മി​ലാ​ന്‍/​പാ​രീ​സ്/​മാ​ഞ്ച​സ്റ്റ​ര്‍: 2023-24 സീ​സ​ണ്‍ യു​വേ​ഫ ചാ​മ്പ്യ​ന്‍​സ് ലീ​ഗ് ഫു​ട്‌​ബോ​ള്‍ പോ​രാ​ട്ട​ത്തി​ന് ഇ​ന്ന് കി​ക്കോ​ഫ്. യൂ​റോ​പ്പി​ലെ വ​മ്പ​ന്‍ ക്ല​ബ്ബു​ക​ള്‍ ഇ​ന്നും നാ​ളെ​യു​മാ​യി ആ​ദ്യ റൗ​ണ്ട് ഗ്രൂ​പ്പ് പോ​രാ​ട്ട​ത്തി​ന് മൈ​താ​ന​ത്തെ​ത്തും.

നി​ല​വി​ലെ ചാ​മ്പ്യ​ന്മാ​രാ​യ ഇം​ഗ്ലീ​ഷ് പ്രീ​മി​യ​ര്‍ ലീ​ഗ് ക്ല​ബ് മാ​ഞ്ച​സ്റ്റ​ര്‍ സി​റ്റി ഇ​ന്ന് ക​ള​ത്തി​ലു​ണ്ട്. സെ​ര്‍​ബി​യ​ന്‍ ക്ല​ബ്ബാ​യ സെ​ര്‍​വെ​ന സ്വെ​സ്ദ​യാ​ണ് പെ​പ് ഗ്വാ​ര്‍​ഡി​യോ​ള​യു​ടെ ശി​ക്ഷ​ണ​ത്തി​ല്‍ ചാ​മ്പ്യ​ന്‍​സ് ലീ​ഗ് നി​ല​നി​ര്‍​ത്താ​ന്‍ ഇ​റ​ങ്ങു​ന്ന മാ​ഞ്ച​സ്റ്റ​ര്‍ സി​റ്റി​യു​ടെ ഗ്രൂ​പ്പ് ഘ​ട്ട​ത്തി​ലെ ആ​ദ്യ എ​തി​രാ​ളി.

മാ​ഞ്ച​സ്റ്റ​ര്‍ സി​റ്റി ഇ​താ​ദ്യ​മാ​യാ​ണ് സ്വെ​സ്ദ​യു​മാ​യി ഏ​റ്റു​മു​ട്ടു​ന്ന​ത്. ഒ​രു സെ​ര്‍​ബി​യ​ന്‍ ടീ​മി​നെ​തി​രേ സി​റ്റി ക​ളി​ക്കു​ന്ന​തും ഇ​താ​ദ്യം. സെ​ര്‍​ബി​യ​ന്‍ ടീം ​ഒ​രു യൂ​റോ​പ്യ​ന്‍ ചാ​മ്പ്യ​നെ​തി​രേ ക​ളി​ക്കു​ന്ന​തും ച​രി​ത്ര​ത്തി​ല്‍ ആ​ദ്യ​മാ​യാ​ണ്. ഗ്രൂ​പ്പ് ജി​യി​ലെ മ​റ്റൊ​രു മ​ത്സ​ര​ത്തി​ല്‍ ലൈ​പ്‌​സി​ഗും യം​ഗ് ബോ​യ്‌​സും ഏ​റ്റു​മു​ട്ടും.

മ​ര​ണ​പ്പോ​ര്

ഇ​ത്ത​വ​ണ​ത്തെ യു​വേ​ഫ ചാ​മ്പ്യ​ന്‍​സ് ലീ​ഗി​ല്‍ മ​ര​ണ​ഗ്രൂ​പ്പ് എ​ന്ന വി​ശേ​ഷ​ണം ല​ഭി​ച്ച​ത് ഗ്രൂ​പ്പ് എ​ഫി​ന്. ഫ്ര​ഞ്ച് ക​രു​ത്ത​രാ​യ പി​എ​സ്ജി (പാ​രീ​സ് സെ​ന്‍റ് ജെ​ര്‍​മ​യ്ന്‍), ജ​ര്‍​മ​നി​യി​ലെ പോ​രാ​ളി​ക​ളാ​യ ബൊ​റൂ​സി​യ ഡോ​ര്‍​ട്ട്മു​ണ്ട്, ഇ​റ്റാ​ലി​യ​ന്‍ പാ​ര​മ്പ​ര്യ സം​ഘ​മാ​യ എ​സി മി​ലാ​ന്‍, ഇം​ഗ്ലീ​ഷ് ച​രി​ത്രം സൂ​ക്ഷി​ക്കു​ന്ന ന്യൂ​കാ​സി​ല്‍ യു​ണൈ​റ്റ​ഡ് എ​ന്നീ ടീ​മു​ക​ളാ​ണ് ഗ്രൂ​പ്പ് എ​ഫി​ല്‍.


ഇ​ന്ത്യ​ന്‍ സ​മ​യം ഇ​ന്ന് രാ​ത്രി 10.15ന് ​ന​ട​ക്കു​ന്ന മ​ത്സ​ര​ത്തി​ല്‍ എ​സി മി​ലാ​നും ന്യൂ​കാ​സി​ലും കൊ​മ്പു​കോ​ര്‍​ക്കും. ചാ​മ്പ്യ​ന്‍​ഷി​പ്പി​ല്‍ മി​ലാ​നും ന്യൂ​കാ​സി​ലും ഏ​റ്റു​മു​ട്ടു​ന്ന​ത് ആ​ദ്യ​മാ​യാ​ണ്. ന്യൂ​കാ​സി​​ല്‍ മൈ​താ​ന​ത്താ​ണ് മ​ത്സ​രം.

ഇ​ന്ത്യ​ന്‍ സ​മ​യം അ​ര്‍​ധ​രാ​ത്രി 12.30ന് ​പി​എ​സ്ജി സ്വ​ന്തം ത​ട്ട​ക​ത്തി​ല്‍ ഡോ​ര്‍​ട്ട്മു​ണ്ടി​നെ​തി​രേ ഇ​റ​ങ്ങും. 2019-20 സീ​സ​ണി​നു​ശേ​ഷം ചാ​മ്പ്യ​ന്‍​സ് ലീ​ഗി​ല്‍ ഇ​രു​ടീ​മും നേ​ര്‍​ക്കു​നേ​ര്‍​വ​രു​ന്ന മ​ത്സ​ര​മാ​ണ്. 16-ാം ത​വ​ണ​യാ​ണ് പി​എ​സ്ജി ചാ​മ്പ്യ​ന്‍​സ് ലീ​ഗി​ല്‍ ക​ളി​ക്കു​ന്ന​ത്.

ഏ​റ്റ​വും കൂ​ടു​ത​ല്‍ ചാ​മ്പ്യ​ന്‍​സ് ലീ​ഗ് ക​ളി​ച്ച ഫ്ര​ഞ്ച് ടീം ​എ​ന്ന​തി​ല്‍ ലി​യോ​ണി​നൊ​പ്പ​വും പി​എ​സ്ജി​യെ​ത്തി. ചാ​മ്പ്യ​ന്‍​സ് ലീ​ഗി​ല്‍ പി​എ​സ്ജി​യു​ടെ തു​ട​ര്‍​ച്ച​യാ​യ 12-ാം സീ​സ​ണ്‍ ആ​ണി​ത്.