സം​സ്ഥാ​ന​ത്തെ ക​ർ​ഷ​ക​രു​ടെ സം​ര​ക്ഷ​ണം എ​ല്ലാ​ത്ത​ര​ത്തി​ലും ഉ​റ​പ്പാ​ക്കു​മെ​ന്ന് എ​വി​ടെ​യും ഉ​ദ്ഘോ​ഷി​ക്ക​പ്പെ​ടു​ന്നു​ണ്ടെ​ങ്കി​ലും എ​ല്ലാ​ത്ത​ട്ടി​ലു​മു​ള്ള ക​ർ​ഷ​ക​രും ദു​രി​ത​ത്തി​ലാ​ണ്. ക​ർ​ഷ​ക​ർ ഉ​ത്പാ​ദി​പ്പി​ക്കു​ന്ന വി​ള​ക​ൾ​ക്കൊ​ന്നും മ​തി​യാ​യ വി​ല​യോ വി​ള ന​ഷ്ട​മു​ണ്ടാ​യാ​ൽ വേ​ണ്ട​ത്ര സ​ഹാ​യ​ധ​ന​മോ ല​ഭി​ക്കു​ന്നി​ല്ല. ഇ​ട​ത്ത​ട്ടു​കാ​ർ അ​സം​ഘ​ടി​ത​രാ​യ ക​ർ​ഷ​ക​ർ ഉ​ത്പാ​ദി​പ്പി​ക്കു​ന്ന വി​ള​ക​ൾ സം​ഘ​ടി​ത​മാ​യി കു​റ​ഞ്ഞ​വി​ല​മാ​ത്രം ന​ൽ​കി വാ​ങ്ങു​ക​യും വ​ള​രെ ഉ​യ​ർ​ന്ന വി​ല​യി​ട്ട് വി​പ​ണി​യി​ൽ വി​റ്റ​ഴി​ക്കു​ക​യു​മാ​ണ് ചെ​യ്തു​വ​രു​ന്ന​ത്. ഭ​ക്ഷ്യ​വി​ള​ക​ൾ​ക്കും പ​ച്ച​ക്ക​റി ഉ​ത്പ​ന്ന​ങ്ങ​ളു​ടെ​യും മേ​ഖ​ല​യി​ലാ​ണ് ഇ​ത്ത​ര​ത്തി​ലു​ള്ള ക​ടു​ത്ത ചൂ​ഷ​ണം ന​ട​ക്കു​ന്ന​ത്. ക​ർ​ഷ​ക​രി​ൽ​നി​ന്നു നേ​രി​ട്ടു സം​ഭ​രി​ക്കു​ന്ന ഭ​ക്ഷ്യ​വി​ള​ക​ൾ​ക്കു നാ​ല്പ​ത്, അ​ന്പ​ത് ശ​ത​മാ​ന​ത്തി​ല​പ്പു​റം വി​ല ഉ​യ​ർ​ത്തി​യാ​ണ് ഇ​ട​നി​ല​ക്കാ​ർ വി​ല്പ​ന ന​ട​ത്തു​ന്ന​തെ​ന്ന​ത് തി​ക​ച്ചും യാ​ഥാ​ർ​ഥ്യം മാ​ത്രം. ക​ർ​ഷ​ക​ത്തൊ​ഴി​ലാ​ളി​ക​ൾ​ക്ക് ഇ​പ്പോ​ൾ ഏ​റ്റ​വും കൂ​ടു​ത​ൽ ദി​വ​സ വേ​ത​ന​വും ന​ൽ​കേ​ണ്ട​തു ന​മ്മു​ടെ നാ​ട്ടി​ലാ​ണ്. വ​ള​ത്തി​ന്‍റെ വി​ല​യും വ​ള​രെ ഉ​യ​ർ​ന്നു​ത​ന്നെ. കൃ​ഷി​യോ​ടു​ള്ള ഉ​ത്ത​മ​താ​ത്പ​ര്യം​കൊ​ണ്ടു മാ​ത്രം കാ​ർ​ഷി​ക മേ​ഖ​ല​യി​ൽ നി​ൽ​ക്കു​ന്ന ക​ർ​ഷ​ക​ർ കൊ​ടി​യ ​ന​ഷ്ട​വും ക​ട​ബാ​ധ്യ​ത​യും​കൊ​ണ്ട് ദാ​രി​ദ്ര്യ​ത്തി​ലും ആ​ത്മ​ഹ​ത്യ​യി​ലും​ പെ​ട്ടു​പോ​കു​ന്നു.

ജ​ന​ത​യെ തീ​റ്റി​പ്പോ​റ്റാ​ൻ വേ​ണ്ടി​യും രാ​ജ്യ​ത്തി​ന്‍റെ വ്യാ​പാ​ര​മേ​ഖ​ല​യു​ടെ ഉ​യ​ർ​ച്ച​യ്ക്കു​മാ​യി ക​ഷ്ട​ത അ​നു​ഭ​വി​ക്കു​ന്ന ക​ർ​ഷ​ക​രെ സം​ര​ക്ഷി​ക്കു​ന്ന​തി​നും അ​വ​ർ​ക്ക് ഒ​ര​ടി​സ്ഥാ​ന വ​രു​മാ​ന​വും ഉ​ത്പാ​ദി​പ്പി​ക്കു​ന്ന വി​ള​ക​ൾ​ക്കു മ​തി​യാ​യ വി​ല​യും ഇ​ട​നി​ല​ക്കാ​രി​ല്ലാ​ത്ത വി​ല്പ​ന​സം​വി​ധാ​ന​വും വി​ള​ന​ഷ്ട​മു​ണ്ടാ​യാ​ൽ ശ​രി​യാ​യ ന​ഷ്ട​പ​രി​ഹാ​രവും ലഭ്യമാക്കുന്ന, കു​ട്ടി​ക​ൾ​ക്കു സൗ​ജ​ന്യ വി​ദ്യാ​ഭ്യാ​സ​വും തൊ​ഴി​ല​വ​സ​ര​വും ഉ​ണ്ടാ​ക്കു​ന്ന ക​ർ​ഷ​ക ര​ക്ഷാ​ബി​ൽ ന​ട​പ്പി​ലാ​ക്കാ​ൻ ഭ​ര​ണാ​ധി​കാ​രി​ക​ൾ ത​യാ​റാ​ക​ണം.

രാ​ജേ​ന്ദ്ര​ൻ വ​യ​ല, അ​ടൂ​ർ