മാവേ​ലി​ക്ക​ര: ക​മ്യൂണി​സം എ​ന്തെ​ന്ന​റി​യാ​തെ ഫേ​സ്ബു​ക്കി​ലൂ​ടെ ക​മ്യൂണി​സം പ​റ​ഞ്ഞുന​ട​ക്കു​ന്ന​വ​ർ ക​മ്യൂണി​സ​ത്തെ ഇ​ല്ലാ​താ​ക്കു​ന്ന​താ​യി മു​ൻ മ​ന്ത്രി ജി.​ സു​ധാ​ക​ര​ൻ ആ​രോ​പി​ച്ചു.

ഗു​രു​ധ​ർ​മ പ്ര​ച​ാര​ണസ​ഭ മാ​വേ​ലി​ക്ക​ര മ​ണ്ഡ​ലം ക​മ്മി​റ്റി സം​ഘ​ടി​പ്പി​ച്ച ‘ച​രി​ത്ര സം​വാ​ദ​ത്തി​ന് ഒ​രു നൂ​റ്റാ​ണ്ട്’ എ​ന്ന പ​രി​പാ​ടി​യു​ടെ ഉ​ദ്ഘാ​ട​ന പ്ര​സം​ഗ​ത്തി​നി​ടെ​യാ​ണ് ജി.​ സു​ധാ​ക​ര​ണ​ൻ ഫേ​സ്ബു​ക്ക് ക​മ്യൂണി​സ്റ്റു​ക​ൾ​ക്കെ​തി​രേ ആ​ഞ്ഞ​ടി​ച്ച​ത്.

താ​ൻ കെപിസിസി സം​ഘ​ടി​പ്പി​ച്ച യോ​ഗ​ത്തി​ൽ പ​ങ്കെ​ടു​ത്ത​തു​കൊ​ണ്ട് പാ​ർ​ട്ടി വി​രു​ദ്ധ​നാ​യെ​ന്നാ​ണ് ഫേ​സ്ബു​ക്ക് ക​മ്യൂണി​സ്റ്റു​ക​ൾ ആ​രോ​പി​ക്കു​ന്ന​ത്. ഒ​രു പൊ​തു​ച​ർ​ച്ച​യി​ൽ ക​മ്യൂണി​സ്റ്റു​കാ​ര​ൻ പോ​ക​രു​തെ​ന്ന മാ​ന​ദ​ണ്ഡം തെ​റ്റി​ച്ചെ​ന്നാ​ണ് ഫേ​സ്ബു​ക്ക് ക​മ്യൂണി​സ്റ്റു​ക​ളു​ടെ കു​റി​പ്പു​ക​ൾ.
പാ​ർ​ട്ടി​യു​ടെ ന​യം പൊ​തു​ച​ർ​ച്ച​യി​ൽ പ​ങ്കെ​ടു​ക്കാം എ​ന്നാ​ണെ​ന്നു പോ​ലും ഇ​ക്കൂ​ട്ട​ർ​ക്ക് അ​റി​യി​ല്ല.

ക​മ്യൂണി​സ​ത്തി​നു​വേ​ണ്ടി ക​ഷ്ട​പ്പെ​ട്ട​വ​നാ​ണ് താ​നു​ൾ​ടെ​യു​ള്ള​വ​ർ. അ​തൊ​ന്നും അ​റി​യാ​തെ​യാ​ണ് വി​മ​ർ​ശ​ന​ങ്ങ​ളും ച​ർ​ച്ച​ക​ളും. ച​ർ​ച്ച​ക​ളെ പേ​ടി​ച്ചോ​ടു​ന്ന​വ​ന​ല്ല ഒ​രു പു​രോ​ഗ​മ​ന വാ​ദി​യും. ഫേ​സ്ബു​ക്കി​ൽ എ​ഴു​തു​ന്ന​തി​ന് മു​ൻ​പ് എ​ഴു​തു​ന്ന കാ​ര്യം എ​ന്തെ​ന്ന് ഇ​ത്ത​ര​ക്കാ​ർ മ​ന​സി​ലാ​ക്കി​യി​രി​ക്ക​ണം. ഇ​ത്ത​രം പ്ര​വ​ർ​ത്തി​ക​ളി​ലൂ​ടെ ക​മ്യു​ണി​സം വ​ള​ർ​ത്തു​ക​യാ​ണ് ല​ക്ഷ്യ​മെ​ങ്കി​ൽ ഒ​ന്ന് ഓ​ർ​ക്കു​ക ഫേ​സ് ബു​ക്ക് വ​ഴി ഇ​ഷ്ട​മി​ല്ലാ​ത്ത​വ​ന്‍റെ അച്ഛനെ​യും അ​മ്മ​യെ​യും ചീ​ത്ത​വി​ളി​ച്ചാ​ൽ ഒ​രു പ​ട്ടി​ക്കുഞ്ഞും കൂ​ടെ കാ​ണി​ല്ല​ായെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.