എട​ത്വ: പ്ര​ഭാ​തഭ​ക്ഷ​ണം ത​യാ​റാ​ക്കി സ്വ​കാ​ര്യ ആ​ശു​പ​ത്രി​യി​ലെ ട്രെയി​നിം​ഗ് ക​ഴി​ഞ്ഞു വ​രു​ന്ന മ​ക​നെ കാ​ത്തി​രു​ന്ന മാ​താ​വി​ന് കാ​ണാ​നാ​യ​ത് മ​ക​ന്‍റെ ചേ​ത​ന​യ​റ്റ ശ​രീ​രം. തി​രു​വ​ല്ല സ്വ​കാ​ര്യ മെ​ഡി​ക്ക​ല്‍ കോള​ജ് ആ​ശു​പ​ത്രി​യി​ല്‍ തി​ങ്ക​ളാ​ഴ്ച വൈ​കി​ട്ട് ട്രെയി​നിം​ഗി​നാ​യി പു​റ​പ്പെ​ട്ട എ​ട​ത്വ ച​ങ്ങ​ങ്ക​രി തു​ണ്ടി​യി​ല്‍ സ​ജീ​വ​ന്‍റെ മ​ക​ന്‍ രോ​ഹി​ത് സ​ജീ​വി​ന്‍റെ (19) ചേ​ത​ന​യ​റ്റ ശ​രീ​ര​മാ​ണ് മാ​താ​വ് പ്രീ​തി എ​ട​ത്വ സ്വ​കാ​ര്യ മോ​ര്‍​ച്ച​റി​ക്കു മു​ന്നി​ല്‍ കാ​ണു​ന്ന​ത്.

ഇ​ന്ന​ലെ രാ​വി​ലെ 8.30ന് ​അ​മ്പ​ല​പ്പു​ഴ-​ തി​രു​വ​ല്ല സം​സ്ഥാ​ന പാ​ത​യി​ല്‍ വെ​ട്ടു​തോ​ട് എ​സ്എ​ന്‍​ഡി​പി കു​ട്ട​നാ​ട് സൗ​ത്ത് യൂ​ണി​യ​ന്‍ ഓ​ഫീ​സി​നു സ​മീ​പ​ത്തുവ​ച്ചു​ണ്ടാ​യ അ​പ​ക​ട​ത്തി​ലാ​ണ് രോ​ഹി​ത് മ​ര​ണ​പ്പെ​ട്ട​ത്.

അ​മ്പ​ല​പ്പു​ഴ​യി​ല്‍നി​ന്നും മീ​ന്‍ ക​യ​റ്റി​വ​ന്ന മി​നി​ ടെ​മ്പോ മ​റ്റൊ​രു സ്‌​കൂ​ട്ട​റി​നെ മ​റി​ക​ട​ക്കു​ന്ന​തി​നി​ടെ നി​യ​ന്ത്ര​ണം വി​ട്ട് രോ​ഹി​ത് സ​ഞ്ച​രി​ച്ചി​രു​ന്ന സ്‌​കൂ​ട്ട​റി​ല്‍ ഇ​ടി​ക്കു​ക​യാ​യി​രു​ന്നു. ത​ല്‍​ക്ഷ​ണം മ​രി​ച്ച രോ​ഹി​തി​ന്‍റെ മൃ​ത​ദേ​ഹം എ​ട​ത്വ സ്വ​കാ​ര്യ ആ​ശു​പ​ത്രി മോ​ര്‍​ച്ച​റി​യി​ല്‍ എ​ത്തി​ച്ചി​രു​ന്നു. മോ​ര്‍​ച്ച​റി​ക്ക് മു​ന്‍​പി​ല്‍ അ​ല​മു​റ​യി​ട്ട് ക​ര​ഞ്ഞ പ്രീ​തി​യെ സ​മാ​ധാ​നി​പ്പി​ക്കാ​ന്‍ ക​ണ്ടു​നി​ന്ന​വ​ര്‍​ക്കാ​യി​ല്ല. പ്ര​ഭാ​ത ഭ​ക്ഷ​ണം ത​യാ​റാ​ക്കി മ​ക​ന്‍റെ വ​ര​വി​നാ​യി കാ​ത്തി​രു​ന്ന പ്രീ​തി​യു​ടെ കാ​തു​ക​ളി​ൽ മ​കന്‍റെ വി​യോ​ഗവാ​ര്‍​ത്ത​യാ​ണെ​ത്തി​യ​ത്. പ്രീ​തി​യു​ടെ ക​ര​ച്ചി​ല്‍ ക​ണ്ടു​നി​ല്‍​ക്കാ​ന്‍ ക​ഴി​യാ​തെ കൂ​ടിനി​ന്ന​വ​രു​ടെ ക​ണ്ണു​ക​ള്‍ ഈ​റ​ന​ണി​ഞ്ഞു.

പ്ല​സ് ടു ​ക​ഴി​ഞ്ഞ് മെ​ഡി​ക്ക​ല്‍ മേ​ഖ​ല തെ​ര​ഞ്ഞെ​ടു​ത്ത രോ​ഹി​ത് വി​ദേ​ശ​ത്തുപോ​കാ​നാ​യു​ള്ള ട്രെയി​നിം​ഗി​ന്‍റെ ഭാ​ഗ​മാ​യാ​ണ് തി​രു​വ​ല്ല സ്വ​കാ​ര്യ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ എ​ത്തി​യ​ത്. പി​താ​വ് സ​ജീ​വ് വി​ദേ​ശ​ത്ത് ജോ​ലി ചെ​യ്തുവ​രു​ക​യാ​ണ്.