പോളച്ചിറയിലെ കോ​ൺ​ക്രീ​റ്റ് മി​ക്സിം​ഗ് പ്ലാ​ന്‍റിനെ​തി​രേ പ്രതിഷേധം ശ​ക്ത​മാകുന്നു
Sunday, July 27, 2025 5:51 AM IST
ചാ​ത്ത​ന്നൂ​ർ: പോ​ള​ച്ചി​റ ഏ​ലാ​യി​ൽ മീ​നാ​ട് പാ​ല​ത്തി​ന് സ​മീ​പം സ്ഥാ​പി​ക്കു​ന്ന കോ​ൺ​ക്രീ​റ്റ് മി​ക്സിം​ഗ് യൂ​ണി​റ്റി​നെ​തി​രേ ത​ദ്ദേ​ശവാ​സി​ക​ളു​ടെ പ്ര​തി​ഷേ​ധം ശ​ക്ത​മാ​വു​ക​യാ​ണ്. പാ​രി​സ്ഥി​തി​ക പ്ര​ശ്ന​ങ്ങ​ളും പ​രി​സ​ര​വാ​സി​ക​ൾ​ക്ക് ആ​രോ​ഗ്യ​പ്ര​ശ്ന​ങ്ങ​ളും ഉ​ണ്ടാ​കു​മെ​ന്ന് ചൂ​ണ്ടി​ക്കാ​ട്ടി​യാ​ണ് മി​ക്സിം​ഗ് പ്ലാ​ന്‍റി​നെ​തി​രേ പ്രതിഷേധം ഉ​യ​രു​ന്ന​ത്. മീ​നാ​ട് പാ​ലം മു​ത​ൽ കോ​ട്ടേ​ക്കു​ന്ന് ക്ഷേ​ത്രം വ​രെ​യു​ള്ള അ​ര കി​ലോ​മീ​റ്റ​ർ ദൂ​ര​ത്തി​ൽ നാ​ല് ക്ര​ഷ​ർ യൂ​ണി​റ്റു​ക​ളും ര​ണ്ട് ഇ​ഷ്ടി​ക ക​മ്പനി​ക​ളും പ്ര​വ​ർ​ത്തി​ക്കു​ന്നു​ണ്ട്.

ഇ​തി​നു പു​റ​മെ​യാ​ണ് കോ​ൺ​ക്രീ​റ്റ് മി​ക്സിം​ഗ് പ്ലാ​ന്‍റ് സ്ഥാ​പി​ക്കാ​നു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്. കൊ​ല്ലം ജി​ല്ല​യി​ലെ ഏ​റ്റ​വും വ​ലി​യ നെ​ൽ കൃ​ഷി​പ്പാ​ട​മാ​ണ് പോ​ള​ച്ചി​റ പു​ഞ്ച. 1500 ഏ​ക്ക​റോ​ള​മാ​ണ് ഇ​തിെ ന്‍റ വി​സ്തൃ​തി. പ്ര​ധാ​ന പ്ര​കൃ​തി​ദ​ത്ത മ​ത്സ്യ ഉ​ല്പാ​ദ​ന കേ​ന്ദ്ര​മാ​ണ് ഈ ​ഏ​ല. സൈ​ബീ​രി​യ തു​ട​ങ്ങി​യ വി​ദൂ​ര​വി​ദേ​ശ​രാ​ജ്യ​ങ്ങ​ളി​ൽ നി​ന്നുവ​രെ ദേ​ശാ​ട​ന പ​ക്ഷി​ക​ൾ എ​ത്തു​ക​യും പ്ര​ജ​ന​നം ന​ട​ത്തു​ന്ന ദേ​ശാ​ട​ന പ​ക്ഷി സ​ങ്കേ​തം കൂ​ടി​യാ​ണ് പോ​ള​ച്ചി​റ.

ന​വം​ബ​ർ പ​കു​തി​യോ​ടെ എ​ത്തി​ച്ചേ​രു​ന്ന ദേ​ശാ​ട​ന പ​ക്ഷി​ക​ൾ ഫെ​ബ്രു​വ​രി​യോ​ടെ​യാ​ണ് മ​ട​ങ്ങി പോ​കു​ന്ന​ത്. പ​ക്ഷി നി​രീ​ക്ഷ​ക​രു​ടെ പ്ര​ധാ​ന താ​വ​ളം കൂ​ടി​യാ​ണ് ഈ ​പ്ര​ദേ​ശം. ക്ര​ഷ​ർ യൂ​ണി​റ്റു​ക​ളു​ടെ പ്ര​വ​ർ​ത്ത​നം തു​ട​ങ്ങി​യ​തോ​ടെ ശ​ക്ത​മാ​യ പാ​രി​സ്ഥി​തി​ക പ്ര​ശ്ന​ങ്ങ​ളും ഉ​ണ്ടെ​ന്നാ​ണ് നാ​ട്ടു​കാ​ർ ആ​രോ​പി​ക്കു​ന്ന​ത്. പൊ​ടി പ​ട​ല​ങ്ങ​ളും മാ​ലി​ന്യ​ങ്ങ​ളും അ​ടി​ഞ്ഞു കൂ​ടി നെ​ൽ​കൃ​ഷി​യെ​യും മ​ത്സ്യ​സ​മ്പ​ത്തി​നെ​യും സാ​ര​മാ​യി ബാ​ധി​ച്ചു തു​ട​ങ്ങി.

ചു​റ്റു​മു​ള്ള ക്ഷീ​ര​ക​ർ​ഷ​ക​ർ​ക്ക് ക​ന്നു​കാ​ലി​ക​ളെ പോ​ള​ച്ചി​റ​യി​ൽ മേ​യാ​ൻ വി​ടാ​നോ പോ​ള​ച്ചി​റ​യി​ലെ പു​ല്ല് അ​രി​ഞ്ഞു കൊ​ടു​ക്കാ​നോ പ​റ്റാ​ത്ത അ​വ​സ്ഥ​യാ​യി. പ​രി​സ്ഥി​തി പ്ര​ത്യാ​ഘാ​ത​ങ്ങ​ൾ ദേ​ശാ​ട​ന പ​ക്ഷി​ക​ളെ​യും ബാ​ധി​ച്ചു തു​ട​ങ്ങി.​സ്വ​കാ​ര്യ ക​മ്പ​നി​യു​ടെ നാ​ല് ക്ര​ഷ​ർ യൂ​ണി​റ്റു​ക​ളി​ൽ ര​ണ്ടെ​ണ്ണം ചാ​ത്ത​ന്നൂ​ർ പ​ഞ്ചാ​യ​ത്തി​ലും ര​ണ്ട് ക്ര​ഷ​ർ യൂ​ണി​റ്റു​ക​ൾ ചി​റ​ക്ക​ര പ​ഞ്ചാ​യ​ത്തി​ലു​മാ​ണ്.
ചി​റ​ക്ക​ര പ​ഞ്ചാ​യ​ത്തി​ൽ പ്ര​വ​ർ​ത്തി​ക്കു​ന്ന ക്ര​ഷ​ർ യൂ​ണി​റ്റു​ക​ൾ​ക്ക് പ​ഞ്ചാ​യ​ത്തി െന്‍റ ലൈ​സ​ൻ​സ് ഇ​ല്ലെ​ന്നാ​ണ് അ​റി​യു​ന്ന​ത്.

ഇ​തി​നു പു​റ​മെ പ​ര​മ്പ​രാ​ഗ​ത​മാ​യി ഉ​ണ്ടാ​യി​രു​ന്ന ചു​ടു​ക​ട്ട ക​മ്പ​നി​ക​ളു​ടെ പു​ക​യും കൂ​ടി​യാ​യ​തോ​ടെ പ്ര​ദേ​ശ​ത്തെ ജ​ന​ങ്ങ​ൾ​ക്ക് തീ​രാ​ദുഃ​ഖ​മാ​ണ് സ​മ്മാ​നി​ക്കു​ന്ന​ത്.

ചി​റ​ക്ക​ര പ​ഞ്ചാ​യ​ത്ത്‌ പ​രി​ധി​യി​ൽ ക​ട്ട​ചൂ​ള പ്ര​വ​ർ​ത്തി​ച്ചു വ​ന്നി​രു​ന്ന സ്ഥ​ല​ത്താ​ണ് കോ​ൺ​ക്രീ​റ്റ് മി​ക്സി​ംഗ് പ്ലാ​ന്‍റി െ ന്‍റ നി​ർ​മാ​ണ​പ്ര​വ​ർ​ത്തി​ക​ൾ ന​ട​ക്കു​ന്ന​ത്. പ​ഞ്ചാ​യ​ത്ത് മി​ക്സിം​ഗ് പ്ലാ​ന്‍റി​ന് ലൈ​സ​ൻ​സ് ന​ല്കി​യി​ട്ടി​ല്ലെ​ന്ന് പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് കെ.​സു​ജ​യ്കു​മാ​ർ പ​റ​ഞ്ഞു.​ഇ​ത്തി​ക്ക​ര​യാ​റി െ ന്‍റ തീ​ര​മാ​യ ഇ​വി​ടം പ​രി​സ്ഥി​തി ലോ​ല പ്ര​ദേ​ശ​വു​മാ​ണ്. അ​ത് കൊ​ണ്ട് ത​ന്നെ ഇ​വി​ടെ നി​ർ​മാ ണ​പ്ര​വ​ർ​ത്തി​ക​ൾ​ക്ക് പ​രി​സ്ഥി​തി മ​ന്ത്രാ​ല​യ​ത്തി െന്‍റ അ​നു​മ​തി അ​നി​വാ​ര്യ​മാ​ണ്.

എ​ന്നാ​ൽ ഇ​തെ​ല്ലാം കാ​റ്റി​ൽ പ​റ​ത്തി​യാ​ണ്‌ കോ​ൺ​ക്രീ​റ്റ് മി​ക്സിം​ഗ് പ്ലാ​ന്‍റ് കൂ​ടി പ്ര​ദേ​ശ​ത്ത് സ്ഥാ​പി​ക്കു​ന്ന​ത്.​ഇ​തി​നെ​തി​രെ ശ​ക്ത​മാ​യ ജ​ന​കീ​യ പ്ര​ക്ഷോ​ഭ​മാ​ണ് ഉ​യ​രു​ന്ന​ത്. മി​ക്സിം​ഗ് പ്ലാ​ന്‍റി​ന് അ​നു​മ​തി ന​ല്ക​രു​തെ​ന്നാ​വ​ശ്യ​പ്പെ​ട്ട് ചാ​ത്ത​ന്നൂ​ർ ​പ​ഞ്ചാ​യ​ത്തം​ഗം ബീ​ന രാ​ജ െ ന്‍റ നേ​തൃ​ത്വ​ത്തി​ൽ പ​രി​സ​ര​വാ​സി​ക​ൾ ചി​റ​ക്ക​ര പ​ഞ്ചാ​യ​ത്തി​ന് നി​വേ​ദ​നം ന​ൽ​കി​യി​ട്ടു​ണ്ട്. പ​ഞ്ചാ​യ​ത്തി െന്‍റ അ​നു​മ​തി​യോ​ടെ​യ​ല്ല നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​തെ​ന്നാ​ണ് ചി​റ​ക്ക​ര ഗ്രാ​മ​പ​ഞ്ചാ​യ​ത്തി െന്‍റ വി​ശ​ദീ​ക​ര​ണം.
Copyright @ 2018 , Rashtra Deepika Ltd.