ശശീന്ദ്രന്‍ പക്വതയില്ലാതെ പെരുമാറുന്നു: കെ. മുരളീധരന്‍
Monday, June 9, 2025 3:24 AM IST
കോഴിക്കോട്: വഴിക്കടവില്‍ പത്താം ക്ലാസ് വിദ്യാര്‍ഥി അനന്തുവിന്‍റെ മരണത്തിലേക്കു നയിച്ച അപകടത്തിന്‍റെ പേരില്‍ വനംമന്ത്രി എ.കെ. ശശീന്ദ്രന്‍ പക്വതയില്ലാതെ പെരുമാറുകയാണെന്ന് മുന്‍ കെപിസിസി പ്രസിഡന്‍റ് കെ. മുരളീധരൻ.
രാഷ്‌ട്രീയം നോക്കാതെ പ്രശ്‌നം പരിഹരിക്കാന്‍ ശ്രമിക്കണം. വനം മന്ത്രി എ.കെ. ശശീന്ദ്രന്‍ പക്വതയില്ലാതെ പെരുമാറുകയാണ്. മന്ത്രിയുടെ പ്രസ്താവന തരംതാഴ്ന്നതാണ്. കുഞ്ഞിന്‍റെ ജീവന്‍ നഷ്ടപ്പെട്ടതിന്‍റെ പ്രതിഷേധമാണ് നിലമ്പൂര്‍ ആശുപത്രിക്കു മുന്നില്‍ കണ്ടതെന്നും അദ്ദേഹം പറഞ്ഞു.