ജെ.ബി. കോശി കമ്മീഷന്‍ റിപ്പോര്‍ട്ട് പുറത്തുവിടണം: കെഎല്‍സിഎ
Monday, June 9, 2025 3:23 AM IST
കൊച്ചി: ജെ.ബി. കോശി കമ്മീഷന്‍ റിപ്പോര്‍ട്ട് പുറത്തുവിടണമെന്ന് കേരള ലാറ്റിന്‍ കാത്തലിക് അസോസിയേഷന്‍ (കെഎല്‍സിഎ) സംസ്ഥാന നേതൃയോഗം സര്‍ക്കാരിനോട് ആവശ്യപ്പെട്ടു. സമുദായത്തിന്‍റെ അവകാശ പോരാട്ടങ്ങള്‍ക്കു നേതൃത്വം നല്‍കാനും എറണാകുളം ആശീര്‍ഭവനില്‍ നടന്ന നേതൃയോഗം തീരുമാനിച്ചു. കെആര്‍എല്‍സിസി വൈസ് പ്രസിഡന്‍റ് ജോസഫ് ജൂഡ് സമ്മേളനം ഉദ്ഘാടനം ചെയ്തു. കെഎല്‍സിഎ സംസ്ഥാന പ്രസിഡന്‍റ് അഡ്വ. ഷെറി ജെ . തോമസ് അധ്യക്ഷത വഹിച്ചു.
ജനസമ്പര്‍ക്ക പരിപാടികള്‍ക്ക് യോഗം രൂപംനല്‍കി. സംസ്ഥാന ജനറല്‍ സെക്രട്ടറി ബിജു ജോസി, ഭാരവാഹികളായ രതീഷ് ആന്‍റണി, ജസ്റ്റിന്‍ കരിപ്പാട്ട്, നൈജു അറക്കല്‍, സാബു കാനക്കാപ്പിള്ളി, ആര്‍.എല്‍. മഞ്ജു എന്നിവര്‍ പ്രസംഗിച്ചു.