സം​സ്ഥാ​ന പു​ര​സ്‌​കാ​രം നേ​ടി​യ "കാ​ട​ക​ല'​ത്തി​ന്‍റെ തി​ര​ക്ക​ഥാ​കൃ​ത്ത് ജി​ന്‍റോ തോ​മ​സ് സം​വി​ധാ​നം ചെ​യ്ത ഇ​രു​നി​റം റി​ലീ​സി​നൊ​രു​ങ്ങി. ര​ജ​നീ​കാ​ന്ത് സി​നി​മ വേ​ട്ട​യാ​നി​ലൂ​ടെ ദേ​ശീ​യ​ശ്ര​ദ്ധ നേ​ടി​യ ത​ന്മ​യ സോ​ളാ​ണു പ്ര​ധാ​ന​വേ​ഷ​ത്തി​ല്‍. പൊ​തു​സ​മൂ​ഹ​ത്തി​ല്‍ നി​ല​നി​ല്‍​ക്കു​ന്ന ക​റു​പ്പും വെ​ളു​പ്പു​മെ​ന്ന വേ​ര്‍​തി​രി​വ് അ​മ്പി​ളി എ​ന്ന ഏ​ഴാം ക്ലാ​സു​കാ​രി​യി​ലു​ണ്ടാ​ക്കു​ന്ന പ്ര​ശ്‌​ന​ങ്ങ​ളാ​ണു സി​നി​മ പ​റ​യു​ന്ന​ത്.

"ഇ​പ്പോ​ഴും ജാ​തി, നി​റം ചി​ന്ത​ക​ളു​മാ​യി ജീ​വി​ക്കു​ന്ന​വ​രോ​ടാ​ണ് ഈ ​സി​നി​മ സം​സാ​രി​ക്കു​ന്ന​ത്. വെ​ളു​പ്പും ക​റു​പ്പു​മെ​ന്നു വേ​ര്‍​തി​രി​ക്കു​ന്ന ഒ​രു മ​തി​ല്‍ ഇ​പ്പോ​ഴും ഇ​വി​ടെ​യു​ണ്ട്. ആ ​മ​തി​ലാ​ണു ന​മ്മ​ള്‍ ത​ക​ര്‍​ക്കാ​ന്‍ ശ്ര​മി​ക്കു​ന്ന​ത്'- ജി​ന്‍റോ തോ​മ​സ് സ​ണ്‍​ഡേ ദീ​പി​ക​യോ​ടു പ​റ​ഞ്ഞു.

സി​നി​മ​യി​ലെ​ത്തി​യ​ത്...

ച​ക്കി​ട്ട​പ്പാ​റ എ​ന്ന മ​ല​യോ​ര​ഗ്രാ​മ​ത്തി​ല്‍ ഒ​രു ക​ര്‍​ഷ​ക​ന്‍റെ മ​ക​നാ​യാ​ണു ഞാ​ന്‍ ജ​നി​ച്ച​ത്. ചെ​റു​പ്പം​തൊ​ട്ടു​ള്ള ആ​ഗ്ര​ഹ​മാ​ണു സി​നി​മ. സി​ബി മ​ല​യി​ലി​ന്‍റെ കൊ​ച്ചി​യി​ലെ ഫി​ലിം സ്‌​കൂ​ളാ​ണ് അ​തി​ലേ​ക്കു വാ​തി​ല്‍​തു​റ​ന്ന​ത്.

അ​വി​ടെ ഡ​യ​റ​ക്‌​ഷ​ന്‍ പ​ഠ​ന​ശേ​ഷം പ​ര​സ്യ​ചി​ത്ര​ങ്ങ​ളി​ല്‍ സ​ഹാ​യി​യാ​യി. ലി​യോ ത​ദേ​വൂ​സി​ന്‍റെ സി​നി​മാ​ക്കാ​ര​ന്‍, ലോ​ന​പ്പ​ന്‍റെ മാ​മോ​ദീ​സ എ​ന്നീ സി​നി​മ​ക​ളി​ല്‍ സ്‌​ക്രി​പ്റ്റ് തൊ​ട്ട് എ​ല്ലാ കാ​ര്യ​ങ്ങ​ളി​ലും അ​സി​സ്റ്റ​ന്‍റാ​യി.

പി​ന്നീ​ടു "കാ​ട​ക​ലം' എ​ന്ന സി​നി​മ​യി​ല്‍ ഡോ​ക്ട​ര്‍ സ​ഖി​ല്‍ ര​വീ​ന്ദ്ര​ന്‍റെ മു​ഖ്യ സം​വി​ധാ​ന​സ​ഹാ​യി​യും തി​ര​ക്ക​ഥാ​കൃ​ത്തു​മാ​യി. ഡോ​ക്ട​റു​ടെ ജീ​വി​ത​ത്തി​ല്‍ ന​ട​ന്ന ഒ​രു ക​ഥ​യാ​ണ​ത്. ആ​ദി​വാ​സി​ക​ളു​ടെ പ്ര​ശ്‌​ന​ങ്ങ​ള്‍ ഒ​രു കു​ട്ടി​യി​ലൂ​ടെ പ​റ​യു​ന്ന​തു​കൊ​ണ്ട് ആ ​ക​ഥ​യോ​ട് ഇ​ഷ്ടം​തോ​ന്നി.

സം​സ്ഥാ​ന പു​ര​സ്‌​കാ​രം നേ​ടി​യ ബാ​ല​താ​രം ഡാ​വി​ഞ്ചി സ​തീ​ഷ് മു​ഖ്യ​ക​ഥാ​പാ​ത്ര​മാ​യി അ​ഭി​ന​യി​ച്ചു. ഡാ​വി​ഞ്ചി​യു​ടെ അ​ച്ഛ​ന്‍ സ​തീ​ഷും കോ​ട്ട​യം പു​രു​ഷ​നും മ​റ്റു വേ​ഷ​ങ്ങ​ളി​ലെ​ത്തി. ഒ​ര​ച്ഛ​ന്‍റെ​യും മ​ക​ന്‍റെ​യും ക​ഥ​യാ​ണ​ത്.

കാ​ടും ആ​ദി​വാ​സി​ക​ളും അ​വ​രു​ടെ പ്ര​ശ്‌​ന​ങ്ങ​ളും കാ​ടി​ന്‍റെ നി​ല​നി​ല്‍​പ്പു​മാ​ണു സി​നി​മ പ​റ​യു​ന്ന​ത്. കാ​ട​ക​ലം ര​ണ്ടു സം​സ്ഥാ​ന പു​ര​സ്‌​കാ​ര​ങ്ങ​ള്‍ നേ​ടി. കു​ട്ടി​ക​ളു​ടെ മി​ക​ച്ച സി​നി​മ​യ്ക്കു​ള്ള പു​ര​സ്‌​കാ​രം. ബി.​കെ. ഹ​രി​നാ​രാ​യ​ണ​നു മി​ക​ച്ച ഗാ​ന​ര​ച​ന​യ്ക്കു പു​ര​സ്‌​കാ​രം.

പി​ന്നീ​ടു പ്ര​തി​ലി​പി നി​ര്‍​മി​ച്ച് ബു​ക്ക് മൈ ​ഷോ​യി​ല്‍ റി​ലീ​സാ​യ പ​ട​ച്ചോ​ന്‍റെ ക​ഥ​ക​ള്‍ എ​ന്ന ആ​ന്തോ​ള​ജി സി​നി​മ​യി​ല്‍ "അ​ന്തോ​ണി' എ​ന്ന സെ​ഷ​ന്‍ സം​വി​ധാ​നം ചെ​യ്തു.

ഇ​രു​നി​റം



"അ​ന്തോ​ണി'​യു​ടെ തി​ര​ക്ക​ഥാ​കൃ​ത്ത് വി​ഷ്ണു കെ. ​മോ​ഹ​നാ​ണു പു​തി​യ ചി​ത്രം ഇ​രു​നി​റ​ത്തി​നും ക​ഥ​യും തി​ര​ക്ക​ഥ​യു​മൊ​രു​ക്കി​യ​ത്. മ​നോ​ഹ​ര​മാ​യ ഒ​രു ഗ്രാ​മ​ത്തി​ലാ​ണ് വി​ല്ലേ​ജ് ഓ​ഫീ​സ് ജീ​വ​ന​ക്കാ​ര​ന്‍ വേ​ണു​വി​ന്‍റെ​യും മ​ക​ള്‍ അ​മ്പി​ളി​യു​ടെ​യും താ​മ​സം.

അ​മ്പി​ളി​യു​ടെ അ​മ്മ മ​ര​ണ​പ്പെ​ട്ട​താ​ണ്. ഇ​രു​വ​രും ദ​ളി​ത​രും ക​റു​ത്ത നി​റ​മു​ള്ള​വ​രു​മാ​ണ്. അ​തു​കൊ​ണ്ടു​ത​ന്നെ ഇ​വ​ര്‍ ജാ​തി​വി​വേ​ച​ന​വും വ​ര്‍​ണ​വി​വേ​ച​ന​വും നേ​രി​ടു​ന്നു. സം​വ​ര​ണ​ത്തി​ലൂ​ടെ ജോ​ലി നേ​ടി​യ​തി​നാ​ല്‍ വേ​ണു​വി​ന്‍റെ പ​ഠി​പ്പി​നെ​പ്പോ​ലും ഒ​പ്പം ജോ​ലി ചെ​യ്യു​ന്ന​വ​ര്‍ അം​ഗീ​ക​രി​ക്കു​ന്നി​ല്ല.

അ​ധ്യാ​പ​ക​രും സ​ഹ​പാ​ഠി​ക​ളും ക​ളി​യാ​ക്കു​ന്ന​തി​നാ​ല്‍ സ്‌​കൂ​ളി​ല്‍ പോ​കു​ന്നി​ല്ലെ​ന്ന് അ​മ്പി​ളി തീ​രു​മാ​നി​ക്കു​ന്നു. അ​മ്പി​ളി​യെ തി​രി​കെ സ്‌​കൂ​ളി​ലെ​ത്തി​ക്കാ​ൻ അ​വ​ളു​ടെ ടീ​ച്ച​ര്‍ ന​ട​ത്തു​ന്ന ശ്ര​മ​ങ്ങ​ളാ​ണു ക​ഥ.

ഇ​രു​നി​റം പ​റ​യു​ന്ന​ത്...

സ്‌​കൂ​ളി​ല്‍​നി​ന്നു​ള്ള വി​വേ​ച​ന​ങ്ങ​ളു​ടെ പ​ശ്ചാ​ത്ത​ല​ത്തി​ല്‍ എ​ങ്ങ​നെ​യെ​ങ്കി​ലും വെ​ളു​ക്ക​ണ​മെ​ന്ന് അ​മ്പി​ളി തീ​രു​മാ​നി​ക്കു​ന്നു. വെ​ളു​പ്പാ​ണ് ഏ​റ്റ​വും ന​ല്ല നി​റ​മെ​ന്നും വെ​ളു​ത്താ​ല്‍ മാ​ത്ര​മേ സ​ഹ​പാ​ഠി​ക​ള്‍ പോ​ലും ത​ന്നെ അം​ഗീ​ക​രി​ക്കു​ക​യു​ള്ളൂ എ​ന്നു​മാ​യി അ​വ​ളു​ടെ ചി​ന്ത.

ഏ​റ്റ​വും ന​ല്ല നി​റം ക​ണ്ടെ​ത്തി​യാ​ല്‍ വെ​ളു​ക്കാ​നു​ള്ള മ​രു​ന്നു പ​റ​ഞ്ഞു​ത​രാ​മെ​ന്ന് അ​മ്പി​ളി​യു​ടെ ടീ​ച്ച​ര്‍. അ​ങ്ങ​നെ ലോ​ക​ത്തി​ലെ ഏ​റ്റ​വും ന​ല്ല നി​റം തേ​ടി​യു​ള്ള അ​മ്പി​ളി​യു​ടെ യാ​ത്ര​യാ​ണ് ഈ ​സി​നി​മ.

നി​റം, ജാ​തി എ​ന്നി​വ​യു​മാ​യി ബ​ന്ധ​പ്പെ​ട്ടു ലോ​ക​ത്തി​ന്‍റെ വി​വി​ധ​യി​ട​ങ്ങ​ളി​ല്‍ ന​ട​ന്ന ചി​ല സം​ഭ​വ​ങ്ങ​ളു​ടെ പ​ശ്ചാ​ത്ത​ല​ത്തി​ലാ​ണ് ഈ ​ക​ഥ രൂ​പ​പ്പെ​ടു​ത്തി​യ​ത്. ഒ​രു കു​ട്ടി​യു​ടെ ലോ​ക​ത്തു​നി​ന്ന് ന​മ്മ​ള്‍ ആ ​ക​ഥ പ​റ​യു​ന്നു.

കേ​ര​ള​ത്തി​ല്‍ പോ​ലും തൊ​ലി ക​റു​ത്തു​പോ​യെ​ന്നു പ​റ​ഞ്ഞ് ഒ​രു പെ​ണ്ണ് ജീ​വ​നൊ​ടു​ക്കി​യ സം​ഭ​വ​മു​ണ്ട്. വെ​ളു​ക്ക​ണ​മെ​ന്ന തെ​റ്റി​ദ്ധാ​ര​ണ നി​ല​നി​ര്‍​ത്തി വ​ന്‍​കി​ട ക​മ്പ​നി​ക​ള്‍ ഈ ​സ​മൂ​ഹ​ത്തെ സൗ​ന്ദ​ര്യ​വ​ര്‍​ധ​ക വ​സ്തു​ക്ക​ളു​ടെ മാ​ര്‍​ക്ക​റ്റാ​ക്കി മാ​റ്റി​യ കാ​ഴ്ച​ക​ളു​ണ്ട്. നി​റ​ത്തി​ന്‍റെ പേ​രി​ല്‍ അ​ധി​ക്ഷേ​പം നേ​രി​ട്ട​താ​യി മു​ന്‍ ചീ​ഫ് സെ​ക്ര​ട്ട​റി​യു​ടെ വെ​ളി​പ്പെ​ടു​ത്ത​ല്‍ വ​ന്ന​ത് അ​ടു​ത്തി​ടെ​യാ​ണ്.



എ​ത്ര​ത​ന്നെ നി​ഷേ​ധി​ച്ചാ​ലും ന​മ്മു​ടെ​യെ​ല്ലാം ഉ​ള്ളി​ന്‍റെ​യു​ള്ളി​ല്‍​നി​ന്നു പ​ല​പ്പോ​ഴും ജാ​തി​യും നി​റ​വു​മെ​ല്ലാം പൊ​ന്തി​വ​രു​ന്നു​ണ്ട്. അ​മേ​രി​ക്ക​യി​ല്‍ പോ​ലും അ​തു സം​ഭ​വി​ച്ചു. അ​വി​ടെ ക​റു​ത്ത​വ​ര്‍​ഗ​ക്കാ​ര​നാ​യ ഒ​രു ക​ള്ള​നെ ഒ​രു പോ​ലീ​സു​കാ​ര​ന്‍ ച​വി​ട്ടി ശ്വാ​സം​മു​ട്ടി​ച്ചു കൊ​ന്ന സം​ഭ​വം ഓ​ര്‍​മ​യി​ല്ലേ. യൂ​റോ​പ്പി​ലേ​ക്കു പോ​യാ​ല്‍ എ​പ്പോ​ഴും നി​റം പ​റ​യു​ന്നു.

ഇ​ന്ത്യ​യി​ലേ​ക്കു വ​രു​മ്പോ​ള്‍ എ​പ്പോ​ഴും ജാ​തി പ​റ​യു​ന്നു. ജാ​തി​ക്കു​ള്ളി​ല്‍​പ്പോ​ലും നി​റം മാ​റി​യാ​ല്‍ വി​വേ​ച​ന​ചി​ന്ത​ക​ളു​ടെ വി​ള​യാ​ട്ട​മാ​ണ്. പ​ക്ഷേ, മു​ടി വെ​ളു​ത്താ​ല്‍ ഉ​ട​ന്‍ ക​റു​പ്പി​ക്കാ​ന്‍ നെ​ട്ടോ​ട്ട​മോ​ടും! നി​റ​ത്തി​ന്‍റെ​യോ ജാ​തി​യു​ടെ​യോ രൂ​പ​ത്തി​ന്‍റെ​യോ പേ​രി​ല്‍ ആ​രും മാ​റ്റി​നി​ര്‍​ത്ത​പ്പെ​ട​രു​ത്.

ചോ​ര​യ്ക്കും ക​ണ്ണീ​രി​നു​മൊ​ന്നും ജാ​തി​യി​ല്ല​ല്ലോ. മ​നു​ഷ്യ​നെ മ​നു​ഷ്യ​നാ​യി​ത്ത​ന്നെ തി​രി​ച്ച​റി​യ​ണ​മെ​ന്നു പ​റ​യു​ന്ന സി​നി​മ​യാ​ണി​ത്.

ദി​നീ​ഷ് ആ​ല​പ്പി, ജി​യോ ബേ​ബി...

നാ​യാ​ട്ട്, ആ​ര്‍​ഡി​എ​ക്‌​സ് ഫെ​യിം ദി​നീ​ഷ് ആ​ല​പ്പി​യാ​ണു വേ​ണു​വി​ന്‍റെ വേ​ഷ​ത്തി​ല്‍. ജി​യോ ബേ​ബി, നി​ഷ സാ​രം​ഗ്, പ്ര​ദീ​പ് ബാ​ല​ന്‍, ക​ബ​നി സാ​റ, ഗ്രേ​റ്റ് ഇ​ന്ത്യ​ന്‍ കി​ച്ച​നി​ല്‍ സു​രാ​ജി​ന്‍റെ അ​മ്മ​വേ​ഷം ചെ​യ്ത അ​ജി​ത, പോ​ള്‍ ഡി. ​ജോ​സ​ഫ് തു​ട​ങ്ങി​യ​വ​ര്‍ മ​റ്റു വേ​ഷ​ങ്ങ​ളി​ലും.

ഛായാ​ഗ്ര​ഹ​ണം റെ​ജി ജോ​സ​ഫ്. എ​ഡി​റ്റിം​ഗ്, ഡി​എ പ്ര​ഹ്‌​ളാ​ദ് പു​ത്ത​ഞ്ചേ​രി. മ്യൂ​സി​ക്, ബാ​ക്ക് ഗ്രൗ​ണ്ട് സ്‌​കോ​ര്‍ സാ​ന്‍​ഡി. ഗാ​ന​ര​ച​ന ഷം​സു​ദീ​ന്‍ കു​ട്ടോ​ത്ത്, അ​ര്‍​ജു​ന്‍ ആ​മ്പ.

നി​ര്‍​മാ​ണം സി​ജി മാ​ളോ​ല​യു​ടെ മാ​ളോ​ല പ്രൊ​ഡ​ക്ഷ​ന്‍​സ്. വി​യ​റ്റ്‌​നാം, കൊ​റി​യ ഫെ​സ്റ്റി​വ​ലു​ക​ളി​ല്‍ കു​ട്ടി​ക​ളു​ടെ മി​ക​ച്ച ചി​ത്ര​മാ​യി ഇ​രു​നി​റം. മി​ക​ച്ച ന​വാ​ഗ​ത പ്ര​തി​ഭ​യ്ക്കു​ള്ള ക്രി​ട്ടി​ക്‌​സ് സ്പെ​ഷ​ൽ ജൂ​റി അ​വാ​ര്‍​ഡും ഇ​രു​നി​റ​ത്തി​ലൂ​ടെ ക​ര​ഗ​ത​മാ​യി.

നാ​ട​ക​ന​ട​ന്‍ മു​ഹ​മ്മ​ദ് പേ​രാ​മ്പ്ര​യു​ടെ ജീ​വി​തം പ​റ​യു​ന്ന ഡോ​ക്യു​മെ​ന്‍റ​റി​യാ​ണ് ജി​ന്‍റോ തോ​മ​സ്‍ ഇ​പ്പോ​ള്‍ സം​വി​ധാ​നം ചെ​യ്യു​ന്ന​ത്.