ADVERTISEMENT

ADVERTISEMENT

ക്രിയേറ്റീവ് കോർണർ പദ്ധതി ആരംഭിച്ചു

തൊടുപുഴ: സംസ്ഥാനത്തെ തെരഞ്ഞെടുക്കപ്പെട്ട 300 സ്കൂളുകളിൽ അനുവദിച്ച ക്രിയേറ്റീവ് കോർണർ പദ്ധതി അരിക്കുഴ ഗവ. ഹൈസ്കൂളിൽ ആരംഭിച്ചു. ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ കെ.ജി. സത്യൻ ഉദ്ഘാടനം ചെയ്തു. അഞ്ചുലക്ഷം രൂപ ചെലവഴിച്ചാണ് കുട്ടികൾക്കായി ക്രിയേറ്റീവ് കോർണർ ഒരുക്കിയിരിക്കുന്നത്.

പിടിഎ പ്രസിഡന്‍റ് സി.കെ. ലതീഷ് അധ്യക്ഷത വഹിച്ചു. പഞ്ചായത്തംഗങ്ങളായ വി.ബി. ദിലീപ് കുമാർ ,എ.എൻ. ദാമോദരൻ നന്പൂതിരി , ഹെഡ്മാസ്റ്റർ എഫ്.അനിൽ മിരാൻഡ, എൽപി ഹെഡ്മിസ്ട്രസ് കെ.കെ. ശ്രീദേവി, അദിതി അബിൻ, കെ.വി. കൃഷ്ണകുമാരി, ജോർജ് സേവ്യർ, ജെ.എസ്. ജയശ്രീ എന്നിവർ പ്രസംഗിച്ചു.

ADVERTISEMENT

മഴക്കെടുതി: വൈദ്യുതി ബോർഡിന് നഷ്ടം ആറു കോടി

തൊടുപുഴ: കഴിഞ്ഞ ഒരു മാസത്തിനിടെ ഉണ്ടായ മഴക്കെടുതികളിൽ ജില്ലയിൽ വൈദ്യുതി ബോർഡിനുണ്ടായത് 5.94 കോടിയുടെ നഷ്ടം. പ്രതികൂല കാലാവസ്ഥയിലും ജീവനക്കാർ മികച്ച പ്രവർത്തനം നടത്തിയതുകൊണ്ടാണ് പരാതികളുടെ എണ്ണം വലിയ തോതിൽ കുറയ്ക്കാനായതെന്ന് തൊടുപുഴ ഇലക്‌ട്രിക്കൽ സർക്കിൾ ഡെപ്യൂട്ടി ചീഫ് എൻജനിയർ കെ. ഇന്ദിര അറിയിച്ചു. മഴയിലും കാറ്റിലും ജില്ലയിലെ 1698 വൈദ്യുതി പോസ്റ്റുകൾക്ക് കേടുപാട് സംഭവിച്ചു. ഇതിൽ 1370 എണ്ണം എൽടി പോസ്റ്റുകളും 328 എണ്ണം എച്ച്ടി പോസ്റ്റുകളുമാണ്. മേയ് 23 മുതൽ ജൂണ്‍ 20 വരെയുള്ള വൈദ്യുതി ബോർഡിന്‍റെ കണക്കുകൾ പ്രകാരമാണിത്. 3175 ട്രാൻസ്ഫോർമറുകളുടെ പ്രവർത്തനത്തെയും മഴ ബാധിച്ചു. ഒരു ട്രാൻസ്ഫോർമർ വെള്ളം കയറി നശിച്ചു. 6,41,028 വൈദ്യുതി കണക്‌ഷനുകളിലെ വിതരണത്തെയും മഴയും കാറ്റും ബാധിച്ചു. വൈദ്യുത ലൈനുകളിൽ മരം വീണ് വൈദ്യുതി മുടക്കമുണ്ടാകുന്ന സന്ദർഭങ്ങളിൽ ഇവ നീക്കം ചെയ്ത് വൈദ്യുതി പുനഃസ്ഥാപിക്കാൻ അധികമായി ജീവനക്കാരെ വിന്യസിച്ചിരുന്നു. ഉത്പാദന വിതരണ വിഭാഗങ്ങളിൽനിന്നാണ് ജില്ലയിലാകെ ജീവനക്കാരെ നിയോഗിച്ചത്. ഇതിനു പുറമേ കരാർ തൊഴിലാളികളുടെ സേവനവും ഉപയോഗപ്പെടുത്തി. ഫയർഫോഴ്സ്, വനം തുടങ്ങിയ വകുപ്പുകളും നാട്ടുകാരും പ്രതിബന്ധങ്ങൾ നീക്കി വൈദ്യുതി വിതരണം പുനഃസ്ഥാപിക്കാൻ സഹകരിച്ചു. വൈദ്യുതി പുനഃസ്ഥാപിക്കൽ പ്രവർത്തനങ്ങൾക്ക് ജില്ലയുടെ ഭൂമിശാസ്ത്രപരമായ ഘടകങ്ങൾ പ്രതികൂലമാകാറുണ്ടെങ്കിലും വൈദ്യുതി മുടക്കം അനന്തമായി നീളുന്ന സ്ഥിതിവിശേഷം നിലവിലില്ലെന്നും അധികൃതർ വ്യക്തമാക്കി. ഉപഭോക്താക്കൾക്ക് പരാതികൾ അറിയിക്കാൻ 1912 എന്ന ടോൾ ഫ്രീ നന്പറിലേക്കു വിളിക്കാം. 9496001912 എന്ന നന്പരിൽ വിളിച്ചോ വാട്സാപ്പ് സന്ദേശമയച്ചോ പരാതി രേഖപ്പെടുത്താം. വൈദ്യുതി ലൈനുകൾ പൊട്ടിക്കിടക്കുന്നതോ മറ്റ് വൈദ്യുതി സംബന്ധമായ അപകടങ്ങളോ ശ്രദ്ധയിൽപ്പെട്ടാൽ പൊതുജനങ്ങൾക്ക് അധികൃതരെ 9496010101 എന്ന നന്പരിൽ അറിയിക്കാം. വൈദ്യുതി തടസം സംബന്ധിച്ച മുന്നറിയിപ്പുകൾ എസ്എംഎസ് മുഖേന ലഭ്യമാക്കുന്നതിനായി ഉപഭോക്താക്കൾക്ക് ssw.kseb.in എന്ന വെബ്സൈറ്റ് സന്ദർശിച്ച് സ്വന്തം മൊബൈൽ നന്പർ അപ്ഡേറ്റ് ചെയ്യാം.

കണ്ടുപഠിക്കാം, ചക്കച്ചുള വിൽപ്പനയിലൂടെ വിജയഗാഥ രചിക്കുന്ന കുടുംബങ്ങളെ

തൊടുപുഴ: ചക്കച്ചുള വിൽപ്പനയിലൂടെ മികച്ച വരുമാനം നേടുന്നതിനൊപ്പം കാർഷിക മേഖലയിൽ സ്വാശ്രയത്വത്തിന്‍റെ വഴിയിൽ വിജയഗാഥ രചിക്കുകയാണ് രണ്ടു കർഷക കുടുംബങ്ങൾ. കുണിഞ്ഞി തോണിക്കത്തടത്തിൽ ഡെന്നി ജോസഫ്, ആലക്കോട് കണ്ടത്തിൽ മോളി ആന്‍റണി എന്നിവരാണ് ചക്കച്ചുള വിൽപ്പനയിലൂടെ ഉയർന്ന വരുമാനം സന്പാദിക്കുന്നത്. ചക്കയുടെ സീസണ്‍ ആരംഭിക്കുന്ന ഡിസംബർ മുതൽ ജൂലൈ വരെയുള്ള കാലയളവിലാണ് ഇവർ ചക്കച്ചുള വിൽപ്പന നടത്തുന്നത്. സ്വന്തം പുരയിടത്തിലെ പ്ലാവിലുണ്ടാകുന്ന ചക്കമാത്രമാണ് ഇവർ വിറ്റഴിക്കുന്നത്. സീസണിൽ 3000- 5000 രൂപ വരെ ദിനംപ്രതി ലഭിക്കും. 25 മുതൽ 30 കിലോവരെ ഇവർ തൊടുപുഴ കാഡ്സ് ഓപ്പണ്‍ മാർക്കറ്റിൽ വിൽപ്പനയ്ക്കെത്തിക്കുന്നുണ്ട്. മറ്റ് ഓർഡറുകൾ ലഭിച്ചാലും ഇവ എത്തിച്ചു നൽകും. ഒരു കിലോയുടെ പായ്ക്കറ്റുകളാക്കിയാണ് നൽകുന്നത്. സ്വന്തം പുരയിടത്തിലെ റബർ ടാപ്പിംഗ് വേണ്ടെന്നുവച്ചാണ് ചക്കച്ചുള വിൽപ്പനയ്ക്കായി ഡെന്നി ജോസഫ് സമയം മാറ്റിവച്ചിരിക്കുന്നത്. ചക്കയുടെ സീസണ്‍ കഴിഞ്ഞുമാത്രമേ ടാപ്പിംഗ് പുനരാരംഭിക്കൂ. രാവിലെ പള്ളിയിൽ പോയി മടങ്ങിയെത്തിയാൽപ്പിന്നെ വലിയ ഏണിയുമെടുത്ത് പുരയിടത്തിലെ പ്ലാവിൻ ചുവട്ടിലേക്ക് നീങ്ങും. ആറരയേക്കർ പുരയിടത്തിൽ 90 നാടൻ പ്ലാവുകളുണ്ട്. ഇതിൽനിന്ന് ആവശ്യത്തിന് ചക്ക ലഭിക്കാറുണ്ട്. ചക്കയുടെ വലിപ്പമനുസരിച്ച് 10-15 എണ്ണം വരെ ഒരുദിവസം ശേഖരിക്കും. പിന്നീട് ഇത് വീട്ടിലെത്തിച്ച് വേഗത്തിൽ വെട്ടിയൊരുക്കി രാവിലെ പത്തിനു മുന്പായി കാഡ്സിന്‍റെ വിപണന കേന്ദ്രത്തിലും മറ്റു കടകളിലും എത്തിക്കും. ഭാര്യ നെസും സഹായത്തിനുണ്ട്. നഴ്സിംഗ് വിദ്യാർഥികളായ ദിവ്യയും ഷോണും വീട്ടിലുള്ളപ്പോൾ ഇരുവരും സഹായിക്കും. പാകമായ ചക്കയുടെ ചുള വെട്ടിയൊരുക്കി ചകിണി കളഞ്ഞ് കുരുവോടുകൂടിയും അല്ലാതെയും വിപണിയിലെത്തിച്ച് നൽകിയാണ് വരുമാനം സന്പാദിക്കുന്നത്. ഡിസംബർ മുതൽ ഓഗസ്റ്റ് വരെ മുടക്കം കൂടാതെ ചക്ക വിപണിയിലെത്തിക്കാൻ കഴിയാറുണ്ടെന്ന് ഡെന്നി പറഞ്ഞു. ചക്കയും ചക്ക ഉത്പന്നങ്ങളും കഴിക്കുന്നതാണ് തന്‍റെ ആരോഗ്യത്തിന്‍റെ രഹസ്യമെന്നും ഡെന്നി പറയുന്നു. വരുമാനം മാത്രമല്ല ആസ്വാദനവും മക്കളെല്ലാം വിദേശത്ത് കഴിയുന്ന മോളി-ആന്‍റണി ദന്പതികൾക്ക് ചക്കച്ചുള വ്യാപാരം വരുമാനം മാത്രമല്ല ജീവിതാസ്വാദനം കൂടിയാണ്. നാലേക്കർ വരുന്ന കൃഷിയിടത്തിൽ 100 പ്ലാവുകൾക്കു പുറമേ റംബുട്ടാൻ, തെങ്ങ് തുടങ്ങിയ കൃഷികളുമുണ്ട്. ഇരുവരും ചേർന്ന് രാവിലെതന്നെ ചക്ക വെട്ടിയൊരുക്കി വിപണിയിലെത്തിക്കും. കൂടുതൽ മൂല്യാധിഷ്ഠിത ഉത്പന്നങ്ങളിലൂടെ ഈ രംഗത്ത് സജീവമാകാനാണ് ഇരുവർക്കും ഇഷ്ടം. മക്കൾ മൂന്നുപേരും വിദേശത്ത് ജോലി ചെയ്യുകയാണ്. അതിനാൽ മറ്റുതിരക്കുകളില്ലാത്തതിനാൽ ചക്കച്ചുള വ്യാപാരവും യാത്രകളുമൊക്കെയായി ജീവിതം ആസ്വാദ്യകരമാക്കുകയാണ് ഇരുവരും. ചക്കപോലെ ഭക്ഷ്യയോഗ്യമായ മറ്റൊരു ഉത്പന്നം മറ്റുള്ളവർക്കുകൂടി ലഭിക്കണമെന്ന ചിന്തയാണ് വരുമാനത്തെക്കാൾ ഉപരി തങ്ങൾക്ക് ഈ ജോലിയുമായി മുന്നോട്ടുപോകാൻ പ്രചോദനമെന്നും മോളി ആന്‍റണി പറയുന്നു. യാതൊരു യന്ത്രസഹായവുമില്ലാതെ ചെറിയകത്തി മാത്രം ഉപയോഗിച്ച് വെട്ടിയൊരുക്കി വിപണിയിലെത്തിക്കാവുന്ന ഒരു മൂല്യവർധിത ഉത്പന്നമാണിത്. വരിക്കയോ കൂഴയോ എന്ന വേർതിരിവില്ലാതെ ചുളയ്ക്ക് വില ലഭിക്കുന്നുണ്ട്. ചക്ക ഉപയോഗിച്ചു പാകപ്പെടുത്തുന്ന ഉത്പന്നങ്ങൾ പ്രമേഹ രോഗികൾക്കും ഏറെ ഗുണകരമാണ്. സീസണിന്‍റെ ആരംഭത്തിൽ ഒരു കിലോ ചക്കച്ചുളയ്ക്ക് 100 രൂപ നിരക്കിലാണ് കർഷകരിൽനിന്ന് വാങ്ങിയിരുന്നതെന്നു കാഡ്സ് ചെയർമാൻ ആന്‍റണി കണ്ടിരിക്കൽ പറഞ്ഞു. ലഭ്യത കൂടുന്പോൾ വിലയിൽ നേരിയ വ്യത്യാസംവരുമെങ്കിലും കർഷകന് നല്ല വില ലഭിക്കാറുണ്ട്. ഇരുചക്രവാഹനത്തിൽ കൊണ്ടുവന്ന് വിപണിയിൽ നൽകി പോകാവുന്ന വിധം ലളിതമാണ് കച്ചവടം. വാങ്ങുന്ന ഉപഭോക്താക്കൾക്ക് കൈയിൽ അരക്കുപോലും പറ്റാതെ അരമണിക്കൂറിനുള്ളിൽ പാകപ്പെടുത്തി കഴിക്കാനും കഴിയും. കർഷകന്‍റെ അധ്വാനത്തിനനുസരിച്ചുള്ള വിലയും വിപണി സാധ്യതയും ലഭിച്ചാൽ ധാരാളം പേർ ഈ രംഗത്തേക്ക് കടന്നുവരികയും പാഴായി പോകുന്ന ഭക്ഷ്യോത്പന്നം അനേകർക്ക് വരുമാന സ്രോതസായി മാറുകയും ചെയ്യും.

ജില്ലയിൽ 40 പേർക്ക് ഡെങ്കിപ്പനി ; മുന്നറിയിപ്പുമായി ആരോഗ്യവകുപ്പ്

ഇടുക്കി: ജില്ലയിൽ ഡെങ്കിപ്പനിക്കേസുകൾ കൂടുതലായി റിപ്പോർട്ട് ചെയ്യപ്പെടുന്ന സാഹചര്യത്തിൽ ജനങ്ങൾ ജാഗ്രത പാലിക്കണമെന്ന് ആരോഗ്യവകുപ്പ് അധികൃതർ അറിയിച്ചു. ജില്ലയിൽ 40 പേർക്കാണ് ഡെങ്കിപ്പനി റിപ്പോർട്ട് ചെയ്തത്. വണ്ടിപ്പെരിയാർ -9, തൊടുപുഴ - 8, പുറപ്പുഴ - 7, കുമാരമംഗലം - 4, അറക്കുളം - 3, ദേവിയാർകോളനി- 3, കരിമണ്ണൂർ - 3, വാഴത്തോപ്പ് -3 എന്നിവിടങ്ങളിലാണ് ഡെങ്കിപ്പനി റിപ്പോർട്ട് ചെയ്തത്. പകൽ സമയം കടിക്കുന്ന ഈഡിസ് വിഭാഗത്തിൽപ്പെടുന്ന കൊതുകുകൾ പരത്തുന്ന വൈറസ് രോഗമാണ് ഇത്. ലക്ഷണങ്ങൾ പെട്ടെന്നുണ്ടാകുന്ന കടുത്തപനി, തലവേദന, പേശിവേദന, വിശപ്പില്ലായ്മ, മനംപുരട്ടൽ, ഛർദി, ക്ഷീണം, ചുമ, കണ്ണിനു പിറകിൽ ഉണ്ടാകുന്ന വേദന എന്നിവയാണ് ലക്ഷണങ്ങൾ. ഇവ കണ്ടാൽ ഉടൻതന്നെ വൈദ്യസഹായം തേടണം. രോഗി പരമാവധി സമയം കൊതുകുവലയ്ക്കുള്ളിൽത്തന്നെ കഴിയണം. ധാരാളം പാനീയങ്ങൾ കുടിക്കുക, ഡോക്ടർ നിർദേശിക്കുന്ന കാലയളവ് വരെ വിശ്രമിക്കുക, സ്വയം ചികിത്സ നടത്താതിരിക്കുക എന്നിവ പാലിക്കണം. പ്രതിരോധം ഈഡിസ് കൊതുകുകൾ മുട്ടയിട്ട് പെരുകുന്ന സ്ഥലങ്ങൾ കണ്ടെത്തി കൂത്താടികളെ നശിപ്പിക്കുക എന്നതാണ് ഫലപ്രദമായ മാർഗം. വീട്ടിലെ ഫ്രിഡ്ജിന്‍റെ പിറകിലെ ട്രേ, ചെടിച്ചട്ടി, പൂക്കൾ, ചെടികൾ എന്നിവ ഇട്ടുവയ്ക്കുന്ന പാത്രം, ടാങ്ക് മുതലായവയിൽനിന്ന് ആഴ്ചയിലൊരിക്കൽ വെള്ളം ഒഴുക്കിക്കളയുക. അക്വേറിയത്തിൽ കൂത്താടികളെ നശിപ്പിക്കുന്ന ഗപ്പി പോലെയുള്ള മത്സ്യങ്ങളെ നിക്ഷേപിക്കുക. വെള്ളമെടുക്കുന്ന പാത്രങ്ങൾ, വെള്ളം ശേഖരിക്കുന്ന പാത്രങ്ങൾ എന്നിവ ആഴ്ചയിൽ ഒരിക്കൽ ഉരച്ച് തേച്ചുകഴുകി ഉപയോഗിക്കണം. ചിരട്ട, ടിന്ന്, കുപ്പി, മുട്ടത്തോട്, ടയർ, പ്ലാസ്റ്റിക‌് കൂട്, കപ്പ്, ചെടിച്ചട്ടി, കേടായ കളിപ്പാട്ടങ്ങൾ എന്നിവയിൽ വെള്ളം കെട്ടി നിൽക്കുന്നത് ഒഴിവാക്കുക, സണ്‍ഷേഡിൽ കെട്ടിനിൽക്കുന്ന വെള്ളം ഒഴുക്കിക്കളയുക, ടാങ്കുകൾ കൊതുകുവല കൊണ്ട് മൂടുക, സ്ഥിരമായി ഉപയോഗിക്കാത്ത ഫ്‌ളഷ് ടാങ്ക്, ടോയ്‌ലറ്റ്, വാഴ, പൈനാപ്പിൾ എന്നിവയുടെ ഇലകളിലും കമുകിൻപാള എന്നിവയിലും ശേഖരിക്കുന്ന വെള്ളം ഒഴിവാക്കുക. റബർ പാൽ ശേഖരിക്കുന്ന ചിരട്ട, കപ്പ് എന്നിവ ഉപയോഗത്തിനുശേഷം കമഴ്ത്തിവയ്ക്കുക, സെപ്റ്റിക് ടാങ്കിന്‍റെ വെന്‍റ്പൈപ്പിന്‍റെ അഗ്രഭാഗത്ത് കൊതുകുവല ചുറ്റുക, സ്ലാബിന്‍റെ വിടവുകളിൽക്കൂടി കൊതുകു പുറത്തു വരാത്ത വിധം യഥാസമയം അറ്റകുറ്റപ്പണി നടത്തുക. വീടിന് ചുറ്റും കാണുന്ന പാഴ്ച്ചെടികൾ, ചപ്പുചവറുകൾ എന്നിവ നീക്കം ചെയ്യുക, കൊതുകുകടി ഏൽക്കാതിരിക്കാൻ ശരീരം നന്നായി മൂടുന്ന വസ്ത്രം ധരിക്കുക, കൊതുകിനെ അകറ്റാൻ കഴിവുള്ള ലേപനങ്ങൾ ദേഹത്ത് പുരട്ടുക, കിടക്കുന്പോൾ കൊതുകുവല ഉപയോഗിക്കുക എന്നീ കാര്യങ്ങൾ ശ്രദ്ധിക്കണം.

യുവതിയെയും അമ്മയെയും ഉപദ്രവിച്ചതായി പരാതി

വണ്ണപ്പുറം: വിവാഹമോചനത്തിന് കേസ് കൊടുത്ത് സ്വന്തം വീട്ടിൽ കഴിയുന്ന യുവതിയെയും അമ്മയെയും ഭർത്താവ് ദേഹോപദ്രവം ഏൽപ്പിച്ചതായി പരാതി. സംഭവത്തിൽ യുവതി തൊടുപുഴ ഡിവൈഎസ്പിക്ക് പരാതി നൽകി. യുവതിയെ ഉപദ്രവിക്കുയോ ഇവരുടെ വീട്ടിൽ കയറുകയോ ചെയ്യരുതെന്ന് ഇയാൾക്കെതിരേ തൊടുപുഴ ജുഡീഷൽ ഫസ്റ്റ്ക്ലാസ്‌ മജിസ്ട്രേറ്റ് കോടതിയുടെ ഉത്തരവ് നിലനിൽക്കെയാണ് ആക്രമിച്ചതെന്ന് പരാതിയിൽ പറയുന്നു. ഞായറാഴ്ച രാത്രി 8.30നാണ് സംഭവം. വണ്ണപ്പുറം ഒടിയപാറ മാട്ടൂക്കാരൻ അരുണിനെതിരേയാണ് യുവതിയും അമ്മയും കാളിയാർ പോലീസിൽ പരാതി നൽകിയത്. വീട്ടിലെത്തിയ ഇയാൾ അമ്മയെ ദേഹോപദ്രവം ഏൽപ്പിക്കുകയും ഇത് തടയാൻ ശ്രമിച്ച തന്നെ തലമുടിക്ക് കുത്തിപ്പിടിച്ച് മുഖത്തിന് ഇടിച്ചെന്നുമാണ് യുവതിയുടെ പരാതി. ഇവർ തൊടുപുഴ ജില്ലാ ആശുപത്രിയിൽ ചികിൽസ തേടി. ആശുപത്രിയിൽനിന്ന് അറിയിച്ചെങ്കിലും കേസ് എടുക്കാൻ കാളിയാർ പോലീസ് തയാറായില്ലെന്നും തുടർന്നാണ് ഡിവൈഎസ്പിക്ക് പരാതി നൽകിയതെന്നും ഇവർ പറഞ്ഞു.

അമ്മ എത്തി, ഷൈജുവിന്‍റെ മൃതദേഹം സംസ്കരിച്ചു

അണക്കര: കഴിഞ്ഞ ചൊവ്വാഴ്ച ബൈക്ക് അപകടത്തിൽ മരണമടഞ്ഞ അണക്കര വെള്ളറയിൽ ഷാനറ്റ് ഷൈജുവിന്‍റെ മൃതദേഹം വൻ ജനാവലിയുടെ സാന്നിധ്യത്തിൽ അണക്കര ഒലിവുമല സെന്‍റ് ജോൺസ് യാക്കോബായ പള്ളി സെമിത്തേരിയിൽ സംസ്കരിച്ചു. ചെല്ലാർകോവിലിന് സമീപം കഴിഞ്ഞ ചൊവ്വാഴ്ച ജീപ്പും ബൈക്കും കൂട്ടിയിടിച്ചാണ് വിദ്യാർഥികളും സുഹൃത്തുക്കളുമായ വെള്ളറയിൽ ഷാനറ്റ് ഷൈജു, അലൻ കെ. ഷിബു എന്നിവർ മരണത്തിന് കീഴടങ്ങിയത്. അലന്‍റെ സംസ്കാരം തൊട്ടടുത്ത ദിവസംതന്നെ നടത്തിയിരുന്നു. ജോലിക്കായി കുവൈറ്റിൽ എത്തി ഏജൻസിയുടെ തൊഴിൽ തട്ടിപ്പിന് ഇരയായി തടങ്കലിൽ കഴിഞ്ഞിരുന്ന ഷാനറ്റിന്‍റെ അമ്മ ജിനു എത്താൻ വൈകിയത് മൂലമാണ് സംസ്കാരം ഏഴ് ദിവസത്തോളം വൈകിയത്. സർക്കാർ, എംപിമാർ, കുവൈത്ത് മലയാളി അസോസിയേഷൻ, മറ്റു വിവിധ സംഘടനകൾ, വ്യക്തികൾ എന്നിവരുടെ ഇടപെടൽമൂലമാണ് ജിനുവിന് മടങ്ങാൻ കളമൊരുങ്ങിയത്. ഇന്നലെ വൈകിട്ട് നാലിനാണ് ജിനു അണക്കരയിലെ വീട്ടിലെത്തിയത്. കട്ടപ്പന സെന്‍റ്് ജോൺസ് ആശുപത്രി മോർച്ചറിയിൽ സൂക്ഷിച്ചിരുന്ന ഷാനറ്റിന്‍റെ മൃതദേഹം ഇന്നലെ രാവിലെ 10 ന് വീട്ടിലെത്തിച്ചു. സഹപാഠികളും അധ്യാപകരും നാട്ടുകാരും അടക്കം കനത്ത മഴയിലും നൂറുകണക്കിന് ആളുകളാണ് അന്തിമോപചാരം അർപ്പിക്കാനായി എത്തിയത്. ഉച്ചകഴിഞ്ഞ് രണ്ടിന് വീട്ടിൽനിന്ന് വിലാപയാത്ര ആരംഭിച്ച് ഏഴാം മൈൽ ഒലിവുമല സെന്‍റ് ജോൺസ് യാക്കോബായ പള്ളിയിൽ എത്തിച്ച മൃതദേഹം നാലു മണി വരെ പൊതുദർശനത്തിന് വച്ചു. നാലുമണിക്ക് ആരംഭിച്ച സംസ്കാര ചടങ്ങുകൾക്ക് യാക്കോബായ സഭ ഇടുക്കി ഭദ്രാസന മെത്രാപ്പോലീത്ത സഖറിയാസ് മാർ പീലക്സിനോസ് നേതൃത്വം നൽകി. മാതാപിതാക്കളുടെയും ബന്ധുക്കളുടെയും അന്ത്യചുംബനം ഏറ്റുവാങ്ങി ഷാനറ്റ് നിത്യതയിലേക്ക് യാത്രയായി. ജനപ്രതിനിധികളും വിവിധ രാഷ്‌ട്രീയ, സാമൂഹിക, സാംസ്കാരിക, സാമുദായിക സംഘടനാ നേതാക്കൾ അടക്കമുള്ളവരും മൃതദേഹത്തിൽ അന്തിമോപചാരം അർപ്പിച്ചു.

സംസ്ഥാന പാതയിൽ കലുങ്ക് ഇടിഞ്ഞുതാണ് ഗർത്തം രൂപപ്പെട്ടു

ചെറുതോണി: ആലപ്പുഴ - മധുര സംസ്ഥാന പാതയിൽ കഞ്ഞിക്കുഴിക്ക് സമീപം പ്രഭസിറ്റിയിൽ കലുങ്ക് ഇടിഞ്ഞുതാണ് ഗർത്തം രൂപപ്പെട്ടിരിക്കുന്നത് വാഹന യാത്രികർക്ക് ഭീഷണിയാകുന്നു. വാഹനയാത്രികർക്ക് ഗർത്തം രൂപപ്പെട്ട കലുങ്കിന് തൊട്ടടുത്ത് എത്തിയാൽ മാത്രമേ ഗർത്തം കാണാൻ സാധിക്കുകയുള്ളുവെന്നതും പ്രതിസന്ധിയാണ്. കലുങ്ക് ഇടിഞ്ഞുതാണ ഭാഗത്ത് അപകട മുന്നറിയിപ്പ് ബോർഡ് സ്ഥാപിക്കാൻപോലും പൊതുമരാമത്ത് അധികൃതർ തയാറായിട്ടില്ല. പ്രദേശവാസികൾ കുത്തിനാട്ടിയ രണ്ട് മരക്കമ്പ് മാത്രമാണ് അപകട മുന്നറിയിപ്പായി ഇപ്പോഴുള്ളത്. തള്ളക്കാനം മുതൽ പഴയരിക്കണ്ടം വരെയുള്ള റോഡ് അടുത്ത നാളിൽ പുതുക്കി പണിതതാണ് . എന്നാൽ 40വർഷം മുൻപ് നിർമിച്ച കലുങ്കിന്‍റെ സംരക്ഷണ ഭിത്തി ബലപ്പെടുത്താത്തതാണ് ഗർത്തം ഉണ്ടാകുവാൻ കാരണമെന്ന് നാട്ടുകാർ ആരോപിക്കുന്നു. ഭാരവാഹനങ്ങൾ ഉൾപ്പെടെ ദിനംപ്രതി നൂറുകണക്കിന് വാഹനങ്ങൾ കടന്നുപോകുന്ന സംസ്ഥാന പാതയിലെ ഗർത്തം രൂപപ്പെട്ട കലുങ്ക് അടിയന്തരമായി പുനർനിർമിക്കണമെന്നാണ് നാട്ടുകാരും യാത്രക്കാരും ആവശ്യപ്പെടുന്നത്.

അടിമാലി മേഖലയിൽ രണ്ട് വാഹനാപകടങ്ങളിൽ മൂന്നുപേർക്ക് പരിക്ക്

അടിമാലി: അടിമാലി മേഖലയിൽ വ്യത്യസ്തങ്ങളായ രണ്ട് വാഹനാപകടങ്ങളിൽ മൂന്നു പേർക്ക് പരിക്കേറ്റു. ദേശിയപാതയിൽ അടിമാലിക്കും കൂമ്പൻപാറയ്ക്കും ഇടയിൽ കാർ പാതയോരത്ത് തലകീഴായി മറിഞ്ഞാണ് ഒരപകടമുണ്ടായത്. യാത്രക്കാർ പരിക്കുകൾ ഇല്ലാതെ രക്ഷപ്പെട്ടു. അടിമാലി തലമാലി റോഡിൽ തലമാലി വളവിന് സമീപം ഓട്ടോറിക്ഷ താഴ്ചയിലേക്ക് മറിഞ്ഞ് മൂന്നു പേർക്ക് പരിക്കേറ്റു. നാഗൻ(46), മനോജ് (56), പ്രവീൺ (25) എന്നിവർക്കാണ് പരിക്കേറ്റത്. ഇവരെ ആശുപത്രിയിൽ പ്രവേശിപ്പിച്ചു. അടിമാലി തലമാലി റോഡിൽ ഇറക്കം ഇറങ്ങിവരുന്നതിനിടെ വാഹനം താഴ്ചയിലേക്ക് മറിയുകയായിരുന്നു. ഇന്നലെ ഉച്ചയ്ക്കുശേഷമാണ് കാർ അപകടത്തിൽപ്പെട്ടത്.

ഉദ്ഘാടനത്തില്‍നിന്ന് എംപിയെ ഒഴിവാക്കി; യുഡിഎഫ് ചടങ്ങ് ബഹിഷ്‌കരിക്കും

നെടുങ്കണ്ടം: ആശുപത്രി കെട്ടിട ഉദ്ഘാടന ചടങ്ങില്‍നിന്ന് എംപിയെ ഒഴിവാക്കിയതില്‍ പ്രതിഷേധിച്ച് യുഡിഎഫ് ചടങ്ങ് ബഹിഷ്‌കരിക്കും. പാമ്പാടുംപാറ പഞ്ചായത്ത് ഭരണസമിതിയുടെ നേതൃത്വത്തില്‍ ഇന്നു മുണ്ടിയെരുമ പ്രാഥമിക ആരോഗ്യകേന്ദ്രത്തില്‍ നടത്താന്‍ നിശ്ചയിച്ചിരിക്കുന്ന ഉദ്ഘാടനച്ചടങ്ങാണ് കോണ്‍ഗ്രസും മറ്റ് പ്രതിപക്ഷ അംഗങ്ങളും ബഹിഷ്‌ക്കരിക്കുന്നത്. ഡീന്‍ കുര്യാക്കോസ് എംപി മുന്‍കൈയെടുത്ത് കേന്ദ്രാവിഷ്‌കൃത പദ്ധതിയായ എന്‍എച്ച്എം ഫണ്ടില്‍നിന്ന് അനുവദിച്ച ഒരു കോടി പതിനഞ്ച് ലക്ഷം രൂപ ഉപയോഗിച്ച് നിര്‍മിച്ച കെട്ടിടത്തിന്‍റെ ഉദ്ഘാടനച്ചടങ്ങില്‍നിന്ന് അദ്ദേഹത്തെ രാഷ്‌ട്രീയ പ്രേരിതമായി ഒഴിവാക്കിയെന്നാണ് ആരോപണം. ഡീന്‍ കുര്യാക്കോസ് കഴിഞ്ഞ ടേമില്‍ എംപിയായിരിക്കെ അനുവദിച്ച തുകയില്‍ മൂന്നുവര്‍ഷം മുമ്പ് തീര്‍ക്കേണ്ടിയിരുന്ന നിര്‍മാണ ജോലികള്‍ നീണ്ടുപോയതിന് പിന്നില്‍ പഞ്ചായത്ത് ഭരണസമിതിയുടെ കെടുകാര്യസ്ഥതയാണെന്ന് യുഡിഎഫ് ആരോപിച്ചു. ഇപ്പോള്‍ പഞ്ചായത്ത് തെരഞ്ഞെടുപ്പ് മുന്നില്‍ക്കണ്ട് തിടുക്കത്തില്‍ കെട്ടിടം ഉദ്ഘാടനം നടത്തുന്പോൾ ആവശ്യമായ ഫര്‍ണീച്ചറോ മറ്റ് അനുബന്ധ സൗകര്യങ്ങളോ ഒരുക്കിയിട്ടില്ല. ഉദ്ഘാടനം നടത്തി ക്രെഡിറ്റ് തട്ടുന്നതിനുള്ള വിലകുറഞ്ഞ ശ്രമമാണ് പഞ്ചായത്ത് ഭരണസമിതി നടത്തുന്നത്. ഒരു പൊതുജനാരോഗ്യകേന്ദ്രത്തിന്‍റെ ഉദ്ഘാടനച്ചടങ്ങില്‍പ്പോലും രാഷ്‌ട്രീയം കലര്‍ത്തുന്ന സിപിഎം ഭരണസമിതിയുടെ ഹീനമായ നടപടിയില്‍ പ്രതിഷേധിച്ച് ഭരണസമിതിയിലെ കോണ്‍ഗ്രസ് അടക്കമുള്ള പ്രതിപക്ഷാംഗങ്ങളും പാര്‍ട്ടിഘടകങ്ങളും ഉദ്ഘാടനച്ചടങ്ങ് ബഹിഷ്‌ക്കരിക്കുമെന്ന് പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാനും കോണ്‍ഗ്രസ് നെടുങ്കണ്ടം ബ്ലോക്ക് പ്രസിഡന്‍റുമായ സി.എസ്. യശോധരന്‍ അറിയിച്ചു.

കാര്‍ വീടിന്‍റെ മതിലില്‍ ഇടിച്ചുകയറി

കട്ടപ്പന: നിയന്ത്രണം നഷ്ടമായ കാര്‍ വീടിന്‍റെ മതിലിലേക്ക് ഇടിച്ചു കയറി. കട്ടപ്പന - ഇരട്ടയാര്‍ റോഡില്‍ വെട്ടിക്കുഴ കവലയ്ക്കു സമീപം തിങ്കളാഴ്ച രാത്രിയിലായിരുന്നു അപകടം. അപകടം നടന്നശേഷം നിര്‍ത്താതെ പോയ കാര്‍ പിന്നീട് വെള്ളയാംകുടിക്ക് സമീപത്ത് പോലീസ് കസ്റ്റഡിയിലെടുത്തു. അമിതവേഗതയില്‍ റോഡിലൂടെ പോയ കാര്‍ നിയന്ത്രണം നഷ്ടമായി വീടിന്‍റെ മതില്‍ ഇടിച്ചു തകര്‍ക്കുകയായിരുന്നു. നാട്ടുകാര്‍ പോലീസില്‍ വിവരമറിയിക്കുകയും കട്ടപ്പന പോലീസിന്‍റെ നേതൃത്വത്തില്‍ വെള്ളയാംകുടി ഭാഗത്തുവച്ച് കാര്‍ കസ്റ്റഡിയില്‍ എടുക്കുകയുമായിരുന്നു. സംഭവത്തില്‍ മതില്‍ തകര്‍ന്നിട്ടുണ്ട്.

ഓടുന്നതിനിടെ ബസിന്‍റെ ടയർ ഊരിത്തെറിച്ചു

മൂന്നാർ: ഓടുന്നതിനിടെ ബസിന്‍റെ ടയർ ഊരിത്തെറിച്ചു. വൻ അത്യാഹിതം ഒഴിവായി. മൂന്നാറിൽനിന്ന് ആലുവയിലേക്ക് പോകുകയായിരുന്ന സ്വകാര്യ ബസിന്‍റെ ടയറാണ് ഊരിത്തെറിച്ചത്. ടയറിന്‍റെ റബർ ഭാഗങ്ങൾ താഴ്ചയിലേക്ക് പതിച്ചു. മുപ്പതിലധികം യാത്രക്കാർ വാഹനത്തിൽ ഉണ്ടായിരുന്നു. കഴിഞ്ഞ ദിവസം ഉച്ചയ്ക്ക് പന്ത്രണ്ടോടെ പഴയ മൂന്നാറിലെ ഹെഡ് വർക്സ് ഡാമിനു സമീപത്തുള്ള വലിയ വളവിനു സമീപത്തുവച്ചായിരുന്നു സംഭവം. യാത്രക്കാരെ ഇറക്കി മറ്റു വാഹനങ്ങളിൽ കയറ്റി വിട്ടു.

നിലത്തുവീണ വയോധികയുടെ കാലിലൂടെ പിന്‍ചക്രം കയറിയിറങ്ങി ഗുരുതര പരിക്ക്

നെടുങ്കണ്ടം: ബസില്‍ കയറുന്നതിനിടെ ബസ് മുന്നോട്ടെടുത്തതിനെത്തുടർന്നു നിലത്തുവീണ വയോധികയുടെ കാലിലുടെ ബസിന്‍റെ പിന്‍ചക്രം കയറിയിറങ്ങി വയോധികയ്ക്ക് ഗുരുതരമായി പരിക്കേറ്റു. കായംകുളം സ്വദേശിനി ശാന്തമ്മ(75)യ്ക്കാണ് പരിക്കേറ്റത്. ഇവരെ കോട്ടയം മെഡിക്കല്‍ കോളജ് ആശുപത്രിയിൽ പ്രവേശിപ്പിച്ചു. ഇന്നലെ ഉച്ചയ്ക്ക് രണ്ടോടെ നെടുങ്കണ്ടം പടിഞ്ഞാറേക്കവലയിലെ ബസ് സ്റ്റോപ്പിലാണ് അപകടം നടന്നത്. സുഹൃത്തിനെ സന്ദര്‍ശിക്കാനായി കല്ലാറില്‍ എത്തിയ ശാന്തമ്മ തിരികെ പോകാനായാണ് ബസ് സ്‌റ്റോപ്പിലെത്തിയത്. കട്ടപ്പനയ്ക്കുള്ള സ്വകാര്യ ബസില്‍ കയറാന്‍ ശ്രമിക്കുകയായിരുന്നു ശാന്തമ്മ. ബസിന്‍റെ മുന്‍ വാതിലിലെ ഫുട്ബോര്‍ഡില്‍നിന്ന് ബസിനുള്ളിലേക്ക് കയറുന്നതിനിടെ ബസ് മുന്നോട്ട് എടുത്തു. ഇതോടെ പിടിവിട്ട് റോഡിലേക്കുവീണ ശാന്തമ്മയുടെ വലതു കാലിലൂടെ ബസിന്‍റെ പിന്‍ചക്രം കയറി ഇറങ്ങുകയായിരുന്നു. ഓടിക്കൂടിയ നാട്ടുകാര്‍ ശാന്തമ്മയെ നെടുങ്കണ്ടം താലൂക്ക് ആശുപത്രിയില്‍ എത്തിച്ചു. പിന്നീട് വിദഗ്ധ ചികിത്സയ്ക്കായി ഇവരെ കോട്ടയം മെഡിക്കല്‍ കോളജിലേക്ക് മാറ്റി.അപകടത്തിനിടയാക്കിയ സ്വകാര്യ ബസ് പോലീസ് കസ്റ്റഡിയിലെടുത്തു. സംഭവത്തില്‍ ഡ്രൈവര്‍ക്കെതിരേ പോലീസ് കേസെടുക്കും. മെഡിക്കല്‍ കോളജില്‍ ചികിത്സയില്‍ കഴിയുന്ന ശാന്തമ്മയുടെ മൊഴിയെടുത്തശേഷം ആവശ്യമെങ്കില്‍ കണ്ടക്ടര്‍ക്കെതിരേയും കേസെടുക്കുമെന്ന് നെടുങ്കണ്ടം പോലീസ് അറിയിച്ചു.

വിദ്യാരംഗം കലാ സാഹിത്യവേദി ഉദ്ഘാടനം നടത്തി

കരിമണ്ണൂർ: സെന്‍റ് ജോസഫ് ഹയർ സെക്കൻഡറി സ്കൂളിൽ വിദ്യാരംഗം കലാ സാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം നടത്തി. ഡിസിഎൽ ഡയറക്ടർ ഫാ. റോയി കണ്ണൻചിറ ഉദ്ഘാടനം ചെയ്തു. സ്കൂൾ മാനേജർ ഫാ. ജോസഫ് കൊച്ചുപറന്പിൽ അധ്യക്ഷത വഹിച്ചു. ക്ലാസ് ലൈബ്രറി ഉദ്ഘാടനം പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ ആൻസി സിറിയക് നിർവഹിച്ചു. കരിമണ്ണൂർ എസ്ഐ ജോഷി മാത്യു ലഹരിവിരുദ്ധ സന്ദേശം നൽകി. ഹെഡ്മാസ്റ്റർ സജി മാത്യു സത്യപ്രതിജ്ഞ ചൊല്ലിക്കൊടുത്തു. ഡിസിഎൽ പ്രവിശ്യ കോ-ഓർഡിനേറ്റർ റോയി ജെ. കല്ലറങ്ങാട്ട്, അസി. മാനേജർ ഫാ. ജോർജ് മാതേക്കൽ, പിടിഎ പ്രസിഡന്‍റ് ജോസണ്‍ ജോണ്‍, സ്റ്റാഫ് സെക്രട്ടറി ജീസ് എം.അലക്സ്, കെ.എ. ബിന്ദു, സിസ്റ്റർ റോസ്മിൻ, രമ്യ ജോർജ്, ബെറ്റി സെബാസ്റ്റ്യൻ, രസികപ്രിയ ജി.നാഥൻ, അൽഫോൻസ എന്നിവർ പ്രസംഗിച്ചു.

കപ്പേളയിൽ മോഷണം

കരിമണ്ണൂർ: ടൗണിലുള്ള സെന്‍റ് ആന്‍റണീസ് കപ്പേളയിലെ വിശുദ്ധ അന്തോനീസിന്‍റെ ഗ്രോട്ടോയോടനുബന്ധിച്ച് സ്ഥാപിച്ചിട്ടുള്ള നേർച്ചപ്പെട്ടി കുത്തിത്തുറന്ന് പണം അപഹരിച്ചു. ഞായറാഴ്ച രാത്രിയാണ് സംഭവം. ഇതിനു പുറമെ തിങ്കളാഴ്ച രാത്രി പള്ളിയുടെ കിളിയറ റോഡിൽ സ്ഥാപിച്ചിട്ടുള്ള നേർച്ചക്കുറ്റി കുത്തിത്തുറന്നും പണം മോഷ്ടിച്ചു. കരിമണ്ണൂർ പോലീസ് കേസെടുത്ത് അന്വേഷണം ആരംഭിച്ചു. കരിമണ്ണൂരിലും പരിസര പ്രദേശങ്ങളിലും സമീപനാളിൽ മോഷണം പതിവായിരിക്കുകയാണ്. പോലീസിന്‍റെ അടിയന്തര ശ്രദ്ധ പതിയണമെന്ന് നാട്ടുകാർ ആവശ്യപ്പെട്ടു.

മർച്ചന്‍റ്സ് അസോ. വാർഷിക പൊതുയോഗം

രാജാക്കാട്: മർച്ചന്‍റ്സ് അസോസിയേഷൻ രാജാക്കാട് യൂണിറ്റിന്‍റെ വാർഷിക പൊതുയോഗം നടത്തി. രാജാക്കാട് വ്യാപാര ഭവൻ ഓഡിറ്റോറിയത്തിൽ നടന്ന പൊതുയോഗത്തിൽ യൂണിറ്റ് പ്രസിഡന്‍റ് വി.എസ്. ബിജു അധ്യക്ഷത വഹിച്ചു. ജില്ലാ പ്രസിഡന്‍റ് സണ്ണി പൈമ്പിള്ളിൽ സമ്മേളനം ഉദ്ഘാടനം ചെയ്തു. ജനറൽ സെക്രട്ടറി സജിമോൻ കോട്ടയ്ക്കൽ, ട്രഷറർ വി.സി. ജോൺസൺ, ജില്ല ജനറൽ സെക്രട്ടറി ഹാജി നജീബ് ഇല്ലത്തുപറമ്പിൽ, ജില്ല വർക്കിംഗ് പ്രസിഡന്‍റ് കെ.ആർ. വിനോദ്, ജില്ലാ വൈസ് പ്രസിഡന്‍റ് പി.എം. ബേബി, കുടുംബ ക്ഷേമനിധി ചെയർമാൻ ഡയസ് പുല്ലൻ, വ്യാപാരി കോ-ഓപ്പറേറ്റീവ് സഹകരണ സംഘം പ്രസിഡന്‍റ് വി.കെ. മാത്യു, മണ്ഡലം പ്രസിഡന്‍റ് പി.ജെ. ജോൺസൺ, സെക്രട്ടറി സജീവ് ആർ. നായർ തുടങ്ങിയവർ പ്രസംഗിച്ചു.

മുനിസിപ്പൽ ബസ് സ്റ്റാൻഡിൽ തർക്കവും കൈയാങ്കളിയും പതിവ്

തൊടുപുഴ: മുനിസിപ്പൽ ബസ് സ്റ്റാൻഡിൽ തർക്കവും കൈയാങ്കളിയും പതിവായിട്ടും പോലീസ് നിഷ്ക്രിയമെന്ന് ആക്ഷേപം. ബസ് സ്റ്റാൻഡിൽ ഒരു സംഘം ജീവനക്കാർ തമ്മിൽ സമയക്രമം തെറ്റിച്ചതിന്‍റെ പേരിൽ ഉണ്ടാക്കുന്ന വഴക്കും അസഭ്യവർഷവും പതിവാണ്. ഇതിന്‍റെ പേരിൽ വെല്ലുവിളിയും കൈയേറ്റവും നടത്താറുണ്ട്. സ്റ്റാൻഡിലെ ഔട്ട് പോസ്റ്റിൽ ഡ്യൂട്ടിയിലുള്ള പോലീസുകാർക്കു മൂന്നിലായിരിക്കും ഇത്തരം തർക്കങ്ങളും കൈയ്യാങ്കളിയും അരങ്ങേറുന്നത്. മിക്ക അവസരങ്ങളിലും പോലീസിനു കാഴ്ചക്കാരുടെ റോളാണ്. ഇതിനു പുറമേയാണ് ചില ജീവനക്കാർ മദ്യപിച്ചശേഷം ബസ് സ്റ്റാൻഡിൽ തന്പടിക്കുകയും മുന്പുണ്ടായ പ്രശ്നങ്ങളുടെ പേരിൽ ഡ്യൂട്ടിയിലുള്ള ജീവനക്കാരെ കൈയേറ്റം ചെയ്യുകയും ചെയ്യുന്നത്. ഇത്തരത്തിൽ പതിവായി പ്രശ്നം സൃഷ്ടിക്കുന്ന ചിലർ കഞ്ചാവ്, ലഹരി മരുന്ന് കേസുകളിൽ ഉൾപ്പെട്ടവരുമാണെന്ന് മറ്റ് ബസ് ജീവനക്കാർ പറയുന്നു. കൂടുതൽ തർക്കവും നടക്കുന്നത് മൂലമറ്റം റൂട്ടിലുള്ള ജീവനക്കാർ തമ്മിലാണ്. കുട്ടികളും സ്ത്രീകളും ഉൾപ്പെടെയുള്ളവർ കൂടുതലായി സ്വകാര്യ ബസുകളെയാണ് ആശ്രയിക്കുന്നത്. ഇതിനിടെയാണ് ബസ് ജീവനക്കാരായ ചിലർ സ്റ്റാൻഡിൽ ഇത്തരത്തിലുള്ള വിളയാട്ടം നടത്തുന്നത്. ബസുകളിൽ ക്രിമിനൽ പശ്ചാത്തലമുള്ളവരെ ജീവനക്കാരായി നിയമിക്കരുതെന്നുള്ള മോട്ടോർ വാഹന വകുപ്പിന്‍റെ നിർദേശവും സ്വകാര്യ ബസുകളിൽ ജോലി ചെയ്യുന്നവർ പോലീസ് ക്ലിയറൻസ് സർട്ടിഫിക്കറ്റ് എടുക്കണമെന്ന നിർദേശവും ഇവിടെ പാലിക്കപ്പെടുന്നില്ല.

അപകടക്കെണിയായി വെള്ളയാംകുടി റോഡിൽ ഗര്‍ത്തം

കട്ടപ്പന: വാഹനയാത്രികര്‍ക്ക് അപകടക്കെണിയായി വെള്ളയാംകുടി കട്ടപ്പന റോഡിൽ ഗര്‍ത്തം. ഇതിനോടകം നിരവധി ഇരുചക്ര വാഹന യാത്രികരാണ് ഈ ഗര്‍ത്തത്തില്‍ വീണ് അപകടത്തില്‍പ്പെട്ടിട്ടുള്ളത്. കഴിഞ്ഞ ദിവസം ഇരുചക്ര വാഹനയാത്രികരായ രണ്ട് സ്ത്രീകള്‍ക്ക് ഗര്‍ത്തത്തില്‍ വീണ് ഗുരുതരമായി പരുക്കേറ്റിരുന്നു. കട്ടപ്പന - വെള്ളയാംകുടി റോഡില്‍ എച്ച്പി പമ്പിന് സമീപത്താണ് റോഡില്‍ വലിയ ഗര്‍ത്തം രൂപപ്പെട്ടിരിക്കുന്നത്. ഇവിടെ ഗര്‍ത്തം രൂപപ്പെട്ടിട്ട് വര്‍ഷങ്ങള്‍ കഴിഞ്ഞതായി സമീപത്തെ വ്യാപാരികള്‍ പറയുന്നു. കാഴ്ചയില്‍ ചെറുതായി തോന്നുമെങ്കിലും ഗര്‍ത്തത്തിന് ആഴം കൂടുതലാണ്. വാഹനങ്ങള്‍ പതിച്ചാല്‍ അപകടം ഉറപ്പാണ്. മഴ ശക്തമായതോടെ ഇവിടെ വെള്ളക്കെട്ടും രൂപപ്പെട്ടിട്ടുണ്ട്. ഇതിനാല്‍ ഇതുവഴി കടന്നുവരുന്ന ഇരുചക്ര വാഹന യാത്രക്കാര്‍ക്ക് അടക്കം ഗര്‍ത്തത്തിന്‍റെ വ്യാപ്തി മനസിലാകുന്നില്ല. പ്രദേശത്തെ ആളുകള്‍ നിരവധി തവണ ഈ വിഷയം ബന്ധപ്പെട്ട അധികൃതര്‍ മുമ്പാകെ അറിയിച്ചിട്ടും യാതൊരുവിധ നടപടിയും ഉണ്ടായിട്ടില്ലെന്നും ആക്ഷേപമുണ്ട്. ഗര്‍ത്തം കൂടാതെ റോഡിന്‍റെ ഈ ഭാഗത്തുണ്ടാകുന്ന വെള്ളക്കെട്ട് കാല്‍നട യാത്രികര്‍ക്കും വലിയ ബുദ്ധിമുട്ടാണ് ഉണ്ടാക്കുന്നത്. പൊതുമരാമത്ത് വകുപ്പ് എത്രയും വേഗം ഇവിടുത്തെ അപകട ഭീതി ഒഴിവാക്കണമെന്ന് നാട്ടുകാര്‍ ആവശ്യപ്പെട്ടു.

അമ്മ എത്തി, മകൻ ഷൈജുവിന്‍റെ മൃതദേഹം സംസ്കരിച്ചു

അണക്കര: കഴിഞ്ഞ ചൊവ്വാഴ്ച ബൈക്ക് അപകടത്തിൽ മരണമടഞ്ഞ അണക്കര വെള്ളറയിൽ ഷാനറ്റ് ഷൈജുവിന്‍റെ മൃതദേഹം വൻ ജനാവലിയുടെ സാന്നിധ്യത്തിൽ അണക്കര ഒലിവുമല സെന്‍റ് ജോൺസ് യാക്കോബായ പള്ളി സെമിത്തേരിയിൽ സംസ്കരിച്ചു. ചെല്ലാർകോവിലിന് സമീപം കഴിഞ്ഞ ചൊവ്വാഴ്ച ജീപ്പും ബൈക്കും കൂട്ടിയിടിച്ചാണ് വിദ്യാർഥികളും സുഹൃത്തുക്കളുമായ വെള്ളറയിൽ ഷാനറ്റ് ഷൈജു, അലൻ കെ. ഷിബു എന്നിവർ മരണത്തിന് കീഴടങ്ങിയത്. അലന്‍റെ സംസ്കാരം തൊട്ടടുത്ത ദിവസംതന്നെ നടത്തിയിരുന്നു. ജോലിക്കായി കുവൈറ്റിൽ എത്തി ഏജൻസിയുടെ തൊഴിൽ തട്ടിപ്പിന് ഇരയായി തടങ്കലിൽ കഴിഞ്ഞിരുന്ന ഷാനറ്റിന്‍റെ അമ്മ ജിനു എത്താൻ വൈകിയത് മൂലമാണ് സംസ്കാരം ഏഴ് ദിവസത്തോളം വൈകിയത്. സർക്കാർ, എംപിമാർ, കുവൈത്ത് മലയാളി അസോസിയേഷൻ, മറ്റു വിവിധ സംഘടനകൾ, വ്യക്തികൾ എന്നിവരുടെ ഇടപെടൽമൂലമാണ് ജിനുവിന് മടങ്ങാൻ കളമൊരുങ്ങിയത്. ഇന്നലെ വൈകിട്ട് നാലിനാണ് ജിനു അണക്കരയിലെ വീട്ടിലെത്തിയത്. കട്ടപ്പന സെന്‍റ്് ജോൺസ് ആശുപത്രി മോർച്ചറിയിൽ സൂക്ഷിച്ചിരുന്ന ഷാനറ്റിന്‍റെ മൃതദേഹം ഇന്നലെ രാവിലെ 10 ന് വീട്ടിലെത്തിച്ചു. സഹപാഠികളും അധ്യാപകരും നാട്ടുകാരും അടക്കം കനത്ത മഴയിലും നൂറുകണക്കിന് ആളുകളാണ് അന്തിമോപചാരം അർപ്പിക്കാനുമായി എത്തിയത്. ഉച്ചകഴിഞ്ഞ് രണ്ടിന് വീട്ടിൽനിന്ന് വിലാപയാത്ര ആരംഭിച്ച് ഏഴാം മൈൽ ഒലിവുമല സെന്‍റ് ജോൺസ് യാക്കോബായ പള്ളിയിൽ എത്തിച്ച മൃതദേഹം നാലു മണി വരെ പൊതുദർശനത്തിന് വച്ചു. നാലുമണിക്ക് ആരംഭിച്ച സംസ്കാര ചടങ്ങുകൾക്ക് യാക്കോബായ സഭ ഇടുക്കി ഭദ്രാസന മെത്രാപ്പോലീത്ത സഖറിയാസ് മാർ പീലക്സിനോസ് നേതൃത്വം നൽകി. മാതാപിതാക്കളുടെയും ബന്ധുക്കളുടെയും അന്ത്യചുംബനം ഏറ്റുവാങ്ങി ഷാനറ്റ് നിത്യതയിലേക്ക് യാത്രയായി. ജനപ്രതിനിധികളും വിവിധ രാഷ്‌ട്രീയ, സാമൂഹിക, സാംസ്കാരിക, സാമുദായിക സംഘടനാ നേതാക്കൾ അടക്കമുള്ളവരും മൃതദേഹത്തിൽ അന്തിമോപചാരം അർപ്പിച്ചു.

അടിമാലി മേഖലയിൽ രണ്ട് വാഹനാപകടങ്ങളിൽ മൂന്നുപേർക്ക് പരിക്ക്

അടിമാലി: അടിമാലി മേഖലയിൽ വ്യത്യസ്തങ്ങളായ രണ്ട് വാഹനാപകടങ്ങളിൽ മൂന്നു പേർക്ക് പരിക്കേറ്റു. ദേശിയപാതയിൽ അടിമാലിക്കും കൂമ്പൻപാറയ്ക്കും ഇടയിൽ കാർ പാതയോരത്ത് തലകീഴായി മറിഞ്ഞാണ് ഒരപകടമുണ്ടായത്. യാത്രക്കാർ പരിക്കുകൾ ഇല്ലാതെ രക്ഷപ്പെട്ടു. അടിമാലി തലമാലി റോഡിൽ തലമാലി വളവിന് സമീപം ഓട്ടോറിക്ഷ താഴ്ചയിലേക്ക് മറിഞ്ഞ് മൂന്നു പേർക്ക് പരിക്കേറ്റു. നാഗൻ(46), മനോജ് (56), പ്രവീൺ (25) എന്നിവർക്കാണ് പരിക്കേറ്റത്. ഇവരെ ആശുപത്രിയിൽ പ്രവേശിപ്പിച്ചു. അടിമാലി തലമാലി റോഡിൽ ഇറക്കം ഇറങ്ങിവരുന്നതിനിടെ വാഹനം താഴ്ചയിലേക്ക് മറിയുകയായിരുന്നു. ഇന്നലെ ഉച്ചയ്ക്കുശേഷമാണ് കാർ അപകടത്തിൽപ്പെട്ടത്.

വിദ്യാരംഗം കലാ സാഹിത്യവേദി ഉദ്ഘാടനം നടത്തി

കരിമണ്ണൂർ: സെന്‍റ് ജോസഫ് ഹയർ സെക്കൻഡറി സ്കൂളിൽ വിദ്യാരംഗം കലാ സാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം നടത്തി. ഡിസിഎൽ ഡയറക്ടർ ഫാ. റോയി കണ്ണൻചിറ ഉദ്ഘാടനം ചെയ്തു. സ്കൂൾ മാനേജർ ഫാ. ജോസഫ് കൊച്ചുപറന്പിൽ അധ്യക്ഷത വഹിച്ചു. ക്ലാസ് ലൈബ്രറി ഉദ്ഘാടനം പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സണ്‍ ആൻസി സിറിയക് നിർവഹിച്ചു. കരിമണ്ണൂർ എസ്ഐ ജോഷി മാത്യു ലഹരിവിരുദ്ധ സന്ദേശം നൽകി. ഹെഡ്മാസ്റ്റർ സജി മാത്യു സത്യപ്രതിജ്ഞ ചൊല്ലിക്കൊടുത്തു. ഡിസിഎൽ പ്രവിശ്യ കോ-ഓർഡിനേറ്റർ റോയി ജെ. കല്ലറങ്ങാട്ട്, അസി. മാനേജർ ഫാ. ജോർജ് മാതേക്കൽ, പിടിഎ പ്രസിഡന്‍റ് ജോസണ്‍ ജോണ്‍, സ്റ്റാഫ് സെക്രട്ടറി ജീസ് എം.അലക്സ്, കെ.എ. ബിന്ദു, സിസ്റ്റർ റോസ്മിൻ, രമ്യ ജോർജ്, ബെറ്റി സെബാസ്റ്റ്യൻ, രസികപ്രിയ ജി.നാഥൻ, അൽഫോൻസ എന്നിവർ പ്രസംഗിച്ചു.

ഉദ്ഘാടനത്തില്‍നിന്ന് എംപിയെ ഒഴിവാക്കി; യുഡിഎഫ് ചടങ്ങ് ബഹിഷ്‌കരിക്കും

നെടുങ്കണ്ടം: ആശുപത്രി കെട്ടിട ഉദ്ഘാടന ചടങ്ങില്‍നിന്ന് എംപിയെ ഒഴിവാക്കിയതില്‍ പ്രതിഷേധിച്ച് യുഡിഎഫ് ചടങ്ങ് ബഹിഷ്‌കരിക്കും. പാമ്പാടുംപാറ പഞ്ചായത്ത് ഭരണസമിതിയുടെ നേതൃത്വത്തില്‍ ഇന്നു മുണ്ടിയെരുമ പ്രാഥമിക ആരോഗ്യകേന്ദ്രത്തില്‍ നടത്താന്‍ നിശ്ചയിച്ചിരിക്കുന്ന ഉദ്ഘാടനച്ചടങ്ങാണ് കോണ്‍ഗ്രസും മറ്റ് പ്രതിപക്ഷ അംഗങ്ങളും ബഹിഷ്‌ക്കരിക്കുന്നത്. ഡീന്‍ കുര്യാക്കോസ് എംപി മുന്‍കൈയെടുത്ത് കേന്ദ്രാവിഷ്‌കൃത പദ്ധതിയായ എന്‍എച്ച്എം ഫണ്ടില്‍നിന്ന് അനുവദിച്ച ഒരു കോടി പതിനഞ്ച് ലക്ഷം രൂപ ഉപയോഗിച്ച് നിര്‍മിച്ച കെട്ടിടത്തിന്‍റെ ഉദ്ഘാടനച്ചടങ്ങില്‍നിന്ന് അദ്ദേഹത്തെ രാഷ്‌ട്രീയ പ്രേരിതമായി ഒഴിവാക്കിയെന്നാണ് ആരോപണം. ഡീന്‍ കുര്യാക്കോസ് കഴിഞ്ഞ ടേമില്‍ എംപിയായിരിക്കെ അനുവദിച്ച തുകയില്‍ മൂന്നുവര്‍ഷം മുമ്പ് തീര്‍ക്കേണ്ടിയിരുന്ന നിര്‍മാണ ജോലികള്‍ നീണ്ടുപോയതിന് പിന്നില്‍ പഞ്ചായത്ത് ഭരണസമിതിയുടെ കെടുകാര്യസ്ഥതയാണെന്ന് യുഡിഎഫ് ആരോപിച്ചു. ഇപ്പോള്‍ പഞ്ചായത്ത് തെരഞ്ഞെടുപ്പ് മുന്നില്‍ക്കണ്ട് തിടുക്കത്തില്‍ കെട്ടിടം ഉദ്ഘാടനം നടത്തുന്പോൾ ആവശ്യമായ ഫര്‍ണീച്ചറോ മറ്റ് അനുബന്ധ സൗകര്യങ്ങളോ ഒരുക്കിയിട്ടില്ല. ഉദ്ഘാടനം നടത്തി ക്രെഡിറ്റ് തട്ടുന്നതിനുള്ള വിലകുറഞ്ഞ ശ്രമമാണ് പഞ്ചായത്ത് ഭരണസമിതി നടത്തുന്നത്. ഒരു പൊതുജനാരോഗ്യകേന്ദ്രത്തിന്‍റെ ഉദ്ഘാടനച്ചടങ്ങില്‍പ്പോലും രാഷ്‌ട്രീയം കലര്‍ത്തുന്ന സിപിഎം ഭരണസമിതിയുടെ ഹീനമായ നടപടിയില്‍ പ്രതിഷേധിച്ച് ഭരണസമിതിയിലെ കോണ്‍ഗ്രസ് അടക്കമുള്ള പ്രതിപക്ഷാംഗങ്ങളും പാര്‍ട്ടിഘടകങ്ങളും ഉദ്ഘാടനചടങ്ങ് ബഹിഷ്‌ക്കരിക്കുമെന്ന് പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാനും കോണ്‍ഗ്രസ് നെടുങ്കണ്ടം ബ്ലോക്ക് പ്രസിഡന്‍റുമായ സി.എസ്. യശോധരന്‍ അറിയിച്ചു.

നിലത്തുവീണ വയോധികയുടെ കാലിലൂടെ ബസിന്‍റെ പിന്‍ചക്രം കയറിയിറങ്ങി ഗുരുതര പരിക്ക്

നെടുങ്കണ്ടം: ബസില്‍ കയറുന്നതിനിടെ ബസ് മുന്നോട്ടെടുത്തതിനെത്തുടർന്നു നിലത്തുവീണ വയോധികയുടെ കാലിലുടെ ബസിന്‍റെ പിന്‍ചക്രം കയറിയിറങ്ങി വയോധികയ്ക്ക് ഗുരുതരമായി പരിക്കേറ്റു. കായംകുളം സ്വദേശിനി ശാന്തമ്മ(75)യ്ക്കാണ് പരിക്കേറ്റത്. ഇവരെ കോട്ടയം മെഡിക്കല്‍ കോളജ് ആശുപത്രിയിൽ പ്രവേശിപ്പിച്ചു. ഇന്നലെ ഉച്ചയ്ക്ക് രണ്ടോടെ നെടുങ്കണ്ടം പടിഞ്ഞാറേക്കവലയിലെ ബസ് സ്റ്റോപ്പിലാണ് അപകടം നടന്നത്. സുഹൃത്തിനെ സന്ദര്‍ശിക്കാനായി കല്ലാറില്‍ എത്തിയ ശാന്തമ്മ തിരികെ പോകാനായാണ് ബസ് സ്‌റ്റോപ്പിലെത്തിയത്. കട്ടപ്പനയ്ക്കുള്ള സ്വകാര്യ ബസില്‍ കയറാന്‍ ശ്രമിക്കുകയായിരുന്നു ശാന്തമ്മ. ബസിന്‍റെ മുന്‍ വാതിലിലെ ഫുട്ബോര്‍ഡില്‍നിന്ന് ബസിനുള്ളിലേക്ക് കയറുന്നതിനിടെ ബസ് മുന്നോട്ട് എടുത്തു. ഇതോടെ പിടിവിട്ട് റോഡിലേക്കുവീണ ശാന്തമ്മയുടെ വലതു കാലിലൂടെ ബസിന്‍റെ പിന്‍ചക്രം കയറി ഇറങ്ങുകയായിരുന്നു. ഓടിക്കൂടിയ നാട്ടുകാര്‍ ശാന്തമ്മയെ നെടുങ്കണ്ടം താലൂക്ക് ആശുപത്രിയില്‍ എത്തിച്ചു. പിന്നീട് വിദഗ്ധ ചികിത്സയ്ക്കായി ഇവരെ കോട്ടയം മെഡിക്കല്‍ കോളജിലേക്ക് മാറ്റി. അപകടത്തിനിടയാക്കിയ സ്വകാര്യ ബസ് പോലീസ് കസ്റ്റഡിയിലെടുത്തു. സംഭവത്തില്‍ ഡ്രൈവര്‍ക്കെതിരേ പോലീസ് കേസെടുക്കും. മെഡിക്കല്‍ കോളജില്‍ ചികിത്സയില്‍ കഴിയുന്ന ശാന്തമ്മയുടെ മൊഴിയെടുത്തശേഷം ആവശ്യമെങ്കില്‍ കണ്ടക്ടര്‍ക്കെതിരേയും കേസെടുക്കുമെന്ന് നെടുങ്കണ്ടം പോലീസ് അറിയിച്ചു.

കാര്‍ വീടിന്‍റെ മതിലില്‍ ഇടിച്ചു കയറി

കട്ടപ്പന: നിയന്ത്രണം നഷ്ടമായ കാര്‍ വീടിന്‍റെ മതിലിലേക്ക് ഇടിച്ചു കയറി. കട്ടപ്പന - ഇരട്ടയാര്‍ റോഡില്‍ വെട്ടിക്കുഴ കവലയ്ക്കു സമീപം തിങ്കളാഴ്ച രാത്രിയിലായിരുന്നു അപകടം. അപകടം നടന്നശേഷം നിര്‍ത്താതെ പോയ കാര്‍ പിന്നീട് വെള്ളയാംകുടിക്ക് സമീപത്ത് പോലീസ് കസ്റ്റഡിയിലെടുത്തു. അമിതവേഗതയില്‍ റോഡിലൂടെ പോയ കാര്‍ നിയന്ത്രണം നഷ്ടമായി വീടിന്‍റെ മതില്‍ ഇടിച്ചു തകര്‍ക്കുകയായിരുന്നു. നാട്ടുകാര്‍ പോലീസില്‍ വിവരമറിയിക്കുകയും കട്ടപ്പന പോലീസിന്‍റെ നേതൃത്വത്തില്‍ വെള്ളയാംകുടി ഭാഗത്തുവച്ച് കാര്‍ കസ്റ്റഡിയില്‍ എടുക്കുകയുമായിരുന്നു. സംഭവത്തില്‍ മതില്‍ തകര്‍ന്നിട്ടുണ്ട്.

സംസ്ഥാന പാതയിൽ കലുങ്ക് ഇടിഞ്ഞുതാണ് ഗർത്തം രൂപപ്പെട്ടു

ചെറുതോണി: ആലപ്പുഴ - മധുര സംസ്ഥാന പാതയിൽ കഞ്ഞിക്കുഴിക്ക് സമീപം പ്രഭസിറ്റിയിൽ കലുങ്ക് ഇടിഞ്ഞുതാണ് ഗർത്തം രൂപപ്പെട്ടിരിക്കുന്നത് വാഹന യാത്രികർക്ക് ഭീഷണിയാകുന്നു. വാഹനയാത്രികർക്ക് ഗർത്തം രൂപപ്പെട്ട കലുങ്കിന് തൊട്ടടുത്ത് എത്തിയാൽ മാത്രമേ ഗർത്തം കാണാൻ സാധിക്കുകയുള്ളുവെന്നതും പ്രതിസന്ധിയാണ്. കലുങ്ക് ഇടിഞ്ഞുതാണ ഭാഗത്ത് അപകട മുന്നറിയിപ്പ് ബോർഡ് സ്ഥാപിക്കാൻപോലും പൊതുമരാമത്ത് അധികൃതർ തയാറായിട്ടില്ല. പ്രദേശവാസികൾ കുത്തിനാട്ടിയ രണ്ട് മരക്കമ്പ് മാത്രമാണ് അപകട മുന്നറിയിപ്പായി ഇപ്പോഴുള്ളത്. തള്ളക്കാനം മുതൽ പഴയരിക്കണ്ടം വരെയുള്ള റോഡ് അടുത്ത നാളിൽ പുതുക്കി പണിതതാണ് . എന്നാൽ 40വർഷം മുൻപ് നിർമിച്ച കലുങ്കിന്‍റെ സംരക്ഷണ ഭിത്തി ബലപ്പെടുത്താത്തതാണ് ഗർത്തം ഉണ്ടാകു വാൻ കാരണമെന്ന് നാട്ടുകാർ ആരോപിക്കുന്നു. ഭാരവാഹനങ്ങൾ ഉൾപ്പെടെ ദിനംപ്രതി നൂറുകണക്കിന് വാഹനങ്ങൾ കടന്നുപോകുന്ന സംസ്ഥാന പാതയിലെ ഗർത്തം രൂപപ്പെട്ട കലുങ്ക് അടിയന്തരമായി പുനർനിർമിക്കണമെന്നാണ് നാട്ടുകാരും യാത്രക്കാരും ആവശ്യപ്പെടുന്നത്.

ജില്ലയിൽ 40 പേർക്ക് ഡെങ്കിപ്പനി

ഇടുക്കി: ജില്ലയിൽ ഡെങ്കിപ്പനി കേസുകൾ കൂടുതലായി റിപ്പോർട്ട് ചെയ്യപ്പെടുന്ന സാഹചര്യത്തിൽ ജനങ്ങൾ ജാഗ്രത പാലിക്കണമെന്ന് ആരോഗ്യവകുപ്പ് അധികൃതർ അറിയിച്ചു. ജില്ലയിൽ 40 പേർക്കാണ് ഡെങ്കിപ്പനി റിപ്പോർട്ട് ചെയ്തത്. വണ്ടിപ്പെരിയാർ -9, തൊടുപുഴ - 8, പുറപ്പുഴ - 7, കുമാരമംഗലം - 4, അറക്കുളം - 3, ദേവിയാർകോളനി- 3, കരിമണ്ണൂർ - 3, വാഴത്തോപ്പ് -3 എന്നിവിടങ്ങളിലാണ് ഡെങ്കിപ്പനി റിപ്പോർട്ട് ചെയ്തത്. പകൽ സമയം കടിക്കുന്ന ഈഡിസ് വിഭാഗത്തിൽപ്പെടുന്ന കൊതുകുകൾ പരത്തുന്ന വൈറസ് രോഗമാണ് ഇത്. ലക്ഷണങ്ങൾ പെട്ടെന്നുണ്ടാകുന്ന കടുത്തപനി, തലവേദന, പേശിവേദന, വിശപ്പില്ലായ്മ, മനംപുരട്ടൽ, ഛർദി, ക്ഷീണം, ചുമ, കണ്ണിനു പിറകിൽ ഉണ്ടാകുന്ന വേദന എന്നിവയാണ് ലക്ഷണങ്ങൾ. ഇവ കണ്ടാൽ ഉടൻതന്നെ വൈദ്യസഹായം തേടണം. രോഗി പരമാവധി സമയം കൊതുകുവലയ്ക്കുള്ളിൽത്തന്നെ കഴിയണം. ധാരാളം പാനീയങ്ങൾ കുടിക്കുക, ഡോക്ടർ നിർദേശിക്കുന്ന കാലയളവ് വരെ വിശ്രമിക്കുക, സ്വയം ചികിത്സ നടത്താതിരിക്കുക എന്നിവ പാലിക്കണം. പ്രതിരോധം ഈഡിസ് കൊതുകുകൾ മുട്ടയിട്ട് പെരുകുന്ന സ്ഥലങ്ങൾ കണ്ടെത്തി കൂത്താടികളെ നശിപ്പിക്കുക എന്നതാണ് ഫലപ്രദമായ മാർഗം. വീട്ടിലെ ഫ്രിഡ്ജിന്‍റെ പിറകിലെ ട്രേ, ചെടിച്ചട്ടി, പൂക്കൾ, ചെടികൾ എന്നിവ ഇട്ടുവയ്ക്കുന്ന പാത്രം, ടാങ്ക് മുതലായവയിൽനിന്ന് ആഴ്ചയിലൊരിക്കൽ വെള്ളം ഒഴുക്കിക്കളയുക. അക്വേറിയത്തിൽ കൂത്താടികളെ നശിപ്പിക്കുന്ന ഗപ്പി പോലെയുള്ള മത്സ്യങ്ങളെ നിക്ഷേപിക്കുക. വെള്ളമെടുക്കുന്ന പാത്രങ്ങൾ, വെള്ളം ശേഖരിക്കുന്ന പാത്രങ്ങൾ എന്നിവ ആഴ്ചയിൽ ഒരിക്കൽ ഉരച്ച് തേച്ചുകഴുകി ഉപയോഗിക്കണം. ചിരട്ട, ടിന്ന്, കുപ്പി, മുട്ടത്തോട്, ടയർ, പ്ലാസ്റ്റിക്, കൂട്, കപ്പ്, ചെടിച്ചട്ടി, കേടായ കളിപ്പാട്ടങ്ങൾ എന്നിവയിൽ വെള്ളം കെട്ടി നിൽക്കുന്നത് ഒഴിവാക്കുക, സണ്‍ഷേഡിൽ കെട്ടിനിൽക്കുന്ന വെള്ളം ഒഴുക്കികളയുക, ടാങ്കുകൾ കൊതുകുവല കൊണ്ട് മൂടുക, സ്ഥിരമായി ഉപയോഗിക്കാത്ത ഫ്‌ളഷ് ടാങ്ക്, ടോയ്‌ലറ്റ്, വാഴ, പൈനാപ്പിൾ എന്നിവയുടെ ഇലകളിലും കമുകിൻപാള എന്നിവയിലും ശേഖരിക്കുന്ന വെള്ളം ഒഴിവാക്കുക. റബർ പാൽ ശേഖരിക്കുന്ന ചിരട്ട, കപ്പ് എന്നിവ ഉപയോഗത്തിനുശേഷം കമഴ്ത്തിവയ്ക്കുക, സെപ്റ്റിക് ടാങ്കിന്‍റെ വെന്‍റ്പൈപ്പിന്‍റെ അഗ്രഭാഗത്ത് കൊതുകുവല ചുറ്റുക, സ്ലാബിന്‍റെ വിടവുകളിൽക്കൂടി കൊതുകു പുറത്തു വരാത്ത വിധം യഥാസമയം അറ്റകുറ്റപ്പണി നടത്തുക. വീടിന് ചുറ്റും കാണുന്ന പാഴ്ച്ചെടികൾ, ചപ്പുചവറുകൾ എന്നിവ നീക്കം ചെയ്യുക, കൊതുകുകടി ഏൽക്കാതിരിക്കാൻ ശരീരം നന്നായി മൂടുന്ന വസ്ത്രം ധരിക്കുക, കൊതുകിനെ അകറ്റാൻ കഴിവുള്ള ലേപനങ്ങൾ ദേഹത്ത് പുരട്ടുക, കിടക്കുന്പോൾ കൊതുകുവല ഉപയോഗിക്കുക എന്നി കാര്യങ്ങൾ ശ്രദ്ധിക്കണം.

യുവതിയേയും അമ്മയേയും ഉപദ്രവിച്ചതായി പരാതി

വണ്ണപ്പുറം: വിവാഹമോചനത്തിന് കേസ് കൊടുത്ത് സ്വന്തം വീട്ടിൽ കഴിയുന്ന യുവതിയേയും അമ്മയേയും ഭർത്താവ് ദേഹോപദ്രവം ഏൽപ്പിച്ചതായി പരാതി. സംഭവത്തിൽ യുവതി തൊടുപുഴ ഡിവൈഎസ്പിക്ക് പരാതി നൽകി. യുവതിയെ ഉപദ്രവിക്കുയോ ഇവരുടെ വീട്ടിൽ കയറുകയോ ചെയ്യരുതെന്ന് ഇയാൾക്കെതിരേ തൊടുപുഴ ജുഡീഷൽ ഫസ്റ്റ്ക്ലാസ്‌സ് മജിസ്ട്രേറ്റ് കോടതിയുടെ ഉത്തരവ് നിലനിൽക്കെയാണ് ആക്രമിച്ചതെന്ന് പരാതിയിൽ പറയുന്നു. ഞായറാഴ്ച രാത്രി 8.30നാണ് സംഭവം. വണ്ണപ്പുറം ഒടിയപാറ മാട്ടൂക്കാരൻ അരുണിനെതിരേയാണ് യുവതിയും അമ്മയും കാളിയാർ പോലീസിൽ പരാതി നൽകിയത്. വീട്ടിലെത്തിയ ഇയാൾ അമ്മയെ ദേഹോപദ്രവം ഏൽപ്പിക്കുകയും ഇത് തടയാൻ ശ്രമിച്ച തന്നെ തലമുടിക്ക് കുത്തിപ്പിടിച്ച് മുഖത്തിന് ഇടിച്ചെന്നുമാണ് യുവതിയുടെ പരാതി. ഇവർ തൊടുപുഴ ജില്ലാ ആശുപത്രിയിൽ ചികിൽസ തേടി. ആശുപത്രിയിൽനിന്ന് അറിയിച്ചെങ്കിലും കേസ് എടുക്കാൻ കാളിയാർ പോലീസ് തയാറായില്ലെന്നും തുടർന്നാണ് ഡിവൈഎസ്പിക്ക് പരാതി നൽകിയതെന്നും ഇവർ പറഞ്ഞു.

മുനിസിപ്പൽ ബസ് സ്റ്റാൻഡിൽ തർക്കവും കൈയ്യാങ്കളിയും പതിവ്

തൊടുപുഴ: മുനിസിപ്പൽ ബസ് സ്റ്റാൻഡിൽ തർക്കവും കൈയ്യാങ്കളിയും പതിവായിട്ടും പോലീസ് നിഷ്ക്രിയമെന്ന് ആക്ഷേപം. ബസ് സ്റ്റാൻഡിൽ ഒരു സംഘം ജീവനക്കാർ തമ്മിൽ സമയക്രമം തെറ്റിച്ചതിന്‍റെ പേരിൽ ഉണ്ടാക്കുന്ന വഴക്കും അസഭ്യവർഷവും പതിവാണ്. ഇതിന്‍റെ പേരിൽ വെല്ലുവിളിയും കൈയേറ്റവും നടത്താറുണ്ട്. സ്റ്റാൻഡിലെ ഔട്ട് പോസ്റ്റിൽ ഡ്യൂട്ടിയിലുള്ള പോലീസുകാർക്കു മൂന്നിലായിരിക്കും ഇത്തരം തർക്കങ്ങളും കൈയ്യാങ്കളിയും അരങ്ങേറുന്നത്. മിക്ക അവസരങ്ങളിലും പോലീസിനു കാഴ്ചക്കാരുടെ റോളാണ്. ഇതിനു പുറമേയാണ് ചില ജീവനക്കാർ മദ്യപിച്ചശേഷം ബസ് സ്റ്റാൻഡിൽ തന്പടിക്കുകയും മുന്പുണ്ടായ പ്രശ്നങ്ങളുടെ പേരിൽ ഡ്യൂട്ടിയിലുള്ള ജീവനക്കാരെ കൈയേറ്റം ചെയ്യുകയും ചെയ്യുന്നത്. ഇത്തരത്തിൽ പതിവായി പ്രശ്നം സൃഷ്ടിക്കുന്ന ചിലർ കഞ്ചാവ്, ലഹരി മരുന്ന് കേസുകളിൽ ഉൾപ്പെട്ടവരുമാണെന്ന് മറ്റ് ബസ് ജീവനക്കാർ പറയുന്നു. കൂടുതൽ തർക്കവും നടക്കുന്നത് മൂലമറ്റം റൂട്ടിലുള്ള ജീവനക്കാർ തമ്മിലാണ്. കുട്ടികളും സ്ത്രീകളും ഉൾപ്പെടെയുള്ളവർ കൂടുതലായി സ്വകാര്യ ബസുകളെയാണ് ആശ്രയിക്കുന്നത്. ഇതിനിടെയാണ് ബസ് ജീവനക്കാരായ ചിലർ സ്റ്റാൻഡിൽ ഇത്തരത്തിലുള്ള വിളയാട്ടം നടത്തുന്നത്. ബസുകളിൽ ക്രിമിനൽ പശ്ചാത്തലമുള്ളവരെ ജീവനക്കാരായി നിയമിക്കരുതെന്നുള്ള മോട്ടോർ വാഹന വകുപ്പിന്‍റെ നിർദേശവും സ്വകാര്യ ബസുകളിൽ ജോലി ചെയ്യുന്നവർ പോലീസ് ക്ലിയറൻസ് സർട്ടിഫിക്കറ്റ് എടുക്കണമെന്ന നിർദേശവും ഇവിടെ പാലിക്കപ്പെടുന്നില്ല.

കണ്ടുപഠിക്കാം, ചക്കച്ചുള വിൽപ്പനയിലൂടെ വിജയഗാഥ രചിക്കുന്ന കുടുംബങ്ങളെ

തൊടുപുഴ: ചക്കച്ചുള വിൽപ്പനയിലൂടെ മികച്ച വരുമാനം നേടുന്നതിനൊപ്പം കാർഷിക മേഖലയിൽ സ്വാശ്രയത്വത്തിന്‍റെ വഴിയിൽ വിജയഗാഥ രചിക്കുകയാണ് രണ്ടു കർഷക കുടുംബങ്ങൾ. കുണിഞ്ഞി തോണിക്കത്തടത്തിൽ ഡെന്നി ജോസഫ്, ആലക്കോട് കണ്ടത്തിൽ മോളി ആന്‍റണി എന്നിവരാണ് ചക്കച്ചുള വിൽപ്പനയിലൂടെ ഉയർന്ന വരുമാനം സന്പാദിക്കുന്നത്. ചക്കയുടെ സീസണ്‍ ആരംഭിക്കുന്ന ഡിസംബർ മുതൽ ജൂലൈ വരെയുള്ള കാലയളവിലാണ് ഇവർ ചക്കച്ചുള വിൽപ്പന നടത്തുന്നത്. സ്വന്തം പുരയിടത്തിലെ പ്ലാവിലുണ്ടാകുന്ന ചക്കമാത്രമാണ് ഇവർ വിറ്റഴിക്കുന്നത്. സീസണിൽ 3000- 5000 രൂപ വരെ ദിനംപ്രതി ലഭിക്കും. 25 മുതൽ 30 കിലോവരെ ഇവർ തൊടുപുഴ കാഡ്സ് ഓപ്പണ്‍ മാർക്കറ്റിൽ വിൽപ്പനയ്ക്കെത്തിക്കുന്നുണ്ട്. മറ്റ് ഓർഡറുകൾ ലഭിച്ചാലും ഇവ എത്തിച്ചു നൽകും. ഒരു കിലോയുടെ പായ്ക്കറ്റുകളാക്കിയാണ് നൽകുന്നത്. സ്വന്തം പുരയിടത്തിലെ റബർ ടാപ്പിംഗ് വേണ്ടെന്നുവച്ചാണ് ചക്കച്ചുള വിൽപ്പനയ്ക്കായി ഡെന്നി ജോസഫ് സമയം മാറ്റിവച്ചിരിക്കുന്നത്. ചക്കയുടെ സീസണ്‍ കഴിഞ്ഞുമാത്രമേ ടാപ്പിംഗ് പുനരാരംഭിക്കൂ. രാവിലെ പള്ളിയിൽ പോയി മടങ്ങിയെത്തിയാൽപ്പിന്നെ വലിയ ഏണിയുമെടുത്ത് പുരയിടത്തിലെ പ്ലാവിൻ ചുവട്ടിലേക്ക് നീങ്ങും. ആറരയേക്കർ പുരയിടത്തിൽ 90 നാടൻ പ്ലാവുകളുണ്ട്. ഇതിൽനിന്ന് ആവശ്യത്തിന് ചക്ക ലഭിക്കാറുണ്ട്. ചക്കയുടെ വലിപ്പമനുസരിച്ച് 10-15 എണ്ണം വരെ ഒരുദിവസം ശേഖരിക്കും. പിന്നീട് ഇത് വീട്ടിലെത്തിച്ച് വേഗത്തിൽ വെട്ടിയൊരുക്കി രാവിലെ പത്തിനു മുന്പായി കാഡ്സിന്‍റെ വിപണന കേന്ദ്രത്തിലും മറ്റു കടകളിലും എത്തിക്കും. ഭാര്യ നെസും സഹായത്തിനുണ്ട്. നഴ്സിംഗ് വിദ്യാർഥികളായ ദിവ്യയും ഷോണും വീട്ടിലുള്ളപ്പോൾ ഇരുവരും സഹായിക്കും. പാകമായ ചക്കയുടെ ചുള വെട്ടിയൊരുക്കി ചകിണി കളഞ്ഞ് കുരുവോടുകൂടിയും അല്ലാതെയും വിപണിയിലെത്തിച്ച് നൽകിയാണ് വരുമാനം സന്പാദിക്കുന്നത്. ഡിസംബർ മുതൽ ഓഗസ്റ്റ് വരെ മുടക്കം കൂടാതെ ചക്ക വിപണിയിലെത്തിക്കാൻ കഴിയാറുണ്ടെന്ന് ഡെന്നി പറഞ്ഞു. ചക്കയും ചക്ക ഉത്പന്നങ്ങളും കഴിക്കുന്നതാണ് തന്‍റെ ആരോഗ്യത്തിന്‍റെ രഹസ്യമെന്നും ഡെന്നി പറയുന്നു. വരുമാനം മാത്രമല്ല ആസ്വാദനവും മക്കളെല്ലാം വിദേശത്ത് കഴിയുന്ന മോളി-ആന്‍റണി ദന്പതികൾക്ക് ചക്കച്ചുള വ്യാപാരം വരുമാനം മാത്രമല്ല ജീവിതാസ്വാദനം കൂടിയാണ്. നാലേക്കർ വരുന്ന കൃഷിയിടത്തിൽ 100 പ്ലാവുകൾക്കു പുറമേ റംബുട്ടാൻ, തെങ്ങ് തുടങ്ങിയ കൃഷികളുമുണ്ട്. ഇരുവരും ചേർന്ന് രാവിലെതന്നെ ചക്ക വെട്ടിയൊരുക്കി വിപണിയിലെത്തിക്കും. കൂടുതൽ മൂല്യാധിഷ്ഠിത ഉത്പന്നങ്ങളിലൂടെ ഈ രംഗത്ത് സജീവമാകാനാണ് ഇരുവർക്കും ഇഷ്ടം. മക്കൾ മൂന്നുപേരും വിദേശത്ത് ജോലി ചെയ്യുകയാണ്. അതിനാൽ മറ്റുതിരക്കുകളില്ലാത്തതിനാൽ ചക്കച്ചുള വ്യാപാരവും യാത്രകളുമൊക്കെയായി ജീവിതം ആസ്വാദ്യകരമാക്കുകയാണ് ഇരുവരും. ചക്കപോലെ ഭക്ഷ്യയോഗ്യമായ മറ്റൊരു ഉത്പന്നം മറ്റുള്ളവർക്കുകൂടി ലഭിക്കണമെന്ന ചിന്തയാണ് വരുമാനത്തെക്കാൾ ഉപരി തങ്ങൾക്ക് ഈ ജോലിയുമായി മുന്നോട്ടുപോകാൻ പ്രചോദനമെന്നും മോളി ആന്‍റണി പറയുന്നു. യാതൊരു യന്ത്രസഹായവുമില്ലാതെ ചെറിയകത്തി മാത്രം ഉപയോഗിച്ച് വെട്ടിയൊരുക്കി വിപണിയിലെത്തിക്കാവുന്ന ഒരു മൂല്യവർധിത ഉത്പന്നമാണിത്. വരിക്കയോ കൂഴയോ എന്ന വേർതിരിവില്ലാതെ ചുളയ്ക്ക് വില ലഭിക്കുന്നുണ്ട്. ചക്ക ഉപയോഗിച്ചു പാകപ്പെടുത്തുന്ന ഉത്പന്നങ്ങൾ പ്രമേഹ രോഗികൾക്കും ഏറെ ഗുണകരമാണ്. സീസണിന്‍റെ ആരംഭത്തിൽ ഒരു കിലോ ചക്കച്ചുളയ്ക്ക് 100 രൂപ നിരക്കിലാണ് കർഷകരിൽനിന്ന് വാങ്ങിയിരുന്നതെന്നു കാഡ്സ് ചെയർമാൻ ആന്‍റണി കണ്ടിരിക്കൽ പറഞ്ഞു. ലഭ്യത കൂടുന്പോൾ വിലയിൽ നേരിയ വ്യത്യാസംവരുമെങ്കിലും കർഷകന് നല്ല വില ലഭിക്കാറുണ്ട്. ഇരുചക്രവാഹനത്തിൽ കൊണ്ടുവന്ന് വിപണിയിൽ നൽകി പോകാവുന്ന വിധം ലളിതമാണ് കച്ചവടം. വാങ്ങുന്ന ഉപഭോക്താക്കൾക്ക് കൈയിൽ അരക്കുപോലും പറ്റാതെ അരമണിക്കൂറിനുള്ളിൽ പാകപ്പെടുത്തി കഴിക്കാനും കഴിയും. കർഷകന്‍റെ അധ്വാനത്തിനനുസരിച്ചുള്ള വിലയും വിപണി സാധ്യതയും ലഭിച്ചാൽ ധാരാളം പേർ ഈ രംഗത്തേക്ക് കടന്നുവരികയും പാഴായി പോകുന്ന ഭക്ഷ്യോത്പന്നം അനേകർക്ക് വരുമാന സ്രോതസായി മാറുകയും ചെയ്യും.

മഴക്കെടുതി: വൈദ്യുതി ബോർഡിന് നഷ്ടം ആറു കോടി

തൊടുപുഴ: കഴിഞ്ഞ ഒരു മാസത്തിനിടെ ഉണ്ടായ മഴക്കെടുതികളിൽ ജില്ലയിൽ വൈദ്യുതി ബോർഡിനുണ്ടായത് 5.94 കോടിയുടെ നഷ്ടം. പ്രതികൂല കാലാവസ്ഥയിലും ജീവനക്കാർ മികച്ച പ്രവർത്തനം നടത്തിയതുകൊണ്ടാണ് പരാതികളുടെ എണ്ണം വലിയ തോതിൽ കുറയ്ക്കാനായതെന്ന് തൊടുപുഴ ഇലക്‌ട്രിക്കൽ സർക്കിൾ ഡെപ്യൂട്ടി ചീഫ് എൻജനിയർ കെ. ഇന്ദിര അറിയിച്ചു. മഴയിലും കാറ്റിലും ജില്ലയിലെ 1698 വൈദ്യുതി പോസ്റ്റുകൾക്ക് കേടുപാട് സംഭവിച്ചു. ഇതിൽ 1370 എണ്ണം എൽടി പോസ്റ്റുകളും 328 എണ്ണം എച്ച്ടി പോസ്റ്റുകളുമാണ്. മേയ് 23 മുതൽ ജൂണ്‍ 20 വരെയുള്ള വൈദ്യുതി ബോർഡിന്‍റെ കണക്കുകൾ പ്രകാരമാണിത്. 3175 ട്രാൻസ്ഫോർമറുകളുടെ പ്രവർത്തനത്തെയും മഴ ബാധിച്ചു. ഒരു ട്രാൻസ്ഫോർമർ വെള്ളം കയറി നശിച്ചു. 6,41,028 വൈദ്യുതി കണക്‌ഷനുകളിലെ വിതരണത്തെയും മഴയും കാറ്റും ബാധിച്ചു. വൈദ്യുത ലൈനുകളിൽ മരം വീണ് വൈദ്യുതി മുടക്കമുണ്ടാകുന്ന സന്ദർഭങ്ങളിൽ ഇവ നീക്കം ചെയ്ത് വൈദ്യുതി പുനഃസ്ഥാപിക്കാൻ അധികമായി ജീവനക്കാരെ വിന്യസിച്ചിരുന്നു. ഉത്പാദന വിതരണ വിഭാഗങ്ങളിൽനിന്നാണ് ജില്ലയിലാകെ ജീവനക്കാരെ നിയോഗിച്ചത്. ഇതിനു പുറമേ കരാർ തൊഴിലാളികളുടെ സേവനവും ഉപയോഗപ്പെടുത്തി. ഫയർഫോഴ്സ്, വനം തുടങ്ങിയ വകുപ്പുകളും നാട്ടുകാരും പ്രതിബന്ധങ്ങൾ നീക്കി വൈദ്യുതി വിതരണം പുനഃസ്ഥാപിക്കാൻ സഹകരിച്ചു. വൈദ്യുതി പുനഃസ്ഥാപിക്കൽ പ്രവർത്തനങ്ങൾക്ക് ജില്ലയുടെ ഭൂമിശാസ്ത്രപരമായ ഘടകങ്ങൾ പ്രതികൂലമാകാറുണ്ടെങ്കിലും വൈദ്യുതി മുടക്കം അനന്തമായി നീളുന്ന സ്ഥിതിവിശേഷം നിലവിലില്ലെന്നും അധികൃതർ വ്യക്തമാക്കി. ഉപഭോക്താക്കൾക്ക് പരാതികൾ അറിയിക്കാൻ 1912 എന്ന ടോൾ ഫ്രീ നന്പറിലേക്കു വിളിക്കാം. 9496001912 എന്ന നന്പരിൽ വിളിച്ചോ വാട്സാപ്പ് സന്ദേശമയച്ചോ പരാതി രേഖപ്പെടുത്താം. വൈദ്യുതി ലൈനുകൾ പൊട്ടിക്കിടക്കുന്നതോ മറ്റ് വൈദ്യുതി സംബന്ധമായ അപകടങ്ങളോ ശ്രദ്ധയിൽപ്പെട്ടാൽ പൊതുജനങ്ങൾക്ക് അധികൃതരെ 9496010101 എന്ന നന്പരിൽ അറിയിക്കാം. വൈദ്യുതി തടസം സംബന്ധിച്ച മുന്നറിയിപ്പുകൾ എസ്എംഎസ് മുഖേന ലഭ്യമാക്കുന്നതിനായി ഉപഭോക്താക്കൾക്ക് ംൈ.സലെയ.ശി എന്ന വെബ്സൈറ്റ് സന്ദർശിച്ച് സ്വന്തം മൊബൈൽ നന്പർ അപ്ഡേറ്റ് ചെയ്യാം.

വിനോദസഞ്ചാര കേന്ദ്രങ്ങൾ അടച്ചുപൂട്ടുന്നതിനെതിരേ മഴനനയൽ സമരം

ചെറുതോണി: ജില്ലാ ആസ്ഥാനത്ത് വനം വകുപ്പ് വൈരാഗ്യബുദ്ധിയോടെ ദൈനംദിനം അടച്ചുപൂട്ടുന്ന വിനോദസഞ്ചാരകേന്ദ്രങ്ങൾ അടിയന്തരമായി തുറന്നു കൊടുക്കണമെന്നാവശ്യപ്പെട്ട് സോഷ്യൽ ജസ്റ്റീസ് ഫോർ ഹ്യൂമൻ ആൻഡ് നേച്ചർ ചെയർമാൻ പി.എൽ. നിസാമുദീൻ മഴനനയൽ സമരം നടത്തി. ചെറുതോണി ട്രാഫിക് ജംഷനിൽ കോരിച്ചൊരിയുന്ന മഴയത്ത് അഞ്ചു മണിക്കൂറോളം മഴ നനഞ്ഞാണ് സമരം നടത്തിയത്. ഫോട്ടോഗ്രാഫേഴ്സ് അസോസിയേഷൻ ജില്ലാ വൈസ് പ്രസിഡന്‍റ് എൻ.ജെ. വർഗീസ് സമരം ഉദ്ഘാടനം ചെയ്തു. കുളമാവ് അണക്കെട്ടിനു മുകളിലൂടെ അരനൂറ്റാണ്ടായി വാഹനയാത്രയും കാൽനടയാത്രയും അനുവദിക്കുമ്പോൾ ഇടുക്കി പദ്ധതിയുടെ ഭാഗമായ ചെറുതോണി-ഇടുക്കി അണക്കെട്ടുകൾ നടന്നുകാണാൻ പോലും കെഎസ്ഇബി അനുവദിക്കുന്നില്ല. ജില്ലാ ആസ്ഥാന വികസനത്തിന് തടസമായി നില്ക്കുന്ന കാര്യങ്ങളിൽ വനം - ടൂറിസം - വൈദ്യുതി വകുപ്പ് മന്ത്രിമാരും വകുപ്പുതല മേധാവികളും അടിയന്തരമായി ഇടപെട്ട് യുദ്ധകാലാടിസ്ഥാനത്തിൽ പരിഹാരമുണ്ടാക്കണമെന്ന് പി.എൽ. നിസാമുദീൻ ആവശ്യപ്പെട്ടു. ഔസേപ്പച്ചൻ ഇടക്കുളത്തിൽ, വാഴത്തോപ്പ് ഗ്രാമപഞ്ചായത്ത് അംഗം ടിന്‍റു സുഭാഷ്, ടി. ജെ. റോബിൻസ്, സി.പി. സലിം ഉൾപ്പെടെ നിരവധി പേർ സമരത്തിന് ഐക്യദാർഡ്യം അറിയിച്ച് പങ്കെടുത്തു.

കെട്ടിടത്തിനുള്ളിൽ തീപിടിച്ച് രേഖകൾ കത്തി നശിച്ചു

തൊടുപുഴ: മണക്കാട് സഹകരണ ബാങ്ക് പ്രവർത്തിച്ചിരുന്ന പഴയ കെട്ടിടത്തിൽ തീപിടുത്തം. ഇന്നലെ വൈകുന്നേരം ആറോടെയാണ് സംഭവം. മുറിയിൽ സൂക്ഷിച്ചിരുന്ന ബുക്കുകൾ, വിവിധ ഓഫീസ് രേഖകൾ എന്നിവയിലാണ് ഷോർട്ട് സർക്യൂട്ട് മൂലം തീപിടിച്ചത്. കെട്ടിടത്തിന്‍റെ മറ്റൊരു ഭാഗത്ത് പ്രവർത്തിച്ചിരുന്ന ട്യൂഷൻ സെന്‍ററിന്‍റെ ഉടമയാണ് വിവരം അഗ്നി രക്ഷാ സേനയെ അറിയിച്ചത്. തൊടുപുഴയിൽ നിന്നും അസിസ്റ്റന്‍റ് സ്റ്റേഷൻ ഓഫീസർ ടി.എച്ച്. സാദിഖ്, സീനിയർ ഫയർ ആന്‍റ് റെസ്ക്യു ഓഫീസർ എം.എൻ. വിനോദ് കുമാർ എന്നിവരുടെ നേതൃത്വത്തിൽ സേന സ്ഥലത്തെത്തി. തീപിടുത്തം ഉണ്ടായ സ്ഥലത്തേക്ക് പ്രവേശിക്കുന്നതിനുള്ള വാതിൽ പൂട്ടിയിട്ടിരുന്നതിൽ ഡോർ ബ്രേക്കർ ഉപയോഗിച്ച് തുറന്നാണ് സേനാംഗങ്ങൾ അകത്ത് പ്രവേശിച്ചത്. സംഭവസമയത്ത് കെട്ടിടത്തിന്‍റെ മറ്റൊരു മുറിയിൽ പ്രവർത്തിച്ചിരുന്ന ടൂഷൻ സെന്‍ററിലെ കുട്ടികൾ തീയും പുകയും കണ്ട് പുറത്തേക്ക് ഓടിമാറിയിരുന്നു. ഇടുങ്ങിയ മുറിയിൽ പുക നിറഞ്ഞിരുന്നതിനാൽ ശ്വസനോപകരണം ധരിച്ച് അകത്തു പ്രവേശിച്ചാണ് സേനാംഗങ്ങൾ തീയണച്ചത്. സ്വിച്ച് ബോർഡിനോട് ചേർന്നു തന്നെ ബുക്കുകൾ സൂക്ഷിച്ചിരുന്നതാണ് തീ പടർന്നുപിടിക്കാൻ കാരണമായത്. തീ പടരാതിരിയ്ക്കാൻ ബുക്കുകൾ, വിവിധ രേഖകൾ, ഇലക്ട്രോണിക്സ് ഉപകരണങ്ങൾ, പ്ലാസ്റ്റിക് കസേരകൾ എന്നിവ പെട്ടെന്നു തന്നെ പുറത്തേക്ക് മാറ്റുകയും ചെയ്തു. മുക്കാൽ മണിക്കൂറോളം സമയം പ്രയത്നിച്ചാണ് തീ പൂർണമായും അണച്ചത്. പ്രാഥമിക നിഗമനത്തിൽ മുപ്പതിനായിരം രൂപയുടെ നഷ്ടം കണക്കാക്കുന്നു.

തോട്ടംമേഖലയെ സംരക്ഷിക്കാൻ പദ്ധതി തയാറാക്കും: മന്ത്രി രാജീവ്

തൊടുപുഴ: ജില്ലയിൽ സംഘടിപ്പിച്ച പ്ലാന്േ‍റഴ്സ് മീറ്റിൽ പങ്കെടുക്കാനെത്തിയ മന്ത്രി പി.രാജീവിനു മുന്നിൽ നിരന്നത് തോട്ടം മേഖല നേരിടുന്ന വിവിധ പ്രശ്നങ്ങൾ. കൃത്യമായ വേതനം, തോട്ടം മേഖലകളിലെ കെട്ടിട നിർമ്മാണ പ്രവർത്തനങ്ങൾക്ക് അനുമതി, വൈദ്യുത ചാർജുകളിൽ ഇളവ്, തോട്ടം മേഖലയിലെ കൃഷിനാശങ്ങൾക്ക് നഷ്ടപരിഹാരം, വളർത്തുമൃഗങ്ങളെ വളർത്താൻ അനുമതി, ഗ്രീൻ ടീ ഉത്പാദനം തുടങ്ങി വിവിധ വിഷയങ്ങളാണ് തോട്ടം ഉടമകളും, തൊഴിലാളി പ്രതിനിധികളും കട്ടപ്പനയിൽ മന്ത്രി പങ്കെടുത്ത മീറ്റിൽ അവതരിപ്പിച്ചത്. ഇന്നലെ രാവിലെ ഏലം തോട്ടം ഉടമകളുമായും ഉച്ചയ്ക്ക് ശേഷം തേയില, കാപ്പി, റബർ പ്ലാന്‍റേഷൻ കർഷകരുമായും തോട്ടം ഉടമകളുമായും മന്ത്രി ആശയ വിനിമയം നടത്തി. തോട്ടംമേഖല പ്രതിസന്ധി നേരിടുന്ന ഘട്ടത്തിലാണ് മേഖലയെ സംരക്ഷിക്കാൻ സർക്കാർ വിവിധ പദ്ധതികൾക്ക് തുടക്കം കുറിച്ചിട്ടുള്ളതെന്ന് മന്ത്രി പറഞ്ഞു. തോട്ടങ്ങളിൽ ഡ്രയർ, പ്രോസസിംഗ് യൂണിറ്റ് നിർമാണ പ്രവർത്തനങ്ങൾക്ക് വിവിധ വകുപ്പുകൾ ചട്ട ഭേദഗതി വരുത്തണം. അതിനായി മുഖ്യമന്ത്രിയുടെ നേതൃത്വത്തിൽ വകുപ്പ് തല യോഗം ചേർന്ന് പരിഹാരം കാണും. തോട്ടം മേഖലയിലെ കൃഷി നാശം സംബന്ധിച്ച് കൃഷി വകുപ്പാണ് നടപടി സ്വീകരിക്കണ്ടതെന്നും ബന്ധപ്പെട്ട വിഷയം വകുപ്പിന്‍റെ ശ്രദ്ധയിൽ പെടുത്തും. ജിഎസ്ടി, വന്യമൃഗശല്യം തുടങ്ങിയ വിഷയങ്ങൾ കേന്ദ്രസർക്കാർ നിയമ പരിധിയിൽ വരുന്നതാണെന്നും ഇതിൽ നിയമഭേദഗതി ആവശ്യപ്പെട്ട് മുഖ്യമന്ത്രി കത്തു നൽകിയിട്ടുണ്ടെന്നും മന്ത്രി പറഞ്ഞു. ജില്ലാ വ്യവസായ കേന്ദ്രത്തിന്‍റെ ആഭിമുഖ്യത്തിൽ നടത്തിയ പ്ലാന്േ‍റഴ്സ് മീറ്റ് മന്ത്രി ഉദ്ഘാടനം ചെയ്തു. തോട്ടം മേഖലയിലെ കോടതി കേസുകളുമായി ബന്ധപ്പെട്ട് പ്രത്യേക കമ്മിറ്റി രൂപീകരിക്കുമെന്നും കാർഡമം ഹിൽസ് വനഭൂമിയാണെന്ന വനം വകുപ്പിന്‍റെ അവകാശവാദം സംബന്ധിച്ച് പ്രത്യേക ചർച്ച നടത്തുമെന്നും അദ്ദേഹം പറഞ്ഞു. എം.എം. മണി എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്‍റ് രാരിച്ചൻ നീറണാകുന്നേൽ, വ്യവസായ വാണിജ്യ വകുപ്പ് പ്രിൻസിപ്പൽ സെക്രട്ടറി എ.പി.എം മുഹമ്മദ് ഹനീഷ്, ജില്ലാ കളക്ടർ വി. വിഗ്നേശ്വരി, നഗരസഭാ ചെയർപേഴ്സണ്‍ ബീനാ ടോമി, വൈസ് ചെയർമാൻ കെ.ജെ. ബെന്നി, കൗണ്‍സിലർ സിജോ മോൻ ജോസ്, ജില്ലാ ആസൂത്രണ സമിതി ഉപാധ്യക്ഷൻ സി.വി.വർഗീസ്, അസോസിയേഷൻ ഓഫ് പ്ലാന്േ‍റഴ്സ് ഇൻ കേരള ചെയർമാൻ പ്രിൻസ് തോമസ് ജോർജ്, സംസ്ഥാന പ്ലാന്‍റേഷൻ ബിസിനസ് അഡ്വൈസറി കമ്മിറ്റി അംഗം സ്റ്റനി പോത്തൻ എന്നിവർ പ്രസംഗിച്ചു.

സ്കൂൾ കുട്ടികൾക്കു നേരേ നഗ്നതാപ്രദർശനം: പ്രതി പിടിയിൽ

വണ്ടിപ്പെരിയാർ:സ്കൂൾ കുട്ടികൾക്ക് നേരേ നഗ്നതാപ്രദർശനം നടത്തിയ ആളെ പോലീസ് പിടികൂടി. ശനിയാഴ്ചയാണ് കേസിന് ആസ്പദമായ സംഭവം നടന്നത്. വണ്ടിപ്പെരിയാർ മൂങ്കലാർ 60 അടി പാലത്തിനു സമീപം തോട്ടത്തിൽ ജോലി ചെയ്തുകൊണ്ടിരുന്ന ഒന്നാം ഡിവിഷൻ സ്വദേശിയായ പനീർ സെൽവം സ്കൂൾ കുട്ടികൾ സ്കൂളിലേക്കു പോകുന്നതിനായി ബസ് കാത്തുനിന്ന സമയത്ത് പാലത്തിനു സമീപം എത്തി നഗ്നത പ്രദർശിപ്പിക്കുകയായിരുന്നു. തുടർന്ന് കുട്ടികൾ ബഹളം വയ്ക്കുകയും നാട്ടുകാരെ വിളിച്ചു വരുത്തുകയും ചെയ്തു. ഈ സമയം ഇയാൾ അവിടെനിന്നു കടന്നു കളഞ്ഞു. പിന്നീട് വണ്ടിപ്പെരിയാർ പോലീസിൽ പരാതി നൽകിയതിന്‍റെ അടിസ്ഥാനത്തിൽ പോലീസ് ഇയാളെ അറസ്റ്റ് ചെയ്യുകയായിരുന്നു. കുട്ടികൾക്കെതിരായ അതിക്രമം കുറ്റം ചുമത്തി ഇയാളെ പീരുമേട് കോടതിയിൽ ഹാജരാക്കി റിമാൻഡ് ചെയ്തു. വണ്ടിപ്പെരിയാർ സബ്ഇൻസ്പെക്ടർ ടി.എസ്. ജയകൃഷ്ണന്‍റെ നേതൃത്വത്തിലുള്ള പോലീസ് സംഘമാണ് ഇയാളെ പിടികൂടിയത്.

ഇൻഡോ-അമേരിക്കൻ വ്യാപാര കരാറിൽനിന്ന് സർക്കാർ പിൻമാറണമെന്ന്

കട്ടപ്പന: രാജ്യത്തെ കർഷകരെ ദുരിതത്തിലേക്ക് തള്ളിവിടുന്ന ഇൻഡോ- അമേരിക്കൻ സ്വതന്ത്ര വ്യാപാര കരാറിൽനിന്ന് കേന്ദ്ര സർക്കാർ പിന്മാറണമെന്ന് ചെറുകിട കർഷക ഫെഡറേഷൻ പ്രസിഡന്‍റ് വൈ. സി. സ്റ്റീഫൻ ആവശ്യപ്പെട്ടു. അമേരിക്കൻ വിപണിയിൽ കെട്ടിക്കിടക്കുന്ന പാൽ, പാൽ ഉത്പന്നങ്ങൾ, കൃത്രിമ റബ്ബർ, സോയാബീൻ എണ്ണ, കോഴി - താറാവ് മാംസങ്ങൾ എന്നിവ നികുതിയില്ലാതെ ഇന്ത്യൻ വിപണിയിലേക്ക് ഇറക്കുമതി ചെയ്യുന്ന കരാർ 24 നാണ് ഒപ്പിടാൻ തീരുമാനിച്ചിരിക്കുന്നത്. ഇതു കേരളത്തിലെയും രാജ്യത്തെയും ലക്ഷക്കണക്കിന് റബർ, നാളികേരം, തേയില കർഷകരുടെ ജീവിതം പ്രതിസന്ധിയിലാക്കും. കരാർ നടപ്പാക്കുന്നത് കേരളത്തിലെ 15 ലക്ഷം ക്ഷീരകർഷകരെയും ക്ഷീര വ്യവസായ മേഖലയിൽ ജോലിചെയ്യുന്ന 54 ലക്ഷത്തിലേറെ ആളുകളെയും പ്രതികൂലമായി ബാധിക്കും. വ്യവസ്ഥകൾ വെളിപ്പെടുത്താതെയും പാർലമെന്‍റിൽ ചർച്ച ചെയ്യാതെയും തിരക്കുപിടിച്ച് നടപ്പാക്കുന്ന കരാർ ലക്ഷക്കണക്കിന് ആളുകളെ ആത്മഹത്യയിലേക്ക് തള്ളിവിടും. കർഷകരുടെയും കർഷക സംഘടനകളുടെയും എതിർപ്പിനെ തുടർന്നാണ് അഞ്ചു വർഷമായി കരാർ നടപ്പാക്കാതിരുന്നത്. 24നാണ് അമേരിക്കൻ വാണിജ്യതല സംഘം കരാർ ഒപ്പിടാൻ ഇന്ത്യയിലെത്തുന്നത്. രാജ്യത്ത് ഇതുവരെ നടപ്പാക്കിയ ആസിയാൻ, ഗാട്ട് ഉൾപ്പെടെയുള്ള 172 കരാറുകളുടെ ബുദ്ധിമുട്ട് അനുഭവിക്കുന്നത് ചെറുകിട, നാമമാത്ര കർഷകരാണ്. സ്വതന്ത്ര കരാറിന്‍റെ മറവിൽ കെനിയയിൽനിന്ന് വൻതോതിൽ കേരളത്തിലേക്ക് തേയിലപ്പൊടി ഇറക്കുമതി ചെയ്യുമെന്നും വൈ.സി. സ്റ്റീഫൻ ചൂണ്ടിക്കാട്ടി.

മരത്തിനു മുകളിൽ കുടുങ്ങിപ്പോയ യുവാവിന് ഫയർഫോഴ്സ് രക്ഷകരായി

നെടുങ്കണ്ടം: മരം മുറിക്കുന്നതിനിടെ മരത്തിനു മുകളിൽ രണ്ടു മരങ്ങൾക്കിടയിൽ കുടുങ്ങിയ യുവാവിനെ സാഹസികമായി രക്ഷപ്പെടുത്തി. കോമ്പയാര്‍ സ്വദേശി ഇല്ലിമൂട്ടില്‍ രാജേഷാണ് (45) അപകടത്തിൽപ്പെട്ടത്. തിങ്കളാഴ്ച ഉച്ചക്ക് ഒന്നോടെ കോമ്പയാറിലെ സ്വകാര്യ കൃഷിഭൂമിയിലാണ് അപകടം. കൃഷിയിടത്തില്‍ ചാഞ്ഞുനിന്ന കാറ്റാടിമരം മുറിച്ചുമാറ്റുന്നതിനായി സമീപത്തുനിന്നിരുന്ന പ്ലാവിൽ കയറി ശിഖരങ്ങൾ മുറിക്കാന്‍ ശ്രമിക്കുന്നതിനിടെ കാറ്റാടിമരം രാജേഷ് കയറിനിന്ന പ്ലാവിന്‍റെ മുകളിലേക്ക് ചെരിയുകയായിരുന്നു. ഇതോടെ രാജേഷ് രണ്ടു മരങ്ങള്‍ക്കുമിടയിലായി അമര്‍ന്നു. നാട്ടുകാര്‍ വിവരമറിയിച്ച് സ്ഥലത്തെത്തിയ നെടങ്കണ്ടം അഗ്‌നിശമനസേനയും നാട്ടുകാരും ചേര്‍ന്ന് ചാഞ്ഞുനിന്ന മരത്തില്‍ വടം കെട്ടിവലിച്ചാണ് രാജേഷിനെ മരങ്ങള്‍ക്കിടയില്‍നിന്നു രക്ഷിച്ചത്. തുടർന്ന് മറ്റൊരു വടത്തില്‍ ബന്ധിപ്പിച്ച് രാജേഷിനെ താഴെയിറക്കി. നെടുങ്കണ്ടത്തെ സ്വകാര്യ ആശുപത്രിയില്‍ പ്രവേശിപ്പിച്ച് പ്രാഥമിക ചികിത്സ നൽകി. ചെറിയ മുറിവുകള്‍ അല്ലാതെ മറ്റു പരിക്കുകള്‍ ഇല്ലെന്ന് ആശുപത്രി അധികൃതര്‍ അറിയിച്ചു.

കിണറ്റിൽ വീണ് ഗൃഹനാഥൻ മരിച്ചു

തൊടുപുഴ: കരിമണ്ണൂർ പാഴൂക്കരയിൽ കിണറ്റിൽ വീണ് ഗൃഹനാഥൻ മരിച്ചു. ഇന്നലെ രാവിലെ ആറരയോടെയാണ് സംഭവം. കന്പോത്തുങ്കൽ ഇബ്രാഹിം (65) ആണ് മരിച്ചത്. രാവിലെ കിണറ്റിൽനിന്നു വെള്ളം കോരുന്നതിനിടെ കാൽ തെന്നി വീഴുകയായിരുന്നു. ചുറ്റുമതിലും 30 അടി താഴ്ചയുമുള്ള കിണറ്റിൽ 15 അടിയോളം വെള്ളം ഉണ്ടായിരുന്നു. വീട്ടുകാരുടെ നിലവിളി കേട്ട് ഓടിയെത്തിയ നാട്ടുകാരിൽ ഒരാൾ കിണറ്റിൽ ഇറങ്ങി ആളെ പുറത്തെത്തിക്കാൻ നോക്കിയെങ്കിലും കിണറിന്‍റെ ആഴം കാരണം ശ്രമം വിജയിച്ചില്ല. തുടർന്ന് തൊടുപുഴ അഗ്നി രക്ഷാ സേനയെ വിവരമറിയിക്കുകയായിരുന്നു. തൊടുപുഴയിൽനിന്ന് അസിസ്റ്റന്‍റ് സ്റ്റേഷൻ ഓഫീസർ ബിജു പി.തോമസിന്‍റെ നേതൃത്വത്തിൽ സേന സംഭവസ്ഥലത്തെത്തി. സീനിയർ ഫയർ ആന്‍റ് റെസ്ക്യു ഓഫീസർ എം.എൻ.വിനോദ് കുമാർ കിണറ്റിലിറങ്ങി ഇബ്രാഹിമിനെ റെസ്ക്യു നെറ്റിൽ കയറ്റി മറ്റു സേനാംഗങ്ങളുടെ സഹായത്തോടെ കരയ്ക്കുകയറ്റി. തുടർന്ന് സ്വകാര്യ ആംബുലൻസിൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടത്തിനു ശേഷം ബന്ധുക്കൾക്ക് വിട്ടുനൽകി. കബറടക്കം നടത്തി. ഭാര്യ റഹീമ. മകൾ സുനിത. കരിമണ്ണൂർ പോലീസ് കേസെടുത്തു.

തെക്കുംഭാഗം-ആനക്കയം റൂട്ടിൽ ബസ് സർവീസിനായി ആവശ്യം ശക്തം

തൊടുപുഴ: തെക്കുംഭാഗം -അഞ്ചിരി -ആനക്കയം റൂട്ടിൽ നേരത്തേ ഉണ്ടായിരുന്ന ബസ് സർവീസുകൾ പുനരാരംഭിക്കണമെന്ന ആവശ്യം ശക്തമായി. നേരത്തേ മൂന്നു സ്വകാര്യബസുകളും ഒരു കെഎസ്ആർടിസിയും ഇതുവഴി സർവീസ് നടത്തിയിരുന്നു. കോവിഡ് കാലത്ത് ബസുകൾ സർവീസ് നിർത്തിയ ശേഷം ഇതുവഴിയുള്ള സർവീസുകൾ വീണ്ടും ആരംഭിക്കാൻ നടപടി ഉണ്ടായിട്ടില്ല. ഇപ്പോൾ രാവിലെ 10ന് സ്വകാര്യബസിന്‍റെ ഒരു ട്രിപ്പ് മാത്രമാണ് ഓടുന്നത്. സ്കൂൾ സമയത്തുൾപ്പെടെ ബസ് സർവീസ് ഇല്ലാത്തതിനാൽ യാത്രക്കാരും വിദ്യാർഥികളും ഏറെ ബുദ്ധിമുട്ടിലാണ്. സ്വന്തമായി വാഹനം ഇല്ലാത്തവർ ഇപ്പോൾ ഓട്ടോ വിളിച്ചും മറ്റും യാത്ര ചെയ്യേണ്ട ഗതികേടിലാണ്. നേരത്തേ ഇതുവഴി സ്വകാര്യ ബസുകൾ ഏഴു ട്രിപ്പും കെഎസ്ആർടിസി നാലു ട്രിപ്പുകളും നടത്തിയിരുന്നു. എന്നാൽ, ഇപ്പോൾ ആകെയുള്ള ഒരു സർവീസ് രാവിലെ പോയാൽ പിന്നെ യാത്രക്കാർക്ക് ടാക്സി വാഹനങ്ങളും കാൽനടയും മാത്രമാണ് ആശ്രയം. അഞ്ചിരി റൂട്ടിൽ ഏതാനും ട്രിപ്പുകൾ അനുവദിച്ച് യാത്രക്കാരുടെ ദുരിതം അവസാനിപ്പിക്കാൻ ഗതാഗതവകുപ്പ് അധികൃതർ നടപടി സ്വീകരിക്കണമെന്നാണ് നാട്ടുകാരുടെ ആവശ്യം. ഇതിനിടെ തെക്കുംഭാഗം - ഇഞ്ചിയാനി വഴി പുതുതായി മൂന്നു സ്വകാര്യബസുകൾക്കുകൂടി പെർമിറ്റ് നൽകാനുള്ള നീക്കം ആരംഭിച്ചതായി പറയുന്നു. ഇതിനുള്ള അപേക്ഷകൾ ആർടിഎ ബോർഡിനു നൽകിയിട്ടുണ്ട്. ഇഞ്ചിയാനി വഴി ആനക്കയത്തിന് നിലവിൽ ആറു സ്വകാര്യ ബസ് സർവീസുകളും കെഎസ്ആർടിസി മൂന്നു സർവീസുകളും ട്രിപ്പുകളും ഓടുന്നുണ്ട്. ഇതിനിടയിൽ പുതുതായി ഇതുവഴി കൂടുതൽ ട്രിപ്പുകൾ ആരംഭിച്ച് നിലവിലുള്ള സർവീസുകൾ ഇല്ലാതാക്കാനുള്ള ശ്രമമാണ് ഇതിനു പിന്നിലെന്നാണ് ആക്ഷേപം

കുടുംബത്തെ പണിതുയർത്താൻ ശ്രമിക്കണം: മാർ മഠത്തിക്കണ്ടത്തിൽ

മൂവാറ്റുപുഴ: വൈധവ്യത്തിന്‍റെ ഓർമകളിൽ ജീവിതത്തെ തളച്ചിടാതെ കുടുംബത്തെ പണിതുയർത്താനും സഭയോട് ചേർന്ന് ദൈവരാജ്യ നിർമിതിക്കായി പ്രവർത്തിക്കാനും തയാറാകണമെന്ന് കോതമംഗലം ബിഷപ് മാർ ജോർജ് മഠത്തിക്കണ്ടത്തിൽ. കോതമംഗലം രൂപത യൂദിത്ത് നവോമി ഫോറത്തിന്‍റെ ആഭിമുഖ്യത്തിൽ ലോക വിധവാ ദിനത്തോടനുബന്ധിച്ചു നടന്ന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. രൂപത ഡയറക്ടർ റവ.ഡോ. ആന്‍റണി പുത്തൻകുളം അധ്യക്ഷത വഹിച്ചു. നഗരസഭാംഗം ജോയിസ് മേരി ആന്‍റണി മുഖ്യപ്രഭാഷണം നടത്തി. മൂവാറ്റുപുഴ ഹോളി മാഗി ഫൊറോന പള്ളിവികാരി റവ. ഡോ.മാനുവൽ പിച്ചളക്കാട്ട് അനുഗ്രഹ പ്രഭാഷണം നടത്തി. യൂദിത്ത് നവോമി കെസിബിസി ജനറൽ സെക്രട്ടറി മേരി ജോണ്‍ മാർഗരേഖ പ്രകാശനം ചെയ്തു. മാതൃവേദി രൂപത പ്രസിഡന്‍റ് ജാൻസി മാത്യു, രൂപത അനിമേറ്റർ സിസ്റ്റർ കാരുണ്യ, രൂപത വൈസ് പ്രസിഡന്‍റ് ലിസി സെബാസ്റ്റ്യൻ, മിനി മാനുവൽ ജൂഡി, ജെസി ജയിംസ്, ഷീജ റെന്നി എന്നിവർ പ്രസംഗിച്ചു. ചടങ്ങിൽ വിവിധ മത്സരങ്ങളിൽ വിജയികളായവർക്ക് സമ്മാനങ്ങളും വിതരണം ചെയ്തു. തുടർന്നു കലാപരിപാടികളും അരങ്ങേറി.

മൂന്നാറിന്‍റെ അടിസ്ഥാന വികസനത്തിന് നടപടി സ്വീകരിക്കും: മന്ത്രി ബാലഗോപാൽ

മൂന്നാർ: മൂന്നാറിന്‍റെ അടിസ്ഥാന വികസനങ്ങൾക്ക് നടപടി സ്വീകരിക്കുമെന്ന് ധനകാര്യ മന്ത്രി കെ.എൻ. ബാലഗോപാൽ. മൂന്നാറിൽ വിവിധ കേന്ദ്രങ്ങളിൽ സന്ദർശനം നടത്തിയതിനു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. ഇന്നലെ രാവിലെ മൂന്നാർ സർക്കാർ അതിഥി മന്ദിരത്തിൽ നിന്നും പുറപ്പെട്ട മന്ത്രി ആദ്യം ദേവികുളം സാമൂഹിക ആരോഗ്യകേന്ദ്രം സന്ദർശിച്ചു. ആശുപത്രിയുടെ പ്രവർത്തനം കൂടുതൽ കാര്യക്ഷമമാക്കുന്നതിന് മികച്ച സൗകര്യങ്ങളോടെയുള്ള പുതിയ കെട്ടിടം നിർമിക്കുന്നതിന് ഫണ്ട് അനുവദിച്ചിട്ടുണ്ട്. ആരോഗ്യ വകുപ്പുമായി ആലോചിച്ച് കിഫ്ബിയുമായി ചർച്ച നടത്തി തുടർ നടപടികൾ സ്വീകരിക്കും. 2018ൽ പ്രളയത്തിൽ ഒലിച്ചു പോയ മൂന്നാർ ഗവണ്‍മെന്‍റ് കോളജിന് പുതിയ കെട്ടിടം നിർമിക്കുന്നതിനുള്ള നടപടികൾ ആരംഭിച്ചു കഴിഞ്ഞു. മൂന്നാർ എൻജിനീയറിംഗ് കോളജ് ഐഎച്ച്ആർ ഡി ഏറ്റെടുക്കുന്നതിനുള്ള നടപടി സ്വീകരിക്കും. മൂന്നാറിന്‍റെ പ്രത്യേകതയ്ക്കനുസരിച്ചുള്ള പുതിയ കോഴ്സുകൾ തുടങ്ങാൻ ശിപാർശചെയ്യും. മൂന്നാറിലെ ഗതാഗതക്കുരുക്കിന് പരിഹാരമായി ടൗണിൽ ഫ്ളൈ ഓവർ നിർമിക്കുന്നത് സർക്കാർ പരിഗണനയിലാണ്. 100 വർഷം പഴക്കമുള്ള റോഡുകളാണ് മൂന്നാറിലുള്ളത്. പ്രദേശത്തെ ജനപ്രതിനിധികളുടെയും ജനങ്ങളുടെയും ഏറെനാളത്തെ ആഗ്രഹമാണ് ഫ്ളൈ ഓവറെന്നും മന്ത്രി കെ.എൻ. ബാലഗോപാൽ പറഞ്ഞു. അഡ്വ. എ. രാജ എംഎൽഎ, സിപിഎം ജില്ലാ കമ്മിറ്റിയംഗം കെ.കെ. വിജയൻ, മൂന്നാർ ഏരിയ സെക്രട്ടറി ആർ. ഈശ്വരൻ, ദേവികുളം ബ്ലോക്ക് പഞ്ചായത്ത് പ്രസിഡന്‍റ് ജിഷ ദിലീപ്, ദേവികുളം പഞ്ചായത്ത് പ്രസിഡന്‍റ് മിൻസി റോബിൻസണ്‍ എന്നിവരും മന്ത്രിക്കൊപ്പമുണ്ടായിരുന്നു.

ആടുവളർത്തൽ യൂണിറ്റുകൾ അനുവദിക്കണം: കർഷക ഫെഡറേഷൻ

കട്ടപ്പന: തേയില കൃഷിയോടൊപ്പം ചെറുകിട തേയിലത്തോട്ടങ്ങളിൽ വ്യവസായ സംരംഭക പദ്ധതിയിൽപെടുത്തി ആടുവളർത്തൽ യൂണിറ്റുകൾ അനുവദിക്കണമെന്ന് ചെറുകിട തേയില കർഷക ഫെഡറേഷൻ വ്യവസായ വകുപ്പു മന്ത്രിക്കു നൽകിയ നിവേദനത്തിൽ ആവശ്യപ്പെട്ടു. കട്ടപ്പന ഹിൽടൗണ്‍ ഓഡിറ്റോറിയത്തിൽ നടന്ന പ്ലാന്‍റേഴ്സ് മീറ്റിൽ പങ്കെടുക്കാനെത്തിയതായിരുന്നു മന്ത്രി. മീറ്റ് മന്ത്രി പി. രാജീവ് ഉദ്ഘാടനം ചെയ്തു. തേയിലകൃഷിയെ നാളിതുവരെ സംസ്ഥാന സർക്കാർ ഒരുവകുപ്പിലും ഉൾപ്പെടുത്തിയിരുന്നില്ല. ഇതുമൂലം കൃഷി നാശത്തിനു പോലും കർഷകർക്കു സഹായം ലഭിച്ചിരുന്നില്ല. തേയില കൃഷി വ്യവസായ വകുപ്പിൽ ഉൾപ്പെടുത്തിയതോടെ പുതുതായി ആരംഭിച്ച സംരംഭക പദ്ധതിയിൽ ഗ്രീൻ ടീ നിർമാണ യൂണിറ്റുകൾ കൂടി ആരംഭിക്കണമെന്നും ഫെഡറേഷൻ പ്രസിഡന്‍റ് വൈ.സി. സ്റ്റീഫൻ പ്ലാന്‍റേഴ്സ് മീറ്റിൽ ആവശ്യപ്പെട്ടു.

ഒളിമ്പിക് റണ്‍ നടത്തി

രാജാക്കാട്: എന്‍ആര്‍ സിറ്റി എസ്എന്‍വി ഹ‍യർ സെക്കൻഡറി സ്കൂളിന്‍റെ നേതൃത്വത്തില്‍ അന്താരാഷ്ട്ര ഒളിമ്പിക് ദിനാചാരണത്തോടനുബന്ധിച്ച് രാജാക്കാട് ടൗണില്‍നിന്നും വിദ്യാർഥികൾ എന്‍ആര്‍ സിറ്റി സ്കൂളിലേക്ക് ഒളിമ്പിക് റണ്‍ നടത്തി. ടൗണില്‍ സംഘടിപ്പിച്ച പരിപാടിയില്‍ ഗ്രാമ പഞ്ചായത്ത് പ്രസിഡന്‍റ് നിഷാ രതീഷ് സന്ദേശം നൽകി. തുടർന്ന് കായികതാരങ്ങളുടെ വിവിധ ഇനങ്ങളിലുള്ള ഡിസ്പ്ലേ അവതരണവും നടത്തി. രാജാക്കാട് മര്‍ച്ചന്‍റ്സ് അസോസിയേഷന്‍ പ്രസിഡന്‍റ് വി.എസ്. ബിജു ദീപശിഖ സ്കൂള്‍ കായിക മേളയില്‍ മെഡല്‍ നേടിയ കായികതാരം ഗൗതം കൃഷ്ണ ഷിബുവിന് കൈമാറി. രാജാക്കാട് എസ്ഐ ബിനോയി എം. പോള്‍ ഒളിമ്പിക് റണ്‍ ഫ്ലാഗ് ഓഫ് ചെയ്തു. ചടങ്ങില്‍ സ്കൂൾ മാനേജർ കെ.പി. ജെയിൻ അധ്യക്ഷത വഹിച്ചു. ഹെഡ്മാസ്റ്റർ കെ.ആർ. ശ്രീനി, കായികാധ്യാപകൻ എ. സുനിൽകുമാർ, സ്റ്റാഫ് സെക്രട്ടറി രതീഷ് കുമാർ, ബാധുരി മനോജ്, അമൃതേഷ്, ജോയ് എന്നിവർ പ്രസംഗിച്ചു.

ലയം ഹൗസിംഗ് പദ്ധതി: ആദ്യഘട്ടം പൂർത്തിയായി

ഇടുക്കി: പീരുമേട് കരടിക്കുഴി എവിടി കന്പനി എസ്റ്റേറ്റിലെ നവീകരിച്ച ലയങ്ങളുടെ ഉദ്ഘാടനം മന്ത്രി പി.രാജീവ് നിർവഹിച്ചു. സംസ്ഥാന തലത്തിൽ തുടക്കം കുറിച്ച ലയം ഹൗസിംഗ് സ്കീം പദ്ധതി ജില്ലയിലാണ് ആദ്യമായി നടപ്പാക്കുന്നത്. നിലവിൽ എവിടി കന്പനി എസ്റ്റേറ്റിലെ ലയങ്ങളുടെ നവീകരണമാണ് പൂർത്തിയാക്കിയതെന്ന് മന്ത്രി പറഞ്ഞു. ശേഷിക്കുന്ന 73 ലയങ്ങളുടെ നവീകരണ പ്രവർത്തനങ്ങൾ സമയ ബന്ധിതമായി പൂർത്തിയാക്കുമെന്നും അദ്ദേഹനവീകരിച്ച ലയങ്ങൾ മന്ത്രി സന്ദർശിച്ചു. കരടിക്കുഴിയിൽ ലയങ്ങളുടെ നവീകരണത്തിനായി 8.33 ലക്ഷം രൂപയാണ് ചെലവഴിച്ചത്. യോഗത്തിൽ പഞ്ചായത്ത് പ്രസിഡന്‍റ് ആർ. ദിനേശൻ, അംഗങ്ങളായ പി. ഹരിഹരൻ, എൻ. സുകുമാരി, എവിടി കന്പനി ജനറൽ മാനേജർ എസ്. ജിക്കുഷ്, ജില്ലാ ആസൂത്രണ സമിതി ഉപാധ്യക്ഷൻ സി.വി.വർഗീസ്, ആർ. തിലകൻ, വ്യവസായ വാണിജ്യ വകുപ്പ് സ്പെഷൽ ഓഫീസർ പി.വിഷ്ണുരാജ്, വാണിജ്യ വ്യവസായ വകുപ്പ് അഡീഷണൽ ഡയറക്ടർ ആർ. രാജിവ്, ജില്ലാ വ്യവസായ കേന്ദ്രം ജനറൽ മാനേജർ ലിസിയാമ്മ സാമുവൽ തുടങ്ങിയവർ പങ്കെടുത്തു.

ആശുപത്രിയില്‍ ഉച്ചഭക്ഷണത്തിനായി ആക്രിചലഞ്ചുമായി കാരുണ്യ ചാരിറ്റബിള്‍ സൊസൈറ്റി

നെടുങ്കണ്ടം: നെടുങ്കണ്ടം താലൂക്ക് ആശുപത്രിയിലെ രോഗികള്‍ക്കും കൂട്ടിരിപ്പുകാര്‍ക്കും ഉച്ചഭക്ഷണം നല്‍കുന്നതിന് ആക്രി ചലഞ്ചുമായി നെടുങ്കണ്ടം രാജീവ് ഗാന്ധി കാരുണ്യ ചാരിറ്റബിള്‍ സൊസൈറ്റി. സൊസൈറ്റിയുടെ നേതൃത്വത്തില്‍ കഴിഞ്ഞ 13 വര്‍ഷമായി ഒരു ദിവസം പോലും മുടങ്ങാതെ ആശുപത്രിയില്‍ ഉച്ചഭക്ഷണം നല്‍കിവരുന്നുണ്ട്. നാട്ടിലെ സുമനസുകളുടെ സഹായത്തോടെയാണ് ഇത് സാധ്യമാകുന്നത്. എന്നാല്‍, മുമ്പുണ്ടായിരുന്നതിനേക്കാള്‍ രോഗികളുടെയും കൂട്ടിരിപ്പുകാരുടെയും എണ്ണം വര്‍ദ്ധിച്ചുവരികയാണ്. കൂടാതെ നിത്യോപയോഗ സാധനങ്ങളുടെ വിലയും ക്രമാതീതമായി ഉയര്‍ന്നു. ഇതുമൂലം ഉച്ചഭക്ഷണ പദ്ധതിയുടെ ചെലവ് വര്‍ദ്ധിച്ചു. ഈ സാഹചര്യത്തിലാണ് സൊസൈറ്റിയുടെ പ്രവര്‍ത്തകര്‍ വീടുകളിലെത്തി ആക്രി ഉള്‍പ്പടെയുള്ള സാധനങ്ങള്‍ സ്വരൂപിക്കാന്‍ തീരുമാനിച്ചത്. ചിരട്ട, ആക്രിസാധനങ്ങള്‍, വാഴക്കുല, മത്തങ്ങ, ചുണ്ട്, തേങ്ങ, പച്ചക്കറികള്‍ തുടങ്ങിയവ വീടുകളിലെത്തി ശേഖരിക്കും. ഈ ഉദ്യമത്തില്‍ എല്ലാവരും പങ്കാളികളാകണമെന്ന് ഭാരവാഹികള്‍ അഭ്യര്‍ത്ഥിച്ചു. സൊസൈറ്റി ഭാരവാഹികളുടെ ഫോണ്‍ നമ്പരുകളില്‍ വിളിച്ചാല്‍ വീടുകളിലെത്തി ഇവ ശേഖരിക്കും. ഫോണ്‍: 9947511996, 9447349930, 9539493248.

ലോറിക്ക് പിന്നിൽ ബൈക്കിടിച്ചു യുവാവ് മരിച്ചു

ചെറുതോണി: നിർത്തിയിട്ടിരുന്ന തടി ലോറിക്കു പിന്നിൽ ബൈക്കിടിച്ച് യുവാവ് മരിച്ചു. പാണ്ടിപ്പാറ കരിക്കുംതോളം സ്വദേശി ഇടയാടികുന്നുംപുറത്ത് മോഹനന്‍റെ മകൻ രാഹുൽ (26) ആണ് മരിച്ചത്. ഇന്നലെ രാത്രി 7.15ഓടെയാണ് അപകടം. പാണ്ടിപ്പാറ സെന്‍റ് ജോസഫ് പള്ളിയുടെ മുന്നിലുള്ള ഭണ്ഡാരത്തിൽ നേർച്ചയിടാനായി ലോറി നിർത്തിയിട്ടിരിക്കുകയായിരുന്നു. രാഹുൽ സഞ്ചിരിച്ചിരുന്ന ബൈക്ക് നിയന്ത്രണംവിട്ട് ലോറിക്ക് പിന്നിലിടിക്കുകയായിരുന്നു. ഗുരുതരമായി പരിക്കേറ്റ യുവാവിനെ തങ്കമണിയിലെ സ്വകാര്യ ആശുപത്രിയിൽ പ്രാഥമിക ശുശ്രൂഷ നൽകിയ ശേഷം കട്ടപ്പനയിലെ സ്വകാര്യ ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല. മൃതദേഹം കട്ടപ്പനയിലെ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുന്നു. അമ്മ: മിനി. സഹോദരൻ: രാഹിൽ.

കുഞ്ചിത്തണ്ണി ടൗണിനു ഭീഷണിയായി മലമുകളിൽ അനധികൃത റിസോർട്ട് നിർമാണം

കുഞ്ചിത്തണ്ണി: റെഡ് സോണിൽപ്പെട്ട സ്ഥലത്ത് അനധികൃതമായി നടത്തുന്ന റിസോർട്ട് നിർമാണം കുഞ്ചിത്തണ്ണി ടൗണിന് ഭീഷണിയാകുന്നു. കുഞ്ചിത്തണ്ണി ടൗണിന് മുകൾഭാഗത്ത് മലയിലാണ് വൻ റിസോർട്ട് നിർമാണം നടക്കുന്നത്. ഇതോടെ മഴക്കാലത്ത് കുഞ്ചിത്തണ്ണി ടൗണിൽ ഏതു സമയവും മണ്ണിടിയാനും ഉരുൾപൊട്ടലിനുമുള്ള സാധ്യതയേറി. അധികൃതരുടെ ഒത്താശയോടെയാണ് റെഡ് സോണിൽ അനധികൃത നിർമാണം നടക്കുന്നതെന്നു നാട്ടുകാർ ആരോപിച്ചു. കുഞ്ചിത്തണ്ണി ടൗണിലെ നിരവധി വ്യാപാര സ്ഥാപനങ്ങൾക്കും കുടുംബങ്ങൾക്കും ഒരേപോലെ ഭീഷണി ഉയർത്തിയാണ് അനധികൃത നിർമാണം നടക്കുന്നത്. ഇതിനു സമാനമായ രീതിയിൽ 2013-ൽ മലയുടെ മറ്റൊരു ഭാഗത്ത് റിസോർട്ട് നിർമാണത്തിനായി മണ്ണിടിച്ചു നികത്തിയതാണ് 2013 ഓഗസ്റ്റ് ആറിന് കുഞ്ചിത്തണ്ണി ടൗണിന്‍റെ പകുതിഭാഗം ഇല്ലാതാക്കിയ ഉരുൾപൊട്ടലിന് കാരണമായത്. ഇക്കഴിഞ്ഞ മേയിൽ കനത്ത മഴയിൽ അനധികൃത നിർമാണം നടക്കുന്ന ഭാഗത്തെ മണ്ണ് ഒലിച്ചുവന്ന് കുഞ്ചിത്തണ്ണി ടൗണിൽ ഗതാഗത തടസമുണ്ടാക്കിയിരുന്നു. അന്ന് മണ്ണിടിഞ്ഞ ഭാഗത്ത് പടുതയിട്ടു മൂടിയാണ് ഇപ്പോൾ നിർമാണം തകൃതിയായി പുരോഗമിക്കുന്നത്. കനത്ത മഴക്കാലം വരാനിരിക്കുന്ന സാഹചര്യത്തിൽ അനധികൃത നിർമാണം തുടർന്നാൽ അവിടെ വെള്ളമിറങ്ങി വൻ മണ്ണിടിച്ചിലിനും ഉരുൾപൊട്ടലിനും കാരണമാകും.

സാംസ്കാരിക വകുപ്പിന്‍റെ ചെണ്ടപരിശീലനത്തിൽ പങ്കാളിയായി ഫാ. ജോമോൻ വട്ടത്തറ

കട്ടപ്പന: സാംസ്കാരിക വകുപ്പിന്‍റെ സൗജന്യ കലാപരിശീലന പദ്ധതിയായ വജ്രജൂബിലി ഫെലോഷിപ്പിന്‍റെ ഭാഗമാകാൻ ഇനി ഫാ. ജോമോൻ വട്ടത്തറയും. കാഞ്ചിയാർ കോവിൽമല സെന്‍റ് ജോസഫ് പള്ളി വികാരി ഫാ. ജോമോൻ വട്ടത്തറയാണ് സാംസ്കാരിക വകുപ്പിന്‍റെ സൗജന്യ കലാപരിശീലന പദ്ധതിയിൽ ചെണ്ടപരിശീലനം ആരംഭിച്ചത്. അരുണാചൽപ്രദേശ് ഡാമിൻ സെന്‍റ് പീറ്റേഴ്സ് പള്ളി വികാരിയായിരുന്ന ഫാ. ജോമോൻ ഒരു മാസം മുന്പാണ് കോവിൽമല സെന്‍റ് ജോസഫ് പള്ളി വികാരിയായി ചാർജെടുത്തത്. ഇതിനിടയിൽ മാധ്യമങ്ങളിലൂടെ സാംസ്കാരിക വകുപ്പിന്‍റെ സൗജന്യ കലാപരിശീലന പദ്ധതിയെക്കുറിച്ചറിയുകയും പദ്ധതിയുടെ കോ-ഓർഡിനേറ്റർ എസ്. സൂര്യലാലുമായി ബന്ധപ്പെടുകയുമായിരുന്നു. തുടർന്ന് ചെണ്ടയിൽ ഫെലോഷിപ്പ് ലഭിച്ച ബാബു മാത്യുവിനെ ഫാ. ജോമോന്‍റെ പരിശീലകനായി നിയോഗിച്ചു. പള്ളി വികാരിക്കൊപ്പം ഇടവകയിലെ നിരവധിപ്പേർ ചെണ്ടപരിശീലനം ആരംഭിച്ചിട്ടുണ്ട്. കുട്ടിക്കാലം മുതൽ ചെണ്ടമേളം തന്നെ ഏറെ ആകർഷിച്ചതായും പള്ളിയിലെ തിരുനാളിന് ചെണ്ടമേളം അവതരിപ്പിക്കാനുള്ള ശ്രമത്തിലാണെന്നും ഫാ. ജോമോൻ വട്ടത്തറ പറഞ്ഞു. ഇരട്ടയാർ സെന്‍റ് തോമസ് പള്ളിയിലും തങ്കമണി സെന്‍റ് തോമസ് പള്ളിയിലും സഹവികാരിയായിരുന്ന ഫാ. ജോമോൻ ബഥേൽ വട്ടത്തറ ജോസഫിന്‍റെയും പരേതയായ ലീലാമ്മയുടെയും മകനാണ്. പ്രായഭേദമന്യേ സ്ത്രീ-പുരുഷ വ്യത്യാസമില്ലാതെ എല്ലാവർക്കും സൗജന്യമായി കല പരിശീലിക്കാനുള്ള അവസരമാണ് വജ്രജൂബിലി ഫെലോഷിപ്പ് പദ്ധതിയിലൂടെ നടപ്പിലാക്കുന്നത്. സൗജന്യ കലാപരിശീലന പദ്ധതിയിൽ ലളിതകലകൾ, ക്ലാസിക്കൽ കലകൾ, അഭിനയകല, നാടോടിക്കലകൾ എന്നീ വിഭാഗങ്ങളിൽ നാൽപ്പതിലധികം കലാവിഷയങ്ങളിലാണ് പരിശീലനം നൽകുന്നത്. ജില്ലയിൽ കട്ടപ്പന, തൊടുപുഴ, നെടുങ്കണ്ടം, അടിമാലി ബ്ലോക്ക് പഞ്ചായത്തുകൾക്കു കീഴിലാണ് പദ്ധതി നടപ്പിലാക്കി വരുന്നത്.

ബേക്കറിയുടെ അടുക്കളയിൽ തീപിടിച്ചു

തൊടുപുഴ: വെങ്ങല്ലൂരിനു സമീപം ഷാപ്പുംപടിയിൽ ബേക്കറിയുടെ അടുക്കളയിൽ തീപിടിച്ചു. ഇന്നലെ വൈകുന്നേരം അഞ്ചരയോടെയായിരുന്നു സംഭവം. കാരിക്കോട് കുന്നുംപുറത്ത് മിധിലാജിന്‍റെ ഉടമസ്ഥതയിലുള്ള അൽമത്ത് എന്ന ബേക്കറിയുടെ അടുക്കളയിൽ ഉപയോഗത്തിലിരുന്ന സിലിണ്ടറിൽനിന്നും പാചകവാതകം ചോർന്നാണ് തീപിടിത്തമുണ്ടായത്. തീപിടിച്ചതോടെ പരിഭ്രാന്തരായ ജീവനക്കാർ പുറത്തേക്ക് ഓടി. തുടർന്ന് അഗ്നിരക്ഷാസേനയെ വിവരം അറിയിക്കുകയായിരുന്നു. ഉടൻതന്നെ തൊടുപുഴയിൽനിന്ന് സീനിയർ ഫയർ ആൻഡ് റെസ്ക്യു ഓഫീസർ എം.എൻ. വിനോദ് കുമാറിന്‍റെ നേതൃത്വത്തിൽ സേന സ്ഥലത്തെത്തി. സിലിണ്ടറിന്‍റെ ട്യൂബിലും സമീപത്തുമായി കത്തിക്കൊണ്ടിരുന്ന തീ അണയ്ക്കുകയും അതോടൊപ്പം സിലിണ്ടർ പുറത്തേക്ക് മാറ്റി ചോർച്ച പരിഹരിച്ച് സുരക്ഷ ഉറപ്പാക്കുകയും ചെയ്തു. സമീപത്തുതന്നെ കടകളും പെട്ടെന്ന് തീപിടിക്കാവുന്ന വസ്തുക്കളും ഉണ്ടായിരുന്നെങ്കിലും അതിലേക്ക് പടരുന്നതിനുമുൻപ് തീ അണയ്ക്കാൻ സാധിച്ചു. പതിനായിരം രൂപയുടെ നഷ്ടമാണ് കണക്കാക്കുന്നത്.

വീട്ടിൽ പ്രസവിച്ച യുവതിക്കും കുഞ്ഞിനും കരുതലായി കട്ടപ്പന താലൂക്ക് ആശുപത്രി

കട്ടപ്പന: വീട്ടിൽ പ്രസവിച്ച യുവതിക്കും കുഞ്ഞിനും അവസരോചിതമായ ഇടപെടലിലൂടെ ആരോഗ്യസ്ഥിതി മെച്ചപ്പെടുത്തി കട്ടപ്പന താലൂക്ക് ആശുപത്രിയിലെ ഡോക്ടർമാരായ വി.എസ്. ബെറ്റിയും ഗ്രീഷ്മ മത്തച്ചനും. ഗൈനക്കോളജി വിഭാഗമില്ലാത്ത താലൂക്ക് ആശുപത്രിയിലാണ് ഗുരുതരാവസ്ഥയിൽ എത്തിയ അമ്മയ്ക്കും കുഞ്ഞിനും ശുശ്രൂഷകൾ നൽകി ഡോക്ടർമാർ കരുതലായത്. ഞായറാഴ്ച രാവിലെ ഒൻപതോടെയാണ് കാഞ്ചിയാർ സ്വദേശിനിയായ സ്ത്രീയെ വീട്ടിൽ പ്രസവിച്ചതിനെത്തുടർന്ന് കട്ടപ്പന താലൂക്ക് ആശുപത്രിയിൽ എത്തിച്ചത്. ഉടൻതന്നെ അത്യാഹിതവിഭാഗത്തിലുണ്ടായിരുന്ന ശിശുരോഗ വിദഗ്ധ ഡോ. ഗ്രീഷ്മ മത്തച്ചൻ പ്രാഥമിക ചികിത്സ നൽകുകയും തുടർന്ന് ആശുപത്രി ആർഎംഒ ഇൻ-ചാർജായ ഇഎൻടി ഡോക്ടർ ബെറ്റിയെ വിളിച്ചുവരുത്തുകയുമായിരുന്നു. ഗൈനക്കോളജിയുടെ സേവനം ലഭ്യമല്ലാത്ത കട്ടപ്പന താലൂക്കാശുപത്രിയിൽ ഡോ. ബെറ്റിയുടെയും ഡോ. ഗ്രീഷ്മയുടെയും അവസരോചിതമായ ഇടപെടൽമൂലമാണ് കുട്ടിയെ പൂർണ ആരോഗ്യത്തോടെ സംരക്ഷിക്കാൻ കഴിഞ്ഞത്. കാഞ്ചിയാർ സ്വദേശിയായ യുവതിക്ക് ജൂലൈ ഏഴിനാണ് പ്രസവത്തിന്‍റെ തീയതി നൽകിയത്. ഇതിനിടയിലാണ് വീട്ടിൽ പ്രസവം നടന്നത്. തുടർന്ന് പരിഭ്രാന്തരായ വീട്ടുകാർ ഉടൻതന്നെ കട്ടപ്പന താലൂക്കാശുപത്രിയിൽ എത്തിക്കുകയായിരുന്നു. ആശുപത്രിയിൽ ഗൈനക്കോളജിസ്റ്റോ മറ്റു സൗകര്യങ്ങളോ ഉണ്ടായിരുന്നില്ല. എന്നാൽ, അടിയന്തര ചികിത്സ വേണ്ടിയിരുന്ന അമ്മയ്ക്കും കുഞ്ഞിനും പ്രാഥമിക ചികിത്സ നൽകിയശേഷം ഡോക്ടർമാരായ വി.എസ്. ബെറ്റിയും ഗ്രീഷ്മ മത്തച്ചനും ഇവരെ ഇടുക്കി മെഡിക്കൽ കോളജിലേക്ക് തുടർചികിത്സകൾക്കായി അയച്ചു.

പരിശ്രമങ്ങൾ ഫലം കണ്ടു; ജിനു ഇന്നെത്തും ഷാനറ്റിന്‍റെ സംസ്കാരം നാളെ

കട്ടപ്പന: ചെല്ലാർകോവിലിൽ ബൈക്കും ജീപ്പും ഇടിച്ചുണ്ടായ അപകടത്തിൽ മരിച്ച അണക്കര വെള്ളറ ഷൈജുവിന്‍റെ മകൻ ഷാനറ്റിന്‍റെ മൃതദേഹം നാളെ നാലിന് അണക്കര ഏഴാംമൈൽ ഒലിവുമല സെന്‍റ് ജോണ്‍സ് യാക്കോബായ പള്ളിയിൽ സംസ്കരിക്കും. ഷാനറ്റിന്‍റെ മാതാവ് ജിനു ഇന്നു നാട്ടിലെത്തും. കഴിഞ്ഞ 17നുണ്ടായ അപകടത്തിൽ മരിച്ച ഷാനറ്റിന്‍റെ മൃതദേഹം കുവൈറ്റിലായിരുന്ന മാതാവ് ജിനു നാട്ടിലെത്തുന്നതിനായി കട്ടപ്പന സെന്‍റ് ജോണ്‍സ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. അപകടം നടന്ന നാൾമുതൽ ജിനുവിനെ നാട്ടിലെത്തിക്കുന്നതിനുള്ള ശ്രമം നടക്കുകയായിരുന്നു. മകന്‍റെ മരണവിവരം അറിയാതെയാണ് ജിനു എത്തുന്നത്. ഇന്നു രാവിലെ 11ന് നെടുന്പാശേരി വിമാനത്താവളത്തിൽ എത്തുമെന്നാണ് ജിനുവിനെ നാട്ടിലെത്തിക്കാൻ ശ്രമിച്ചുകൊണ്ടിരുന്ന കുവൈറ്റിലെ മലയാളി അസോസിയേഷനും കുവൈറ്റ് ഇടുക്കി അസോസിയേഷൻ ഭാരവാഹികളും അറിയിച്ചിരിക്കുന്നത്. നെടുന്പാശേരിയിൽനിന്ന് അണക്കരയിൽ വൈകുന്നേരത്തോടെ ജിനു എത്തും. മൂന്നുമാസം മുന്പാണ് ജിനു കുവൈറ്റിലേക്കു പോയത്.

റോഡ് ശുചീകരിച്ച് എൻഎസ്എസ് വോളണ്ടിയർമാർ

മൂലമറ്റം: സെന്‍റ് ജോസഫ്സ് കോളജിലെ എൻഎസ്എസ് വോളണ്ടിയർമാർ ആനക്കയം-കാഞ്ഞാർ റോഡരികിലെ കാടുംപടലും വെട്ടിനീക്കി. പ്രോഗ്രാം ഓഫീസർമാരായ ഡോ. ജോബി കൊടിയൻ, അഖില മരിയ റീഗൽ, വോളണ്ടിയർ സെക്രട്ടറി ഡെയ്സ് തോംസണ്‍ എന്നിവരുടെ നേതൃത്വത്തിലാണ് വിദ്യാർഥികൾ ശുചീകരണം നടത്തിയത്. പ്രിൻസിപ്പൽ ഡോ. ജോസഫ് ജോർജ്, സിഎഫ്ഒ റവ. ഡോ. അലക്സ് ലൂയിസ്, പഞ്ചായത്തംഗം എൻ.ജെ. ജോസഫ് എന്നിവർ പ്രസംഗിച്ചു.

എഴുപത്തിയഞ്ചുകാരെ ആദരിച്ച് പാലാ രൂപത, ഉണര്‍വേകി സമ്മേളനം

പാലാ: പാലാ രൂപത ജന്മംകൊണ്ട വര്‍ഷം ഭൂജാതരായ രൂപതാംഗങ്ങളുടെ സംഗമം 'ലിഫ്‌ഗോഷ് 75' ആത്മീയ ഉണര്‍വേകി. രൂപതയുടെ പാരമ്പര്യവും സംസ്‌കാരവും കൈമുതലാക്കി വളര്‍ന്ന നൂറുകണക്കിന് വയോജനങ്ങളെ രൂപത ആദരിച്ചു. രൂപതയുടെ ആത്മീയവും ഭൗതികവുമായ വളര്‍ച്ചയില്‍ സാക്ഷ്യം വഹിക്കുകയും വിദ്യാഭ്യാസ, ആതുര, വികസന മേഖലകളിലെ നേട്ടങ്ങളില്‍ അഭിമാനിക്കുകയും ചെയ്യുന്ന വയോജനങ്ങളാണ് ഇന്നലെ പാലാ ളാലം പഴയപള്ളി ഓഡിറ്റോറിയത്തില്‍ ഒത്തുചേര്‍ന്നത്. തങ്ങളുടെയും കുടുംബാഗങ്ങളുടെയും വളര്‍ച്ചയില്‍ രൂപത വഹിച്ച പങ്കിന് നന്ദി അര്‍പ്പിക്കാനുള്ള അവസരമായാണ് രൂപതാംഗങ്ങളായ വയോജനങ്ങള്‍ സമ്മേളനത്തെ നോക്കിക്കണ്ടത്. എല്ലാ ഇടവകകളില്‍നിന്നും രൂപതാംഗങ്ങള്‍ എത്തിച്ചേര്‍ന്നിരുന്നു. ചിട്ടയായ സംഘാടനമാണ് പാലാ രൂപത ഫാമിലി അപ്പൊസ്തലേറ്റും മാതൃവേദി, പിതൃവേദി, പ്രോലൈഫ് സമിതികളും നടത്തിയത്. രൂപതാധ്യക്ഷന്‍റെ കൈയൊപ്പു പതിഞ്ഞ കപ്പും ഭാരതത്തിന്‍റെ ആദ്യ വിശുദ്ധ അല്‍ഫോന്‍സാമ്മയുടെ കവര്‍ചിത്രം അടങ്ങിയ കൊന്തയും ഭക്ത്യാദരപൂര്‍വമാണ് സമ്മേളനത്തിനെത്തിയവര്‍ ഏറ്റുവാങ്ങിയത്. സ്വത്വബോധവും സ്വന്തമെന്ന ബോധവും വളര്‍ത്തണം: മാര്‍ കല്ലറങ്ങാട്ട് പാലാ: രൂപതയോടൊപ്പം പിറന്ന ആളുകളുടെ ഒത്തുചേരല്‍ ദൈവപരിപാലനയുടെ അനാവരണമാണെന്നും സ്വത്വബോധവും സ്വന്തമെന്ന ബോധവും വളര്‍ത്താന്‍ ഇത്തരം കൂട്ടായ്മകള്‍ക്ക് സാധിക്കുമെന്നും ബിഷപ് മാര്‍ ജോസഫ് കല്ലറങ്ങാട്ട് ഉദ്ഘാടനപ്രസംഗത്തില്‍ പറഞ്ഞു. ഇഴയടുപ്പത്തിന്‍റെ വേദിയാണിത്. അറിവുകൊണ്ടും ആത്മീയതകൊണ്ടും പാകപ്പെട്ടവരാണ് ഇവിടെ കൂടിയിരിക്കുന്നവര്‍. നാം പഠിച്ചത് വിശാലസമൂഹത്തിനുവേണ്ടിയാണ്. പാടശേഖരമായ ഈ കൂട്ടായ്മയിലെ അംഗങ്ങള്‍ വിതച്ചത് മക്കളും കൊച്ചുമക്കളും കൊയ്‌തെടുക്കുന്നു. വിളവെടുപ്പ് കാലമാണിത്. ആത്മീയബലം നഷ്ടപ്പെടരുതെന്നും സമൂഹത്തില്‍ നന്മ ചെയ്യാന്‍ മുന്നിട്ടിറങ്ങണമെന്നും ബിഷപ് ഉദ്‌ബോധിപ്പിച്ചു. മാതൃകാ കുടുംബത്തിലെ അപ്പന്‍റെ റോള്‍ അമ്മയോടു ചേര്‍ന്ന് മക്കള്‍ക്കും കുടുംബത്തിനും വേണ്ടതെല്ലാം ചെയ്തു കൊടുക്കുക എന്നതാണ്. സഭയോടും സഭാ സംവിധാനങ്ങളോടും യോജിച്ച് നില്‍ക്കാനുള്ള ഉത്തരവാദിത്വം വര്‍ധിച്ചുവരുന്ന കാലഘട്ടമാണെന്നും ബിഷപ് പറഞ്ഞു. കുടുംബചരിത്രങ്ങള്‍ എഴുതണമെന്നും ഇത് സഭയുടെ സ്വത്താണെന്നും ഉറവിടങ്ങളിലേക്കുള്ള തിരിഞ്ഞുനോട്ടം നമ്മെ വളര്‍ത്തുമെന്നും ബിഷപ് കൂട്ടിച്ചേര്‍ത്തു. എഴുപത്തിയഞാം വയസിലെത്തിയ ഫാ.ജോസഫ് കോട്ടയില്‍, ഫാ. ജോസഫ് വടകര, ഫാ. ജോണ്‍ പൊതീട്ടേല്‍ എന്നീ വൈദികരും 26 സന്യസ്തരും നൂറുകണക്കിന് അല്മായരും ആദരവ് ഏറ്റുവാങ്ങാന്‍ എത്തിയിരുന്നു. സംഘടനാ പ്രതിനിധികളായ ടോമി തുരുത്തിക്കര, മാത്യു പൈലോ, ബിന്‍സ് ജോസ് തൊടുകയില്‍, ജോസുകുട്ടി ജോസഫ് അറയ്ക്കപ്പറമ്പില്‍, ഡോ. ഫെലിക്‌സ് വെട്ടുകാട്ടില്‍, സബീന സക്കറിയാസ് മഠത്തിപ്പറമ്പില്‍, മേഴ്സി മാണി ചെറുകര, ലൗലി ബിനു വള്ളോംപുരയിടത്തില്‍, ഡയാന രാജു ഓലിക്കല്‍ എന്നിവര്‍ പരിപാടികള്‍ക്ക് നേതൃത്വം നല്‍കി. 75 കിലോയുടെ കേക്ക് പാലാ: രൂപതയുടെ പ്ലാറ്റിനം ജൂബിലി ആഘോഷത്തോടനുബന്ധിച്ച് ഇന്നലെ ളാലം സെന്‍റ് മേരീസ് ഹാളില്‍ നടന്ന എഴുപത്തിയഞ്ചു വയസുകാരുടെ സംഗമത്തില്‍ മുറിച്ചത് എഴുപത്തഞ്ചു കിലോയുടെ കേക്ക്. ബിഷപ് മാര്‍ ജോസഫ് കല്ലറങ്ങാട്ട് കേക്ക് മുറിച്ച് സമ്മേളനം ഉദ്ഘാടനം ചെയ്തു. പാലാ ബേക്കേഴ്‌സാണ് കേക്ക് സംഭാവന ചെയ്തത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]