അ​മ്പ​ല​ത്ത​റ: ദേ​ശീ​യ​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട് പ​ല​വി​ധ​ത്തി​ലു​ള്ള ദു​രി​ത​ങ്ങ​ളാ​ണ് പാ​ത ക​ട​ന്നു​പോ​കു​ന്ന പ്ര​ദേ​ശ​ങ്ങ​ളി​ലെ​ല്ലാം ഉ​ണ്ടാ​കു​ന്ന​ത്. എ​ന്നാ​ൽ ദേ​ശീ​യ​പാ​ത​യി​ൽ നി​ന്നു കി​ലോ​മീ​റ്റ​റു​ക​ളോ​ളം അ​ക​ലെ​യു​ള്ള മീ​ങ്ങോ​ത്ത് ഗ്രാ​മ​ത്തി​ലു​ള്ള​വ​ർ​ക്ക് പാ​ത​യു​ടെ നി​ർ​മാ​ണ​വു​മാ​യി ബ​ന്ധ​പ്പെ​ട്ട് സ​ഹി​ക്കേ​ണ്ടി​വ​രു​ന്ന​ത് മ​റ്റൊ​രു ത​ര​ത്തി​ലു​ള്ള ദു​രി​ത​മാ​ണ്.

മീ​ങ്ങോ​ത്തി​ന് സ​മീ​പം പ​ന്നി​ക്കു​ന്നി​ലാ​ണ് ദേ​ശീ​യ​പാ​ത നി​ർ​മാ​ണ ക​രാ​റു​കാ​രാ​യ മേ​ഘ എ​ൻ​ജി​നി​യ​റിം​ഗി​ന്‍റെ കോ​ൺ​ക്രീ​റ്റ് മി​ക്സിം​ഗ് പ്ലാ​ന്‍റ് പ്ര​വ​ർ​ത്തി​ക്കു​ന്ന​ത്. സ്വ​കാ​ര്യ വ്യ​ക്തി​യു​ടെ ഉ​ട​മ​സ്ഥ​ത​യി​ലു​ള്ള ആ​റേ​ക്ക​റി​ല​ധി​കം സ്ഥ​ലം പ്ലാ​ന്‍റ് പ്ര​വ​ര്ത്തി​ക്കു​ന്ന​തി​നാ​യി വാ​ട​ക​യ്ക്ക് ന​ല്കു​ക​യാ​യി​രു​ന്നു. ഇ​വി​ടെ​നി​ന്ന് കോ​ൺ​ക്രീ​റ്റ് മി​ശ്രി​തം ക​ല​ർ​ന്ന മ​ലി​ന​ജ​ലം അ​ടു​ത്തു​ള്ള കൃ​ഷി​യി​ട​ങ്ങ​ളി​ലേ​ക്കും ജ​ല​സ്രോ​ത​സ്സു​ക​ളി​ലേ​ക്കും ഒ​ഴു​കി​യെ​ത്തു​ന്ന​താ​ണ് നാ​ട്ടു​കാ​ർ​ക്ക് ദു​രി​ത​മാ​കു​ന്ന​ത്.

നി​ര​വ​ധി പേ​രു​ടെ കൃ​ഷി​യി​ട​ങ്ങ​ൾ​ക്കി​ട​യി​ലൂ​ടെ ഒ​ഴു​കു​ന്ന മ​ലി​ന​ജ​ലം മീ​ങ്ങോ​ത്ത് ചാ​ൽ വ​ഴി പു​ല്ലൂ​ർ തോ​ട്ടി​ലേ​ക്കാ​ണ് ചെ​ന്നു​ചേ​രു​ന്ന​ത്. ഈ ​വെ​ള്ള​ത്തി​ൽ ഹാ​നി​ക​ര​മാ​യ രാ​സ​മൂ​ല​ക​ങ്ങ​ളു​ൾ​പ്പെ​ടെ അ​ട​ങ്ങി​യി​ട്ടു​ണ്ടെ​ന്ന് പ​രി​ശോ​ധ​ന​യി​ൽ ക​ണ്ടെ​ത്തി​യി​രു​ന്നു. കൃ​ഷി​യി​ട​ങ്ങ​ളി​ലൂ​ടെ ഒ​ഴു​കി​പ്പ​ര​ക്കു​ന്ന കോ​ൺ​ക്രീ​റ്റ് മി​ശ്രി​തം അ​വി​ട​വി​ടെ ഉ​റ​ച്ചു​ക​ട്ടി​യാ​കു​ന്ന​ത് മൂ​ല​മു​ണ്ടാ​കു​ന്ന പ്ര​ശ്നം വേ​റെ​യും.

നേ​ര​ത്തേ നാ​ട്ടു​കാ​രു​ടെ പ​രാ​തി​യെ തു​ട​ർ​ന്ന് പു​ല്ലൂ​ർ-​പെ​രി​യ പ​ഞ്ചാ​യ​ത്ത് പ്ര​സി​ഡ​ന്‍റ് സി.​കെ. അ​ര​വി​ന്ദാ​ക്ഷ​ൻ ഇ​ട​പെ​ട്ട് മ​ലി​ന​ജ​ലം ഉ​റ​വി​ട​ത്തി​ൽ​വ​ച്ചു​ത​ന്നെ സം​സ്ക​രി​ച്ച​തി​നു ശേ​ഷം ഒ​ഴു​ക്കി​വി​ടു​ന്ന​തി​ന് കൃ​ത്യ​മാ​യ ഡ്രെ​യി​നേ​ജ് സം​വി​ധാ​നം ഒ​രു​ക്ക​ണ​മെ​ന്ന് ക​മ്പ​നി അ​ധി​കൃ​ത​രോ​ട് ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ ക​മ്പ​നി അ​ധി​കൃ​ത​ർ ഇ​ക്കാ​ര്യം ന​ട​പ്പാ​ക്കി​യി​ല്ല. സി​മ​ന്‍റും ജി​ല്ലി​യും ക​ല​ർ​ന്ന വെ​ള്ളം റ​ബ​ർ തോ​ട്ട​ങ്ങ​ൾ​ക്കു ന​ടു​വി​ലും വ​യ​ലു​ക​ളി​ലു​മെ​ല്ലാം പ​ര​ന്നൊ​ഴു​കി അ​വി​ട​വി​ടെ ഉ​റ​ച്ച് ക​ട്ടി​യാ​വു​ക​യാ​ണ്. ക​ഴി​ഞ്ഞ മൂ​ന്നു​വ​ർ​ഷ​മാ​യി ഈ ​ദു​രി​തം സ​ഹി​ക്കു​ക​യാ​ണെ​ന്നും ഇ​നി​യും എ​ത്ര​കാ​ലം തു​ട​രേ​ണ്ടി​വ​രു​മെ​ന്നാ​ണ് ആ​ശ​ങ്ക​യെ​ന്നും നാ​ട്ടു​കാ​ർ പ​റ​യു​ന്നു.

സി​മ​ന്‍റ് പൊ​ടി പ​റ​ന്ന് ക​മു​കു​ക​ളു​ടെ​യും തെ​ങ്ങു​ക​ളു​ടെ​യും പൂ​ക്കു​ല​ക​ളി​ൽ പ​റ്റി​പ്പി​ടി​ച്ച് ഉ​ണ​ങ്ങി​ക്കി​ട​ക്കു​ക​യാ​ണ്. തേ​ങ്യു​ട​യും അ​ട​യ്ക്ക​യു​ടെ​യും ഉ​ല്പാ​ദ​നം ഗ​ണ്യ​മാ​യി കു​റ​ഞ്ഞു. മ​ലി​ന​ജ​ലം വ​യ​ലു​ക​ളി​ൽ പ​ര​ന്നൊ​ഴു​കി​യ​ത് നെ​ൽ​കൃ​ഷി​യേ​യും സാ​ര​മാ​യി ബാ​ധി​ച്ചു.

ദേ​ശീ​യ​പാ​ത​യു​ടെ പ​ണി ക​ഴി​ഞ്ഞ് ക​മ്പ​നി അ​ധി​കൃ​ത​ർ പൊ​ടി​യും ത​ട്ടി പോ​യാ​ലും മീ​ങ്ങോ​ത്ത് ഗ്രാ​മ​വാ​സി​ക​ൾ​ക്ക് ഈ ​മ​ലി​നീ​ക​ര​ണം മൂ​ല​മു​ണ്ടാ​യ ദു​രി​തം പി​ന്നെ​യും കാ​ല​ങ്ങ​ളോ​ളം സ​ഹി​ക്കേ​ണ്ടി​വ​രും.

ക​മ്പ​നി​യു​ടെ ആ​വ​ശ്യ​ത്തി​നാ​യി അ​ടു​ത്ത​ടു​ത്ത് ഏ​ഴു കു​ഴ​ൽ​കി​ണ​റു​ക​ൾ കു​ഴി​ച്ച​തി​നാ​ൽ വേ​ന​ൽ​ക്കാ​ല​ത്ത് പ്ര​ദേ​ശ​ത്ത് ജ​ല​ക്ഷാ​മ​വും അ​നു​ഭ​വ​പ്പെ​ടാ​ൻ തു​ട​ങ്ങി. കോ​ൺ​ക്രീ​റ്റ് മി​ക്സിം​ഗ് പ്ലാ​ന്‍റി​ലേ​ക്കും തി​രി​ച്ചു​മു​ള്ള ഭാ​ര​വാ​ഹ​ന​ങ്ങ​ൾ നി​ര​ന്ത​ര​മാ​യി ഓ​ടാ​ൻ തു​ട​ങ്ങി​യ​തോ​ടെ ചാ​ലി​ങ്കാ​ൽ-​അ​മ്പ​ല​ത്ത​റ റോ​ഡ് പാ​ടേ ത​ക​ർ​ന്നു.

ഈ ​റോ​ഡ് പി​ന്നീ​ട് ക​മ്പ​നി ത​ന്നെ ഏ​റ്റെ​ടു​ത്ത് അ​റ്റ​കു​റ്റ​പ​ണി​ക​ൾ ന​ട​ത്തു​ക​യാ​യി​രു​ന്നു.