മം​ഗ​ലം​ഡാം: മം​ഗ​ലം​ഡാം റി​സ​ർ​വോ​യ​റി​നു​ള​ളി​ലെ തു​രു​ത്തു​ക​ളും വേ​ന​ലി​ലെ ചെ​റു ജ​ലാ​ശ​യ​ങ്ങ​ളും ദേ​ശാ​ട​ന പ​ക്ഷി​ക​ളു​ടെ​യും അ​പൂ​ർ​വ ജ​ല ജീ​വി​ക​ളു​ടെ​യും വ​ലി​യ ആ​വാ​സ കേ​ന്ദ്ര​ങ്ങ​ൾ. സ്വ​ദേ​ശി​യും വി​ദേ​ശി​യു​മാ​യ പ​ക്ഷി​ക​ൾ ഏ​റെ ഇ​ഷ്ട​പ്പെ​ടു​ന്ന പ​ച്ച​ക്കാ​ടു​ക​ളാ​ണ് ഡാ​മി​നു​ള്ളി​ലു​ള്ള​ത്.

ഒ​രോ സീ​സ​ണി​ലും ഓ​രോ​യി​നം വി​ദേ​ശ പ​ക്ഷി​ക​ൾ ഇ​വി​ടെ ക്യാ​മ്പ് ചെ​യ്ത് പോ​കും. ഡാ​മി​ലെ ജ​ല​നി​ര​പ്പ് കൂ​ടു​ത​ൽ കു​റ​യു​ന്ന​തോ​ടെ​യാ​ണ് വി​വി​ധ വം​ശ​ജ​രാ​യ പ​ക്ഷി​ക​ൾ കൂ​ട്ട​മാ​യി ചേ​ക്കേ​റു​ന്ന​ത്.​ തീ​റ്റ തേ​ടി​യു​ള്ള ആ​കാ​ശ​പ​റ​ക്ക​ലി​ലാ​ണ് മം​ഗ​ലം​ഡാ​മും പ​റ​വ​ക​ളു​ടെ ക​ണ്ണി​ലു​ട​ക്കു​ന്ന​ത്.

മ​ത്സ്യം വ​ള​ർ​ത്ത​ലി​ന് ക​ടു​ത്ത ഭീ​ഷണി ഉ​യ​ർ​ത്തു​ന്ന നീ​ർ​നാ​യ്ക്ക​ളു​ടെ താ​വ​ള​ങ്ങ​ളും റി​സ​ർ​വോ​യ​റി​ലെ തു​രു​ത്തു​ക​ളാ​ണ്. പ​ക​ൽ സ​മ​യ​ങ്ങ​ളി​ലെ​ല്ലാം ഇ​വ തു​രു​ത്തു​ക​ളി​ൽ ക​യ​റി കി​ട​ക്കും. പ​ത്തും പ​തി​ന​ഞ്ചും എ​ണ്ണം വ​രു​ന്ന കൂ​ട്ട​ങ്ങ​ളാ​ണ് മ​ത്സ്യ​തൊ​ഴി​ലാ​ളി​ക​ളെ പേ​ടി​പ്പി​ച്ച് വി​ല​സു​ന്ന​ത്. ഇ​വ​യെ പി​ടി​കൂ​ടി മാ​റ്റ​ണ​മെ​ന്ന ആ​വ​ശ്യ​വും ഡാ​മി​ലെ മ​ത്സ്യ തൊ​ഴി​ലാ​ളി​ക​ൾ​ക്കു​ണ്ട്. ഏ​താ​നും വ​ർ​ഷം മു​മ്പ് എ​വി​ടെ നി​ന്നോ എ​ത്തി​യ​താ​ണ് ഇ​വ. മൂ​ന്നോ നാ​ലോ എ​ണ്ണ​ത്തി​നെ​യാ​ണ് ആ​ദ്യം ക​ണ്ടി​രു​ന്ന​ത്.

എ​ന്നാ​ൽ ഈ​യ​ടു​ത്ത കാ​ല​ത്താ​യി ഇ​വ​യു​ടെ എ​ണ്ണം തെ​രു​വു നാ​യ്ക്ക​ളെ പോ​ലെ പെ​രു​കി അ​ക്ര​മി​ക​ളാ​യി മാ​റി.

ചെ​റു​തും വ​ലു​തു​മാ​യി ഒ​രു ഡ​സ​നോ​ളം പ​ച്ച തു​രു​ത്തു​ക​ൾ റി​സ​ർ​വോ​യ​റി​ലു​ണ്ട്. ഡാ​മി​ന്‍റെ ഷ​ട്ട​ർ ഭാ​ഗ​ത്തു നി​ന്നു​ള്ള കാ​ഴ്ച​യി​ൽ മ​ധ്യ​ഭാ​ഗ​ത്തെ ഒ​രു തു​രു​ത്ത് മാ​ത്ര​മെ കാ​ണാ​ൻ ക​ഴി​യൂ. എ​ന്നാ​ൽ റി​സ​ർ​വോ​യ​റി​ലൂ​ടെ യാ​ത്ര ചെ​യ്താ​ൽ വ​ന​ത്തി​ല​ക​പ്പെ​ട്ട പ്ര​തീ​തി​യാ​ണ്. ചു​റ്റും മ​ര​ങ്ങ​ളു​മാ​യി ഉ​യ​ർ​ന്നു നി​ൽ​ക്കു​ന്ന തു​രു​ത്തു​ക​ൾ കാ​ണാം.