്ചു. നഗരസഭാ ചെയർപേഴ്സൺ കെ. പുഷ്പലത അധ്യക്ഷയായി. വൈസ് ചെയർമാൻ രഞ്ജിത്ത് രാധാകൃഷ്ണൻ വിശിഷ്ട വ്യക്തികളെ ആദരിച്ചു. വാർഡ് കൗൺസിലറും സ്ഥിരം സമിതി അധ്യക്ഷയുമായ പ്രിയ പിള്ള സ്വാഗതം പറഞ്ഞു. നഗരസഭാ മുൻ വൈസ് ചെയർമാൻ കരിക്കത്തിൽ പ്രസേനന്‍റെ പേരാണ് അങ്കണവാടിയ്ക്ക് നൽകിയിട്ടുള്ളത്.അങ്കണവാടിയ്ക്ക് ഭൂമി വിട്ടുനൽകിയ പ്രണവം ആശുപത്രി മാനേജിംഗ് ഡയറക്ടർ പി .പ്രശാന്തൻ, കരിക്കത്തിൽ പ്രസേന്‍റെഭാര്യ സരസമ്മ ടീച്ചർ എന്നിവരെ ചടങ്ങിൽ ആദരിച്ചു. സ്ഥിരം സമിതി അധ്യക്ഷൻ അഡ്വ .പി.എ .അനസ്, മുൻ ചെയർമാൻമാരായ കെ. രാധാകൃഷ്ണൻ, നിമ്മി അബ്രഹാം, മുൻ വൈസ് ചെയർമാൻ ഡി .ദിനേശൻ, സിപിഎം ഏരിയ സെക്രട്ടറി അഡ്വ.പി .സജി, കൗൺസിലർമാരായ എൻ.പി. അരവിന്ദാക്ഷൻ, നാസില ഷാജി, നഗരസഭാ സെക്രട്ടറി എസ്. സുമയ്യബീവി, റൂറൽ ബാങ്ക്സെക്രട്ടറി പ്രകാശ്, എഡിഎസ് ചെയർപേഴ്സൺ മണി ബാബു തുടങ്ങിയവർ പങ്കെടുത്തു.തുടർന്ന് കുട്ടികളുടെ വിവിധ പരിപാടികളും നടന്നു.

കെഎസ്ഇബി അസിസ്റ്റന്‍റ് എൻജിനീയറെ ഉപരോധിച്ചു

ചവറ : കെഎസ്ഇബി ചവറ അസിസ്റ്റന്‍റ് എൻജിനീയറെ ഉപരോധിച്ചു കോൺഗ്രസ് പ്രവർത്തകർ.കഴിഞ്ഞ മൂന്ന് ദിവസമായി തുടർച്ചയായി ചവറ പഞ്ചായത്തിന്‍റെ വിവിധ ഭാഗങ്ങൾ പൂർണമായി ഇരുട്ടിലായിട്ട് വൈദ്യബന്ധം പുനസ്ഥാപിക്കാൻ കഴിയാത്ത കെ എസ് ഇ ബി ചവറ സെക്ഷൻ ഓഫിസിന്‍റെ അനാസ്ഥയിൽ പ്രതിഷേധിച്ചായിരുന്നു ഉപരോധം . കൂടുതൽ തൊഴിലാളികളെ ഉൾപ്പെടുത്തി തകർന്ന പോസ്റ്റുകളും പൊട്ടിവീണ കമ്പികളും മാറ്റാതെ കെഎസ്ഇബി അലംഭാവം തുടരുകയാണെന്ന് ചവറ വെ വെസ്റ്റ്മണ്ഡലം കോൺഗ്രസ് കമ്മിറ്റി ആരോപിച്ചു. തട്ടാശേരി ഇലക്ട്രിക്കൽ സെക്ഷൻ ഓഫീസ് ചവറ വെസ്റ്റ് മണ്ഡലം കോൺഗ്രസ് കമ്മിറ്റിയുടെ നേതൃത്വത്തി രണ്ട് മണിക്കൂറോണം നിണ്ട സമരം ഏക്സിക്യൂട്ടിവ് എൻജിനയർ മേലധികാരികളുമായി നടത്തിയ ചർച്ചയുടെ ഫലമായി നാളെ വൈകുന്നേരത്തോടെ വൈദുതി കണക്ഷൻ പരിപൂർണമായി സ്ഥാപിക്കാമെന്ന ഉറപ്പിൻ മേൽ സമരം താ ത്കാലികമായി അവസാനിപ്പിച്ചു .മണ്ഡലം പ്രസിഡന്‍റ് പി.ആർ .ജയപ്രകാശ് അധ്യക്ഷനായി. പ്രതിഷേധ യോഗം ജില്ലാ കോൺഗ്രസ് കമ്മിറ്റി വൈസ് പ്രസിഡന്‍റ് ആർ .അരുൺ രാജ് ഉദ്ഘാടനം ചെയ്തു . പ്രതിഷേധ സമരത്തിൽ ചവറ ബ്ലോക്ക് പ്രസിഡന്‍റ് മേച്ചേഴത്ത് ഗിരിഷ്, ബാബു ജി പട്ടത്താനം, പ്രഭാ അനിൽ, ഇ.റഷിദ്, സുശീല അജയൻ ഗാന്ധി തറ, മണലിൽ മന്മഥൻ, സെബാസ്റ്റ്യൻആം ബ്രാസ് , ജിജി എന്നിവർ നേതൃത്വം നൽകി.

മത്സ്യതൊഴിലാളികൾക്ക് ഐക്യദാർഢ്യവുമായി കെ.സി.വേണുഗോപാൽ ; കടൽ സദ്യയൊരുക്കി ആലപ്പാട് പഞ്ചായത്ത്

കൊല്ലം : കപ്പൽ അപകടത്തെ തുടർന്ന് കണ്ടെയ്നറുകൾ കടലിൽ പതിച്ചതിനെ തുടർന്ന് കടൽ മൽസ്യം ഭക്ഷ്യ യോഗ്യമല്ല എന്ന പ്രചരണത്തിനെതിരേ, പൊതുജനങ്ങളിൽ അവബോധം സൃഷ്ടിക്കാൻ കടൽ മൽസ്യ വിഭവങ്ങളുടെ സദ്യയൊരുക്കി ആലപ്പാട് ഗ്രാമപഞ്ചായത്ത് ഭരണ സമിതി. ചെറിയഴീക്കൽ ഫിഷ് ലാന്‍റിംഗ് സെന്‍ററിൽ മൽസ്യ തൊഴിലാളികളോടും ജന പ്രതിനിധികളോടും സാമൂദായിക നേതാക്കൻമാരോടൊപ്പം കടൽ മൽസ്യ വിഭവങ്ങൾ കഴിച്ച് കെ.സി വേണുഗോപാൽ എം പി ഉദ്ഘാടനം ചെയ്തു. സി.ആർ മഹേഷ് എംഎൽഎ അധ്യക്ഷനായിരുന്നു. നിരവധി പ്രതിസന്ധികൾ നേരിടുന്ന മൽസ്യതൊഴിലാളികൾക്ക് കപ്പലപകടം ഏൽപ്പിച്ച ആഘാതം ചെറുതല്ല. തുടർച്ചയായി കാലാവസ്ഥ മുന്നറിയിപ്പുകൾ മൂലം മൽസ്യ ബന്ധനത്തിന് പോകുവാൻ സാധിക്കാത്ത മത്സ്യ തൊഴിലാളികൾക്ക് കപ്പലപകടത്തെ തുടർന്നും സർക്കാർ നിരോധനം ഏർപ്പെടുത്തിയിരിക്കുകയാണ്. ഈ സാഹചര്യത്തിൽ സർക്കാർ പ്രഖ്യാപിച്ച ധന സഹായം അപര്യാപ്തമാണ്. ആകയാൽ മത്സ്യതൊഴിലാളികൾക്ക് പ്രഖ്യാപിച്ച ധനസഹായം വർധിപ്പിക്കണം. കടൽ മത്സ്യങ്ങൾ കഴിച്ചാൽ ജീവന് ആപത്താണെന്നുള്ള പ്രചാരണം അവാസ്തവമാണെന്നും ഇത്തരത്തിലുള്ള വ്യാജ പ്രചാരണം തള്ളിക്കളഞ്ഞ് മൽസ്യത്തൊഴിലാളി സമൂഹത്തിന് പിന്തുണ നൽകാൻ പൊതു സമൂഹം മുന്നോട്ട് വരണമെന്ന് കെ.സി .വേണുഗോപാൽ എംപി പറഞ്ഞു. ഗ്രാമ പഞ്ചായത്ത് പ്രസിഡന്‍റ് യു. ഉല്ലാസ്, കെ.സി രാജൻ, തൊടിയൂർ രാമചന്ദ്രൻ, എം. അൻസാർ, ബി.പ്രിയകുമാർ, എം.വത്സലൻ, ആർ. രാജപ്രിയൻ, ഷിബു പഴനിക്കുട്ടി, എൽ.കെ.ശ്രീദേവി, എൽ.കെ. ചന്ദ്ര ബോസ്, ടി. ഷൈമ എസ് ഷിജി തുടങ്ങിയവർ പ്രസംഗിച്ചു.

കൊല്ലം - കോയമ്പത്തൂർ ട്രെയിൻ സർവീസ് പരിഗണനയിലെന്ന് റെയിൽവേ

കൊല്ലം: കൊല്ലത്ത് നിന്ന് മധുര, പളനി വഴി കോയമ്പത്തൂരിലേക്ക് പുതിയ ട്രെയിൻ സർവീസ് ആരംഭിക്കുന്നതിനുള്ള നിർദേശം സജീവ പരിഗണനയിലാണെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ് സൂചിപ്പിച്ചു. കേരളത്തിനും തമിഴ്‌നാടിനും ഇടയിൽ കൂടുതൽ തീർഥാടന, വ്യാപാര പാതകൾ ലക്ഷ്യമിട്ട്, പ്രത്യേകിച്ച് കോയമ്പത്തൂരിലെ പ്രധാന വാണിജ്യ കേന്ദ്രമായ മധുര, പളനി വഴിയുള്ള തീർത്ഥാടന പാതകൾ ലക്ഷ്യമിട്ട് പൊതുജനങ്ങളിൽ നിന്നുള്ള ദീർഘകാല ആവശ്യം ഉയർത്തിക്കാട്ടി കൊടിക്കുന്നിൽ സുരേഷ് എംപി രണ്ട് കത്തുകൾ റെയിൽ മന്ത്രിക്ക് നൽകിയിരുന്നു. യാത്രക്കാരുടെ സൗകര്യം മെച്ചപ്പെടുത്തുക, പ്രാദേശിക കണക്റ്റിവിറ്റി വർധിപ്പിക്കുക, ദക്ഷിണേന്ത്യൻ സംസ്ഥാനങ്ങൾ തമ്മിലുള്ള സാമ്പത്തിക, സാംസ്കാരിക ബന്ധങ്ങൾ വർധിപ്പിക്കുക എന്നിവയാണ് ഈ നിർദേശത്തിന്റെ ലക്ഷ്യം. കൊല്ലത്തിനും കോയമ്പത്തൂരിനും ഇടയിലുള്ള പുതിയ ട്രെയിൻ സർവീസുമായി ബന്ധപ്പെട്ട് മാത്രമല്ല, എംപിയുടെ കത്തുകളിൽ ഉന്നയിച്ച മറ്റ് അനുബന്ധ ആവശ്യങ്ങൾ പരിഹരിക്കുന്നതിനും ബന്ധപ്പെട്ട ഡയറക്ടറേറ്റിന് നിർദേശം നൽകിയിട്ടുണ്ടെന്ന് അശ്വിനി വൈഷ്ണവ് മറുപടിയിൽ പറഞ്ഞു. ആയിരക്കണക്കിന് ദൈനംദിന യാത്രക്കാർക്കും, പഴനിയിലെ മുരുകൻ ക്ഷേത്രം സന്ദർശിക്കുന്ന തീർഥാടകർക്കും, കേരളത്തിനും തമിഴ്‌നാടിനും ഇടയിൽ യാത്ര ചെയ്യുന്ന വ്യാപാരികൾക്കും ഈ പുതിയ സർവീസ് പ്രയോജനപ്പെടുമെന്ന് കൊടിക്കുന്നിൽ ആവർത്തിച്ചു. കൂടാതെ, നിലവിലുള്ള ട്രെയിനുകളിലെ തിരക്ക് കുറയ്ക്കാനും പ്രാദേശിക സാമ്പത്തിക വികസനത്തിനും ഈ പാത സംഭാവന നൽകുമെന്നും പ്രതീക്ഷിക്കുന്നു. മണ്ഡലത്തിലെയും അതിനപ്പുറത്തെയും ജനങ്ങളുടെ ആവശ്യങ്ങൾ സാക്ഷാത്കരിക്കുന്നതിൽ ഇത് ഒരു സുപ്രധാന ചുവടുവയ്പ്പാണ്. കൂടാതെ ഈ ഗുണകരമായ സേവനം എത്രയും വേഗം അവതരിപ്പിക്കാൻ കഴിയുന്ന തരത്തിൽ പ്രക്രിയ വേഗത്തിലാക്കാൻ മന്ത്രാലയത്തോട് അഭ്യർഥിക്കുന്നുവെന്നും കൊടിക്കുന്നിൽ സുരേഷ് പറഞ്ഞു. നിർദേശം യാഥാർഥ്യമാക്കുകയും ജനങ്ങളുടെ ആവശ്യങ്ങൾ നിറവേറ്റുകയും ചെയ്യുന്നതുവരെ വിഷയത്തിൽ തുടർനടപടികൾ നടത്തുമെന്നും എംപി ഉറപ്പ് നൽകി.

കൊല്ലത്ത് മത്സ്യത്തൊഴിലാളി കുടുംബങ്ങൾ പട്ടിണിയിലേക്ക്

അജി വള്ളിക്കീഴ് കൊല്ലം : ബോട്ടുകളും വള്ളങ്ങളും കടലിൽ പോകാതായിട്ടു ഒരാഴ്ച കഴിഞ്ഞു. കപ്പൽ അപകടം ഉണ്ടാക്കിയ പാരിസ്ഥിക പ്രശ്നങ്ങളും കടലാക്രമണവും പതിവിലും നേരത്തെ എത്തിയ കാലവർഷവും തീരദേശത്തെ പിടിച്ചുലച്ചിരിക്കുകയാണ്. ബോട്ടുകളും വള്ളങ്ങളും ഇറക്കരുതെന്ന സർക്കാർ ഉത്തവ് മൽസ്യ തൊഴിലാളി കുടുംബങ്ങളെ പട്ടിണിയിലേക്ക് കൂപ്പു കുത്തിച്ചിരിക്കുകയാണ്.ആര് കിലോ അരിയും ആയിരം രൂപ വീതവും മൽസ്യ തൊഴിലാളി കുടുംബങ്ങൾക്ക് നൽകുമെന്നാണ് സർക്കാർ പ്രഖ്യാപനം. ഇത് തീരെ അപര്യപ്തമാണെന്നാണ് മൽസ്യ തൊഴിലാളി സംഘടനകൾ പറയുന്നത്. സർക്കാർ പ്രഖ്യാപിച്ചിരിക്കുന്ന സഹായം എത്ര ദിവസത്തെ ഭക്ഷണ ചെലവിനാകുമെന്നാണ് മൽസ്യ തൊഴിലാളികളുടെ ചോദ്യം. കുട്ടികൾ അടക്കം അഞ്ചും ആരും അംഗങ്ങൾ ഉള്ള ഒരു മൽസ്യ തൊഴിലാളി കുടുംബത്തിന് സർക്കാർ പ്രഖ്യാപിച്ചിരിക്കുന്ന അരി കൊണ്ട് ആറ് ദിവസം പോലും മൂന്നു നേരം കഞ്ഞികുടിക്കാനാവില്ല. മത്സ്യ ബന്ധനം നിരോധിച്ചിട്ടു ഒരാഴ്ചയിലേക്ക് എത്തുമ്പോൾ ചെയ്തു വന്ന തൊഴിൽ ചെയ്യാനാവാതെ നിത്യ ദുരിതത്തിലേക്ക് എത്തിയിരിക്കുകയാണ് തീരദേശ മേഖലയിലെ കുടുംബങ്ങൾ. വലിയ യാനകളിലും ബോട്ടുകളിലുമായി മൽസ്യ ബന്ധനത്തിനു പോകുന്നവരെആശ്രയിച്ച് ഇരുപത്തിനായിരത്തിലേറെ കുടുംബങ്ങളാണ് കൊല്ലം തീരത്ത് മാത്രമുള്ളത്. കടലിൽ ചൂട് കൂടി മൽസ്യം കുറഞ്ഞ അവസ്ഥയിൽ കഷ്ട നഷ്ടങ്ങൾ സഹിച്ചാണ് മൽസ്യ തൊഴിലാളികൾ കടലിൽ പോയി കുടുംബത്തിന്‍റെ അന്നം കുടി മുട്ടാതെ മുന്നോട്ടു പോയിരുന്നത്. ചരക്ക് കപ്പൽ മറിഞ്ഞുണ്ടായ ദുരന്തം തീരദേശ മേഖലയുടെ നട്ടെല്ലൊടിക്കുന്ന പാരിസ്ഥിതിക പ്രശ്നമായി മാറി എന്നത് മൽസ്യ തൊഴിലാളി കുടുംബങ്ങളുടെ ദുരവസ്ഥ ചൂണ്ടി കാട്ടുന്നുണ്ട്. സ്കൂൾ തുറക്കുന്നതിനു മുൻപ്, കുട്ടികളുടെ സ്കൂൾ പ്രവേശനം, സ്കൂൾ ബാഗ്,ടെസ്റ്റ് ബൂക്ക്, യൂണിഫോം തുടങ്ങി വലിയ സാമ്പത്തിക ചെലവുകളുള്ള ഉത്തരവാദിത്തമാണ് അവർക്ക് മുന്നിലുള്ളത്. ഇതിനായുള്ള പരക്കം പാച്ചിലിനും കടക്കെണികൾക്കും ഇടയിലാണ് ഓരോ മൽസ്യ തൊഴിലാളി കുടുംബവും എന്നതാണ് വാസ്തവം. നാടിന്‍റെ സൈന്യമെന്നു പുകഴ്ത്തി പറയുന്ന മൽസ്യ തൊഴിലാളികൾ ഇതുവരെ നേരിടാത്ത ഇന്നത്തെ പ്രതിസന്ധിക്ക് പരിഹാരമായി സർക്കാർ പ്രഖ്യാപിച്ചിരിക്കുന്ന ആറ് കിലോ അരിയും ആയിരം രൂപയും ഒരു സഹായമല്ലെന്നു മത്സ്യത്തൊഴിലാളികൾ പറയുന്നുണ്ട്. കേരളത്തിൽ സാമൂഹികമായും സാമ്പത്തികമായും ഏറ്റവും പിന്നാക്കം നിൽക്കുന്ന ഒരു ജന വിഭാഗമാണ് മൽസ്യ തൊഴിലാളികളും അനുബന്ധ തൊഴിലാളികളും ഉൾപ്പെടുന്ന സമൂഹം. മറ്റേതൊരു മേഖലയിലെ തൊഴിലാളികൾക്കും അഭിമുഖീകരിക്കേണ്ടതില്ലാത്ത ആപത് സാധ്യതയാണ് ആഴക്കടലിലും ജലാശയങ്ങളിലും മൽസ്യ ബന്ധനം നടത്തുന്നവർ അഭിമുഖീകരിക്കുന്നത്. രാജ്യാന്തര മത്സ്യ ഉത്പാദനത്തിന്‍റെ 20 മുതൽ 25 ശതമാനം വരെ നൽകുന്ന കേരളത്തിന്‍റെ സംഭാവനയുടെ 15 ശതമാനത്തിലേറെ നൽകുന്നത് കൊല്ലം ആലപ്പുഴ ജില്ലകളിലെ മൽസ്യ തൊഴിലാളികളുടെ കരങ്ങളിലൂടെയാണ്.

മഴക്കെടുതി തുടരുന്നു

കുളത്തൂപ്പുഴ: ജില്ലയിൽ മഴക്കെടുതി തുടരുകയാണ്. കുളത്തൂപ്പുഴ മേഖലയിൽ വീശി അടച്ച ശക്തമായ ചുഴലിക്കാറ്റിൽ വ്യാപക നാശമുണ്ടായി. മരങ്ങൾ വീണു മേൽക്കൂര കാറ്റിൽ പറന്നു നിരവധി വീടുകൾക്ക് നാശം സംഭവിച്ചു .മരങ്ങളും ചില്ലകളും വീണ് വൈദ്യുതി ലൈൻ പൂർണമായി തകർന്നു. പ്രദേശത്തെ വൈദ്യുതി വിതരണം പുനർസ്ഥാപിക്കാനുള്ള ശ്രമംതുടരുകയാണ് . ശമനമില്ലാതെ മഴ തുടരുന്നു . പ്രദേശത്ത് വീശിയടിച്ച ശക്തമായ ചുഴലിക്കാറ്റിൽ അമ്പതേക്കർ പ്രദേശത്ത് നജീയാബീവി, കായ്ക്കര കുന്നുംപുറത്ത് ഹസീന ബീവി, എന്നിവരുടെ വീടുകളുടെ മേൽക്കൂര ശക്തമായ കാറ്റിൽ പറന്നുപോയി. മൺ കട്ട കൊണ്ട് കെട്ടിയ നജിയ ബീവിയുടെ വീടിന്‍റെ ഭിത്തി ഭാഗികമായി തകർന്നു. തൊട്ടടുത്തുള്ള ആനന്ദവല്ലിയുടെ വീടിന്‍റെ മേൽക്കൂര തകർന്നു ഭിത്തികൾക്ക് വിള്ളൽ സംഭവിച്ചു. കുളത്തൂപ്പുഴ അയ്യൻപിള്ള വളവിൽ അജിനാ മൻസിൽ നസീബ ബീവിയുടെ വീട്ടിന് മുകളിലേക്ക് കൂറ്റൻ തേക്ക് മരം കടപുഴകി മേൽക്കൂര തകർന്നു. കടമാൻ കോഡ് പ്രദേശത്തെ പി.കെ .ബിജുവിന്‍റെ വീട്ടിനു മുകളിലേക്ക് റബർ മരം വീഴുകയും, സുനിൽകുമാറിന്‍റെ പെട്ടിക്കട കാറ്റിൽ മരം വീണ് പൂർണമായി തകരുകയും ചെയ്തു . കൈതക്കാട് ചരിവിള വീട്ടിൽ ഷാഹുൽഹമീദിന്‍റെ വീട്ടിനു മുകളിലേക്ക് പ്ലാവ് ഒടിഞ്ഞുവീണു മേൽക്കൂരയ്ക്ക് നാശം സംഭവിച്ചു. വൻമരങ്ങൾ കടപുഴകി വീണ് കുളത്തൂപ്പുഴ സെക്ഷൻ പരിധിയിൽ നിരവധി വൈദ്യുത തൂണുകൾ തകരുകയും വൈദ്യുത ബന്ധം താറുമാറാകുകയും ചെയ്തു .ഏഴംകുളം മുതൽ കടമാൻ കോഡ് വരെ ഒന്നര കിലോമീറ്റർ ദൂരത്തിലെ വനപാതയിൽ നിരവധി മരങ്ങൾ കടപുഴകിയും മരക്കൊമ്പുകൾ വീണും വൈദ്യുതി ബന്ധം നിലച്ചു. റോഡ് ഗതാഗതം പൂർണമായി തകർന്നു. പിന്നീട് വാർഡ് മെമ്പറുടെ നേതൃത്വത്തിൽ നാട്ടുകാരുടെ സംഘം മണിക്കൂറുകൾ നീണ്ട പരിശ്രമത്തിനൊടുവിലാണ് ഏഴംകുളം കടമാൻ കോട് പാത ഗതാഗത യോഗ്യമാക്കിയത്. മലയോര ഹൈവേയിൽ ഏഴംകുളം വളവിന് സമീപം വൻ മരത്തി ന്‍റെശിഖരം വീണു. തിങ്കൾകരിക്കം പഴയ വില്ലേജ് ഓഫീസിൽ സമീപം സ്വകാര്യ വ്യക്തിയുടെ പുരയിടത്തിൽനിന്ന് തെങ്ങ് കടപുഴകി ഇലവൻ കെവി ലൈനിന്‍റെ മുകളിലേക്ക് വീഴുകയും 50 ഏക്കർ വിൽമല പാതയിൽ കുഞ്ഞുമോൻ തോടിനു സമീപം മരം ഒടിഞ്ഞുവീണ് വൈദ്യുതി ലൈനും റോഡ് ഗതാഗതവും പൂർണമായി തടസപ്പെട്ടു. കുമരംകരിക്കകം, സാംനഗർ ,ചന്ദനക്കാവ്, നെല്ലിമൂട് ,കൂവക്കാട്, കല്ലുവെട്ടാൻകുഴി ,ഡീസന്‍റ് മുക്ക്, ചോഴിയക്കോട്, തുടങ്ങിയ ഉൾപ്രദേശങ്ങളിൽ തകർന്ന വൈദ്യുതി ലൈനുകളുടെ അറ്റകുറ്റപ്പണി നടത്തി വൈദ്യുത ബന്ധം പുനർ സ്ഥാപിക്കാനുള്ളശ്രമം തുടരുകയാണെന്നും അതേസമയം ജീവനക്കാരുടെ കുറവ്മൂലം ഏറെ പ്രതിസന്ധി ഉണ്ടായതായും വൈദ്യുത ജീവനക്കാർ പറഞ്ഞു. കൊല്ലം ജില്ലയില്‍ മഴ ശക്തമായി തുടരുന്ന പശ്ചാത്തലത്തില്‍ ദുരന്തനിവാരണ-ലഘൂകരണ നടപടികള്‍ക്ക് തീരുമാനമെടുത്ത് ജില്ലാ വികസന സമിതിയോഗം . കളക്ടര്‍ എന്‍. ദേവിദാസിന്‍റെ അധ്യക്ഷതയില്‍ കളക്‌ട്രേറ്റ് കോണ്‍ഫറന്‍സ് ഹാളില്‍ ചേര്‍ന്നു. മരങ്ങള്‍ കടപുഴകി വൈദ്യുതിതടസപ്പെടുന്നത് പരിഹരിക്കുന്നതിന് മുന്‍ഗണന നല്‍കാനും അപകടരമായ മരങ്ങള്‍ മുറിച്ചുമാറ്റുന്നതിനുമാണ് നിര്‍ദേശം. തദ്ദേശ സ്ഥാപനങ്ങള്‍ക്ക് ദുരന്തസാഹചര്യം നേരിടാന്‍ സര്‍ക്കാര്‍ ധനസഹായം നല്‍കിയിട്ടുണ്ട്. കെഎസ്ഇബി പരാതികള്‍ ഉടനടി പരിഹരിക്കണം. പഞ്ചായത്ത് സെക്രട്ടറിമാര്‍ മരങ്ങള്‍ മുറിച്ച് മാറ്റുന്നുവെന്ന് ഉറപ്പാക്കണം. എല്ലാ സ്‌കൂളുകളിലും സൗകര്യങ്ങള്‍ സമ്പൂര്‍ണമെന്നുറപ്പാക്കണം. മഴക്കാല ശുചീകരണവും കൃത്യതയോടെ നടത്തണമെന്നും ജില്ലാ കളക്ടര്‍ നിര്‍ദേശിച്ചു. വൈദ്യുതി തടസം ആശുപത്രികളുടെ പ്രവര്‍ത്തനത്തെ ബാധിക്കുന്ന സാഹചര്യമുണ്ടാകരുത്, ജീവനക്കാരുടെ കുറവ് പരിഹരിക്കാന്‍ നടപടിയെടുക്കുമെന്ന് കോവൂര്‍ കുഞ്ഞുമോന്‍ എംഎല്‍എ പറഞ്ഞു. മഴക്കാലത്ത് ഗതാഗത നിയന്ത്രണം കുറ്റമറ്റ നിലയില്‍ പോലീസ് നിര്‍വഹിക്കണം. തകര്‍ന്ന വീടുകളുടെ വിവരം കൃത്യമായി അറിയിക്കണം. അതിനനുസരിച്ച് നഷ്ടപരിഹാരം നല്‍കുന്നത് വേഗത്തിലാക്കാനാകും. തദ്ദേശ സ്ഥാപനങ്ങള്‍ മരങ്ങള്‍ മുറിച്ച് നീക്കുന്നത് കൃത്യതയോടെയെന്ന് ഉറപ്പാക്കണമെന്നും നിര്‍ദേശിച്ചു.

ലഹരിവിരുദ്ധ കാമ്പയിൻ ജില്ലാതല ഉദ്ഘാടനം

ചാത്തന്നൂർ : കേരള സ്റ്റേറ്റ് ഭാരത് സ്കൗട്ട്സ് ആൻഡ് ഗൈഡ്സ് ജില്ലാ അസോസിയേഷൻ ജില്ലാ തല ലഹരി വിരുദ്ധ കാമ്പയിൻ നടത്തി. ചാത്തന്നൂർ ഗവ. വൊക്കേഷണൽ ആന്‍റ്ഹയർ സെക്കന്‍ററി സ്കൂളിൽ നടന്ന കാമ്പയിന്‍റെ ഉദ്ഘാടനം ജി. എസ്. ജയലാൽ എം എൽ എ നിർവഹിച്ചു. സ്കൗട്ട്സ് ആന്‍റ് ഗൈഡ്സ് അഡൾറ്റ് വിഭാഗം ജില്ലാ കമ്മിഷണർ അലക്സ്‌. പി. വർഗീസ് അധ്യക്ഷനായിരുന്നു. ജി വി എച്ച് എസ് എസ് ഹെഡ്മിസ്ട്രസ് സി. എസ്. സബീല ബീവി, ജില്ലാ എക്സിക്യൂട്ടീവ് വി. ജെ. വിജയകൃഷ്ണൻ നായർ, ലോക്കൽ അസോസിയേഷൻ ഭാരവാഹി സജിത, ജില്ലാ സെക്രട്ടറി ആർ. ഹിതേഷ് , ലോക്കൽ അസോസിയേഷൻ ട്രഷറര്‍ സതീഷ് , എന്നിവർ പ്രസംഗിച്ചു. അനിൽകുമാർ ക്ലാസ്നയിച്ചു.

കല്ലുംതാഴത്ത് വീട്ടിൽനിന്നും നിരോധിത പുകയില ഉത്പന്നങ്ങൾ പിടികൂടി

കൊല്ലം: സ്‌കൂൾ തുറക്കലിന് മുന്നോടിയായി പോലീസ് നടത്തിയ പരിശോധനയിൽ 12 ചാക്ക് നിരോധിത പുകയില ഉൽപ്പന്നങ്ങളുമായി യുവാവ് പിടിയിലായി. വടക്കേവിള കല്ലുംതാഴം അനുഗ്രഹ നഗർ 95, തടവിള വീട്ടിൽ സനൂജ്(29) ആണ് ഈസ്റ്റ് പോലീസിന്‍റെ പിടിയിലായത്. വേനലവധി കഴിഞ്ഞ് അടുത്തയാഴ്ച സ്‌കൂളുകളും കോളജുകളും തുറക്കാൻ ഇരിക്കെ, ജില്ലാ പോലീസ് മേധാവി കിരൺ നാരായണിന്‍റെ നിർദേശപ്രകാരം സിറ്റി പരിധിയിൽ ലഹരി പരിശോധന ശക്തമാക്കിയിരിക്കുകയാണ് പോലീസ്. ഇതിന്‍റെ ഭാഗമായി വ്യാഴം പുലർച്ചെ കൊല്ലം ഈസ്റ്റ് പോലീസ് സ്റ്റേഷൻ പരിധിയിൽ പെയിനുംമൂട് ഭാഗത്ത് വാഹന പരിശോധന നടത്തുന്നതിനിടയിലാണ് കാറിൽ കടത്തിക്കൊണ്ട് വന്ന രണ്ട് ലക്ഷത്തോളം രൂപ വിലവരുന്ന 12 ചാക്ക് നിരോധിത പുകയില ഉൽപ്പന്നങ്ങൾ പിടികൂടിയത്. കൊല്ലം ഈസ്റ്റ് പോലീസ് ഇൻസ്‌പെക്ടർ അനിൽകുമാറിന്‍റെ നേതൃത്വത്തിൽ എസ്ഐ രണദേവൻ, സിപിഒ മാരായ സുധീന്ദ്രൻ, ഷഫീഖ് എന്നിവരടങ്ങിയ സംഘമാണ് പുകയില ഉൽപ്പന്നങ്ങൾ പിടികൂടിയത്.

മസ്ജിദിൽ നിന്നും സ്റ്റീൽ ടാപ്പുകൾ മോഷണം പോയി

ചവറ : പട്ടാപ്പകൽ ചോല ജീലാനി മസ്ജിദിൽ നിന്നും പുതുതായി സ്ഥാപിച്ച പൈപ്പ് ലൈനിലെ സ്റ്റീൽ ടാപ്പുകൾ മോഷണം പോയി. നമസ്കാരത്തിനു മുൻപ് ശുദ്ധി വരുത്തുന്നതിനായി ഉപയോഗിച്ചിരുന്ന 12 ടാപ്പുകളാണ് കവർന്നത്. കഴിഞ്ഞദിവസം ഉച്ചയ്ക്ക് 12ന് നമസ്കാരത്തിനായി എത്തിയപ്പോഴാണ് ആളുകൾ ടാപ്പുകൾ നഷ്ടമായി വിവരം അറിയുന്നത്. വാട്ടർ ടാങ്കിൽ നിന്നും പൈപ്പിലേക്ക് പോകുന്ന ജലം ലോക്ക് ചെയ്ത ശേഷമാണ് ടാപ്പുകൾ അതിവിദഗ്ധമായി കടത്തിക്കൊണ്ടുപോയത്. ഒരു ടാപ്പിന് 1200 രൂപ വില വരുമെന്ന് മസ്ജിദ് പരിപാലന കമ്മിറ്റി ഭാരവാഹികൾ പറഞ്ഞു. പോലീസിൽ പരാതി നൽകി.

തൊടിയൂരിൽ ഭിന്നശേഷിക്കാർക്ക് സഹായ ഉപകരണങ്ങൾ വിതരണം ചെയ്തു

കരുനാഗപ്പള്ളി: തൊടിയൂർ ഗ്രാമപഞ്ചായത്ത് 2024-25 വാർഷിക പദ്ധതിയിൽ ഉൾപ്പെടുത്തി വയോജനങ്ങൾക്കും ഭിന്നശേഷിക്കാർക്കും സഹായ ഉപകരണങ്ങൾ വിതരണം ചെയ്തു. വയോജനങ്ങൾക്ക് വീൽചെയറുകൾ,വാക്കറുകൾ,ശ്രവണസഹായി,കമ്മോട് ചെയറുകൾ എന്നിവയും ഭിന്നശേഷിക്കാർക്ക് സ്റ്റാറ്റിക് സൈക്കിൾ ശ്രവണസഹായി,സിപി വീൽചെയർ(സെറിബ്രൽ പാൾസി രോഗമുള്ളവർക്കുള്ള വീൽചെയർ),ശ്രവണസഹായിഎന്നിവയാണ് നൽകിയത്. 22 ഭിന്നശേഷിക്കാർക്കും 27 വയോജനങ്ങളും ഉൾപ്പടെ 49 പേർക്ക് ഇതിന്‍റെ ആനുകൂല്യം ലഭിച്ചു. എട്ട് ലക്ഷം രൂപയുടെ പ്രോജക്റ്റ്‌ ആണ് ഇവർക്ക് വേണ്ടി പഞ്ചായത്ത്‌ നടപ്പിലാക്കിയത്. വയോജനങ്ങൾക്കും ഭിന്നശേഷിക്കാർക്കുമുള്ള സഹായ ഉപകരണങ്ങളുടെ വിതരണോദ്‌ഘാടനം ഗ്രാമപഞ്ചായത്ത് പ്രസിഡന്‍റ്ബിന്ദു വിജയകുമാർ നിർവഹിച്ചു. വൈസ് പ്രസിഡന്‍റ് തൊടിയൂർ വിജയൻ അധ്യക്ഷനായി. ക്ഷേമകാര്യ സ്റ്റാന്‍റിംഗ് കമ്മിറ്റി ചെയർപേഴ്സൻ ഷാനിമോൾ പുത്തൻവീട്ടിൽ, ആരോഗ്യ വിദ്യാഭ്യാസ സ്റ്റാന്‍റിംഗ് കമ്മിറ്റി ചെയർപേഴ്സൻ ഷബ്‌ന ജവാദ്, ഗ്രാമപഞ്ചായത്ത് അംഗങ്ങളായ ടി. ഇന്ദ്രൻ, തൊടിയൂർ വിജയകുമാർ, എൽ. സുനിത, പി. ആർ. സിന്ധു എന്നിവർ പ്രസംഗിച്ചു.അങ്കണവാടി ജീവനക്കാർ ചടങ്ങിന് നേതൃത്വം നൽകി.

പികെഎസ് താലൂക്ക് ഓഫീസ് മാർച്ചും ധർണയും നടത്തി

കരുനാഗപ്പള്ളി : പട്ടികജാതി ക്ഷേമസമിതി സംസ്ഥാന കമ്മിറ്റിയുടെ ആഹ്വാനപ്രകാരം താലൂക്ക് ഓഫീസിലേക്ക് മാർച്ചും ധർണയും സംഘടിപ്പിച്ചു. ജാതി സർട്ടിഫിക്കറ്റ് വിതരണത്തിൽ നിലനിൽക്കുന്ന പ്രതിസന്ധി ഒഴിവാക്കുക, അടിസ്ഥാനരഹിതമായ കാരണങ്ങൾ കാണിച്ച് ജാതി സർട്ടിഫിക്കറ്റ് നിഷേധിക്കുന്ന നടപടി അവസാനിപ്പിക്കുക, ജാതി സർട്ടിഫിക്കറ്റിനായി മനുഷ്യസാധ്യമല്ലാത്ത നിബന്ധനകൾ ഏർപ്പെടുത്താതിരിക്കുക തുടങ്ങിയ ആവശ്യങ്ങളുമായി ജാതി സർട്ടിഫിക്കറ്റ് അവകാശമാണ് തഹസിൽദാരുടെ ഔദാര്യമല്ല എന്ന മുദ്രാവാക്യം ഉയർത്തിയാണ് സമരം സംഘടിപ്പിച്ചത്. ഡോ .സുജിത്ത് വിജയൻപിള്ള എംഎൽഎ സമരം ഉദ്ഘാടനം ചെയ്തു. പികെഎസ് ചവറ ഏരിയ സെക്രട്ടറി എസ്. സന്തോഷ് അധ്യക്ഷനായി. കരുനാഗപ്പള്ളി ഏരിയ സെക്രട്ടറി എം .സുരേഷ്കുമാർ , ശൂരനാട് ഏരിയ സെക്രട്ടറി ജുഗിൻ അരവിന്ദ്, ഏരിയ പ്രസിഡന്‍റുമാരായ മനോഹരൻ, കെ .അനിൽകുമാർ എന്നിവർ പ്രസംഗിച്ചു.

അനധികൃത മത്സ്യബന്ധനം നടത്തിയാല്‍ ശിക്ഷാനടപടി സ്വീകരിക്കും

കൊല്ലം : ജലാശയങ്ങളെ മലിനമാക്കുന്ന അപകടകരമായ മത്സ്യബന്ധനം നടത്തിയാല്‍ മൂന്നുമാസം വരെ തടവോ 10000 രൂപ വരെ പിഴയോ രണ്ടും കൂടിയോ ചുമത്തുമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു. തൃക്കോവില്‍വെട്ടം ഗ്രാമപഞ്ചായത്തിലെ കണിയാംതോട് കനാലിന് സമീപം പരിശോധന നടത്തി. കനാലിന് കുറുകെയും ഇരുവശങ്ങളിലും മല്‍സ്യങ്ങളുടെ സഞ്ചാരത്തെ തടസപ്പെടുത്തുന്നതരത്തില്‍ കൃത്രിമമായി സ്ഥാപിച്ച തടയണ പൂര്‍ണമായും നീക്കം ചെയ്തതായും അറിയിച്ചു.

ട്രഗ്‌സ് എൻഡ് ആൾ ഡ്രീംസ് പ്രീമിയർ ഷോ റിലീസ് നാളെ

കൊല്ലം: മയക്കുമരുന്നിന് എതിരായുള്ള പോരാട്ടത്തിൽ പൊതുജനങ്ങൾക്ക് അവബോധം സൃഷ്ടിക്കാനും പ്രചോദനം നൽകാനും ലക്ഷ്യംവെച്ച് കെ എസ് ബി സി ജീവനക്കാർ നിർമിച്ച ട്രഗ്‌സ് എൻഡ് ആൾ ഡ്രീംസ് ( ഡെഡ്) എന്ന ഹ്രസ്വ ചിത്രത്തിന്‍റെ പ്രീമിയർ ഷോ റിലീസ് ജൂൺ ഒന്നിന് രാവിലെ 11 ന് ശ്രീനാരായണ സാംസ്കാരിക സമുച്ചയത്തിൽ നടക്കും. കൊല്ലം വെയർ ഹൗസിലെ അസിസ്റ്റന്‍റ് വി .ആർ .ശ്യാമാണ് ഇതിന്‍റെ തിരക്കഥ നിർവഹിച്ചിരിക്കുന്നത്. എ. കെ. മാരൂർ ആണ് സംവിധാനം. അനൂപ്, സിൽവർ, മൻസൂർ,വി. ശ്യാം, ശ്യാംദാസ് , അൽസിങ്, അനൂബ് വി. രാജ് എന്നിവരാണ് നിർമാതാക്കൾ. കെ എസ് ബി സി യിലെ ജീവനക്കാർ തന്നെയാണ് ഇതിൽ അഭിനയിച്ചിരിക്കുന്നത്. ഉദ്ഘാടനം കെ എസ് ബി സി ചെയർപേഴ്സൺ ആന്‍റ് മാനേജിങ് ഡയറക്ടർ ഹർഷിത അട്ടല്ലൂരി നിർവഹിക്കും. വെയർ ഹൗസ് മാനേജർ എസ്. വിപിൻ അധ്യക്ഷത വഹിക്കും. സിറ്റി പോലീസ് കമ്മീഷണർ കിരൺ നാരായണൻ , കവി കുരീപ്പുഴ ശ്രീകുമാർ, ചലച്ചിത്ര അക്കാദമി സെക്രട്ടറി സി. അജോയ്, അസിസ്റ്റന്‍റ് എക്സൈസ് കമ്മീഷണർ വി.സി. ബൈജു എന്നിവർ പങ്കെടുക്കും. പത്രസമ്മേളനത്തിൽ അനൂപ്, മൻസൂർ, സിൽവർ, ശ്യാം ,ഡി .ശ്യാംദാസ് എന്നിവർ പങ്കെടുത്തു.

കരവാളൂർ ഗവ. എൽ പി സ്കൂളിന്‍റെ പുതിയ കെട്ടിടം മന്ത്രി ബാലഗോപാൽ ഉദ്ഘാടനം ചെയ്തു

കരവാളൂർ: 102 വർഷം പഴക്കമുള്ള കരവാളൂർഗവ.എൽ പി സ്കൂളിന്‍റെ പുതിയ കെട്ടിടം, നവീകരിച്ച കെട്ടിടം, പ്രീ പ്രൈമറി കുട്ടികൾക്കായുള്ളവർണ കൂടാരം എന്നിവയുടെ ഉദ്ഘാടനം മന്ത്രി കെ.എൻ.ബാലഗോപാൽ നിർവഹിച്ചുപി.എസ്.സുപാൽ എംഎൽഎ അധ്യക്ഷനായിരുന്നു. രണ്ടേകാൽ കോടി രൂപ ചെലവിട്ടാണ് നാനൂറിലേറെ കുട്ടികൾ പഠിക്കുന്ന കരവാളൂർ ഗവ. എൽ പി സ്കൂളിനെ കേരള സർക്കാർ നവീകരിക്കുന്നത്. പഴയ സ്കൂളിനെ പൈതൃക കെട്ടിടമായി പുനർ നിർമിച്ചതിനു പുറമെ 10 ക്ലാസ് മുറികളും മറ്റ് എല്ലാ സൗകര്യങ്ങളുമുള്ള ഒരു പുതിയ കെട്ടിടവും നിർമിച്ചിരിക്കുകയാണ്.80 വയസു കഴിഞ്ഞ പൂർവ വിദ്യാർഥികളെയും സ്കൂളിന്‍റെ പുതിയ കെട്ടിട നിർമാണ പ്രവർത്തകരെയും ചടങ്ങിൽ ആദരിച്ചു. പഞ്ചായത്ത് പ്രസിഡന്‍റ് ലതികമ്മ, ജില്ലാ പഞ്ചായത്ത് മെമ്പർ ഡോ.കെ. ഷാജി, ബ്ലോക്ക് പഞ്ചായത്ത് പ്രസിഡന്‍റ്ഓമനാ മുരളി തുടങ്ങിയവർ പ്രസംഗിച്ചു. കുട്ടികളുടെയും അധ്യാപകരുടെയും കലാപരിപാടികളും നടന്നു.

രണ്ടാഴ്ച ബോധവത്കരണം; വ്യക്തത വരുത്തണമെന്ന് കെഎടിഎ

കൊല്ലം : സ്കൂൾ തുറന്ന് രണ്ടാഴ്ച പാഠ പുസ്തകങ്ങൾ മാറ്റി വെച്ച് കുട്ടികൾക്കുള്ള ബോധവത്ക്കണ പരിപാടികളാണ് ക്ലാസ് മുറികളിൽ നടക്കേണ്ടതെന്ന വിദ്യാഭ്യാസ വകുപ്പ് മന്ത്രിയുടെ അഭിപ്രായത്തിന് വ്യക്തത വരുത്തണമെന്ന് കേരള എയ്ഡഡ് ടീച്ചേഴ്സ് അസോസിയേഷൻ സംസ്ഥാന സെക്രട്ടറി എ. വി. ഇന്ദുലാൽ അവശ്യപ്പെട്ടു. സ്കൂൾ തുറക്കാൻ ദിവസങ്ങൾ മാത്രം ശേഷിക്കെ അധ്യാപകർക്ക് കൃത്യമായ മോഡ്യൂളുകൾ നൽകുകയോ വ്യക്തമായ ആസൂത്രണം നടത്തുകയോ ചെയ്തിട്ടില്ല. രണ്ട് ആഴ്ചക്കാലത്തെ പഠനം എങ്ങനെയായിരിക്കണമെന്ന് ഇതുവരെയും വ്യക്‌തമായ ഒരു കാഴ്ചപ്പാട് അധ്യാപകർക്ക് നൽകിയിട്ടില്ല എന്നത് വിദ്യാഭ്യാസ വകുപ്പിന്‍റെ പരാജയമാണ് കാണിക്കുന്നത്. ബോധവൽക്കരണം നടത്താൻ ഉദ്ദേശിക്കുന്ന മേഖലകളിലെ വിദഗ്‌ധരെ ഉൾപ്പെടുത്തി വ്യക്തമായ പ്ലാനിംഗ് നടത്തിയില്ലെങ്കിൽ ഇത് പരാജയമായിരിക്കുമെന്നു കെ എ റ്റി എ കൊല്ലം ജില്ലാ പ്രവർത്തന കൺവൻഷൻ ഉദ്ഘാടനം ചെയ്ത് പ്രസംഗിക്കവെ എ. വി. ഇന്ദുലാൽ പറഞ്ഞു. മെഡിസെപ്പ് തുടരുന്നതിലെ അവ്യക്തകൾ ഉടൻ പരിഹരിക്കണമെന്നും കെ എ റ്റി എ കൊല്ലം ജില്ലാ പ്രവർത്തന കൺവൻഷൻ ആവശ്യപ്പെട്ടു. ജില്ലാ ഭാരവാഹികളായി എസ്. അജിതകുമാരി- പ്രസിഡന്‍റ്, മാമൂട് രാധാകൃഷ്ണ പിള്ള -സെക്രട്ടറി, ഡി. അനിൽ-ട്രഷറർ എന്നിവരെ തെരഞ്ഞെടുത്തു. അലക്സ് പി ജേക്കബ് അധ്യക്ഷത വഹിച്ചു. സംസ്ഥാന പ്രസിഡന്‍റ് ബി.ശ്രീ പ്രകാശ്, സാസ്ഥാന ട്രഷറർ പി.ആർ.അനിൽകുമാർ , എസ്. രാധാകൃഷ്ണപിള്ള, എസ്. അജിതകുമാരി എന്നിവർ പ്രസംഗിച്ചു.

പുത്തൂരിൽ കാറിന് തീപിടിച്ചു

കൊട്ടാരക്കര: ഓടി വന്ന കാറിന് തീപിടിച്ചു. യാത്രക്കാർ അപകടമില്ലാതെ രക്ഷപെട്ടു. പുത്തൂർ ചുങ്കത്തറയിലാണ് സംഭവം. പുത്തൂരിൽ നിന്നും കൊട്ടാരക്കര ഭാഗത്തേക്ക് വരികയായിരുന്നകാറിൽ നിന്നും പുക ഉയരുന്ന കണ്ട് ഡ്രൈവർ കാർ സൈഡിൽ ഒതുക്കി. യാത്രക്കാർ പുറത്തിറങ്ങുമ്പോഴേക്കും കാറിൽ നിന്നും തീയും പുകയും പുറത്തേക്കു വന്നു. ഉടൻതന്നെ നാട്ടുകാരും പുത്തൂർ പോലീസും സംഭവസ്ഥലത്ത് എത്തി തീ അണച്ചു. നാട്ടുകാരുടെയും പോലീസിന്‍റെയും ഇടപെടൽ മുഖാന്തരം വലിയ ഒരു അപകടം ഒഴിവായി .

അഷ്ടമുടി വീരഭദ്രസ്വാമി ക്ഷേത്രത്തിൽ അഷ്ടബന്ധകലശം ജൂൺ മൂന്ന് മുതൽ

കൊല്ലം: അഷ്ടമുടി വീരഭദ്രസ്വാമി ക്ഷേത്രത്തിലെ അഷ്‌ടബന്ധ നവീകരണ കലശ ചടങ്ങുകൾ ജൂൺ മൂന്നിന് രാവിലെ ആരംഭിച്ച് എട്ടിന് സമാപിക്കുമെന്ന് തൃക്കരുവ കുറ്റിയഴികം ദേവസ്വം ഭാരവാഹികൾ വാർത്താസമ്മേളനത്തിൽ അറിയിച്ചു. അഷ്ടമംഗല ദേവപ്രശ്‌ന അടിസ്ഥാനത്തിൽ വീരഭദ്ര ദേവന്‍റെ പ്രതിഷ്ഠയുടെ ചൈതന്യം വീണ്ടെടുക്കാനാണ് അഷ്‌ടബന്ധ നവീകരണ കലശം നടത്തുന്നത്. ക്ഷേത്രം തന്ത്രി തുറവൂർ ഉണ്ണികൃഷ്ണ‌നും സുനിൽകുമാർ ശാന്തിയും അഷ്ടബന്ധ നവീകരണ ചടങ്ങുകൾക്കു നേതൃത്വം നൽകും. അഷ്ടബന്ധ നവീകരണ ദിവസങ്ങളിൽ മഹാഗണപതി ഹോമം, ഭഗവതിസേവ,മൃത്യുഞ്ജയ ഹോമം, ഭദ്രകാളി പൂജ, ഐക്യമത്യ സൂക്ത പുഷ്‌പാഞ്ജ‌ലി, വിഷ്‌ണുസഹസ്രനാമാർച്ചന, ഭാഗ്യസൂക്ത പുഷ്പാഞ്ജലി, ലളിത സഹസ്രനാമാർച്ചന, യജ്ഞശാലയിൽ ഒരു ദിവസത്തെ പൂജ, പുരുഷസൂക്ത പുഷ്പാഞ്ജലി, ശ്രീസൂക്ത പുഷ്പാഞ്ജലി, സ്വയംവര മന്ത്ര പുഷ്‌പാഞ്ജലി, സായൂജ്യപൂജ, തിലഹോമം, കലശം, ബ്രഹ്മകലശം തുടങ്ങിയ വിശേഷാൽ വഴിപാടുകൾ നടത്താൻ ആഗ്രഹിക്കുന്ന ഭക്തർക്ക് അവസരം ഒരുക്കിയിട്ടുണ്ട്. 9400194663, 9745312005 എന്നീ നമ്പരുകളിൽ വിളിച്ച് ഇതിനായി മുൻകൂട്ടി രജിസ്റ്റർ ചെയ്യണം. ജനങ്ങളുടെ ഭൂതബാധ ദോഷങ്ങളും ഗൃഹദോഷങ്ങളും, ഭൂമി സംബന്ധമായ ദോഷങ്ങളും മറ്റ് ദുരിതങ്ങളും അകറ്റി സർവശ്വര്യം പ്രദാനം ചെയ്യാൻ എല്ലാ ദിവസവും അഷ്ടമുടി വീരഭദ്രസ്വാമി ക്ഷേത്രത്തിൽ ഭക്തർക്ക് ആകാശബലി വഴിപാടിനും സൗകര്യം ഒരുക്കിയിട്ടുണ്ട്. ആകാശബലി വഴിപാട് നടത്താൻ ആഗ്രഹിക്കുന്നവർ 8891383964, 735643092 എന്നീ നമ്പരുകളിൽ വിളിച്ച് പേര് രജിസ്റ്റർ ചെയ്യണം. പത്രസമ്മേളനത്തിൽ തൃക്കരുവ കുറ്റിയഴികം ദേവസ്വം വർക്കിംഗ് കമ്മിറ്റി പ്രസിഡന്‍റ് മങ്ങാട് സുബിൻ നാരായൺ, സെക്രട്ടറിമാരായ ഡോ. കെ.വി. ഷാജി, ഡി.എസ്. സജീവ്, പി.എൻ.ആനന്ദക്കുട്ടൻ എന്നിവർ പങ്കെടുത്തു.

മയക്കുമരുന്നിനെതിരേ തുടര്‍നടപടികള്‍ വേണം: ചാരായനിരോധന ജനകീയ സമിതി

കൊല്ലം : മയക്കുമരുന്നിനെതിരെ എക്‌സൈസ്-പോലീസ് വകപ്പുകളുടെ പ്രവര്‍ത്തനം കാര്യക്ഷമമാണെന്നും പരിശോധനകള്‍ക്ക് തുടര്‍ച്ച ഉണ്ടാകണമെന്നും ജില്ലാതല ചാരായനിരോധന ജനകീയ നിരീക്ഷണസമിതി. എ ഡി എം ജി .നിര്‍മല്‍ കുമാറിന്‍റെ അധ്യക്ഷതയില്‍ ചേര്‍ന്ന യോഗത്തില്‍ പരിശോധന കൂടുതല്‍ ശക്തിപ്പെടുത്തുന്നത് സംബന്ധിച്ച് വകുപ്പുകള്‍ക്ക് നിര്‍ദേശം നല്‍കി. ഫ്‌ളാറ്റുകളിലെ പരിശോധന തുടരണം. ടൂറിസ്റ്റ് വാഹനങ്ങള്‍, അന്യസംസ്ഥാന തൊഴിലാളികളുടെ താമസയിടങ്ങള്‍, കൊല്ലം ബീച്ച് എന്നിവിടങ്ങള്‍ പരിശോധിക്കണം. ബസ് സ്റ്റാന്‍ഡ്, റെയില്‍വേ സ്റ്റേഷന്‍ എന്നിവിടങ്ങള്‍ നിരീക്ഷണം ഉറപ്പാക്കണം. കരുനാഗപ്പള്ളി, അഴീക്കല്‍ ബീച്ച് എന്നിവിടങ്ങളില്‍ നീരിക്ഷണവും പരിശോധനയും നടത്തണം. സ്‌കൂളുകളില്‍ ലഹരിവിരുദ്ധ ക്ലബുകള്‍ രൂപീകരിക്കണം, സ്‌കൂള്‍ ജാഗ്രതസമിതികളുടെ നേതൃത്വത്തില്‍ പ്രത്യേക സംവിധാനവും ഒരുക്കണമെന്ന് എഡിഎം നിര്‍ദേശിച്ചു. മെയ് ഒന്ന് മുതല്‍ 28 വരെ ജില്ലയില്‍ എക്‌സൈസ് വകുപ്പ് 850 റെയ്ഡുകള്‍ നടത്തി. 114 അബ്കാരി കേസുകളും, 66 മയക്കുമരുന്ന് കേസുകളും, വിമുക്തിയുമായി ബന്ധപ്പെട്ട് സ്‌കൂള്‍തലത്തില്‍ എട്ട് ബോധവത്കരണ പരിപാടികള്‍, സ്റ്റുഡന്‍റ് പോലീസ് കേഡറ്റ്, എന്‍ സി സി/സ്‌കൗട്ടസ്, സ്‌കൂള്‍ ജാഗ്രത സമിതി പരിപാടികള്‍ ഉള്‍പ്പെടെ 442 പ്രവര്‍ത്തനങ്ങള്‍ നടത്തി. വനാതിര്‍ത്തികളില്‍ പ്രവര്‍ത്തിക്കുന്ന അനധികൃത മദ്യനിര്‍മാണം തടയാന്‍ നടപടിയെടുക്കണമെന്നും എക്‌സൈസ്, ഫോറെസ്റ്റ്, റവന്യൂ, പോലീസ് വകുപ്പുകള്‍ സംയുക്തപരിശോധനകള്‍ നടത്തണമെന്നും യോഗം ആവശ്യപ്പെട്ടു. ഡെപ്യൂട്ടി എക്‌സൈസ് കമ്മീഷണര്‍ എം .നൗഷാദ്, വിമുക്തി ജില്ലാ മാനേജര്‍ എച്ച് .നൂറുദ്ദീന്‍, ചാരായനിരോധന നിരീക്ഷണസമിതി അംഗങ്ങള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

കുപ്രസിദ്ധ മോഷ്ടാവ് വെള്ളംകുടി ബാബു പിടിയില്‍ ഇക്കുറി പിടിയിലായത് മോഷണത്തിനല്ല, അക്രമത്തിന്

അഞ്ചല്‍ : കേരളത്തിലെ വിവിധ പോലീസ് സ്റ്റേഷനുകളില്‍ നിരവധി കവര്‍ച്ച കേസുകളില്‍ പ്രതിയായ ചണ്ണപ്പേട്ട മണക്കോട് സ്വദേശി വെള്ളംകുടി ബാബു വീണ്ടും പിടിയിലായി. ഓയില്‍ ഫാം തോട്ടത്തില്‍ നിന്നും ഏരൂര്‍ പോലീസാണ് കഴിഞ്ഞ ദിവസം രാത്രി ബാബുവിനെ പിടികൂടിയത്. ഇക്കുറി ബാബു പിടിയിലായത് പക്ഷേ മോഷണത്തിനോ മോഷണ ശ്രമത്തിനോ അല്ല. ചണ്ണപ്പേട്ടയില്‍ അയല്‍വാസിയെ വീട് കയറി ആക്രമിക്കുകയും വീട് ഡീസല്‍ ഒഴിച്ച് കത്തിക്കാന്‍ ശ്രമിച്ച കേസിലാണ് ഇപ്പോള്‍ പിടിയിലായത്. ജാമ്യത്തിലിറങ്ങുന്ന ബാബു വീട്ടിലെത്തുമ്പോള്‍ അയല്‍വാസി പോലീസിനെ അറിയിക്കുന്നു എന്ന് ആരോപിച്ചാണ് ആക്രമണവും ഭീഷണിപ്പെടുത്തലും നടത്തിയത്. കന്നാസിൽ ഡീസലുമായി ബാബുവിന്‍റെ വീട്ടിൽ എത്തി ഒഴിക്കുകയും കത്തിക്കുമെന്ന് പറഞ്ഞു ഭീഷണിപ്പെടുത്തുകയും ചെയ്തു. വീട്ടുകാർ പോലീസിൽ വിവരം അറിയിച്ചതിനെ തുടർന്ന് ഏരൂർ സി ഐ പുഷ്പ കുമാറിന്‍റെ നേതൃത്വത്തിലുള്ള പോലീസ് സംഘം ഭാരതീപുരത്ത് നിന്നും ബാബുവിനെ കസ്റ്റഡിയിലെടുക്കുകയായിരുന്നു. വീടുകയറി അക്രമം, വധശ്രമം അടക്കമുള്ള വകുപ്പുകളാണ് ബാബുവിന് മേൽചുമത്തിയിട്ടുള്ളത്. അതേസമയം, പത്തനാപുരം അഞ്ചല്‍ ഉള്‍പ്പടെയുള്ള നിരവധിയിടങ്ങളില്‍ അടുത്തിടെ നടന്ന മോഷണങ്ങള്‍ക്ക് പിന്നില്‍ വെള്ളംകുടി ബാബു ആണെന്ന സംശയത്തെ തുടര്‍ന്നു ഏരൂര്‍ പോലീസിന്‍റെ കസ്റ്റഡിയിലായ ബാബുവിനെ പത്തനാപുരം, അഞ്ചല്‍ പോലീസുകാര്‍ ചോദ്യം ചെയ്തിട്ടുണ്ട്. ജാമ്യത്തിലിറങ്ങിയാല്‍ ഉടന്‍ വീണ്ടും മോഷണം നടത്തുന്നതാണ് വെള്ളംകുടി ബാബുവിന്‍റെ രീതി. അറസ്റ്റ് രേഖപ്പെടുത്തിയ ബാബുവിനെ കോടതിയില്‍ ഹാജരാക്കി റിമാന്‍റ് ചെയ്തു.

കരൾ രോഗ നിർണായ ക്യാന്പും പ്രമേഹരോഗ നിർണയവും

കൊല്ലം: റോട്ടറി ക്ലബ് ഓഫ് ക്വയിലോൺ സൗത്തിന്‍റെയും, ബാർ അസോസിയേഷന്‍റെയും സംയുക്താഭിമുഖ്യത്തിൽ കൊല്ലം ബാർ അസോസിയേഷൻ ഹാളിൽ കരൾ രോഗ നിർണയ ക്യാമ്പ് നടന്നു. ഫൈബ്രോ സ്കാൻ, പ്രമേഹ രോഗ നിർണയം എന്നിവയും ഇതോടൊപ്പം സംഘടിപ്പിച്ചു. 150 ഓളം അഭിഭാഷകർക്കായിട്ടാണ് ക്യാമ്പ് സംഘടിപ്പിച്ചത്. കൊല്ലം പ്രിൻസിപ്പൽ ഡിസ്ട്രിക്റ്റ് ആൻഡ് സെഷൻസ് ജഡ്ജ് പി. മായാദേവി ഉദ്ഘാടനം നിർവഹിച്ചു. കൊല്ലം ബാർ അസോസിയേഷൻ പ്രസിഡന്‍റ് അഡ്വ. ഓച്ചിറ എൻ. അനിൽകുമാർ അധ്യക്ഷത വഹിച്ചു. റോട്ടറി ക്ലബ് പ്രസിഡന്‍റ് ഡോ. എസ്. രഞ്ജിത്ത് നാഥൻ നേതൃത്വവും നൽകി. ഡോ. ജിബിൻ, കൊല്ലം ബാർ അസോസിയേഷൻ സെക്രട്ടറി അഡ്വ. എ. കെ. മനോജ്, ക്വയിലോൺ സൗത്ത് റോട്ടറി ക്ലബ്‌ ട്രഷറർ വൈശാഖ്, തബിൽ സെബാസ്റ്റ്യൻ, ഷിബു റാവുത്തർ എന്നിവർ പ്രസംഗിച്ചു.

വേടനെതിരേ വിദ്വേഷപ്രസംഗം; എന്‍.ആര്‍ .മധുവിനെ അറസ്റ്റ് ചെയ്തു

കൊല്ലം: റാപ്പര്‍ വേടനെതിരായ വിദ്വേഷപ്രസംഗം നടത്തിയ കേസില്‍ ആര്‍എസ്എസ് നേതാവായ കേസരി പത്രാധിപര്‍ എന്‍.ആര്‍ മധുവിന്‍റെ അറസ്റ്റ് രേഖപ്പെടുത്തി. കിഴക്കേ കല്ലട പോലീസാണ് അറസ്റ്റ് ചെയ്തത്. തുടർന്ന് ജാമ്യത്തില്‍ വിട്ടു. സിപിഎം കിഴക്കേ കല്ലട ലോക്കല്‍ സെക്രട്ടറി വേലായുധന്‍റെ പരാതിയിലാണ് കേസെടുത്തത്. കിഴക്കേ കല്ലട പുതിയിടം ക്ഷേത്രത്തില്‍ നടന്ന ചടങ്ങിലായിരുന്നു മധുവിന്‍റെ വിദ്വേഷ പ്രസംഗം. വേടന്‍റെ പാട്ടുകള്‍ ജാതി ഭീകരവാദം പ്രചരിപ്പിക്കുന്നതാണെന്നും വേടന് പിന്നില്‍ രാജ്യത്തെ വിഘടനവാദികളാണെന്നുമാണ് പ്രസംഗത്തില്‍ പറഞ്ഞത്. വേടന്‍റെപാട്ടുകള്‍ വരുംതലമുറയുടെ മനസില്‍ വിഷം കുത്തിവയ്ക്കുന്ന കലാഭാസം ആണെന്നും ഇയാള്‍ പറഞ്ഞിരുന്നു. കൂടാതെ ഷവര്‍മ കഴിച്ച് മരിച്ചവരെല്ലാം ഹിന്ദുക്കളാണെന്നുമുള്ള മധുവിന്‍റെ വര്‍ഗീയ പ്രസംഗത്തിനെതിരേ ശക്തമായ പ്രതിഷേധം ഉയര്‍ന്നിരുന്നു. മധുവിനെതിരേ നിയമനടപടി സ്വീകരിക്കണമെന്ന് ആവശ്യപ്പെട്ട് ഡിവൈഎഫ്ഐ ജില്ലാ കമ്മിറ്റി റൂറല്‍ എസ്പിക്ക് പരാതിയും നല്‍കിയിരുന്നു.

സ്കൂൾ ശുചീകരണത്തിന് തൊഴിലുറപ്പ് തൊഴിലാളികളും

കുളത്തൂപ്പുഴ: ബി എം ജി ഹൈസ്കൂൾ പ്രവേശനോത്‌സവത്തിനായി ഒരുങ്ങി. ഒരുക്കത്തിന് സൗന്ദര്യം കൂട്ടാൻ അധ്യാപകർക്കൊപ്പം അമ്പതിൽപ്പരം തൊഴിലുറപ്പ് തൊഴിലാളികളുംഉണ്ടായിരുന്നു. സ്കൂൾ ഹെഡ്മാസ്റ്റർ കെ. ഷാജുമോൻ, ഗ്രാമപഞ്ചായത്തംഗം സിസിലി ജോബ്, ലോക്കൽ മാനേജർ ഫാ. മാത്യു ചരിവുകാലായിൽ എന്നിവർ ഒരുക്കങ്ങൾക്ക് നേതൃത്വം നൽകി. സ്കൂൾ പരിസരം, ക്ലാസ് മുറികൾ, ശുചിമുറികൾ എന്നിവ ശുചീകരിച്ച് നവാഗതരെ സ്വീകരിക്കാൻ അക്ഷര മുത്തശിയെ അണിയിച്ചൊരുക്കി. സുനിൽ കെ തോമസ്, റോബർട്ട് എന്നിവർ പ്രസംഗിച്ചു.

മഴ: ജില്ലയിൽ വ്യാപക നഷ്ടം : നിരവധി വീടുകൾ തകർന്നു, കൃഷിനാശവും വ്യാപകമായി

കൊല്ലം: ജില്ലയില്‍ മഴക്കെടുതിയുടെ ആഘാതം അനുദിനം വർധിക്കുകയാണ്. മഴക്കെടുതിയിൽ 164 വീട് ഭാഗികമായും ആറുവീടുകൾ പൂർണമായും തകർന്നു. ദുരിതാശ്വാസ ക്യാന്പുകൾ ഇതുവരെയും തുറന്നില്ല. വർഷകാലത്തിനു മുന്നോടിയായുള്ള മുന്നൊരുക്കങ്ങൾ ജില്ലയിൽ പാളി. ജില്ലാ കളക്ടർ ഇത് സംബന്ധിച്ച് നൽകിയ നിർദേശങ്ങൾ വിരലിൽ എണ്ണാവുന്ന തദ്ദേശ സ്ഥാപങ്ങൾ മാത്രമാണ് ഗൗരമായിട്ടെടുത്തത്. പൊതുസ്ഥലങ്ങളില്‍ ജീവനും സ്വത്തിനും ഭീഷണിയായി നില്‍ക്കുന്ന മരങ്ങള്‍ മുറിച്ചു മാറ്റുന്നതിനായി,അതാതു വകുപ്പുകൾ നടപടി എടുക്കണമെന്ന് കളക്ടറേറ്റിൽ നടന്ന രണ്ടു യോഗങ്ങളിൽ കളക്ടർ ആവശ്യപെട്ടിരുന്നതാണ്. സ്വകാര്യ ഭൂമികളിലും വനഭൂമിയിലും അപകടകരമാം വിധം നിന്നിരുന്ന മരങ്ങൾ മുറിച്ചു മാറ്റുന്ന കാര്യത്തിൽ അലംഭാവം കാട്ടിയതാന് മഴക്കെടുതി ജില്ലയിൽ വർധിച്ചു കൊണ്ടിരിക്കുന്നതിനു മുഖ്യകാരണമായത്. മലയോര മേഖലയിൽ വനം വകുപ്പും നഗര പ്രദേശങ്ങളിൽ വൈദ്യുതി വകുപ്പും കാട്ടിയ ആലം ഭാവവും അനാസ്ഥയും ലക്ഷങ്ങളുടെ നാശനഷ്ടങ്ങൾ ഉണ്ടാക്കിയപ്പോൾ നിരവധിപേർ സ്വന്തം കിടപ്പാടങ്ങൾ മരങ്ങൾ വീണു തകരുന്നത് കണ്ണീരോടെ നോക്കി നിൽക്കേണ്ടി വന്നു. മരം-മരചില്ല വീണുള്ള നാശനഷ്ടം ജില്ലയിലെ മലയോര മേഖലയിൽ വലിയ തോതിലാണ് ഉണ്ടാക്കിയത്. കുണ്ടറ : ഇളമ്പള്ളൂർ ചന്ദനത്തോപ്പ് റെയിൽവേ സമാന്തര പാതയിൽ കേരളപുരത്തിനും, മാമൂടിനും ഇടയ്ക്ക് 70 വർഷത്തോളം പഴക്കമുള്ള വൻ പുളിമരമാണ് റോഡിനു കുറുകെ കടപുഴുകിയത്. ഇന്നലെ വൈകുന്നേരം ആറിന് വന്ന ട്രെയിൻ നിർത്തി റെയിൽവേ തൊഴിലാളികളുടെ സഹായത്തോടെ ശിഖരങ്ങൾ വെട്ടിമാറ്റി ഗതാഗതം പുന സ്ഥാപിച്ചു. എന്നാൽ സമാന്തര റോഡിലെ ഗതാഗതം 24 മണിക്കൂറിനു ശേഷവും പുനസ്ഥാപിക്കാൻ കഴിയാത്ത അവസ്ഥയിലാണ് പഞ്ചായത്ത് അധികൃതർ . രാഷ്ട്രീയ പടല പിണക്കവും സാമ്പത്തിക പരാധീനതയുമാണ് പഞ്ചായത്ത് അധികാരികൾ പങ്കുവെക്കുന്നത്. ആളുകൾ തിങ്ങിപ്പാർക്കുന്ന ഈ ഭാഗത്ത് രോഗികളുമായി ആശുപത്രിയിലേക്ക് പോകുവാനുള്ള ഏകമാർഗമാണ് ഇത് എന്നുള്ള പരിഗണന പോലും നൽകാൻ അധികാരികൾ തയാറാകുന്നില്ല. റോഡ് ഗതാഗത യോഗ്യമാക്കണമെന്ന് നാട്ടുകാർ ഒന്നടങ്കം ആവശ്യപ്പെടുന്നു കൊട്ടാരക്കര: കാറ്റിലും മഴയിലും താലൂക്കിലാകമാനം കൃഷിനാശവും നാശനഷ്ടങ്ങളും വ്യാപകം. വെട്ടിക്കവല ഗ്രാമ പഞ്ചായത്തിലെ മടത്തിയറ വാർഡിൽ ഇന്നലെ രാത്രിയിൽ ഉണ്ടായ ശക്തമായ കാറ്റിലും മഴയിലും വ്യാപകമായ നഷ്ടം ഉണ്ടായി. ഇലക്ട്രിക് ലൈനിൽ മരം വീണു വൈദ്യുതി തടസപ്പെട്ടു. അലൻ ഭവനിൽ കൊച്ചുമോന്‍റെ വീടിനു മുകളിൽ തേക്കു മരം കടപുഴുകി വീണു ഭാഗീകമായി വീടു തകർന്നു. തേക്കു മരം വീണു മറ്റൊരു വീടിന്‍റെ മതിൽ തകർന്നു. വ്യാപകമായി മരങ്ങൾ ഒടിഞ്ഞു വീണു. കാറ്റിൽ വ്യാപകമായ കൃഷി നാശമാണ് പല സ്ഥലങ്ങിലും സംഭവിച്ചത്. കർഷകരുടെ പ്രതീക്ഷകളാണ് തകർന്നടിഞ്ഞത്. ചവറയിൽ വൻ നാശനഷ്ടം ചവറ : ശക്തമായ മഴയിലും കാറ്റിലും ചവറ പന്മന തേവലക്കര തെക്കുംഭാഗം നീണ്ടകര പഞ്ചായത്തുകളുടെ താഴ്ന്ന പ്രദേശങ്ങൾ വെള്ളക്കെട്ടിലായി. വിവിധയിടങ്ങളിൽ വീടുകൾക്ക് മുകളിൽ മരം വീണും പോസ്റ്റുകൾ ഒടിഞ്ഞു വീണും നാശനഷ്ടം ഉണ്ടായി. തേവലക്കര മാർക്കറ്റിലെ കടയ്ക്ക് മുകളിൽ സ്ഥാപിച്ചിരുന്ന ഷീറ്റ് ശക്തമായ കാറ്റിൽ ഇളകി സമീപത്തുകൂടി കടന്നു പോകുന്ന 11 കെ വി വൈദ്യുത ലൈനിലേക്ക് വീണു. അഗ്നിരക്ഷസേന എത്തിയെങ്കിലും മാറ്റാൻ കഴിഞ്ഞില്ല തുടർന്ന് ക്രെയിൻ ഉപയോഗിച്ച് മാറ്റുകയായിരുന്നു. തേവലക്കര നടുവിലക്കര പന്തപ്ലാവിൽ ബിനു ഡി പിള്ളയുടെ വീടിനുമുകളിൽ മരവും തെങ്ങും കടപുഴകി വീണു. മേൽക്കൂരയ്ക്ക് കേടുപാടുകൾ ഉണ്ടായി ആർക്കും പരിക്കില്ല. തേവലക്കര ലോകരക്ഷാ ജംഗ്ഷന് കിഴക്കു കനാലിന് കുറുകെ മരം വൈദ്യുത ലൈനിലേക്ക് വീണ് റോഡ് ഗതാഗതവും തടസപ്പെട്ടു. പടിഞ്ഞാറ്റക്കര മുളയ്ക്കൽ സ്കൂളിൽ സമീപം സ്വകാര്യ വ്യക്തിയുടെ പുരടത്തിൽ നിന്ന് മരം വീണു വൈദ്യുതി ലൈൻ തകർന്നു. പന്മന ചിറ്റൂർ കൊട്ടാരത്തിൻ കടവ് റോഡിൽ ഗ്രാമോദ്ധാരണ ലൈബ്രറിക്ക് സമീപം ആഞ്ഞിലി റോഡിലേക്ക് വീണ് ഗതാഗത തടസം ഉണ്ടായി. ശങ്കരമംഗലം മിന്നാം തോട്ടിൽ റോഡിന് കുറുകെ വൈദ്യുതി ലൈനിലേക്ക് മരം വീണും ഗതാഗത തടസപ്പെട്ടു. പന്മന ചിറ്റൂർ തുമ്പേന്തറയിൽ വസന്തയുടെ വീടിനു മുൻവശത്തെ മതിലുകൾ തകർന്നുവീണു. പന്മന ഇടപ്പള്ളി കോട്ടയിൽ സ്വകാര്യ കെട്ടിടത്തിന്റെ മുകളിൽ സ്ഥാപിച്ചിരുന്ന കൂറ്റൻ പരസ്യ ബോർഡ് തകർന്ന് വാഹനങ്ങള്‍ക്കുമേൽ വീണു. ആ സമയം ഇവിടെ ആളുകൾ ഇല്ലാതിരുന്നതിനാൽ വലിയ അപകടം ഒഴിവായി. എന്നാൽ ഓട്ടോറിക്ഷ, സ്കൂട്ടറുകൾ എന്നിവ തകർന്നു. ശക്തമായ മഴയിലും കാറ്റിലും ചവറ സൗത്ത് വടക്കുംഭാഗം കാർത്തികയിൽ ടി പ്രദീപിന്‍റെ വീട്ടിലെ കമുക് പിഴുതു വീണു. പട്ടിക്കൂടിനു മുകളിൽ കൂടി വൈദ്യുതി ലൈനും കേബിൾ ലൈനും തകർത്താണ് വീണത്. ചവറ ചെറുശേരി ഭാഗം വലിയ വീട് ടെൻസിൽ ജോർജിന്‍റെ വീടിന് മുകളിൽ മരം വീണ് വീടിന് കേടുപാടുകൾ ഉണ്ടായി. വിവിധ ഇടങ്ങളിൽ വൃക്ഷങ്ങൾ കടപുഴകി വീണും ഒടിഞ്ഞുവീണും ഇലക്ട്രിക് പോസ്റ്റുകൾ തകരുകയും വൈദ്യുത കമ്പികൾ പൊട്ടി വീഴുകയും ചെയ്തു. രാത്രി വൈകിയും പലയിടങ്ങളിലും വൈദ്യുത ബന്ധം പുനസ്ഥാപിക്കാൻ കഴിഞ്ഞിട്ടില്ല. നിരവധി ഇടങ്ങളിൽ റോഡിന് കുറുകെ വൃക്ഷങ്ങൾ വീണതാണ് മിക്ക ഇടങ്ങളിലും ഗതാഗത തടസങ്ങൾക്ക് കാരണമായത്. കാറ്റില്‍ വിറച്ച് കിഴക്കന്‍ മലയോര മേഖല അഞ്ചല്‍ : കഴിഞ്ഞ ദിവസം രാത്രിയോടെ ആഞ്ഞടിച്ച കാറ്റില്‍ കിഴക്കന്‍ മലയോര മേഖല വിറച്ചു. കിഴക്കന്‍ മേഖലയില്‍ മരവും മരച്ചില്ലകളും വീണു നിരവധി വീടുകളാണ് തകര്‍ന്നത്. വിവിധ സ്ഥലങ്ങളിലായി അന്‍പത്തിലധികം വൈദ്യുതി പോസ്റ്റുകളും 11 കെ വി ഉള്‍പ്പടെ ലൈനുകളും തകര്‍ന്നു. പൂര്‍ണ്ണമായും മുടങ്ങിയ വൈദ്യുതി ബന്ധം പുനസ്ഥാപിക്കാന്‍ യുദ്ധകാലാടിസ്ഥാനത്തിലുള്ള ശ്രമമാണ് കെഎസ്ഇബി നടത്തിവരുന്നത്. ഏരൂര്‍ പഞ്ചായത്തിലെ ഭാരതീപുരം വാര്‍ഡില്‍ കിട്ടന്‍കോണം ഭാഗത്ത് വന പാതയില്‍ കൂറ്റന്‍ മരങ്ങള്‍ ഒടിഞ്ഞു വീണു. പാതയിലൂടെ കാല്‍നട പോലും സാധ്യമാകാതായതോടെ പ്രദേശം പൂര്‍ണമായും ഒറ്റപ്പെട്ടു. മരങ്ങള്‍ വീണു ഈഭാഗത്ത് മാത്രം ഒടിഞ്ഞു നിലം പൊത്തിയത് പത്തോളം പോസ്റ്റുകളാണ്. ഇതോടെ പ്രദേശം ഇരുട്ടിലായി. വീടുകള്‍ സമീപം നിന്ന മരങ്ങള്‍ കടപുഴകിയതോടെ ഭീതിയിലായ ജനങ്ങള്‍ സുരക്ഷിത സ്ഥലങ്ങളിലേക്ക് സ്വന്തം നിലയില്‍ മാറി താമസിക്കുന്ന അവസ്ഥയുണ്ടായി. പലതവണ വനം വകുപ്പ് അധികാരികളോട് രേഖാമൂലവും അല്ലാതെയും പരാതിയും നിവേദനവും നല്‍കിയിട്ടും അപാകടാവസ്ഥയിലുള്ള മരങ്ങള്‍ മുറിച്ച് നീക്കാന്‍ ആവശ്യമായ നടപടികള്‍ സ്വീകരിച്ചില്ലെന്നും ഇതിനാല്‍ ഭീതിയോടെയാണ് പ്രദേശത്ത് ജീവിക്കുന്നതെന്നും നാട്ടുകാര്‍ പറയുന്നു. ആലഞ്ചേരി പാണയം റോഡില്‍ അണങ്ങൂര്‍ ഭാഗത്ത് സ്വകാര്യവ്യക്തിയുടെ പുരയിടത്തില്‍ തേക്ക് മരം കടപുഴകി വീണതോടെ പാതയിലൂടെയുള്ള ഗതാഗതം പൂർണമായും നിലച്ചു. ഇവിടെ 11 കെ.വി ലൈനുകളും മൂന്നു പോസ്റ്റുകളും തകര്‍ന്നു. എതിര്‍ഭാഗത്ത് വീടിന്‍റെ ഗേറ്റ് തകരുകയും മതിലിനു കേടുപാടുകള്‍ സംഭവിക്കുകയും ഉണ്ടായി. പൊതുപ്രവര്‍ത്തകരും റസിഡന്‍സ് അസോസിയേഷന്‍ പ്രവര്‍ത്തകരും ചേര്‍ന്ന് വെള്ളിയാഴ്ച രാവിലെയോടെ മരം മുറിച്ച് നീക്കിയെങ്കിലും പോസ്റ്റുകള്‍ പുനസ്ഥാപിക്കാത്തതിനാല്‍ പൂർണമായും ഗതാഗതം പുന:സ്ഥാപിക്കാന്‍ കഴിഞ്ഞിട്ടില്ല. ഏരൂര്‍ ഗ്രാമപഞ്ചായത്ത് വൈസ് പ്രസിഡന്‍റ് വി. രാജിയുടെ പാണയം കറ്റിട്ട ഭാഗത്തെ വീട് മരം വീണു തകര്‍ന്നു. മേല്‍ക്കൂര പൂർണമായും തകര്‍ന്ന വീട്ടില്‍ നിന്നും മരം വീണ സമയം രാജിയും കുടുംബവും ഇറങ്ങി ഓടുകയായിരുന്നു. അതിനാൽ വന്‍ അപകടം ആണ് ഒഴിവായത്. വീട്ടുപകരണങ്ങള്‍ക്കും തകരാര്‍ സംഭവിച്ചിട്ടുണ്ട്. ആലഞ്ചേരി അഗസ്ത്യകോട് പാതയില്‍ കൂറ്റന്‍ പ്ലാവ് മരം കടപുഴകി വൈദ്യുതി പോസ്റ്റിലും ലൈനുകളിലുമായി നിന്നത് ഏറെ നേരം അപകട ഭീതി ഉണ്ടാക്കി. ഏരൂര്‍ പോലീസ് സ്ഥലത്തെത്തി പാതയിലൂടെയുള്ള ഗതാഗതം പൂർണമായും നിരോധിച്ചു. പുനലൂരില്‍ നിന്നെത്തിയ ഫയര്‍ ഫോഴ്സ് സംഘവും പോലീസും നാട്ടുകാരുടെ സഹായത്തോടെ ഏറെ നേരത്തെ ശ്രമത്തിനോടുവില്‍ മരം മുറിച്ച് നീക്കി അപകടവസ്ഥ ഒഴിവാക്കി. ഏരൂര്‍ വില്ലേജ് ഓഫീസ് പരിധിയില്‍ കറ്റിട്ട സ്വദേശി ശ്യാമള, പാണയം സ്വദേശിനി ലീലാമ, നടുക്കുന്നിന്‍പുറം സ്വദേശിനി ലതാകുമാരി, നടുക്കുന്നിന്‍പുറം സ്വദേശിനി മിനി, ചാവരുകോണത്തു സാം, പ്രകാശ് എന്നിവരുടെ വീടാണ് തകര്‍ന്നത്. കൂറ്റന്‍ ആഞ്ഞിലി മരം വീണത്തിനെ തുടര്‍ന്നു ഭാരതീപുരം മൂര്‍ത്തിക്കാവിന്‍റെ പ്രധാന മേല്‍ക്കൂര തകര്‍ന്നു. കാവിലെ സാധന സാമഗ്രഹികള്‍ക്കും കേടുപാടുകള്‍ ഉണ്ടായിട്ടുണ്ട്. അലയമണ്‍ പഞ്ചായത്തിലും വ്യാപക നാശനഷ്ടം റിപ്പോര്‍ട്ട് ചെയ്തിട്ടുണ്ട്. ചണ്ണപ്പേട്ട വില്ലേജ് ഓഫീസ് പരിധിയില്‍ മൂന്നും അലയമണ്‍ വില്ലേജ് ഓഫീസ് പരിധിയില്‍ നാലും വീടുകള്‍ ആണ് തകർന്നത്. പഞ്ചായത്ത് പ്രസിഡന്‍റ് അടക്കം ജനപ്രതിനിധികളും വില്ലേജ് ഓഫീസര്‍മാര്‍ അടക്കമുള്ള റവന്യൂ അധികൃതരും സ്ഥലങ്ങൾ സന്ദര്‍ശിച്ച് വിവര ശേഖരണം നടത്തിയിട്ടുണ്ട്. കുളത്തൂപ്പുഴ: മഴയിലും കാറ്റിലും വ്യാപക നാശനഷ്ടങ്ങൾ ഒരാഴ്ച കാലമായി കുളത്തുപ്പുഴയിലെ സമീപ പ്രദേശങ്ങളിമായി ഉണ്ടായത്. മലയോര ഹൈവേയിലും അന്തർസംസ്ഥാന പാതയിലും മരങ്ങൾ വീണ് തുടർച്ചയായി ഗതാഗതം തടസപ്പെടുകയാണ്. കുളത്തൂപ്പുഴ മടത്തറ പാതയിൽ മൈലമൂട് ജംഗ്ഷന് സമീപം സ്വകാര്യ വ്യക്തിയുടെ ഈട്ടി മരമാണ് കടപുഴകി പാതയോരത്തെ ഇലവൻ കെ വി ലൈനിന്‍റെ മുകളിലേക്ക് വീണത്. ഈ സമയം വൈദ്യുതി ഇല്ലാതിരുന്നാലും സമീപത്തെ ട്രാൻസ്ഫോമർ സ്ഥാപിച്ചിരുന്ന തൂണുകൾക്ക് കേടുപാട് ഉണ്ടാകാത്തതിനാലും വൻ അപകടമാണ് ഒഴിവായത്. സമീപവാസികളും വാഹന യാത്രക്കാരും ഉടൻ വിവരം കുളത്തുപ്പുഴ പോലീസിനും വൈദ്യുതി സെക്ഷൻ ഓഫീസിലും അഗ്നിരക്ഷാ സംഘത്തെയും അറിയിച്ചു. കടയ്ക്കൽ നിന്നും എത്തിയ ഫയർഫോഴ്സ് സംഘവും നാട്ടുകാരുടെയും സഹായത്തോടെ മരം മുറിച്ചു നീക്കിയതോടെയാണ് അപകടാവസ്ഥ ഒഴിവായി ഗതാഗതം പുനഃസ്ഥാപിക്കാൻ ആയത്. ആദിവാസി സെറ്റിൽമെന്‍റിലേക്ക് കടന്നുപോകുന്ന കുളത്തൂപ്പുഴ അമ്പതേക്കർ പാതകളിൽ മരം വീണ് വൈദ്യുതി പോസ്റ്റ് റോഡിന് കുറുകെ ആയതോടെ ഗതാഗതം തടസപ്പെട്ടു. ഈ പ്രദേശത്ത് ആന ശല്യം ഉണ്ടായിരുന്നതിനാൽ റോഡിലേക്ക് വീണ് ഗതാഗതം തടസമായ പോസ്റ്റ് ആനകളെ റോഡിൽ നിന്നും കാട് കയറ്റിയ ശേഷമാണ് എടുത്ത് മാറ്റാനായത്. കുളത്തുപ്പുഴ അയ്യൻപിള്ള വളവ് കായ്ക്കര കുന്നുംപുറത്ത് ഹസീനയുടെ വീടിന്‍റെമുകളിൽ തേക്ക് മരം പിഴുത് വീഴുകയും മേൽക്കൂര നശിക്കുകയും ചെയ്തു. ടെറസിന്‍റെ മുകളിലെ ഷീറ്റുകൾ പലസ്ഥലങ്ങളിലും ഇളകി തെറിച്ചു. വൈദ്യുതി തകരാറ് മൂലം കുളത്തൂപ്പുഴ പ്രദേശം രാത്രിയായാൽ ഇരുട്ടിലാണ്. ഇതുവരെ കുളത്തൂപ്പുഴ ഗ്രാമപഞ്ചായത്തിൽ പൂർണമായി വൈദ്യുതി പുനഃ സ്ഥാപിക്കുവാൻ കെഎസ്ഇബിക്ക് കഴിഞ്ഞിട്ടില്ല. കടമാൻകോട് പ്രദേശം രണ്ട് ദിവസമായി ഇരുട്ടിലാണ്. ശക്തമായ കാറ്റും മഴയും മൂലം നിർമാണ പ്രവർത്തങ്ങളും നടക്കുന്നില്ല. ശക്തമായകാറ്റിന് സാധ്യത: ജാഗ്രത പാലിക്കണമെന്ന് കളക്ടർ കൊല്ലം: കാലവര്‍ഷവുമായി ബന്ധപ്പെട്ട് ശക്തമായകാറ്റിന് സാധ്യതയുള്ളതിനാല്‍ എല്ലാവരും ജാഗ്രതപാലിക്കണമെന്ന് ജില്ല ദുരന്തനിവാരണ അഥോറിറ്റി ചെയര്‍മാനായ ജില്ലാ കളക്ടര്‍ എന്‍. ദേവിദാസ് അറിയിച്ചു. കാറ്റും മഴയും ഉണ്ടാകുമ്പോള്‍ മരങ്ങളുടെ ചുവട്ടില്‍ നില്‍ക്കരുത്. മരങ്ങൾക്ക് കീഴെ വാഹനങ്ങളും പാര്‍ക്ക്‌ ചെയ്യരുത്. വീട്ടുവളപ്പിലെ മരങ്ങളുടെ അപകടകരമായ ചില്ലകള്‍ വെട്ടിയൊതുക്കണം. അപകടാവസ്ഥയിലുള്ള മരങ്ങള്‍ പൊതുവിടങ്ങളില്‍ ശ്രദ്ധയില്‍ പെട്ടാല്‍ തദ്ദേശ സ്ഥാപനങ്ങളില്‍ അറിയിക്കണം. ഉറപ്പില്ലാത്ത പരസ്യ ബോര്‍ഡുകള്‍, ഇലക്ട്രിക് പോസ്റ്റുകള്‍, കൊടിമരങ്ങള്‍ തുടങ്ങിയവ ശരിയായരീതിയില്‍ ബലപ്പെടുത്തുകയോ അഴിച്ചുവയ്ക്കുകയോ വേണം. കോണി പോലെയുള്ള കാറ്റില്‍ വീണുപോകാന്‍ സാധ്യതയുള്ള ഉപകരണങ്ങളും മറ്റ് വസ്തുക്കളും കയറുപയോഗിച്ച് കെട്ടിവെക്കണം. കാറ്റ് വീശി തുടങ്ങുമ്പോള്‍ തന്നെ വീടുകളിലെ ജനലുകളും വാതിലുകളും അടച്ചിടേണ്ടതാണ്. ഓല മേഞ്ഞതോ, ഷീറ്റ് പാകിയതോ, അടച്ചുറപ്പില്ലാത്തതോ ആയ വീടുകളില്‍ താമസിക്കുന്നവര്‍ അധികൃതരുമായി 1077 എന്ന നമ്പറില്‍ മുന്‍കൂട്ടി തന്നെ ബന്ധപ്പെടുകയും മുന്നറിയിപ്പ് വരുന്ന ഘട്ടങ്ങളില്‍ സുരക്ഷിതമായ കെട്ടിടങ്ങളിലേയ്ക്ക് മാറിത്താമസിക്കേണ്ടതുമാണ്. കാറ്റും മഴയും ശക്തമാകുമ്പോള്‍ വൈദ്യുതി കമ്പികളും പോസ്റ്റുകളും പൊട്ടിവീഴാനുള്ള സാധ്യത കൂടുതലാണ്. അപകടം ശ്രദ്ധയില്‍ പെട്ടാല്‍ കെഎസ്ഇബിയുടെ 1912 കണ്‍ട്രോള്‍ റൂമിലോ ജില്ലാ ദുരന്ത നിവാരണ അഥോറിറ്റിയുടെ കണ്‍ട്രോള്‍ റൂമിലെ 1077 എന്ന നമ്പറിലോ വിവരം അറിയിക്കാം. തകരാര്‍ പരിഹരിക്കുന്ന പ്രവര്‍ത്തികള്‍ കാറ്റ് തുടരുന്ന ഘട്ടത്തില്‍ ഒഴിവാക്കണം. കെ എസ് ഇ ബി ജീവനക്കാരുമായി പൊതുജനങ്ങള്‍ ക്ഷമയോടെ സഹകരിക്കണം. പത്രം-പാല്‍ വിതരണക്കാര്‍ പോലെയുള്ള അതിരാവിലെ ജോലിക്ക് ഇറങ്ങുന്നവര്‍ പ്രത്യേക ജാഗ്രത പാലിക്കണം. വഴികളിലെ വെള്ളക്കെട്ടുകളിലും മറ്റും വൈദ്യുതി ലൈന്‍ പൊട്ടിവീണിട്ടില്ലെന്ന് ഉറപ്പു വരുത്തണം. കൃഷിയിടങ്ങളിലൂടെ കടന്ന്‌ പോകുന്ന വൈദ്യുതലൈനുകളും സുരക്ഷിതമാണെന്ന് പാടത്ത് ഇറങ്ങുന്നതിനു മുൻപ് ഉറപ്പ്‌വരുത്തണം. നിര്‍മാണജോലികളില്‍ ഏര്‍പ്പെടുന്നവര്‍ കാറ്റും മഴയും ശക്തമാകുമ്പോള്‍ ജോലി നിര്‍ത്തിവച്ച് സുരക്ഷിതമായ ഇടത്തേക്ക് മാറിനില്‍ക്കണം. മഴക്കെടുതി പ്രശ്‌നപരിഹാരത്തിന് ബന്ധപ്പെടേണ്ട സുപ്രധാന നമ്പറുകള്‍ : തദ്ദേശസ്വയംഭരണ വകുപ്പ് - 8943068228. കെഎസ്ഇബി കൊല്ലം - 9446008267, 9496018381, 9496018384. കെഎസ്ഇബി കൊട്ടാരക്കര- 9446008271. കൊല്ലം പൊതുമരാമത്ത് വകുപ്പ് നിരത്ത് വിഭാഗം - 8086395035, 8086395036. കൊട്ടാരക്കര പൊതുമരാമത്ത് വകുപ്പ് നിരത്ത് വിഭാഗം - 8086395039.

കലാപരിശീലന ക്ലാസ് ആരംഭിച്ചു

പാരിപ്പള്ളി :കേരളലളിതകലാഅക്കാദമി അവധിക്കാലത്ത് കുട്ടികൾക്കായി നടത്തുന്ന കലാപരിശീലനക്യാമ്പ് വേളമാനൂർഗാന്ധിഭവൻ സ്നേഹാശ്രമത്തിലാരംഭിച്ചു.കേരളലളിതകലാഅക്കാദമിനിർവാഹകസമിതി അംഗവും എഴുത്തുകാരനുമായ രാജേഷ് ചിറപ്പാട് ക്യാമ്പ് ഉദ്ഘാടനം ചെയ്തു. സുവർണൻ പരവൂർ കുട്ടികളോടൊപ്പംപരിപാടി അവതരിപ്പിച്ചു. അജിമൈലക്കാട് നാടൻ പാട്ടുകൾ ചൊല്ലി. കേരള ലളിതകലാഅക്കാദമി ആർട്ടിസ്റ്റുകളായ സന്ധ്യയും ലീനരാജും ക്ലാസുകൾ നയിക്കുന്നു. 31 നു ഉച്ചകഴിഞ്ഞ് നടക്കുന്ന ക്യാമ്പ് സമാപനം ചലച്ചിത്രപിന്നണിഗായിക ആലീസ് ഉണ്ണികൃഷ്ണൻ ഉദ്ഘാടനം ചെയ്യും. ക്യാമ്പിൽ പങ്കെടുത്ത എല്ലാ കുട്ടികൾക്കും ലളിതകലാ അക്കാദമിയുടെ സർട്ടിഫിക്കറ്റുകൾ ആലീസ് വിതരണം ചെയ്യും.

മഴയും കാറ്റും തകർക്കുന്നു : മലയോര മേഖലയില്‍ നിരവധി വീടുകള്‍ തകര്‍ന്നു

അഞ്ചല്‍ : ഒരു ദിവസത്തെ ഇടവേളക്ക് ശേഷം മലയോര മേഖലയില്‍ വീണ്ടും മഴ കനത്തു. മഴയോടൊപ്പം വീശിയടിച്ച കാറ്റില്‍ നിരവധിയിടങ്ങളില്‍ മരം വീണു. അലയമണ്ണിലും ഇടമുളയ്ക്കലിലും മരം വീണു വീടുകള്‍ തകര്‍ന്നു. അലയമണ്‍ കരുകോണില്‍ ബിനു ഭവനില്‍ ഇബ്രാഹീം റാവുത്തരുടെ വീടിന് മുകളിലേക്കു കൂറ്റന്‍ പ്ലാവ് മരം പിഴുതുവീണ് വീട് തകര്‍ന്നു. വീടിന്‍റെ മുകള്‍ ഭാഗത്തിനും ഭിത്തിക്കും വലിയ രീതിയില്‍ തകരാര്‍ സംഭവിച്ചു. ഉച്ചയോടെ മേഖലയിലുണ്ടായ ശക്തമായ കാറ്റിലാണ് മരം വീടിന് മുകളിലേക്ക് വീണത്. റവന്യൂ ,പഞ്ചായത്ത് അധികൃതര്‍ സ്ഥലം സന്ദര്‍ശിച്ച് സ്ഥിതിഗതികള്‍ വിലയിരുത്തി. ഇടമുളയ്ക്കലില്‍ ആനപ്പുഴയ്ക്കല്‍ ചാങ്ങയില്‍ ബേബി മാത്യുവിന്‍റെ വീടിന് മുകളിലേക്കു മരം വീണത്തിനെ തുടര്‍ന്നു വീടും കാര്‍ പോര്‍ച്ചും തകര്‍ന്നു. സമീപത്തെ പുരയിടത്തിലെ നെല്ലിമരം വീണായിരുന്നു അപകടം. സിറ്റ്ഔട്ടിന്‍റെ കൈവരികളും കാര്‍ പോര്‍ച്ചും പൂർണമായി തകര്‍ന്നു. വീടിനും ബലക്ഷയമുണ്ടായതായി ഉടമ പറഞ്ഞു. അപകടവസ്ഥയിലായ മരം മുറിച്ച് നീക്കണമെന്നു പലതവണ ആവശ്യപ്പെട്ടിട്ടും അയൽവാസി ഇതിന് തയാറായില്ലെന്നും ഇനിയും വീടിനും മതിലിനും ഉള്‍പ്പെടെ അപകട ഭീഷണി ഉയര്‍ത്തി ധാരാളം മരങ്ങള്‍ നില്‍ക്കുന്നതായും വീട്ടുടമ പറയുന്നു. ഇവ മുറിച്ച് നീക്കാന്‍ ആവശ്യമായ നടപടികള്‍ അടിയന്തിരമായി ബന്ധപ്പെട്ടവര്‍ സ്വീകരിക്കണമെന്നും വീട്ടുടമ ആവശ്യപ്പെട്ടു. വിവിധ സ്ഥലങ്ങളില്‍ മരങ്ങളും മരച്ചില്ലകളും വീണു വൈദ്യുതി പോസ്റ്റുകളും ലൈനുകളും തകർന്നതിനെ തുടർന്ന് പലയിടങ്ങളും വൈദ്യുതി ബന്ധം താറുമായിരിക്കുകയാണ്. വൈദ്യുതി ബന്ധം പുനസ്ഥാപിക്കാന്‍ രാത്രി വൈകിയും ശ്രമം തുടരുന്നുണ്ട്.

കടലോളം ആശങ്കയിൽ മത്സ്യത്തൊഴിലാളികൾ

എസ്. രാജേന്ദ്രകുമാർ വിഴിഞ്ഞം: ചരക്ക് കപ്പൽ അപകടം, കടലോളം ആശങ്കയിൽ മത്സ്യത്തൊഴിലാളികൾ. ഏതു സമയത്തും ഒഴുകിയെത്താവുന്ന കണ്ടെയ്നറുകൾ മത്സ്യബന്ധന വള്ളങ്ങൾക്ക് ഭീഷണിയാകുമെന്ന് വിലയിരുത്തലിൽ വള്ളമിറക്കാൻ മടിച്ചു മത്സ്യത്തൊഴിലാളികൾ. വിഴിഞ്ഞം അന്താരാഷ്ട്ര തുറമുഖത്ത് എത്തുന്നതുൾപ്പെടെ കപ്പൽചാലും താണ്ടി ലോകത്തെ വിവിധ രാജ്യങ്ങളിലേക്കു പോകുന്ന കൂറ്റൻ കപ്പലുകൾക്കും ഒഴുകി നടക്കുന്ന കണ്ടെയ്നറുകൾ ഭീഷണിയാകും. വിഴിഞ്ഞം തു റമുഖത്തുനിന്നു കൊച്ചിക്കുള്ള യാത്രക്കിടയിൽ കടലിൽ താണ എംഎസ്സി എൽസ - മൂന്നിൽ ഉണ്ടായിരുന്ന 643 കണ്ടെയ്നറുകൾക്ക് എന്തു സംഭവിച്ചു എന്നറിയാൻ ഇതുവരെയും അധികൃതർക്ക് കഴിയാത്തതാണ് ആശങ്കക്ക് വഴിയൊരുക്കിയത്. ഭാരം കുറഞ്ഞതും കാലിയായിരുന്നതുമായ അറുപതോളം കണ്ടെയ്നറുകൾ മാത്രമാണ് ഇതുവരെ തീരത്തടിഞ്ഞത്. ബാക്കിയുള്ളവയിൽ ചിലത് ഇനിയും ഒഴുകിയെത്താമെന്ന കണക്കു കൂട്ടലിലാണെങ്കിലും അവ എത്രത്തോളം എന്നു പറയാനും അധികൃതർക്കായിട്ടില്ല. ഇന്നലെ കേരള തീരങ്ങളിൽ കണ്ടെയ്നർ എത്തിയില്ലെങ്കിലും തമിഴ്നാട് കുളച്ചൽ തീരത്ത് ഒരെണ്ണമടിഞ്ഞത് ഏറെ പ്രക്ഷുപ്തമായ കടലിൽ ഇവ ഏതു ദിശയിലേക്ക് വേണമെങ്കിലും ചലിക്കാമെന്നതിന് തെളിവായി. എൽസാ അപകടത്തിൽപ്പെട്ട ശേഷവും വിഴിഞ്ഞം തുറമുഖത്തേക്കുള്ള കപ്പൽ വരവിനു തടസമുണ്ടായില്ല. എന്നാൽ തീരത്തു തീരസംരക്ഷണ സേനയുടെയും തീരദേശ പോലീസിന്‍റെയും മറൈൻ എൻഫോഴ്സ്മെന്‍റിന്‍റെയും കർശന നിരീക്ഷണം തുടരുന്നുണ്ട്. വിഴിഞ്ഞത്തിനും 12 നോട്ടിക്കൽ മൈൽ മാത്രം മാറിയാണ് അന്താരാഷ്ട്ര കപ്പൽ ചാനൽ. ഇതുവഴി ദിനംപ്രതി നൂറുകണക്കിനു കപ്പലുകൾ കടന്നുപോകുന്നുണ്ട്. അതിശക്തമായ കടലൊഴുക്കുള്ളതിനാൽ കണ്ടെയ്നറുകൾ ഇവയുടെ സുരക്ഷയേയും ബാധിക്കാമെന്നും വിലയിരുത്തലുണ്ട്. തകർന്ന കണ്ടെയ്നറുകൾ വെള്ളത്തിനു പുറത്തു കാണാവുന്ന തരത്തിൽ ഒഴുകുന്നുണ്ടെങ്കിലും പൊടിപ്പൊളിയാത്തവയുടെ സഞ്ചാരം പെട്ടെന്നു കണ്ടുപിടിക്കാൻ പറ്റാത്തതും ബന്ധപ്പെട്ടവരെ കുഴക്കുന്നു. ഇതോടൊപ്പം സ്വതന്ത്രമായി വള്ളമിറക്കാൻ മടിക്കുന്ന മത്സ്യത്തൊഴിലാളികളുടെ കാര്യവും കഷ്ടത്തിലായി. രാത്രികാലങ്ങളിലും കടൽ ക്ഷോഭമുള്ള സമയങ്ങളിലും കണ്ടെയ്നറുകൾ ഒഴുകിയെത്തിയാൽ അപകടത്തിനു വഴിതെളിക്കുമെന്നു തൊഴിലാളികൾ പറയുന്നു. അപകടത്തിൽപ്പെട്ട കപ്പലിൽ നിന്നുള്ള കണ്ടെയ്നറുകൾ പൂർണമായി കണ്ടെത്തുന്നതുവരെ ഇവരുടെ ആശങ്കക്ക് അറുതിയുണ്ടാകില്ല. മൺസൂൺ കാലമാണു വിഴിഞ്ഞം ഉൾപ്പെടെ പരമ്പരാഗത മത്സ്യത്തൊഴിലാളികളുടെ മത്സ്യബന്ധന സീസൺ. അടുത്ത മാസം ഒൻപത് മുതൽ ട്രോളിംഗ് നിരോധനം നിലവിൽ വരുമ്പോഴും പരമ്പരാഗതക്കാർ വള്ളങ്ങളിൽ രാവും പകലും സജീവമായി കടലിൽ ഉണ്ടാകും. കപ്പലപകടവും കണ്ടെയ്നറുകൾ ഏതു സമയത്തും ഒഴുകിയെത്താമെന്ന ഭയവും ഇക്കുറിയുള്ള മത്സ്യബന്ധനത്തെ ബാധിക്കും. ഇതിനിടയിൽ കഴിഞ്ഞ ദിവസങ്ങളിൽ തിരത്ത് അടിഞ്ഞുകൂടിയ പ്ലാസ്റ്റിക്കുകളും മറ്റു മാലിന്യങ്ങളും കടുത്ത പാരിസ്ഥിതിക പ്രശ്നത്തിനും മത്സ്യസമ്പത്തിനും ഭീഷണിയാകുമെന്നും മത്സ്യത്തൊഴിലാളികൾ പറയുന്നു. പോലീസും സന്നദ്ധ പ്രവർത്തകരും ചേർന്നു ശുചികരണം നടത്തിയെങ്കിലും പൂർണമാക്കാനായില്ല. മറ്റുന്ന സ്ഥലങ്ങളിൽ ഇടവിട്ട് പ്ലാസ്റ്റിക് മാലിന്യങ്ങൾ അടിയുന്നതും ശുചികരണത്തിന് തിരിച്ചടിയായി. കരുംകുളം കല്ലുമുക്കിൽ ബുധനാഴ്ച അടിഞ്ഞ പൊട്ടാത്ത കണ്ടെയ്നർ ഇന്നലെയും നീക്കാനായില്ല. ദുരന്ത നിവാരണ അതോരിറ്റി അധികൃതരും തഹസിൽദാരും വില്ലേജ് ഓഫീസറും മറ്റ് ഉദ്യോഗസ്ഥരും വന്ന് മടങ്ങിയെങ്കിലും മാറ്റുന്ന കാര്യത്തിൽ തീരുമാനമായില്ല. ബന്ധപ്പെട്ട സ്വകാര്യ ഏജൻസി അധികൃതർ ജെ. സി. ബിയുടെ സഹായത്തോടെ കരയിൽ കയറ്റി സൂക്ഷിക്കുകയാണ്. എന്നാൽ ഇന്നലെ കൊല്ലത്ത് തുറക്കുന്നതിനിടയിൽ കണ്ടെയ്നറിന് തീ പിടിച്ചു എ്ന വാർത്ത കരിംകുളം നിവാസികളെയും ആശങ്കയിലാക്കി. പൊട്ടിത്തകരാതെ കിടക്കുന്ന കണ്ടെയ്നറിനുള്ളിൽ എന്തായിരിക്കുമെന്ന് അധികൃതർക്ക് പോലും വ്യക്തതയില്ല. നാട്ടുകാർ കണ്ടെയ്നറിനടുത്ത് പോകരുതെന്ന കർശന നിർദ്ദേശവും പോലീസ് നൽകി. മറ്റാരും കണ്ടെയ്നർ തുറക്കാതിരിക്കാൻ കാഞ്ഞിരംകുളം പോലീസും പൂവർ തീരദേശ പോലീസും പട്രോളിംഗ് ശക്തമാക്കി.

വേട്ടുതറയിൽ അടിപ്പാതയ്ക്ക് എസ്റ്റിമേറ്റ് തയാറാക്കി നൽകാൻ നിർദേശിച്ച് ദേശീയപാത അഥോറിറ്റി

ചവറ: വേട്ടുതറ ജോയിന്‍റ് ജംഗ്ഷനിൽ അനുമതിയായ അടിപ്പാതക്ക് വിശദമായ എസ്റ്റിമേറ്റ് തയാറാക്കി സമർപ്പിക്കാൻ ദേശീയപാത അഥോറിറ്റി ഓഫ് ഇന്ത്യ പ്രോജക്ട് ഡയറക്‌ടർക്ക് നിർദേശം നൽകി. അടിപ്പാത നിർമാണം നിലവിലെ കരാറുകാരനിൽ നിന്നും ഒഴിവാക്കുന്നതിന് കരാറുകാരൻ നാളിതുവരെ ചെയ്ത നിർമാണത്തിന് ചെലവിട്ട തുക സംബന്ധിച്ച വിശദമായ എസ്റ്റിമേറ്റ് നൽകാൻ കരാർ കമ്പനിയോടും ദേശീയപാത അഥോറിറ്റി നിർദേശം നൽകിയതായി എൻ. കെ. പ്രേമചന്ദ്രൻ എംപി അറിയിച്ചു. നിലവിൽ പണി ചെയ്യുന്ന കരാറുകാരന്‍റെ ബാധ്യത ഒഴിവാക്കി പുതിയ കരാർ നൽകുന്നതിനായാണ് വിശദമായ എസ്റ്റിമേറ്റ് സമർപ്പിക്കാൻ പ്രോജക്ട് ഡയറക്ടർക്ക് നിർദേശം നൽകിയിട്ടുള്ളത്. പ്രോജക്ട് ഡയറക്ടർ മൂന്നാഴ്ചക്കുള്ളിൽ എസ്റ്റിമേറ്റ് സമർപ്പിക്കുമെന്നാണ് പ്രതീക്ഷിക്കുന്നത്. എസ്റ്റിമേറ്റിന് മന്ത്രാലയത്തിന്‍റെ അംഗീകാരം ലഭിക്കുന്ന മുറയ്ക്ക് ദേശീയപാത ഓർഗനൈസേഷൻ പണി ഏറ്റെടുത്ത് നടപ്പാക്കുന്നതിനാണ് നടപടികൾ സ്വീകരിച്ചു വരുന്നത്. ദേശീയപാത കോമ്പിറ്റന്‍റ് അഥോറിറ്റിയാണ് നിലവിലെ കരാർ ഒഴിവാക്കാനും നിർമാണത്തിന് പുതിയ കരാർ പ്രകാരം വേട്ടുതറ ജോയിന്‍റ് ജംഗ്ഷനിൽ അടിപ്പാത നിർമിക്കാനും അനുമതി നൽകിയത്.

സുന്ദര കേരളവുമായി ഇപ്ലോ

കൊല്ലം : ഇന്‍റർനാഷണൽ പീപ്പിൾ ലീപ് ഓർഗനൈസേഷന്‍റെ ആഭിമുഖ്യത്തിൽ ലഹരിവിമുക്ത, ആരോഗ്യമുള്ള ജനതയുടെ 'സുന്ദര കേരളം' എന്ന പരിപാടി സംഘടിപ്പിക്കുന്നു. ആരോഗ്യമുള്ള സമൂഹത്തിനായി സൂംബയും ലഹരിക്കെതിരേ കരാട്ടെയും ആണ് പദ്ധതിയിൽ വിവരിക്കുന്നത്. നൃത്തവും സംഗീതവും അതിനോടൊപ്പമുള്ള അയോധനകലകളുടെ ചുവടുകളും എയ്റോബിക്സും ചേർന്ന സൂംബ സകലരിലേക്കും എത്തിക്കുവാനുള്ള കരുതൽ അക്കാദമിയുടെ സൂംബ ഫിറ്റ്നസ് വിത്ത്‌ ന്യൂജൻ പദ്ധതിയുടെ സംസ്ഥാനതല ഉദ്‌ഘാടനവും സുന്ദരകേരളം പരിപാടിയുടെ ഉദ്‌ഘാടനവും മന്ത്രി ചിഞ്ചുറാണി നിർവഹിക്കും. നാടക സിനിമാ നടൻ കെ പി എ സി ലീലാകൃഷ്ണൻ അധ്യക്ഷത വഹിക്കും.എൻ. കെ. പ്രേമചന്ദ്രൻ എം പി,എം നൗഷാദ് എം എൽ എ എന്നിവർ മുഖ്യപ്രഭാഷണം നടത്തും. സേനോ ടു ഡ്രഗ്സ്, വി ലവ് കരാട്ടെ എന്ന റീലിന്‍റെ വിവരണം ഷിഹാൻ ചാൾസ് മോഹൻ മെൻഡസ് നടത്തും. കാഥികൻ വി. വി. ജോസ് കല്ലട റീൽ പ്രകാശനം നിർവഹിക്കും. ബെറ്റ്സി എഡിസൺ, വി. ടി കുരീപ്പുഴ, ജോർജ് എഫ് സേവ്യർ വലിയവീട് ,കാപ്റ്റൻ ക്രിസ്റ്റഫർ ഡിക്കോസ്റ്റ, മാർഷൽ ഫ്രാങ്ക്, ജയിൻ ആൻസിൽ ഫ്രാൻസിസ്, എഡ്‌വേർഡ് നസ്രത്ത്, ശിവരാജൻ കോവിലഴികം, സിൻ ജോസ്ഫിൻ ജോർജ്, ഇമ്‌നാ ജോർജ് വലിയവീട് എന്നിവർ പ്രസംഗിക്കും. ഇപ്ലോ ഗ്ലോബൽ അവാർഡ് കുരീപ്പുഴ മോഹനൻ, ഷിഹാൻ വിക്രമൻ നായർ, ഷാനവാസ്‌, യോഹന്നാൻ ആന്‍റണി, നൗഷാദ് മുഹമ്മദ്‌, ജോസഫ് എഡ്‌വേർഡ്, ടൈറ്റസ് ലൂക്കോസ്, എ. ജെ. ഡിക്രൂസ്, ബോബൻ ആന്‍റണി, ആന്‍റണി ബോയ് എന്നിവർക്ക് സമ്മാനിക്കും.

‘വനാവരണം' ഒരുക്കി അഞ്ചല്‍ ബ്ലോക്ക് പഞ്ചായത്ത്

കൊല്ലം: വനാതിര്‍ത്തിക്കടുത്ത് താമസിക്കുന്ന ജനങ്ങള്‍ക്ക് ആശ്വാസമാകുന്ന ‘വനാവരണം' ഏര്‍പ്പെടുത്തി അഞ്ചല്‍ ബ്ലോക്ക് പഞ്ചായത്ത്. കാട്ടിലെ മൃഗങ്ങള്‍ നാട്ടിലിറങ്ങി കൃഷിനാശവും ആക്രമണങ്ങളും നടത്തുന്നത് പതിവായതോടെയാണ് സൗരോര്‍ജവേലികള്‍ സ്ഥാപിച്ചുള്ള പ്രതിരോധം. വനം, കൃഷി, തദേശസ്വയംഭരണം, പട്ടികവര്‍ഗവികസന വകുപ്പുകളുടെ ഏകോപനത്തിലാണ് സംവിധാനം. വന്യജീവി-മനുഷ്യ സംഘര്‍ഷത്തിനു തടയിടാന്‍പാകത്തിലാണ് പദ്ധതിയുടെ നടത്തിപ്പ്. ആദ്യഘട്ട നിര്‍മാണപ്രവര്‍ത്തികള്‍ ജില്ല ാപഞ്ചായത്ത്, അഞ്ചല്‍ ബ്ലോക്ക് പഞ്ചായത്ത്, കുളത്തൂപ്പുഴ പഞ്ചായത്ത് എന്നിവിടങ്ങളില്‍ പൂര്‍ത്തിയാകുകയാണ്. രണ്ടാം ഘട്ടവും ഉടനെ തുടങ്ങും. അഞ്ചല്‍ ബ്ലോക്ക് പഞ്ചായത്തിന്‍റെ പരിധിയിലുള്ള എട്ട് ഫോറസ്റ്റ് ഡിവിഷനുകളിലും സോളാര്‍ ഫെന്‍സിംഗ് പൂര്‍ത്തിയാക്കിവരികയാണ്. വിവിധ പഞ്ചായത്തുകള്‍ നല്‍കിയ പദ്ധതി വിഹിതത്തില്‍ നിന്ന് 95 ലക്ഷം രൂപ സമാഹരിച്ചാണ് നിര്‍മാണ പ്രവര്‍ത്തികള്‍. വന്യമൃഗശല്യം ഏറ്റവും രൂക്ഷമായ കുളത്തൂപ്പുഴ പഞ്ചായത്തിലെ വില്ലുമല സൗത്ത് സെറ്റില്‍മെന്‍റില്‍ 4.5 കിലോമീറ്റർ, വിളക്കുമരത്ത് 1.5 കിലോമീറ്റർ, ആമക്കുളം രണ്ടാംമൈലില്‍ മൂന്ന് കിലോമീറ്റർ, അമ്പലക്കടവിൽ 1.5 കിലോമീറ്ററുമായി ആകെ 10.5 കിലോമീറ്റര്‍ സോളാര്‍ ഫെന്‍സിംഗ് പൂര്‍ത്തീകരിച്ചു. ആര്യങ്കാവ് പഞ്ചായത്തിലെ സെന്‍റ് മേരീസ് യുപിഎസിനടുത്തായി 2.5 കിലോമീറ്ററും, കടമാന്‍പാറ ഭാഗത്ത് രണ്ട് കിലോമീറ്ററിലും ഫെന്‍സിംഗ് പുരോഗമിക്കുകയാണ്. ഫെന്‍സിംഗ് പൂര്‍ത്തീകരിച്ച മേഖലകളില്‍ കാട്ടാനകളുടെ ആക്രമണം വന്‍തോതില്‍ കുറഞ്ഞിട്ടുണ്ടെന്ന് പ്രദേശവാസികള്‍. വരുംവര്‍ഷങ്ങളിലും വാര്‍ഷിക പദ്ധതിവിഹിതം ഉപയോഗിച്ച് കൂടുതല്‍ ഭാഗങ്ങളില്‍ സോളാര്‍ ഫെന്‍സിംഗ് നടപ്പിലാക്കുന്നതിന് നടപടികള്‍ സ്വീകരിക്കുമെന്ന് അഞ്ചല്‍ ബ്ലോക്ക് പഞ്ചായത്ത് പ്രസിഡന്‍റ് ഓമന മുരളി പറഞ്ഞു.

ലോക ക്വിസ് ചാമ്പ്യൻഷിപ്പ്; കേരളത്തിൽ നാല് വേദികൾ

കൊല്ലം: ലണ്ടൻ ആസ്ഥാനമായ ഇന്‍റർനാഷണൽ ക്വിസിംഗ് അസോസിയേഷൻ ലോകമെങ്ങും നൂറോളം വേദികളിലായി നടത്താറുള്ള ലോക ക്വിസ് ചാമ്പ്യൻഷിപ്പ് ജൂൺ ഏഴിന് ഉച്ചകഴിഞ്ഞ് മൂന്നിന് ഇന്ത്യയിൽ എട്ട് വേദികളിലായി നടത്തും. കേരളത്തിൽ കോഴിക്കോട്, കൊച്ചി, തിരുവനന്തപുരം, കൊല്ലം എന്നീ നാല് നഗരങ്ങളിലായാണ് മത്സരങ്ങൾ നടക്കുന്നത്. ഇത് കൂടാതെ കോയമ്പത്തൂർ, ബംഗളുരു, അമരാവതി (ആന്ധ്രപ്രദേശ്), ഫരീദാബാദ് എന്നിവിടങ്ങളിലും മത്സരം നടക്കും. ഇന്‍റർനാഷണൽ ക്വിസിംഗ് അസോസിയേഷൻ ഏഷ്യയുമായി (ഐ ക്യൂ എ - ഏഷ്യ) സഹകരിച്ച് ഇന്ത്യയിൽ അമൃത വിശ്വവിദ്യാപീഠവും ക്യൂ ഫാക്ടറിയുമാണ് മത്സരങ്ങൾ സംഘടിപ്പിക്കുന്നത്. നെടുമങ്ങാട് അമൃത കൈരളി വിദ്യാഭവൻ, കൊല്ലം അമൃതപുരി അമൃത സർവകലാശാല കാമ്പസ്, കൊച്ചി ഇടപ്പള്ളി അമൃത ആർട്സ് ആന്‍ഡ് സയൻസ് കാമ്പസ്, കോഴിക്കോട് വെള്ളിമാടുകുന്നുള്ള അമൃത വിദ്യാലയം എന്നീ സ്ഥാപനങ്ങളാണ് ലോക ക്വിസ് ചാമ്പ്യൻഷിപ്പി െ ന്‍റ കേരളത്തിലെ വേദികൾ. ലോകമെമ്പാടും നൂറിലധികം വേദികളിലായി ഒരേ സമയം നടക്കുന്ന ചാമ്പ്യൻഷിപ്പ് പതിനഞ്ചാം തവണയാണ് കേരളത്തിലെത്തുന്നത്. ശാസ്ത്രം, ചരിത്രം, കായികം, വിനോദം, തുടങ്ങിയ എട്ട് വിഷയങ്ങളിലായി 240 ചോദ്യങ്ങളുമായി മൂന്ന് മണിക്കൂർ എഴുത്തു പരീക്ഷയിൽ പ്രായ വിദ്യാഭ്യാസ ഭേദമെന്യേ ആർക്കും പങ്കെടുക്കാം. രണ്ട് ഭാഗങ്ങളിലായി നടക്കുന്ന എഴുത്ത് പരീക്ഷ വിജയകരമായി പൂർത്തിയാക്കുന്നവർക്ക് 240 ചോദ്യങ്ങൾ അടങ്ങിയ ബുക് ലറ്റും കൂടാതെ ലോക ചാമ്പ്യൻഷിപ്പിൽ ഇന്ത്യയെ പ്രതിനിധീകരിച്ച സർട്ടിഫിക്കറ്റും, ടോട്ടൽ സ്കോറിനനുസരിച്ചുള്ള ലോക റാങ്കിംഗും ലഭിക്കും. പങ്കെടുക്കുന്നവർ 200 രൂപ രജിസ്ട്രേഷൻ ഫീ ഓൺലൈൻ ആയി അടച്ച് മുൻകൂട്ടി രജിസ്റ്റർ ചെയ്യണം. രജിസ്റ്റർ ചെയ്തവർ ജൂൺ ഏഴിന് ഉച്ചകഴിഞ്ഞ് രണ്ടിന് അതാത് സ്ഥലങ്ങളിൽ എത്തണം. ഡബ്ള്യുക്യൂ സി 2025 രജിസ്ട്രേഷന് വേണ്ടി താഴെ കാണുന്ന ലിങ്ക് സന്ദർശിക്കാം.amrita.link/quiz രജിസ്ട്രേഷനുള്ള അവസാന തീയതി ജൂൺ ആറ് ആണ്. രജിസ്‌ട്രേഷനും കൂടുതൽ വിവരങ്ങൾക്കും +91 8848214565 എന്ന നമ്പറിലോ, [email protected] എന്ന ഇമെയിൽ ഐഡിയിലോ ബന്ധപ്പെടാം. കൂടുതൽ വിവരങ്ങൾക്ക് www.iqa.asia എന്ന വെബ്സൈറ്റ് സന്ദർശിക്കുക.

മുങ്ങിയ കപ്പലിലെ ചരക്ക് : പാരിസ്ഥിതിക ആഘാതം കൂടുതൽ കൊല്ലം തീരത്ത്

അജി വള്ളിക്കീഴ് കൊല്ലം: കേരള തീരത്ത് മുങ്ങിയ ചരക്ക് കപ്പലായ എം‌എസ്‌സി എൽസ-മൂന്ന് തീരദേശ മേഖലയിൽ ഏറ്റവും കൂടുതൽ പാരിസ്ഥിതിക ആഘാതം ഉണ്ടാക്കിയിരിക്കുന്നത് കൊല്ലം തീരത്താണ്. കേരള തീരത്ത് ഗുരുതരമായ പാരിസ്ഥിതിക പ്രത്യാഘാതങ്ങൾ ഉണ്ടാക്കിയിരുന്ന കപ്പൽ ദുരന്തം ഉണ്ടാക്കുന്ന പാരിസ്ഥിതിക ആഘാതം കണക്കിലെടുത്താണ് സർക്കാർ ഇത് സംസ്ഥാന ദുരന്തമായി പ്രഖ്യാപിച്ചത്. 184 മീറ്റർ നീളമുള്ള കപ്പൽ വിഴിഞ്ഞത്ത് നിന്ന് കൊച്ചി തുറമുഖത്തേക്കുള്ള യാത്രയിലായിരുന്നു അപകടത്തിൽ പെടുന്നത്. ആകെ 640 കണ്ടെയ്‌നറുകൾ ഉണ്ടായിരുന്ന കപ്പലിലെ 13 കണ്ടെയ്‌നറുകളിൽ അപകടകരമായ ചരക്കുകൾ ഉണ്ടായിരുന്നെന്നാണ് റിപ്പോർട്ടുകൾ. കണ്ടെയ്‌നറുകളും 450 മെട്രിക് ടണ്ണിലധികം ഇന്ധനവും ഉൾപ്പെടെ എം‌എസ്‌സി എൽസ- മൂന്ന് കടലിൽ മുങ്ങുകയായിരുന്നു. കണ്ടെയ്‌നറില്‍ ഉണ്ടായിരുന്ന പ്ലാസ്റ്റിക് പെല്ലറ്റ്‌സ് കടലില്‍ വീണിരിക്കുകയാണ്. അപകടമുണ്ടായ കടല്‍ മേഖലയില്‍ എണ്ണയുടെ അംശം കലര്‍ന്നിട്ടുണ്ട്. അത് നിയന്ത്രണ വിധേയമാണെങ്കിലും സംസ്ഥാനത്തിന്‍റെ തെക്കന്‍ തീരത്തു വന്‍ പാരിസ്ഥിതിക ഭീതിയാണ് കപ്പൽ ദുരന്തം ഉയര്‍ത്തിയിട്ടുള്ളത്. കടലിന്‍റെ ആഴത്തിൽ മുങ്ങിയ കപ്പൽ കാത്സ്യം കാർബൈഡ് വഹിച്ചു കൊണ്ടാണ് വന്നിരുന്നത്. കാൽസ്യം കാർബൈഡ് വെള്ളവുമായി പ്രതിപ്രവർത്തനം നടത്തുന്നതാണ്. അതിനാൽ തന്നെ കപ്പൽ മുങ്ങിയതിനാൽ എന്ത് പ്രതിപ്രവർത്തനം ഉണ്ടായാലും അത് ആഴമുള്ളതായിരിക്കും. എന്ത് കൊണ്ടും അസറ്റിലീൻ വാതകം ഉത്പാദിപ്പിക്കാനുള്ള സാധ്യതയും ഏറെയാണ്. അതിനാൽ അസറ്റിലീൻ ഉത്പാദിപ്പിക്കുന്നത് ജല ഉപരിതലത്തിന് മുകളിൽ കുമിളയായി എത്തും. കപ്പൽ മുങ്ങിയത് കൊല്ലത്തെ മത്സ്യത്തൊഴിലാളികളെ പ്രതിസന്ധിയിലാക്കിയിരിക്കുകയാണ്. കഴിഞ്ഞ നാല് ദിവസമായി കൊല്ലത്തെ 20,000 ത്തിലേറെ മത്സ്യത്തൊഴിലാളികൾക്കാണ് തൊഴിൽ നഷ്ടമായിരിക്കുന്നത്. കൂടുതൽ പാരിസ്ഥിതിക നാശം തടയുന്നതിനും മത്സ്യത്തൊഴിലാളികളുടെ സുരക്ഷ ഉറപ്പാക്കുന്നതിനുമായി ദുരന്ത നിവാരണ അഥോറിറ്റി കപ്പൽമുങ്ങിയതുമായി ബന്ധപ്പെട്ട തീരപ്രദേശത്ത് താൽക്കാലിക മത്സ്യബന്ധന നിരോധനം ഏർപ്പെടുത്തിയിരിക്കുകയാണ്. മത്സ്യബന്ധന പ്രവർത്തനങ്ങൾ നിർത്തിവച്ചത് ജില്ലകളിലെ തീരപ്രദേശത്തെ ആയിരക്കണക്കിന് കുടുംബങ്ങളുടെ ഉപജീവനമാർഗത്തെ ആണ് ബാധിച്ചിരിക്കുന്നത്. കൊല്ലത്തെ മൽസ്യത്തൊഴിലാളികൾ ഇതുവരെ നേരിടാത്ത പ്രതിസന്ധിയെ ആണ് നേരിടുന്നത്. കപ്പലിലെ 13 കണ്ടെയ്നറുകളിലാണ് അപകടകരമായ ചരക്ക് ഉണ്ടായിരുന്നത്. എന്നാൽ അപകടകരമായ ചരക്കിന്‍റെ സ്വഭാവവും വ്യത്യസ്ത ഗ്രേഡുകളിലായി കാണേണ്ടി വരും. സത്യത്തിൽ അപകടകരമായ ചരക്കിന്‍റെ സ്വഭാവം എന്താണെന്ന് ഇപ്പോഴും പുറത്ത് വന്നിട്ടില്ല. എണ്ണ കൊണ്ടുപോകുന്ന ഇത്തരം ഒരു കപ്പലിൽ കുറഞ്ഞത് 85 ടൺ ഡീസലും ഏകദേശം 350 ടൺ ഫർണസ് ഓയിലും ഉണ്ടെന്നാണ് റിപ്പോർട്ടുകൾ. കപ്പലിൽ ചിലയിടങ്ങളിൽ ചോർച്ചയുണ്ടായതിനാൽ ഇത് ക്രമേണ കൂടാനേ സാധ്യതയുള്ളൂ. അതിനാൽ തന്നെ വരും ദിവസങ്ങളിൽ പുറം കടലിലെ ജലപ്പരപ്പിൽ ഇത് കാണാൻ കഴിയും. മൺസൂൺ ആരംഭിച്ചിരിക്കെ ഇത് ഒരു നിശ്ചിത കാലയളവിൽ ആ ഗ്ലോബ്യൂളുകളായി മാറിയേക്കുമെന്നാണ് വിദഗ്‌ധർ പറയുന്നത്. 25 നാണ് കേരള തീരത്ത് നിന്ന് 38 നോട്ടിക്കൽ മൈൽ അകലെ ലൈബീരിയൻ പതാകയുള്ള ചരക്ക് കപ്പൽ എം‌എസ്‌സി എൽസ-മൂന്നു മുങ്ങുന്നത്. സംഭവം കേരള തീരത്ത് ഗുരുതരമായ പാരിസ്ഥിതിക പ്രത്യാഘാതങ്ങൾ ഉണ്ടാക്കുമെന്ന ആശങ്കയാണ് നിലവിലുള്ളത്. 184 മീറ്റർ നീളമുള്ള കപ്പൽ വിഴിഞ്ഞത്ത് നിന്ന് കൊച്ചി തുറമുഖത്തേക്കുള്ള യാത്രക്കിടയിലായിരുന്നു അപകടം. അപകടകരമായ ചരക്കുകളും 450 മെട്രിക് ടണ്ണിലധികം ഇന്ധനവും 640 കണ്ടെയ്‌നറുകളും വഹിച്ചുകൊണ്ടിരുന്നു കപ്പലിന്‍റെ യാത്ര. 24ന് കപ്പൽ ലിസ്റ്റിംഗ് ആരംഭിച്ചു, പിന്നീട് 25ന് മുങ്ങി.

‘ചരിത്രത്തിലൂടെ 366 ദിവസങ്ങൾ’ പുസ്‌തക പ്രകാശനം

കൊല്ലം:പ്രഫ. ജെ.ജേക്കബ് രചിച്ച 'ചരിത്രത്തിലൂടെ 366 ദിവസങ്ങൾ', എന്ന പുസ്‌തകം 31 ന് ഉച്ചകഴിഞ്ഞ് 3.30ന് കർമലാറാണി ട്രെയിനിംഗ് കോളജ് ഓഡിറ്റോറിയത്തിൽ ഫാ. ഫെർഡിനാന്‍റ് പീറ്ററിെ ന്‍റ അധ്യക്ഷതയിൽ ചേരുന്ന യോഗത്തിൽ കൊല്ലം രൂപതാ മെത്രാൻ പോൾ ആന്‍റണി മുല്ലശേരി പ്രകാശനം ചെയ്യും. ജനുവരി ഒന്നു മുതൽ ഡിസംബർ31 വരെയുള്ള ദിവസങ്ങളിൽ നടന്ന പ്രധാനപ്പെട്ട 366 സംഭവങ്ങളാണ് പുസ്തകത്തിൽ ഉൾപ്പെടുത്തിയിരിക്കുന്നത്. ഗദ്യ സാഹിത്യകാരനായ വി.എം. രാജമോഹൻ പുസ്‌തകം ഏറ്റുവാങ്ങും. പ്രഫ. ഡോ.ജോസഫ് ആന്‍റണി പ ുസ്തകം അവതരിപ്പിക്കും. പ്രഫ. ഡോ.മിനി.എൻ.രാജൻ, മാർഷൽ ഫ്രാങ്ക്,വി ടി കുരീപ്പുഴ തുടങ്ങിയവർ പ്രസംഗിക്കും.

വയോധികന് ഗാന്ധിഭവനില്‍ അഭയം

പത്തനാപുരം: വാഹനാപകടത്തില്‍ ഇരുകാലുകളും ഒടിഞ്ഞ് ജില്ലാ ആശുപത്രിയില്‍ ചികിത്സയിലായിരുന്ന നെടുമ്പന സ്വദേശി ജോയി(67)യെ സംരക്ഷിക്കാനാരുമില്ലാത്തതിനെത്തുടര്‍ന്ന് ഗാന്ധിഭവന്‍ ഏറ്റെടുത്തു. ഭാര്യയും മക്കളും ഉപേക്ഷിച്ചുപോയ ജോയി മുപ്പത്തിയഞ്ചുവര്‍ഷമായി വിവിധ സ്ഥലങ്ങളില്‍ ജോലി ചെയ്തുവരികയായിരുന്നു. കോഴിക്കോടു വച്ചുണ്ടായ അപകടത്തെത്തുടര്‍ന്ന് മെഡിക്കല്‍ കോളജില്‍ പ്രവേശിപ്പിക്കുകയും പിന്നീട് ജില്ലാ ആശുപത്രിയില്‍ പ്രവേശിപ്പിക്കുകയും ചെയ്തു. ബന്ധുക്കളാരും ഏറ്റെടുക്കാനില്ലാതിരുന്ന ജോയിയുടെ ദുരവസ്ഥ ജില്ലാ മെഡിക്കല്‍ ഓഫീസര്‍ കളക്‌ടറെ അറിയിക്കുകയും കളക്‌ടറുടെ നിര്‍ദേശപ്രകാരം ജില്ലാ സാമൂഹ്യനീതി ഓഫീസര്‍ ജോയിക്ക് സംരക്ഷണം നല്‍കാന്‍ ഗാന്ധിഭവനോട് ആവശ്യപ്പെടുകയായിരുന്നു. സാന്ത്വന പരിചരണാര്‍ഥംഗാന്ധിഭവന്‍ പാലിയേറ്റീവ് കെയറില്‍ പ്രവേശിപ്പിച്ച ജോയ് ക്ക് ആവശ്യമായ ചികിത്സയും പരിചരണവും നല്‍കുമെന്ന് ഗാന്ധിഭവന്‍ സെക്രട്ടറി പുനലൂർ സോമരാജൻ അറിയിച്ചു.

മിനിട്സ് തിരുത്തിയെന്ന ആരോപണം : രേഖകൾ ഹാജരാക്കണം: മനുഷ്യാവകാശ കമ്മീഷൻ

കൊല്ലം: ജില്ലാ ആയുർവേദ ആശുപത്രിയിൽ ദിവസവേതനാടിസ്ഥാനത്തിൽ ജോലി ചെയ്ത യുവതി മിനിട്സ് തിരുത്തി മറ്റൊരു ജീവനക്കാരിക്ക് പ്രസവാനുകൂല്യം നൽകിയെന്ന ആരോപണത്തിൽ മിനിറ്റ്സും ബന്ധപ്പെട്ട രേഖകളും ഹാജരാക്കണമെന്ന് മനുഷ്യാവകാശ കമ്മീഷൻ അംഗം വി.ഗീത ജില്ലാ ആയുർവേദ ആശുപത്രി ചീഫ് മെഡിക്കൽ ഓഫീസർക്ക് നിർദേശം നൽകി. മിനിട്സ് തിരുത്തിയെങ്കിൽ അതിന്‍റെ ഉത്തരവാദിത്വത്തിൽ നിന്നും ചീഫ് മെഡിക്കൽ ഓഫീസർക്കും ബന്ധപ്പെട്ട ഉദ്യോഗസ്ഥർക്കും ഒഴിഞ്ഞു മാറാൻ കഴിയില്ലെന്ന് ഉത്തരവിൽ പറയുന്നു. ഇക്കാര്യത്തിൽ കൂടുതൽ അന്വേഷണം ആവശ്യമാണ്. ആശുപത്രി മാനേജ്മെന്‍റ് കമ്മറ്റിയുടെ മിനിട്സ് രജിസ്റ്റർ, ജീവനക്കാരിക്ക് തെറ്റിദ്ധാരണയുടെ പുറത്ത് ആനുകൂല്യം നൽകിയ മെഡിക്കൽ ഓഫീസറുടെ പേര്,ഇപ്പോൾ ജോലി ചെയ്യുന്ന സ്ഥലം, പരാതിക്കാരി സാമ്പത്തിക ക്രമക്കേട് നടത്തിയിട്ടുണ്ടോ തുടങ്ങിയ കാര്യങ്ങൾ കേസ് പരിഗണിക്കുമ്പോൾ ജില്ലാ ആയുർവേദ ചീഫ് മെഡിക്കൽ ഓഫീസർ ഹാജരാക്കണമെന്ന് കമ്മീഷൻ ആവശ്യപ്പെട്ടു. 2019 ജനുവരി മുതൽ 2023 ജൂൺ വരെ ജില്ലാ ആയുർവേദ ആശുപത്രിയിൽ ജോലി ചെയ്ത യുവതി സമർപ്പിച്ച പരാതിയിലാണ് നടപടി.2023 ൽ പരാതിക്കാരി ഗർഭിണിയായിരിക്കെ ജോലിയിൽ നിന്നും പറഞ്ഞുവിട്ടതിനെതിരെയാണ് പരാതി നൽകിയത്. തുടർന്ന് 2024 ൽ പരാതിക്കാരിക്ക് പകരം താത്കാലിക നിയമനം നടത്തിയെന്നും പരാതിയിൽ പറയുന്നു. കമ്മീഷൻ ചീഫ് മെഡിക്കൽ ഓഫീസറിൽ നിന്നും റിപ്പോർട്ട് ആവശ്യപ്പെട്ടു.179 ദിവസത്തെ കരാർ നിയമനം ലഭിച്ച പരാതിക്കാരിക്ക് മിനിറ്റ്സ് തിരുത്തി മറ്റൊരാൾക്ക് അനർഹമായ ആനുകൂല്യങ്ങൾ നൽകാൻ കഴിയുമോ എന്ന് കമ്മീഷൻ സംശയം രേഖപ്പെടുത്തി. തുടർന്നാണ് രേഖകൾ ഹാജരാക്കാൻ നിർദേശിച്ചത്.

സര്‍വീസില്‍ നിന്ന് വിരമിക്കുന്ന ദിവസം ലഹരിവിരുദ്ധ യാത്ര നടത്താൻ എസ്ഐ

കൊല്ലം:സര്‍വീസില്‍ നിന്ന് വിരമിക്കുന്ന ദിവസം ലഹരിക്കെതിരേ സൈക്കിളിൽ കേരള യാത്ര നടത്താൻ കൊല്ലം വെസ്റ്റ് പോലീസ് സ്റ്റേഷന്‍ സബ് ഇന്‍സ്‌പെക്‌ടര്‍ എ. ഷാജഹാന്‍. നാളെയാണ് ഇദ്ദേഹം 31 വർഷത്തെ സേവനത്തിന് ശേഷം വിരമിക്കുന്നത്. ലഹരിയുടെ വിപത്തുകളെ കുറിച്ച് സമൂഹത്തിൽ അവബോധം സൃഷ്‌ടിക്കാനായാണ് വിരമിക്കുന്ന ദിവസം തന്നെ ഇത്തരമൊരു യാത്ര സംഘടിപ്പിക്കുന്നതെന്ന് ഷാജഹാന്‍ പറഞ്ഞു. കൊല്ലം രാമൻകുളങ്ങര സ്വദേശിയായ ഇദ്ദേഹം വർഷങ്ങളായി വീട്ടിൽ നിന്ന് ഡ്യൂട്ടിക്ക് സ്റ്റേഷനിൽ എത്തുന്നതും തിരികെ പോകുന്നതും സൈക്കിളിലാണ്. വിരമിച്ച ശേഷം സ്വസ്ഥ ജീവിതം നയിക്കുക എന്നതിലുപരി നാടിനും സമൂഹത്തിനും ഉപകരിക്കുന്ന പ്രവൃത്തി ചെയ്യണമെന്ന ആഗ്രഹത്തിന്‍റെ പൂര്‍ത്തീകരണമാണ് ഇതിലൂടെ ലക്ഷ്യം വയ്ക്കുന്നതതെന്നും ഷാജഹാൻ പറഞ്ഞു. ഒരുമാസം നീണ്ടുനില്‍ക്കുന്ന യാത്രയില്‍ 14 ജില്ലകളിലായി 2025 കിലോമീറ്റര്‍ സൈക്കിളില്‍ സഞ്ചരിച്ച് ലഹരിക്കെതിരേ ബോധവത്്കരണം നടത്തുമെന്നും അദ്ദേഹം പറഞ്ഞു. നേരത്തെ ഇരുചക്ര വാഹനങ്ങളില്‍ സഞ്ചരിക്കുന്നവര്‍ ഹെല്‍മെറ്റ് ധരിക്കേണ്ടതിന്‍റെ ആവശ്യകത ചൂണ്ടിക്കാട്ടി 14 ജില്ലകളിലൂടെ 1700 കിലോമീറ്റർ ഷാജഹാന്‍ സൈക്കിള്‍ യാത്ര നടത്തിയിരുന്നു. ഇത്തവണത്തെ സൈക്കിൾ യാത്ര നാളെ ഉച്ചയ്ക്ക് 12 ന് കൊല്ലം വെസ്റ്റ് പോലീസ് സ്റ്റേഷൻ അങ്കണത്തിൽ നടക്കുന്ന ചടങ്ങിൽ മന്ത്രി ജെ.ചിഞ്ചുറാണി ഫ്ലാഗ് ഓഫ് ചെയ്യും. എൻ.കെ.പ്രേമചന്ദ്രൻ എംപി, എംഎൽഎമാരായ എം.മുകേഷ്, എം.നൗഷാദ്, സിറ്റി പോലീസ് കമ്മീഷണർ കിരൺ നാരായണൻ തുടങ്ങിയവർ സംബന്ധിക്കും. തുടർന്ന് സിറ്റി പോലീസ് കമ്മീഷണറുടെ നേതൃത്വത്തിൽ ഒരു സംഘം പോലീസുകാർ സൈക്കിളിൽ ടൗൺ അതിർത്തിവരെ യാത്രയെ അനുഗമിക്കും. കേരള പോലീസ് അസോസിയേഷന്‍റെയും പോലീസ് ഓഫീസേഴ്സ് അസോസിയേഷന്‍റെയും സഹകരണത്തോടെയാണ് യാത്ര സംഘടിപ്പിച്ചിട്ടുള്ളത്. പ്രതികൂല സാഹചര്യങ്ങൾ ഒന്നുമില്ലെങ്കിൽ ജൂൺ 25ന് കൊല്ലം ചിന്നക്കട ബസ് ബേയിൽ അവസാനിക്കുന്ന രീതിയിലാണ് യാത്ര ക്രമീകരിച്ചിട്ടുള്ളത്.

ഏരൂരിൽ ഇലക്‌ട്രിസിറ്റി സബ്സ്റ്റേഷൻ അനുവദിക്കണം: കർഷക കോൺഗ്രസ്

ഏരൂർ: ഏരൂരിൽ ഇലക്ട്രിസിറ്റി സബ്സ്റ്റേഷൻ അനുവദിക്കണമെന്ന് കർഷക കോൺഗ്രസ് ആവശ്യപ്പെട്ടു. അഞ്ചൽ ഇലക്‌ട്രിസിറ്റി ഓഫീസിന്‍റെകീഴിൽ ആയിരക്കണക്കിന് കണക്ഷൻ ഉള്ളത് വിഭജിച്ച് ഏരൂരിൽ പുതിയ സബ്സ്റ്റേഷൻ അനുവദിച്ചാൽ നിലവിലുള്ള ഉപഭോക്താക്കളുടെ നിരന്തരമായ പരാതികൾക്ക് പരിഹാരമാകുമെന്നും ജീവനക്കാരുടെ ജോലി ഭാരം കുറയുമെന്നും സംസ്ഥാന ജനറൽ സെക്രട്ടറി വിളക്കുപാറ ദാനിയേൽ വകുപ്പ് മന്ത്രിക്കയച്ച നിവേദനത്തിൽ ആവശ്യപ്പെട്ടു. പരാതികൾക്ക് പരിഹാരമുണ്ടാക്കാൻ ജനപ്രതിനിധികൾ മുൻകൈ എടുക്കണമെന്നും അദ്ദേഹം ആവശ്യപ്പെട്ടു.

പി.വി.അൻവർ ഖേദം പ്രകടിപ്പിക്കണം: വി.എം.സുധീരൻ

കൊല്ലം: പി.വി.അൻവർ യുഡിഎഫുമായി സഹകരിച്ച് പ്രവർത്തിക്കാനാണ് താൽപര്യമെങ്കിൽ കേരളത്തിലെ കോൺഗ്രസ് നേതൃത്വം ഐക്യകണ്ഠേന അംഗീകരിച്ച് എഐസിസി പ്രഖ്യാപിച്ച സ്ഥാനാർഥിക്ക് എതിരെ നടത്തിയ അധിക്ഷേപ പരാമർശങ്ങൾ പിൻവലിച്ച് ഖേദം പ്രകടിപ്പിക്കണമെന്ന് കെപി സിസി മുൻ പ്രസിഡന്‍റ് വി.എം.സുധീരൻ. നിലമ്പൂരിലെ ജനത പിണറായി സർക്കാരിന് എതിരെ വിധി എഴുതുമെന്നും നിലമ്പൂരിലെ യുഡിഎഫിന്‍റെ വിജയത്തോട് കൂടി പിണറായി സർക്കാരിന് അന്ത്യം കുറിക്കുമെന്നും അദ്ദേഹം പറഞ്ഞു. പി. സി. വിഷ്ണുനാഥ് ഭാവി കോൺഗ്രസി െ ന്‍റ പ്രതീക്ഷയാണെന്നും വി.എം.സുധീരൻ കൂട്ടിചേർത്തു. കെപി സിസി വർക്കിംഗ് പ്രസിഡന്‍റായി നിയമിതനായ പി.സി.വിഷ്ണുനാഥ് എംഎൽഎക്ക് ജില്ലാ കോൺഗ്രസ് നൽകിയ സ്വീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്‍റ് പി. രാജേന്ദ്രപ്രസാദ് അധ്യക്ഷത വഹിച്ചു. കെപിസിസി രാഷ്‌ട്രീയകാര്യ സമിതി അംഗം ബിന്ദുകൃഷ്ണ, ജനറൽ സെക്രട്ടറി എം.എം.നസീർ, യു ഡിഎഫ് ജില്ലാ ചെയർമാൻ കെ.സി.രാജൻ, കെപി സിസി നിർവാഹക സമിതി അംഗം എ. ഷാനവാസ്ഖാൻ, ഐഎൻടിയുസി സംസ്ഥാന പ്രസിഡന്‍റ് ആർ. ചന്ദ്രശേഖരൻ, ആർഎസ്പി ജില്ലാ സെക്രട്ടറി കെ.എസ്. വേണുഗോപാൽ, ഭാരവാഹികളായ എഴുകോൺ നാരായണൻ, എസ്. വിപിനചന്ദ്രൻ, തൊടിയൂർ രാമചന്ദ്രൻ, പി.ജർമിയാസ്, ആർ.രാജശേഖരൻ, സൈമൺ അലക്‌സ്, സൂരജ് രവി, എൻ.ഉണ്ണികൃഷ്ണൻ, എം.എം.സഞ്ജീവ് കുമാർ, വി.ടി.സിബി, കല്ലട ഗിരീഷ്, നടുക്കുന്നിൽ വിജയൻ, കെ.ബേബിസൺ, എൽ.കെ. ശ്രീദേവി, ബിന്ദുജയൻ, സി.ആർ.നജീബ്, എം.വി.ശശികുമാരൻ നായർ, അലക്‌സ് മാത്യു തുടങ്ങിയവർ പ്രസംഗിച്ചു.

പീഡനശ്രമം; പ്രതിയെ വെറുതെവിട്ടു

കൊട്ടാരക്കര: വീട്ടിൽ അതിക്രമിച്ച് കയറി മധ്യവയസ്കയായ സ്ത്രീയെ പീഡിപ്പിക്കാൻ ശ്രമിക്കുകയും എതിർത്തപ്പോൾ തലയ്ക്കടിച്ച് കൊലപ്പെടുത്താൻ ശ്രമിക്കുകയും ചെയ്ത കേസിലെ പ്രതിയെ മതിയായ തെളിവുകളുടെ അഭാവത്തിൽ കൊട്ടാരക്കര ഫാസ്റ്റ് ട്രാക്ക് സ്പെഷൽ കോടതി ജഡ്ജ് അഞ്ചു മീര ബിർള വെറുതെവിട്ടു. ആലഞ്ചേരി ഉണ്ണി ഭവനിൽ ഉണ്ണിയെയാണ് കുറ്റക്കാരൻ അല്ലെന്നു കണ്ട് വെറുതെ വിട്ടത്. ഏരൂരിൽ ഏറെ കോളിളക്കം സൃഷ്‌ടിച്ച കേസിൽ ഇൻസ്പെക്ടർമാരായ സുധീഷ് കുമാർ, സുഭാഷ് കുമാർ എന്നിവരാണ് കേസ് അന്വേഷിച്ചത്. പഴയേരുർ സ്വദേശിനിയുടെ വീട്ടിൽ രാത്രി അതിക്രമിച്ച് കയറിയ രണ്ട് പ്രതികൾ മോഷണശ്രമത്തിനിടയിൽ അതിജീവതയെ തലയ്ക്ക് അടിച്ച് കൊലപ്പെടുത്താൻ ശ്രമിച്ചെന്നായിരുന്നു കേസ്. പ്രതിയ്ക്ക് വേണ്ടി അഭിഭാഷകരായ പി. അരുൾ, പി.ആർ. രമ്യ എന്നിവർ ഹാജരായി.

മുൻസിപ്പൽ കോർപറേഷൻ കണ്ടിജന്‍റ് ജീവനക്കാരെ പൊതുസർവീസിൽ ഉൾപ്പെടുത്തണം:പി.രാജേന്ദ്രപ്രസാദ്

കൊല്ലം: തദ്ദേശ സ്വയംഭരണ സ്ഥാപനങ്ങളിൽ ജോലി ചെയ്യുന്ന മുൻസിപ്പൽ കോർപറേഷൻ കണ്ടിജന്‍റ് വിഭാഗം ജീവനക്കാരെ പൊതു സർവീസിൽ ഉൾപ്പെടുത്തണമെന്ന് ഡിസിസി പ്രസിഡന്‍റ് പി. രാജേന്ദ്രപ്രസാദ്. കേരള മുൻസിപ്പൽ കോർപറേഷൻ കണ്ടിജന്‍റ് എംപ്ലോയീസ് കോൺഗ്രസ് -ഐ എൻടിയുസി നടത്തിയ വഞ്ചനാദിനം ഉദ്ഘാടനം ചെയ്ത് പ്രസംഗിക്കുകയായിരുന്നു പി.രാജേന്ദ്രപ്രസാദ്. യൂണിയൻ പ്രസിഡന്‍റ് തൃക്കടവൂർ അജിത് അധ്യക്ഷത വഹിച്ചു. സംസ്ഥാന സീനിയർ വൈസ് പ്രസിഡന്‍റ് കോതേത്ത് ഭാസുരൻ മുഖ്യപ്രഭാഷണംനടത്തി. ഡിസി സി ഭാരവാഹികളായ എസ്.വിപിനചന്ദ്രൻ, എൻ. ഉണ്ണികൃഷ്ണൻ, ഡി.ഗീതാകൃഷ്ണൻ കോർപറേഷൻ പ്രതിപക്ഷ നേതാവ് ജോർജ് ഡി. കാട്ടിൽ, കൗൺസിലർമാരായ കുരുവിള ജോസഫ്, ശ്രീദേവി അമ്മ, സംസ്ഥാന യൂണിയൻ ഭാരവാഹികളായ വിശ്വനാഥൻ, സജീവ്, തങ്കം മറിയം, അനിൽകുമാർ, കുമാർ, കൃഷ്ണകുമാർ ,യൂണിറ്റ് ജനറൽ സെക്രട്ടറി നസ്‌റുദീൻ, ട്രഷറർ അഗസ്റ്റ്യൻ എന്നിവർ പ്രസംഗിച്ചു.

കരിക്കം ഇന്‍റർനാഷണൽ പബ്ലിക് സ്കൂൾ പ്രവേശനോത്സവം

കൊട്ടാരക്കര : കരിക്കം ഇന്‍റർനാഷണൽ പബ്ലിക് സ്കൂൾ പ്രവേശനോത്സവം വിവിധ ചടങ്ങുക ളോടെ നടന്നു. ഡോ.സച്ചിദാനന്ദ ഭാരതി ഉദ്ഘാടനം ചെയ്തു. ചെയർമാൻ ഡോ.ഏബ്രഹാം കരിക്കത്തിന്‍റെ അധ്യക്ഷതയിൽ റവ.മോൻസി മാത്യു , പി.കെ.രാമചന്ദ്രൻ , ഷിബി ജോൺസൻ , അജില ലാൽകുമാർ, ദീപ തങ്കച്ചൻ, ഏഞ്ചല എബി, ലിഖിത മറിയം യോഹന്നാൻ , ദിയ റോയ്, വി .എസ്.വീണ എന്നിവർ പ്രസംഗിച്ചു. ബോർഡ് പരീക്ഷയിൽ ഉന്നത വിജയം നേടിയ 10,12 ക്ലാസുകളിലെ വിദ്യാർഥികളെ യോഗത്തിൽ അനുമോദിച്ചു.

ഫാ. ക്രിസ്റ്റി ചരുവിള ചുമതലയേറ്റു

അഞ്ചൽ: സെന്‍റ് ജോൺസ് കോളജി െ ന്‍റ പുതിയ ബർസാറായി ഫാ. ക്രിസ്റ്റി ചരുവിളയെ മലങ്കര സുറിയാനി കത്തോലിക്കാ സഭ മേജർ ആർച്ച് ബിഷപ് കർദിനാൾ മാർ ബസേലിയോസ് ക്ലീമിസ് കാതോലിക്കാ ബാവ നിയമിച്ചു. ആയൂർ ചെറുപുഷ്പ സെൻട്രൽ സ്കൂളിൽ ബർസാറായി സേവനമനുഷ്ഠിച്ചു കൊണ്ടിരിക്കെയാണ് പുതിയ ചുമതലയിലേക്ക് നിയമനം. അഞ്ചൽ സെന്‍റ് ജോൺസ് കോളജി െ ന്‍റ പൂർവവിദ്യാർഥി കൂടിയാണ് പുതിയ ബർസാർ.അഞ്ചൽ വൈദിക ജില്ലാ വികാരിയും സെന്‍റ് ജോൺസ് സ്കൂൾ ബർസാറുമായ ബോവാസ് മാത്യു, ജോൺ കാരവിള കോർ എപ്പിസ്കോപ്പാ, ആയൂർ ചെറുപുഷ്പ സ്കൂൾ ബർസാർ ഫാ. ജോൺ പാലവിളകിഴക്കേതിൽ, പ്രിൻസിപ്പൽ ഫാ. അരുൺ ഏറത്ത് എന്നിവർ ചടങ്ങിൽ പങ്കെടുത്തു. മുൻ ബർസാർ ഫാ. ജിനോയ് മാത്യു, കോളജിെന്‍റ പ്രിൻസിപ്പാൾ ഡോ. നിഷാ തോമസ്, ഫാ. ബോവാസ് മാത്യു എന്നിവർ പ്രസംഗിച്ചു. അധ്യാപക, അനധ്യാപക പ്രതിനിധികൾ ചടങ്ങിൽ പങ്കെടുത്തു.

എംഡിഎംഎയും കഞ്ചാവുമായി രണ്ടുയുവാക്കൾ പിടിയിൽ

കൊല്ലം: ഓച്ചിറ ക്ലാപ്പനയിൽ എക്സൈസ് സംഘം നടത്തിയ പരിശോധനയിൽ എംഡിഎംഎയും കഞ്ചാവുമായി രണ്ട് യുവാക്കളെ അറസ്റ്റ് ചെയ്തു. കരുനാഗപ്പള്ളി കുലശേഖരപുരം ആദിനാട് വടക്ക് വിഷ്ണു ഭവനത്തിൽ വിഷ്ണു (25), കുലശേഖരപുരം നീലിക്കുളം ആലക്കോട് കിഴക്കതിൽ അഭിജിത്ത് (29) എന്നിവരാണ് അറസ്റ്റിലായത്. ഇവരിൽ നിന്ന് അഞ്ച് ഗ്രാം എംഡിഎംഎയും പത്ത് ഗ്രാം കഞ്ചാവുമാണ് പിടികൂടിയത്. കേസിലെ മൂന്നാം പ്രതി കരുനാഗപ്പള്ളി പാട്ടത്തിൽ കടവ് പുത്തൻപുരയിൽ വീട്ടിൽ ശ്രീക്കുട്ടനെ(30) പിടികൂടാൻ കഴിഞ്ഞിട്ടില്ല. രഹസ്യ വിവരം ലഭിച്ചതിന്‍റെ അടിസ്ഥാനത്തിൽ സൈബർ സെല്ലിന്‍റെസഹായത്തോടെയാണ് എക്സൈസ് എൻഫോഴ്സ്മെന്‍റ് ആൻഡ് ആന്‍റി നർക്കോട്ടിക് സ്പെഷൽ സ്ക്വാഡിലെ സർക്കിൾ ഇൻസ്പെക്ടർ എസ്.എസ്. ഷിജുവിന്‍റെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്.

ദുരന്തനിവാരണ പ്രവർത്തനം : ജീവനക്കാര്‍ അവധിയെടുക്കരുത്: കളക്‌ടര്‍ എൻ.ദേവിദാസ്

കൊല്ലം : ജില്ലയിലെ ദുരന്തനിവാരണ പ്രവര്‍ത്തനങ്ങളുമായി ബന്ധപ്പെട്ട എല്ലാ വകുപ്പുകളിലെയും ജീവനക്കാര്‍ ഒഴിച്ചുകൂടാനാകാത്ത സാഹചര്യങ്ങളില്ലാതെ അവധിയെടുക്കരുതെന്ന് ജില്ലാ ദുരന്തനിവാരണ അഥോറിറ്റി ചെയര്‍മാനായ ജില്ലാ കളക്‌ടര്‍ എന്‍. ദേവിദാസ്. അടിയന്തര അവധിക്കായി വകുപ്പ് മേധാവികളുടെ മുന്‍കൂര്‍ അനുമതി തേടണം. നിലവില്‍ അവധിയിലുള്ളവര്‍ തിരികെ ജോലിയില്‍ പ്രവേശിക്കണം. ഉദ്യോഗസ്ഥര്‍ ഔദ്യോഗിക മൊബൈല്‍ ഫോണ്‍ മുഴുവന്‍സമയം പ്രവര്‍ത്തന സജ്ജമാക്കണം. ഏതു സമയത്തും ഫോണില്‍ ലഭ്യമായിരിക്കണം. ഫോണ്‍ സ്വിച്ച് ഓഫ് ചെയ്യരുത്. ദുരന്തനിവാരണ പ്രവര്‍ത്തനങ്ങളുമായി അവശ്യഘട്ടങ്ങളില്‍ എല്ലാ വകുപ്പ് ജീവനക്കാരും സഹകരണിക്കണമെന്നും ജില്ലാ കളക്‌ടര്‍ നിര്‍ദേശിച്ചു.

ആര്യങ്കാവ് ചെക്ക് പോസ്റ്റില്‍ കഞ്ചാവ് വേട്ട; ബെല്ലാരി സുനി ഉൾപ്പെടെ മൂന്നുപേര്‍ റിമാൻഡിൽ‍

ആര്യങ്കാവ് : ആര്യങ്കാവ് എക്സൈസ് ചെക്ക് പോസ്റ്റില്‍ വീണ്ടും കഞ്ചാവ് വേട്ട. കാറില്‍ കടത്താന്‍ ശ്രമിച്ച 13 കിലോ കഞ്ചവാണ് സംസ്ഥാന എക്സൈസ് സ്ക്വാഡും ആര്യങ്കാവ് എക്സൈസ് ചെക്ക് പോസ്റ്റ് അധികൃതരും സംയുക്തമായി നടത്തിയ പരിശോധനയില്‍ പിടികൂടിയത്. കേസില്‍ നിരവധി മയക്കുമരുന്ന് കേസില്‍ പ്രതികളായ കൊല്ലം മാമൂട് സ്വദേശി ബെല്ലാരി സുനി എന്ന സുനില്‍, കൊല്ലം വെസ്റ്റ് ഹൈസ്കൂള്‍ ജംഗ്ഷനില്‍ പട്ടർ പ്രശാന്ത് എന്ന പ്രശാന്ത്, ഇഞ്ചിവിള സ്വദേശി രാജേഷ് എന്നിവരെ എക്സൈസ് സംഘം അറസ്റ്റ് ചെയ്തു. ആര്യങ്കാവ് ചെക്ക്പോസ്റ്റ് വഴി കഞ്ചാവ് കടത്താന്‍ സാധ്യതയുണ്ടെന്ന വിവരത്തിന്‍റെ അടിസ്ഥാനത്തിലാണ് അധികൃതര്‍ പരിശോധന ശക്തമാക്കിയത്. ഇതിന്‍റെ അടിസ്ഥാനത്തില്‍ ഇന്നലെ പുലര്‍ച്ചെ വാഹന പരിശോധനയിലാണ് പ്രതികൾ പിടിയിലാവുന്നത്. പ്രാഥമിക പരിശോധനയില്‍ ഒന്നും കണ്ടെത്താന്‍ കഴിഞ്ഞില്ലെങ്കിലും കാറിലുണ്ടായിരുന്നവര്‍ മുമ്പു കഞ്ചാവ് കടത്തു ഉള്‍പ്പടെ ലഹരികേസുകളില്‍ പ്രതിയായിട്ടുള്ളവര്‍ ആയതിനാല്‍ കൂടുതല്‍ പരിശോധന നടത്താന്‍ എക്സൈസ് അധികൃതര്‍ തീരുമാനിക്കുകയായിരുന്നു. തുടര്‍ന്നു നടന്ന പരിശോധനയിലാണ് കാറിന്‍റെ പിന്‍ഭാഗത്ത് ബമ്പറില്‍ ഒളിപ്പിച്ച നിലയില്‍ പതിമൂന്നുകിലോയിലധികം വരുന്ന കഞ്ചാവ് പിടികൂടിയത്. തുടര്‍ന്നു പ്രതികളെ കസ്റ്റഡിയില്‍ എടുത്തു. ചോദ്യം ചെയ്യലില്‍ ആന്ധ്രപ്രദേശില്‍ നിന്നും വാങ്ങിയ കഞ്ചാവ് കൊല്ലത്തേക്ക് കടത്തുകയായിരുന്നു എന്നാണ് പിടിയിലായവര്‍ എക്സൈസ് സംഘത്തോട് പറഞ്ഞത്. എക്‌സൈസ് കമ്മീഷണർ ജി.കൃഷ്ണകുമാർ, എക്സൈസ് ഇൻസ്പെക്ടർമാരായ കെ.വി. വിനോദ്, ടി.ആർ. മുകേഷ് കുമാർ, ആർ.ജി. രാജേഷ്, ഡി.എസ്. മനോജ് കുമാർ, പ്രിവന്‍റിവ് ഓഫീസർ എം.വിശാഖ്, സിവിൽ എക്സൈസ് ഓഫീസർമാരായ പി. സുബിൻ, രജിത്ത്, ശ്രീനാഥ്, ശരത്ത്‌, വിനോജ് ഖാൻ സേട്ട് എന്നിവരും, ആര്യങ്കാവ് എക്‌സൈസ് ചെക്ക്പോസ്റ്റിലെ എക്‌സൈസ് ഇൻസ്‌പെക്ടർ ദിലീപ്, അസി. എക്സൈസ് ഇൻസ്പെക്ടർ ആർ. മനീഷ്യസ്, എസ്. ബിനു, ശ്രീലേഷ്, സിവിൽ എക്സൈസ് ഓഫീസർ ജ്യോതിഷ് എന്നിവർ ഉള്‍പ്പെട്ട സംഘമാണ് കഞ്ചാവുമായി പ്രതികളെ പിടികൂടിയത്. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു

കണ്ടെയ്നറുകൾ മന്ത്രി സന്ദർശിച്ചു

കൊല്ലം: മുങ്ങിയ കപ്പലിലെ കണ്ടെയ്നറുകൾ വന്നടിഞ്ഞ തീരപ്രദേശങ്ങൾ മന്ത്രി കെ .എൻ. ബാലഗോപാൽ സന്ദർശിച്ചു. ഇവ മാറ്റുന്നത് സംബന്ധിച്ച് ആവശ്യമായ നിർദ്ദേശങ്ങൾ നൽകി. പരിസ്ഥിതി ആഘാതം ഏൽക്കാത്തവിധം എല്ലാം മാറ്റേണ്ടതുണ്ട്. ജനങ്ങൾക്ക് അപകട ഭീഷണി ഇല്ലായെന്ന് ഉറപ്പാക്കണം. ശാസ്ത്രീയ പരിശോധനകളിലൂടെ രാസമാലിന്യ അപകട സാധ്യത വിലയിരുത്തി വരികയാണ്. വൈദഗ്ധ്യം ഉള്ളവരുടെ സംഘത്തെ നിയോഗിച്ച് സമയബന്ധിതമായി കണ്ടെയ്നറുകളെല്ലാം മാറ്റണമെന്നും മന്ത്രി നിർദ്ദേശിച്ചു. ഡോ. സുജിത്ത് വിജയൻ പിള്ള എം എൽ എ, ജില്ലാ കളക്ടർ എൻ .ദേവീദാസ്, എ ഡി എം ജി .നിർമ്മൽ കുമാർ, മറ്റു ജനപ്രതിനിധികൾ , ഉദ്യോഗസ്ഥർ തുടങ്ങിയവർ അനുഗമിച്ചു.

കണ്ടെയ്നറുകൾ മാറ്റാൻ കൂടുതൽ സമയം വേണമെന്ന് വിദഗ്ധർ

കൊല്ലം : ചരക്ക് കപ്പൽ മുങ്ങിയതിനെ തുടർന്ന് കൊല്ലം തീരത്തടിഞ്ഞ 41 കണ്ടെയ്നറുകൾ മാറ്റാൻ കൂടുതൽ സമയം വേണമെന്ന് വിദഗ്ധർ ജില്ലാ കളക്‌ടർ എൻ.ദേവിദാസിനെ അറിയിച്ചു. സാങ്കേതിക ഉപകരണങ്ങൾ കൊണ്ടുവരാനും കണ്ടെയ്നറുകൾ പല ഭാഗങ്ങളാക്കി കരയിൽ എത്തിക്കാനും കൂടുതൽ സമയം ആവശ്യമാണ്. കളക്‌്ടറുടെ ചേമ്പറിൽ ചേർന്ന യോഗത്തിൽ സൽവേജ് ഷിപ്പിംഗ് കമ്പനിയുടെ സാങ്കേതിക വിഭാഗം ടി ആന്‍ഡ് ടി സൽവേജ് പ്രവർത്തകരും കണ്ടെയ്നർ മാറ്റാൻ ചുമതലപ്പെടുത്തിയ വാട്ടർലൈൻ ഷിപ്പിങ്ങിന്‍റെ ഉദ്യോഗസ്ഥരുമാണ് ഇക്കാര്യം പറഞ്ഞത്. കൃത്യമായ കാര്യ പദ്ധതി തയാറാക്കി ജനങ്ങൾക്കും തീരപരിസ്ഥിതിക്കും കോട്ടം തട്ടാതെ കണ്ടെയ്നറുകൾ മാറ്റണമെന്നും ആവശ്യമെങ്കിൽ കൂടുതൽ തൊഴിലാളികളെ നിയോഗിക്കണമെന്നും കളക്‌ടർ നിർദേശിച്ചു. ഓരോ സ്ഥലത്തും നിയോഗിക്കുന്ന സംഘങ്ങളുടെ വിവരങ്ങൾ കൈമാറുകയും സ്ഥിതിഗതികൾ വിലയിരുത്തുകയും വേണം. ശക്തികുളങ്ങരയിലെ ഒൻപത് കണ്ടെയ്നറുകളിൽ രണ്ടെണ്ണം കരയിൽ അടുപ്പിച്ചെന്നും കൊല്ലം ബീച്ചിലെ കണ്ടെയ്നറുകൾ മാറ്റുന്ന പ്രവർത്തി നടക്കുകയാണെന്നും ഉദ്യോഗസ്ഥർ അറിയിച്ചു. ജില്ലാ കളക്ടറുടെ അധ്യക്ഷതയിൽ ചേർന്ന യോഗത്തിൽ സബ് കളക്ടർ നിഷാന്ത് സിഹാര, എ ഡി എം ജി .നിർമൽ കുമാർ, ടി ആന്‍റ് ടി സാൽവേജ് കമ്പനി, വാട്ടർലൈൻ ഷിപ്പിങ് എന്നിവരുടെ സാങ്കേതിക പ്രവർത്തകർ, എൻ ഡി ആർ എഫ്, കൊല്ലം പോർട്ട്‌ , മറ്റു ജില്ലാ തല ഉദ്യോഗസ്ഥർ തുടങ്ങിയവർ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]