റെ​ജി ജോ​സ​ഫ്

കോ​ട്ട​യം: തി​ട​നാ​ട് മേ​ക്കാ​ട്ട് കെ.​കെ. തോ​മ​സി​ന്‍റെ അ​ടു​ത്ത സു​ഹൃ​ത്താ​യി​രു​ന്നു കോ​ട്ട​യം റൈ​ഫി​ള്‍സ് ക്ല​ബ് സെ​ക്ര​ട്ട​റി സി.​ടി. ജോ​ണ്‍. ഒ​രി​ക്ക​ല്‍ മേ​ക്കാ​ട്ട് വീ​ട്ടി​ലെ​ത്തി​യ ജോ​ണ്‍ അ​വി​ടെ തോ​മ​സി​ന്‍റെ പ​ന്ത്ര​ണ്ടു വ​യ​സു​കാ​ര​ന്‍ മ​ക​ന്‍ സ​ണ്ണി എ​യ​ര്‍ റൈ​ഫി​ളി​ല്‍ ഉ​ന്നം​വ​ച്ച് മു​റ്റ​ത്തെ മാ​വി​ല്‍നി​ന്ന് മാ​ങ്ങ വീ​ഴ്ത്തു​ന്ന​തു ക​ണ്ടു. ചെ​റി​യ പ്രാ​യ​ക്കാ​ര​ന്‍റെ അ​തി​സൂ​ക്ഷ്മ​ത​യും വെ​ടി​വ​യ്പി​ലെ വൈ​ദ​ഗ്ധ്യ​വും ജോ​ണി​നെ വി​സ്മ​യി​പ്പി​ച്ചു. പി​ല്‍ക്കാ​ല​ത്ത് സ​ണ്ണി തോ​മ​സ് കോ​ട്ട​യം സി​എം​എ​സ് കോ​ള​ജി​ല്‍ വി​ദ്യാ​ര്‍ഥി​യാ​യി​രി​ക്കെ 1965ല്‍ ​നാ​ട്ട​കം പോ​ളി​ടെ​ക്‌​നി​ക് കാ​മ്പ​സി​ലെ കോ​ട്ട​യം റൈ​ഫി​ള്‍സ് ക്ല​ബ്ബിലേ​ക്ക് സി.​ടി. ജോ​ണ്‍ പ​രി​ശീ​ല​ന​ത്തി​ന് ക്ഷ​ണി​ച്ചു.

ഇ​വി​ടെ ല​ഭി​ച്ച അം​ഗ​ത്വ​വും പ​രി​ശീ​ല​ന​വു​മാ​ണ് സ​ണ്ണി തോ​മ​സ് എ​ന്ന ല​ക്ഷ്യം തെ​റ്റാ​ത്ത മെ​ഗാ ​ഷൂ​ട്ട​റെ രാ​ജ്യ​ത്തി​നു ല​ഭി​ക്കാ​ന്‍ ഇ​ട​യാ​ക്കി​യ​ത്. സ​ണ്ണി തോ​മ​സ് മെ​ഡ​ല്‍വേ​ട്ട തു​ട​ങ്ങി​യ​ത് നാ​ട്ട​ക​ത്തെ പ​രി​ശീ​ല​ന​കാ​ല​ത്താ​ണെ​ന്ന് കോ​ട്ട​യം റൈ​ഫി​ള്‍സ് ക്ല​ബ്ബിന്‍റെ നി​ല​വി​ലെ പ്ര​സി​ഡ​ന്‍റ് ചെ​റി​യാ​ന്‍ കു​ര്യ​ന്‍ പ​റ​ഞ്ഞു. നാ​ട​ന്‍ എ​യ​ര്‍ഗ​ണ്ണി​ല്‍ കാ​ക്ക​ക​ളെ ഉ​ന്നംവ​ച്ചു തു​ട​ങ്ങി​യ അ​ഭ്യാ​സം കോ​ട്ട​യം റൈ​ഫി​ള്‍ ക്ല​ബ്ബില്‍ എ​ത്തി​യ​തോ​ടെ ശാ​സ്ത്രീ​യ​മാ​യി, ഭാ​ഗ്യം പി​ഴ​ച്ച​തു​മി​ല്ല. ഇ​ന്തോ- ചൈ​ന യു​ദ്ധകാ​ല​മാ​ണ​ത്.

സൈ​ന്യ​ത്തി​നൊ​പ്പം അ​വ​ശ്യ​സാ​ഹ​ച​ര്യ​ത്തി​ല്‍ യു​ദ്ധ​ഭൂ​മി​യി​ലി​റ​ങ്ങാ​ന്‍ താത്പര്യ​മു​ള്ള സി​വി​ലി​യ​ന്മാര്‍ക്കും വെ​ടി​വ​യ്പി​ല്‍ പ​രി​ശീ​ല​നം ന​ല്‍കാ​ന്‍ സ​ര്‍ക്കാ​ര്‍ അ​നു​വ​ദി​ച്ചി​രു​ന്നു. അ​ക്കാ​ല​ത്താ​ണ് രാ​ജ്യ​ത്തു​ട​നീ​ളം റൈ​ഫി​ള്‍സ് അ​സോ​സി​യേ​ഷ​നു​ക​ളു​ടെ തു​ട​ക്കം. നാ​ട്ട​കം പോ​ളിടെ​ക്‌​ കാ​മ്പ​സി​ല്‍ ജി​ല്ലാ ഭ​ര​ണ​കൂ​ടം അ​ക്കാ​ല​ത്ത് അ​നു​വ​ദി​ച്ച 60 മീ​റ്റ​ര്‍ നീ​ള​വും 26 മീ​റ്റ​ര്‍ വീ​തി​യു​മു​ള്ള ഷൂ​ട്ടിം​ഗ് ഏ​രി​യ​യി​ലാ​യി​രു​ന്നു പ​രി​ശീ​ല​നം.


കോ​ട്ട​യം പോ​ലീ​സ് ക്യാ​മ്പി​ലെ കോ​ണ്‍സ്റ്റ​ബി​ള്‍മാ​ര്‍ തോ​ക്കു​മാ​യി എ​ത്തി​യാ​ണ് പ​രി​ശീ​ല​നം ന​ല്‍കി​യി​രു​ന്ന​ത്. റൈ​ഫി​ളും പി​സ്റ്റ​ളും ഉ​ള്‍പ്പെ​ടെ നാ​ലി​നം തോ​ക്കു​ക​ളി​ലാ​യി​രു​ന്നു സ​ണ്ണി തോ​മ​സി​നും തു​ട​ക്കം. 1965ല്‍ ​തി​രു​വ​നന്ത​പു​ര​ത്തു ന​ട​ന്ന സം​സ്ഥാ​ന ഷൂ​ട്ടിം​ഗ് ചാമ്പ്യന്‍ഷി​പ്പി​ല്‍ പ​ങ്കെ​ടു​ത്താ​യി​രു​ന്നു സ​ണ്ണി​യു​ടെ മെ​ഡ​ല്‍ വേ​ട്ട​യു​ടെ തു​ട​ക്കം.


അ​ഞ്ചു ത​വ​ണ സം​സ്ഥാ​ന ചാമ്പ്യനും 1976ല്‍ ​ദേ​ശീ​യ ഷൂ​ട്ടിം​ഗ് ചാമ്പ്യ​നു​മാ​യി സ​ണ്ണി അം​ഗീ​കാ​ര​ങ്ങ​ള്‍ നേ​ടി. അ​ക്കാ​ല​ത്ത് ഡ​ല്‍ഹി​യി​ലും പോ​യി പ​രി​ശീ​ല​നം നേ​ടി​യി​രു​ന്നു. ഉ​ഴ​വൂ​ര്‍ കോ​ള​ജി​ല്‍ ഇംഗ്ലീഷ്‌ പ്ര​ഫ​സ​റാ​യി​രി​ക്കെ 1993ലാ​ണ് ഇ​ന്ത്യ​യു​ടെ ദേ​ശീ​യ ഷൂ​ട്ടിം​ഗ് പ​രി​ശീ​ല​ക​നാ​യി സ​ണ്ണി തോ​മ​സ് അവ​രോ​ധി​ക്ക​പ്പെ​ടു​ന്ന​ത്.

ഷൂ​ട്ടി​ംഗി​ല്‍ ഒ​ന്നു​മ​ല്ലാ​തി​രു​ന്ന ഇ​ന്ത്യ​ന്‍ ടീ​മി​നെ 19 വ​ര്‍ഷംകൊ​ണ്ട് ലോ​ക​ ഭൂ​പ​ട​ത്തി​ലെ പ്ര​ധാ​ന​പ്പെ​ട്ട ഇ​ട​ങ്ങ​ളി​ല്‍ ഒ​ന്നാ​ക്കി അ​ദ്ദേ​ഹം അ​ട​യാ​ള​പ്പെ​ടു​ത്തി. 1994 ലെ ​കോ​മ​ണ്‍വെ​ല്‍ത്ത് ഗെ​യിം​സ് മു​ത​ല്‍ ശി​ഷ്യ​ര്‍ മെ​ഡ​ല്‍വേ​ട്ട തു​ട​ങ്ങി. ഉ​ന്നം പി​ഴ​ക്കാ​ത്ത ഓ​രോ വെ​ടി​യി​ലും സ്വ​ര്‍ണ​വും വെ​ള്ളി​യും വീ​ണു​കൊ​ണ്ടി​രു​ന്നു. 1998ല്‍ ​സ്വ​ര്‍ണ​നി​ല അ​ഞ്ചി​ലേ​ക്ക് ഉ​യ​ര്‍ന്നു.

2004ല്‍ ​ഏ​ത​ന്‍സ് ഒ​ളി​മ്പിക്‌​സി​ല്‍ രാ​ജ്യ​വ​ര്‍ധ​ന്‍ സിം​ഗ് റാ​ത്തോ​ഡ് നേ​ടി​യ വെ​ള്ളി മെ​ഡ​ല്‍ ഇ​ന്ത്യ​ന്‍ ഒ​ളി​മ്പി​ക്‌​സി​ലെ ആ​ദ്യ വ്യ​ക്തി​ഗ​ത വെ​ള്ളി​ത്തി​ള​ക്ക​മാ​യി. 2008 ബീ​ജീം​ഗ് ഒ​ളിം​പി​ക്‌​സി​ല്‍ അ​ഭി​ന​വ് ബി​ന്ദ്ര സ്വ​ര്‍ണ​മ​ണി​ഞ്ഞു. 2012 ല​ണ്ട​ന്‍ ഒ​ളിം​പി​ക്‌​സി​ല്‍ വി​ജ​യ​കു​മാ​ര്‍ വെ​ള്ളി​യും ഗ​ഗ​ന്‍ നാ​രം​ഗ് വെ​ങ്ക​ല​വും നേ​ടി.

ഏ​ഷ്യ​ന്‍ ഗെ​യിം​സു​ക​ളി​ല്‍ 29 മെ​ഡ​ലു​ക​ളും കോ​മ​ണ്‍വെ​ല്‍ത്ത് ഗെ​യിം​സി​ല്‍ 95 മെ​ഡ​ലു​ക​ളും ലോ​ക​ക​പ്പി​ല്‍ 50 മെ​ഡ​ലു​ക​ളും സ​ണ്ണി തോ​മ​സി​ന്‍റെ ശി​ഷ്യ​ര്‍ രാ​ജ്യ​ത്തി​ന് സ​മ്മാ​നി​ച്ചു. കാ​ഞ്ചി​വ​ലി​ക്കാ​ന്‍ മാ​ന്ത്രി​ക ​വി​ര​ലു​ക​ളു​ള്ള സ​ണ്ണി​യു​ടെ കൈ​ക​ളി​ല്‍ 2001ല്‍ ​രാ​ഷ്്ട്ര​പ​തി ഡോ. ​എ.​പി.​ജെ.​ അ​ബ്ദു​ള്‍ ക​ലാം ദ്രോ​ണാ​ചാ​ര്യ പു​ര​സ്‌​കാ​രം സ​മ്മാ​നി​ച്ചു.

2012-ല്‍ ​രാ​ജ്യം പ​ത്മ​ശ്രീ​യും ന​ല്‍കി ആ​ദ​രി​ച്ചു. എ​ല്ലാ​റ്റി​നും നി​മി​ത്ത​മാ​യ​ത് നാ​ട്ട​കം പോ​ളിടെക്‌ മൈ​താ​ന​ത്തെ റൈ​ഫി​ള്‍സ് ക്ല​ബ്ബു​ത​ന്നെ.