ആ​ല​പ്പു​ഴ: മ​ഴ​ക്കാ​ലം ആ​രം​ഭി​ക്കാ​നി​രി​ക്കെ പൊ​തുസ്ഥ​ല​ങ്ങ​ളി​ലെ മാ​ലി​ന്യം വ​ലി​യ ആ​രോ​ഗ്യ പ്ര​ശ്‌​ന​ങ്ങ​ള്‍​ക്കു വ​ഴി​വയ്ക്കു​മെ​ന്ന് ആ​ശ​ങ്ക. കു​ള​ങ്ങ​ളും ആ​റു​ക​ളും തോ​ടു​ക​ളും മാ​ത്ര​മ​ല്ല ഗ്രാ​മീ​ണ റോ​ഡു​ക​ളി​ലും പുറന്പോക്കുക ളി​ലും മാ​ലി​ന്യം ത​ള്ളു​ന്നു​ണ്ട്. മാ​ലി​ന്യമു​ക്ത പ്ര​ഖ്യാ​പ​നം വ​ന്ന കാ​യം​കു​ളം-​ചാ​രും​മൂ​ട് മേ​ഖ​ല​യി​ലെ പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ലാ​ണ് മാ​ലി​ന്യനി​ര്‍​മാ​ര്‍​ജ​ന യ​ജ്ഞം ക​ഴി​ഞ്ഞ് ഹ​രി​ത​ഗ്രാ​മ​മാ​യി പ്ര​ഖ്യാ​പി​ച്ച​തി​നു തൊ​ട്ടു​പി​ന്നാ​ലെ മാ​ര്‍​ക്ക​റ്റു​ക​ളു​ടെ പ​രി​സ​ത്തും റോ​ഡ് വ​ശ​ങ്ങ​ളി​ലും മാ​ലി​ന്യം ത​ള്ള​ല്‍ രൂ​ക്ഷ​മാ​യ​ത്. മാ​ലി​ന്യം നീ​ക്കം ചെ​യ്യാ​നോ ത​ള്ളു​ന്ന​വ​ര്‍​ക്കെ​തി​രേ ന​ട​പ​ടി​യെ​ടു​ക്കാ​നോ പ​ഞ്ചാ​യ​ത്തോ ആ​രോ​ഗ്യവ​കു​പ്പോ ത​യാ​റാ​കു​ന്നി​ല്ലെ​ന്നു നാ​ട്ടു​കാ​ര്‍ പ​റ​യു​ന്നു.

കൊ​തു​കു​ശ​ല്യം
രൂ​ക്ഷം

കൊ​ല്ലം​തേ​നി ദേ​ശീ​യ​പാ​ത​യു​ടെ​യും കാ​യം​കു​ളം പു​ന​ലൂ​ര്‍ റോ​ഡി​ന്‍റെ​യും പ്ര​ധാ​ന ജം​ഗ്ഷനാ​യ ചാ​രും​മൂ​ട്ടിലെ ഓ​ട​ക​ളി​ല്‍ മ​ലി​നജ​ലം കെ​ട്ടി​ക്കി​ട​ക്കു​ന്ന​ത് വ​ലി​യ തോ​തി​ലു​ള്ള കൊ​തു​കുശ​ല്യ​ത്തി​നു കാ​ര​ണ​മാ​കു​ന്നു​ണ്ട്. ഓ​ട​ക​ളി​ല്‍ വെ​ള്ള​ത്തോ​ടൊ​പ്പം മാ​ലി​ന്യ​ങ്ങ​ളും അ​ടി​ഞ്ഞ​തോ​ടെ മ​ഴ​പെ​യ്താ​ല്‍ റോ​ഡി​ലേ​ക്കും മാ​ലി​ന്യം പ​ര​ക്കു​ന്നു. പ​ല ഭാ​ഗ​ങ്ങ​ളി​ലും സ്ലാ​ബ്് ത​ക​ര്‍​ന്നു​കി​ട​ക്കു​ന്ന ഓ​ട​ക​ള്‍ കാ​ല്‍​ന​ട​യാ​ത്ര​ക്കാ​ര്‍​ക്കു ഭീ​ഷ​ണി​യു​യ​ര്‍​ത്തു​ന്നു​മു​ണ്ട്.

വ​ള്ളി​കു​ന്ന​ത്തും
സ്ഥി​തി സ​മാ​നം

വ​ള്ളി​കു​ന്നം പ​ഞ്ചാ​യ​ത്തി​ലും മ​ഴ​ക്കാ​ലപൂ​ര്‍​വ ശു​ചീ​ക​ര​ണം ഫ​ല​പ്ര​ദ​മാ​യി​ല്ലെ​ന്ന് ആ​രോ​പ​ണ​മു​ണ്ട്. മ​ഴ തു​ട​ങ്ങി​യ​തി​നു പി​ന്നാ​ലെ​യാ​ണ് ശു​ചീ​ക​ര​ണം ആ​രം​ഭി​ച്ച​തെ​ന്നാ​ണ് പ്ര​ധാ​ന ആ​രോ​പ​ണം. അ​തും ടൂ​റി​സം പ​ദ്ധ​തി​യി​ല്‍ ഉ​ള്‍​പ്പെ​ട്ട വ​ള്ളി​കു​ന്നം ചി​റ​യി​ല്‍ മാ​ത്രം. നി​ല​വി​ല്‍ പ​ഞ്ചാ​യ​ത്തി​ലെ മി​ക്ക വാ​ര്‍​ഡു​ക​ളി​ലെ​യും ഓ​ട​ക​ളെ​ല്ലാം ത​ക​ര്‍​ന്നും മാ​ലി​ന്യ​ങ്ങ​ളാ​ല്‍ നി​റ​ഞ്ഞും കി​ട​ക്കു​ക​യാ​ണ്. തോ​ടു​ക​ളു​ടെ​യും കു​ള​ങ്ങ​ളു​ടെ​യും സ്ഥി​തി​യും വ്യ​ത്യ​സ്ത​മ​ല്ല.

ടി​എ ക​നാ​ല്‍ വൃ​ത്തി​യാ​ക്കാ​ത്ത​തുമൂ​ലം മ​ഴ ശ​ക്ത​മാ​കു​മ്പോ​ള്‍ നീ​രൊ​ഴു​ക്ക് ത​ട​സ​പ്പെ​ടു​മെ​ന്ന് പ്ര​ദേ​ശ​വാ​സി​ക​ള്‍ പ​രാ​തി​പ്പെ​ടു​ന്നു. നീ​രൊ​ഴു​ക്കു ത​ട​സ​പ്പെ​ട്ടാ​ല്‍ വെ​ള്ളം ക​ര​ക​വി​ഞ്ഞ് ഒ​ഴു​കി വ​ശ​ങ്ങ​ളി​ലു​ള്ള ഒ​ട്ട​ന​വ​ധി വീ​ടു​ക​ളി​ല്‍ വെ​ള്ളം ക​യ​റു​ന്ന സ്ഥി​തി വി​ശേ​ഷ​മാ​ണുള്ള​ത്. ക്ലോ​റി​നേ​ഷ​ന്‍ ഉ​ള്‍​പ്പെ​ടെ ന​ട​ത്തി​യി​ട്ടി​ല്ലാ​ത്ത​തി​നാ​ല്‍ കൊ​തു​കുശ​ല്യം മൂ​ലം ജ​നം പൊ​റു​തിമു​ട്ടു​ക​യാ​ണ്. മ​ഴ പെ​യ്ത് വെ​ള്ളം കെ​ട്ടി​ക്കി​ട​ന്നാ​ല്‍ ജ​ല​ജ​ന്യരോ​ഗ​ങ്ങ​ള്‍ പി​ടി​പെ​ടാ​നു​ള്ള സാ​ധ്യ​ത​യു​മു​ണ്ട്.

സാ​നി​റ്റേ​ഷ​ന്‍ ഫ​ണ്ട് കി​ട്ടി​യി​ല്ലെ​ന്ന്
പ​ഞ്ചാ​യ​ത്ത്

മ​ഴ​ക്കാ​ല​പൂ​ര്‍​വ ശു​ചീ​ക​ര​ണം ന​ട​പ്പി​ലാക്കുന്ന​ത് സം​ബ​ന്ധി​ച്ച് ഫെ​ബ്രു​വ​രി​യി​ല്‍ സ​ര്‍​ക്കാ​ര്‍ മാ​ര്‍​ഗ നി​ര്‍​ദേ​ശം പു​റ​പ്പെ​ടു​വി​ച്ച് സ​ര്‍​ക്കു​ല​ര്‍ പ​ഞ്ചാ​യ​ത്തി​ല്‍ വ​ന്ന​താ​ണ്. എ​ന്നാ​ല്‍, മ​ഴ​ക്കാ​ലപൂ​ര്‍​വ ശു​ചീ​ക​ര​ണപ്ര​വ​ര്‍​ത്ത​ന​ങ്ങ​ളു​ടെ വാ​ര്‍​ഡ്ത​ല സാ​നി​റ്റേ​ഷ​ന്‍ ഫ​ണ്ടാ​യ 25,000 രൂ​പ വീ​തം വാ​ര്‍​ഡു​ക​ള്‍​ക്ക് ഇ​തു​വ​രെ കൈ​മാ​റി​യി​ട്ടി​ല്ല. ഇ​തി​നു​ള്ള ഫ​ണ്ട് ല​ഭി​ച്ചി​ട്ടി​ല്ല എ​ന്നാ​ണ് അ​ധി​കൃ​ത​ര്‍ പ​റ​യു​ന്ന​ത്.

മാ​ത്ര​വു​മ​ല്ല തൊ​ഴി​ലു​റ​പ്പ് തൊ​ഴി​ലാ​ളി​ക​ളെ കൊ​ണ്ട് ഈ ​പ്ര​വൃ​ത്തി​ക​ള്‍ ഇ​നി ചെ​യ്യി​ക്കാ​ന്‍ ക​ഴി​യി​ല്ലെ​ന്നും യ​ന്ത്ര സ​ഹാ​യ​ത്തോ​ടെ മാ​ത്ര​മേ ഇ​നി ജ​ലാ​ശ​യ​ങ്ങ​ളി​ലെ​യും ഓ​ട​ക​ളി​ലെ​യും മാ​ലി​ന്യ​ങ്ങ​ള്‍ നീ​ക്കം ചെ​യ്യാ​ന്‍ ക​ഴി​യു​ക​യു​ള്ളൂ എ​ന്നും അ​ധി​കൃ​ത​ര്‍ പ​റ​യു​ന്നു. 23ന് ​ക​മ്മി​റ്റി കൂ​ടി പോ​ള വാ​ര​ലി​നാ​യി പ്രോ​ജ​ക്ട് ത​യാ​റാ​ക്കി സ​മ​ര്‍​പ്പി​ക്കു​മെ​ന്നും ഉ​ട​ന്‍ത​ന്നെ അം​ഗീ​കാ​രം ല​ഭി​ക്കു​മെ​ന്നാ​ണ് പ്ര​തീ​ക്ഷ​യെ​ന്നും വ​ള്ളി​കു​ന്നം പ​ഞ്ചാ​യ​ത്ത് പ്ര​സി​ഡ​ന്‍റ് ഡി. ​രോ​ഹി​ണി പ​റ​ഞ്ഞു.