കൊ​ല്ലം: കൊ​ല്ലം പ​ട്ട​ത്താ​നം സ​ന്തോ​ഷ് വ​ധ​ക്കേ​സി​ല്‍ ര​ണ്ടാം പ്ര​തി​ക്ക് ജീ​വ​പ​ര്യ​ന്തം ത​ട​വു ശി​ക്ഷ​യും ര​ണ്ടുല​ക്ഷം രൂ​പ പി​ഴ​യും. വ​ട​ക്കേ​വി​ള പ​ട്ട​ത്താ​നം വാ​ഴ​വി​ള വീ​ട്ടി​ല്‍ സ​ജീ​വി​നെ​യാ​ണ് (കാ​ളി സ​ജീ​വ്) കൊ​ല്ലം നാ​ലാം അ​ഡീ​ഷ​ണ​ല്‍ സെ​ഷ​ന്‍​സ് കോ​ട​തി ജ​ഡ്ജി എ​സ്.സു​ഭാ​ഷ് ശി​ക്ഷി​ച്ച​ത്. പി​ഴ ഒ​ടു​ക്കാ​തി​രു​ന്നാ​ല്‍ ഒ​രു വ​ര്‍​ഷം കൂ​ടി ത​ട​വ് അ​നു​ഭ​വി​ക്ക​ണം. പി​ഴ ഒ​ടു​ക്കു​ന്ന​പ​ക്ഷം തു​ക സ​ന്തോ​ഷി​ന്‍റെ ഭാ​ര്യ​യ്ക്ക് ന​ല്‍​ക​ണ​മെ​ന്നും കോ​ട​തി ഉ​ത്ത​ര​വാ​യി.

മു​മ്പ് ന​ട​ന്ന വി​ചാ​ര​ണ​യി​ല്‍ മ​റ്റ് പ്ര​തി​ക​ളെ കോ​ട​തി ശി​ക്ഷി​ച്ചി​രു​ന്നു. വി​ചാ​ര​ണ വേ​ള​യി​ല്‍ ഉ​ള്‍​പ്പെ​ടെ ഒ​ളി​വി​ല്‍ ക​ഴി​ഞ്ഞി​രു​ന്ന സ​ജീ​വ് പി​ന്നീ​ടാ​ണ് കോ​ട​തി​യി​ല്‍ കീ​ഴ​ട​ങ്ങി​യ​ത്. തു​ട​ര്‍​ന്ന് ര​ണ്ടാം പ്ര​തി​ക്കാ​യി വീ​ണ്ടും വി​ചാ​ര​ണ ന​ട​ത്തു​ക​യാ​യി​രു​ന്നു.

കേ​സി​ലെ ഒ​ന്നാം പ്ര​തി സ​ജീ​വ് (കൊ​ഞ്ച്), മൂ​ന്നാം​പ്ര​തി അ​നി​ല്‍​കു​മാ​ര്‍ (അ​ന്ത​ക​ണ്ണ​ന്‍), അ​ഞ്ചാം​പ്ര​തി ഗോ​പി (കു​റ്റി​ച്ചി​റ ഗോ​പി), ആ​റാം പ്ര​തി പ്ര​മോ​ദ് എ​ന്നി​വ​രെ നേ​ര​ത്തെ കോ​ട​തി ശി​ക്ഷി​ച്ചി​രു​ന്നു.

ഹൈ​ക്കോ​ട​തി​യി​ൽ അ​പ്പീ​ല്‍ ന​ല്‍​കി​യ​തി​നെ​ത്തു​ട​ര്‍​ന്ന് അ​ഞ്ചാം​പ്ര​തി ഗോ​പി, ആ​റാം​പ്ര​തി പ്ര​മോ​ദ് എ​ന്നി​വ​രെ വെ​റു​തെ വി​ട്ടി​രു​ന്നു. കേ​സി​ല്‍ നി​ല​വി​ലെ ഇ​ര​വി​പു​രം എം​എ​ല്‍​എ എം. ​നൗ​ഷാ​ദ്, വ​ട​ക്കേ​വി​ള പ​ഞ്ചാ​യ​ത്തം​ഗ​മാ​യി​രു​ന്ന അ​നി​ല്‍ എ​ന്നി​വ​രെ പ്ര​തി ചേ​ര്‍​ത്തു​ള്ള ഉ​ത്ത​ര​വും ഹൈ​ക്കോ​ട​തി റ​ദ്ദാ​ക്കി​യി​രു​ന്നു. ആ​ദ്യ വി​ചാ​ര​ണ വേ​ള​യി​ല്‍ ത​ന്നെ നാ​ലാം​പ്ര​തി സ​ന്തോ​ഷ് (ക​ട​ച്ചി​ല്‍), ഏ​ഴാം പ്ര​തി ജ​യ​പ്ര​കാ​ശ് (പൊ​ടി​മോ​ന്‍) എ​ന്നി​വ​ര്‍ മ​ര​ണ​പ്പെ​ട്ടു.

1997 ന​വം​ബ​ര്‍ 24ന് ​ആ​ണ് കേ​സി​നാ​സ്പ​ദ​മാ​യ സം​ഭ​വം. ഡി​വൈ​എ​ഫ്ഐ പ​ട്ട​ത്താ​നം അ​പ്‌​സ​ര ജം​ഗ്ഷ​ന്‍ യൂ​ണി​റ്റ് ഭാ​ര​വാ​ഹി​യാ​യി​രു​ന്ന സു​നി​ല്‍​കു​മാ​റി​നെ ആ​ര്‍​എ​സ്എ​സ് പ്ര​വ​ര്‍​ത്ത​ക​നാ​യ സ​ന്തോ​ഷും മ​റ്റു​ള്ള​വ​രും വീ​ട്ടി​ല്‍ ക​യ​റി കൊ​ല​പ്പെ​ടു​ത്തു​ക​യും കൈ​പ്പ​ത്തി അ​പ്‌​സ​ര ജം​ഗ്ഷ​നി​ലെ വൈ​ദ്യു​ത തൂ​ണി​ല്‍ കെ​ട്ടി വെ​ക്കു​ക​യും ചെ​യ്ത​തി​ലു​ള്ള വി​രോ​ധ​മാ​ണ് സ​ന്തോ​ഷി​ന്‍റെ കൊ​ല​പാ​ത​ക​ത്തി​ലേ​ക്ക് ന​യി​ച്ച​ത്.

സം​ഭ​വ ദി​വ​സം രാ​ത്രി 8.45 ന് ​മ​ണി​ച്ചി​ത്തോ​ട്ടി​ല്‍ വ​ച്ചാ​ണ് പ്ര​തി​ക​ള്‍ സ​ന്തോ​ഷി​നെ കൊ​ല​പ്പെ​ടു​ത്തു​ന്ന​ത്. സ​ന്തോ​ഷി​നൊ​പ്പം ഉ​ണ്ടാ​യി​രു​ന്ന സു​ഹൃ​ത്ത് വി​ജ​യ​കു​മാ​റി​ന് ആ​ക്ര​മ​ണ​ത്തി​ല്‍ പ​രി​ക്കേ​റ്റി​രു​ന്നു.

പാ​ര്‍​വ​ത്യാ​ര്‍ മു​ക്കി​ലെ ആ​ര്‍​എ​സ്എ​സ് ശാ​ഖ​ക​ഴി​ഞ്ഞ് സ​ന്തോ​ഷി​നെ പി​ന്നി​ലി​രു​ത്തി വി​ജ​യ​കു​മാ​ര്‍ സൈ​ക്കി​ള്‍ ച​വി​ട്ടി ചെ​മ്മാ​ന്‍​മു​ക്കി​ല്‍ കാ​പ്പി​കു​ടി​ക്കാ​ന്‍ പോ​കു​ന്ന വ​ഴി മ​ണി​ച്ചി​ത്തോ​ട്ടി​ല്‍ എ​ത്തി​യ​പ്പോ​ള്‍ കാ​റി​ലെ​ത്തി​യ പ്ര​തി​ക​ള്‍ ആ​ദ്യം സൈ​ക്കി​ളി​ന് പി​ന്നി​ടി​ച്ചു.

തെ​റി​ച്ചു​വീ​ണ സ​ന്തോ​ഷി​നെ വാ​ള്‍​കൊ​ണ്ട് വെ​ട്ടി കൊ​ല​പ്പെ​ടു​ത്തു​ക​യാ​യി​രു​ന്നു. ഈ​സ്റ്റ് പോ​ലി​സ് ഹെ​ഡ്‌​കോ​ണ്‍​സ്റ്റ​ബി​ളാ​യി​രു​ന്ന രാ​ജേ​ന്ദ്ര​ബാ​ബു ര​ജി​സ്റ്റ​ര്‍ ചെ​യ്ത കേ​സി​ല്‍ സി​ഐ ആ​യി​രു​ന്ന ടി. ​ജ​യിം​സ്, കൊ​ല്ലം ഡെ​പ്യൂ​ട്ടി പോ​ലീ​സ് സൂ​പ്ര​ണ്ടാ​യി​രു​ന്ന എ​സ്. വി​ല്‍​ഫ്ര​ഡ്, കെ.​എ​ന്‍ .ജ​ന​രാ​ജ​ന്‍ എ​ന്നി​വ​ര്‍ അ​ന്വേ​ഷ​ണം ന​ട​ത്തി.

കൊ​ല്ലം ഡെ​പ്യൂ​ട്ടി പോ​ലീ​സ് സൂ​പ്ര​ണ്ട് ഇ.​ജെ. ജ​യ​രാ​ജാ​ണ് അ​ന്വേ​ഷ​ണം പൂ​ര്‍​ത്തി​യാ​ക്കി കു​റ്റ​പ​ത്രം കോ​ട​തി​യി​ല്‍ സ​മ​ര്‍​പ്പി​ച്ച​ത്. പ്രോ​സി​ക്യൂ​ഷ​നു​വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ര്‍ വി. ​വി​നോ​ദ് ഹാ​ജ​രാ​യി. അ​സി​സ്റ്റ​ന്‍റ് സ​ബ് ഇ​ന്‍​സ്‌​പെ​ക്ട​ര്‍​മാ​രാ​യ കെ.​ജെ .ഷീ​ബ, എ. ​സ​ജു എ​ന്നി​വ​രാ​യി​രു​ന്നു പ്രോ​സി​ക്യൂ​ഷ​ന്‍ സ​ഹാ​യി​ക​ള്‍.