ഡോ. ​എം.​എ​സ്. സു​നി​ലി​ന്‍റെ 271-ാം സ്നേ​ഹ​ഭ​വ​നം കൈ​മാ​റി
Friday, January 27, 2023 10:23 PM IST
ചെ​റു​തോ​ണി: സാ​മൂ​ഹി​ക പ്ര​വ​ർ​ത്ത​ക​യാ​യ ഡോ. ​എം.​എ​സ്. സു​നി​ൽ ഭ​വ​ന​ര​ഹി​ത​ർ​ക്കു നി​ർ​മി​ച്ചു​ന​ൽ​കു​ന്ന 271-ാം സ്നേ​ഹ​ഭ​വ​നം വി​ധ​വ​യാ​യ കാ​മാ​ക്ഷി കു​ഴി​പ്പ​റ​മ്പി​ൽ പ്രീ​ത സു​രേ​ഷി​നും ര​ണ്ടു കു​ട്ടി​ക​ൾ​ക്കും. വേ​ൾ​ഡ് മ​ല​യാ​ളി കൗ​ൺ​സി​ൽ ഫി​ലാ​ഡ​ൽ​ഫി​യ പ്രൊ​വി​ൻ​സി​ന്‍റെ സ​ഹാ​യ​ത്തോ​ടെ​യാ​ണു വീ​ട് നി​ർ​മി​ച്ചു ന​ൽ​കി​യ​ത്. വീ​ടി​ന്‍റെ താ​ക്കോ​ൽ​ദാ​ന​വും ഉ​ദ്ഘാ​ട​ന​വും മ​ന്ത്രി റോ​ഷി അ​ഗ​സ്റ്റി​ൻ നി​ർ​വ​ഹി​ച്ചു.

ര​ണ്ടു വ​ർ​ഷം മു​മ്പാ​ണു പ്രീ​ത​യു​ടെ ഭ​ർ​ത്താ​വ് സു​രേ​ഷ് മ​ര​ണ​പ്പെ​ട്ട​ത്. സ്വ​ന്ത​മാ​യി ഭ​വ​നം പ​ണി​യാ​നാ​കാ​തെ സു​ര​ക്ഷി​ത​മ​ല്ലാ​ത്ത സാ​ഹ​ച​ര്യ​ത്തി​ലാ​യി​രു​ന്നു പ്രീ​ത​യും കു​ട്ടി​ക​ളും താ​മ​സി​ച്ചി​രു​ന്ന​ത്. ഇ​വ​രു​ടെ അ​വ​സ്ഥ സി​പി​എം ജി​ല്ലാ സെ​ക്ര​ട്ട​റി സി.​വി. വ​ർ​ഗീ​സ് നേ​രി​ൽ​ക​ണ്ടു മ​ന​സി​ലാ​ക്കു​ക​യും തു​ട​ർ​ന്ന് ഇ​വ​ർ​ക്കു ഭ​വ​നം നി​ർ​മി​ച്ചു ന​ൽ​കു​ന്ന​തി​നാ​യി ഡോ. ​എം.​എ​സ്. സു​നി​ലി​നെ സ​മീ​പി​ക്കു​ക​യു​മാ​യി​രു​ന്നു.

ഇ​വ​ർ​ക്കാ​യി ര​ണ്ടു മു​റി​ക​ളും അ​ടു​ക്ക​ള​യും ഹാ​ളും ബാ​ത്റൂ​മും സി​റ്റൗ​ട്ടും അ​ട​ങ്ങി​യ 650 ച​തു​ര​ശ്ര അ​ടി വ​ലി​പ്പ​മു​ള്ള വീ​ടാ​ണു നി​ർ​മി​ച്ചു​ന​ൽ​കി​യ​ത്.

ച​ട​ങ്ങി​ൽ സി.​വി. വ​ർ​ഗീ​സ്, കാ​മാ​ഷി പ​ഞ്ചാ​യ​ത്ത് പ്ര​സി​ഡ​ന്‍റ് അ​നു​മോ​ൾ ജോ​സ​ഫ്, പ​ഞ്ചാ​യ​ത്തം​ഗം ചി​ഞ്ചു ബി​നോ​യ്, പ്രോ​ജ​ക്ട് കോ-​ഓ​ർ​ഡി​നേ​റ്റ​ർ കെ.​പി. ജ​യ​ലാ​ൽ, വേ​ൾ​ഡ് മ​ല​യാ​ളി കൗ​ൺ​സി​ൽ ഭാ​ര​വാ​ഹി​ക​ളാ​യ ഡോ​ൺ തോ​മ​സ്, ജോ​സ​ഫ് തോ​മ​സ്, ഷാ​ജി അ​ഗ​സ്റ്റി​ൻ, പ്ര​ഫ. പി.​എ​സ്. സു​ബി​ൻ, ന​ജ്മ ബോ​ബ​ൻ എ​ന്നി​വ​ർ പ​ങ്കെ​ടു​ത്തു.
Copyright @ 2022 , Rashtra Deepika Ltd.