കോ​ഴ​ഞ്ചേ​രി: മ​ദ്യ​ല​ഹ​രി​യി​ൽ പ​ത്താം​ക്ലാ​സ് പ​രീ​ക്ഷ​യ്ക്കെ​ത്തി​യ കു​ട്ടി​യു​ടെ ബാ​ഗി​ൽനി​ന്നും മ​ദ്യ​ക്കു​പ്പി ക​ണ്ടെ​ടു​ത്ത സം​ഭ​വ​ത്തി​ൽ ര​ഹ​സ്യാ​ന്വേ​ഷ​ണ​വു​മാ​യി പോ​ലീ​സും എ​ക്സൈ​സും. ക​ഴി​ഞ്ഞ​ദി​വ​സം പ​ത്താം ക്ലാ​സ് പ​രീ​ക്ഷ​യു​ടെ അ​വ​സാ​ന​ദി​ന​ത്തി​ലാ​ണ് കു​ട്ടി മ​ദ്യ​ല​ഹ​രി​യി​ലെ​ത്തി​യ​ത്. സ​ഹ​പാ​ഠി​ക​ളാ​യ മൂ​ന്നു​പേ​ർ കൂ​ടി മ​ദ്യ​ല​ഹ​രി​യി​ലാ​ണ് എ​ത്തി​യ​തെ​ന്ന് പി​ന്നീ​ടു ന​ട​ന്ന അ​ന്വേ​ഷ​ണ​ത്തി​ൽ വ്യ​ക്ത​മാ​യി.

പ​രീ​ക്ഷാ​ഹാ​ളി​ൽ അ​സ്വാ​ഭാ​വി​ക​മാ​യി ഇ​രി​ക്കു​ന്ന​തു ക​ണ്ട കു​ട്ടി​യോ​ട് അ​ധ്യാ​പ​ക​ൻ വി​വ​ര​ങ്ങ​ൾ ആ​രാ​ഞ്ഞ​പ്പോ​ൾ മ​ദ്യ​ത്തി​ന്‍റെ രൂ​ക്ഷ​ഗ​ന്ധം അ​നു​ഭ​വ​പ്പെ​ടു​ക​യും തു​ട​ർ​ന്ന് പ​രി​ശോ​ധ​ന​ക​ൾ ന​ട​ത്തു​ക​യു​മാ​യി​രു​ന്നു. ബാ​ഗി​ൽ നി​ന്നു മ​ദ്യ​ക്കു​പ്പി​യും 10,000 രൂ​പ​യും പി​ന്നാ​ലെ ക​ണ്ടെ​ടു​ത്തു.

ആ​റ​ന്മു​ള പോ​ലീ​സി​ൽ സ്കൂ​ൾ അ​ധി​കൃ​ത​ർ വി​വ​രം അ​റി​യി​ച്ചു. പോ​ലീ​സ് എ​ത്തി ന​ട​ത്തി​യ പ​രി​ശോ​ധ​ന​യി​ൽ മൂ​ന്ന് കു​ട്ടി​ക​ൾ കൂ​ടി മ​ദ്യ​ല​ഹ​രി​യി​ലാ​ണെ​ന്നു വ്യ​ക്ത​മാ​യി. കു​ട്ടി​ക​ളു​ടെ ഭാ​വി​യോ​ർ‌​ത്ത് പ​രീ​ക്ഷ എ​ഴു​തി​പ്പി​ക്കാ​ൻ പോ​ലീ​സും അ​ധ്യാ​പ​ക​രും ത​യാ​റാ​യി. ര​ക്ഷാക​ർ​ത്താ​ക്ക​ളെ വി​ളി​ച്ചു​വ​രു​ത്തി കാ​ര്യ​ങ്ങ​ൾ ബോ​ധ്യ​പ്പെ​ടു​ത്തി അ​വ​ർ​ക്കൊ​പ്പ​മാ​ണ് ഇ​വ​രെ വി​ട്ട​യ​ച്ച​ത്.


ഇ​തി​നി​ടെ പ​ണം കു​ട്ടി​യു​ടെ കൈ​വ​ശം എ​ത്തി​യ​തു സം​ബ​ന്ധി​ച്ച് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ ഒ​രാ​ളു​ടെ മു​ത്ത​ശി​യു​ടെ മോ​തി​രം എ​ടു​ത്ത് പ​ണ​യം വ​ച്ച​താ​ണെ​ന്നു വ്യ​ക്ത​മാ​യി. 10,000 രൂ​പ ഇ​തി​ലൂ​ടെ ല​ഭി​ച്ചു.

പ​ത്താം​ക്ലാ​സ് പ​രീ​ക്ഷ​യു​ടെ അ​വ​സാ​ന​ദി​വ​സം ആ​ഘോ​ഷ​ങ്ങ​ൾ ക​ർ​ശ​ന​മാ​യി വി​ല​ക്കി​യി​രു​ന്നെ​ങ്കി​ലും ഇ​തി​നാ​യി ശേ​ഖ​രി​ച്ച പ​ണ​മാ​ണ് ബാ​ഗി​ലു​ണ്ടാ​യി​രു​ന്ന​തെ​ന്നാ​ണ് കു​ട്ടി​ക​ൾ ആ​ദ്യം പ​റ​ഞ്ഞ​ത്.

മ​റ്റു കു​ട്ടി​ക​ളോ​ടു വി​വ​ര​ങ്ങ​ൾ ആ​രാ​ഞ്ഞെ​ങ്കി​ലും പ​ണ​പ്പി​രി​വു​മാ​യി ബ​ന്ധ​പ്പെ​ട്ട വി​വ​ര​ങ്ങ​ൾ ല​ഭി​ക്കാ​തെ വ​ന്ന​തോ​ടെ​യാ​ണ് വീ​ടു​ക​ൾ കേ​ന്ദ്രീ​ക​രി​ച്ച് അ​ന്വേ​ഷ​ണം ന​ട​ന്ന​ത്. ഇ​തി​നി​ടെ കു​ട്ടി​ക​ളെ കൗ​ൺ​സലിം​ഗി​നു വി​ധേ​യ​മാ​ക്ക​ണ​മെ​ന്ന ര​ക്ഷി​താ​ക്ക​ളു​ടെ അ​ഭ്യ​ർ​ഥ​ന മാ​നി​ച്ച് അ​ടു​ത്ത​യാ​ഴ്ച ആ​റ​ന്മു​ള സ്റ്റേ​ഷ​നി​ൽ എ​ത്താ​ൻ നി​ർ​ദേ​ശി​ച്ചി​ട്ടു​ണ്ടെ​ന്ന് പോ​ലീ​സ് അ​റി​യി​ച്ചു.