മൂവാറ്റുപുഴ: നഗരസഭാ കെട്ടിടങ്ങളിലെ വാടക വർധനയ്ക്കെതിരെ മൂവാറ്റുപുഴയിൽ മർച്ചൻസ് അസോസിയേഷൻ ആഹ്വാനം ചെയ്ത വ്യാപാര ഹർത്താൽ പൂർണമായിരുന്നു. കടകന്പോളങ്ങൾ പൂർണമായും അടഞ്ഞു കിടന്നു. മർച്ചന്‍റ് അസോസിയേഷൻ ഓഫീസിൽ നിന്നും ആരംഭിച്ച പ്രകടനം നഗരം ചുറ്റി നഗരസഭ ഓഫീസിനു മുന്നിൽ സമാപിച്ചു. തുടർന്ന് നടന്ന ധർണ വ്യാപാരി വ്യവസായി ഏകോപന സമിതി സംസ്ഥാന സെക്രട്ടറിയേറ്റംഗം എ.ജെ. റിയാസ് ഉദ്ഘാടനം ചെയ്തു.
മൂവാറ്റുപുഴ നഗരസഭ നിഷേധാത്മകമായ നിലപാടുകൾ സ്വീകരിക്കുന്ന പക്ഷം സംഘടനയുടെ ജില്ലാ കമ്മിറ്റി സമരം ഏറ്റെടുക്കുമെന്നും ജില്ല ഒന്നാകെ സമരം വ്യാപിപ്പിക്കുമെന്നും എ.ജെ. റിയാസ് പറഞ്ഞു. വരുന്ന തദ്ദേശ സ്വയംഭരണ നിയമസഭ തെരഞ്ഞെടുപ്പുകളിൽ വ്യാപാരി വ്യവസായി ഏകോപന സമിതി സ്ഥാനാർഥികളെ നിർത്തി മത്സരിപ്പിക്കുന്നതിന് ആലോചിക്കുന്നതായി ചടങ്ങിൽ അധ്യക്ഷത വഹിച്ച അസോസിയേഷൻ പ്രസിഡന്‍റ് അജ്മൽ ചക്കുങ്ങൽ പറഞ്ഞു.
പ്രകടനത്തിനും ധർണയ്‌ക്കും അസോസിയേഷൻ യൂത്ത് വിംഗ് എറണാകുളം ജില്ലാ പ്രസിഡന്‍റ് നിഷാദ്, മൂവാറ്റുപുഴ മർച്ചൻസ് അസോസിയേഷൻ ജനറൽ സെക്രട്ടറി കെ.എ. ഗോപകുമാർ, ട്രഷറർ കെ.എം. ഷംസുദ്ദീൻ, സെക്രട്ടറിമാരായ പി.യു. ഷംസുദ്ദീൻ, ബോബി എസ്. നെല്ലിക്കൽ, വൈസ് പ്രസിഡന്‍റ് മഹേഷ് എച്ച്. കമ്മത്ത്, അസോസിയേഷൻ കമ്മിറ്റിയംഗങ്ങളായ പി.എം.ടി. ഫൈസൽ, എം.ഡി. മനോജ്, കെ.ഇ. ഹാരീസ്, സലീം പാലം, കെ.എം. നിയാസ്, ജെയ്സണ്‍ തോട്ടത്തിൽ, കെ. രാജേഷ്, ഗ്രെയിൻസ് മർച്ചൻസ് പ്രസിഡന്‍റ് എൽദോസ് ടി. പാലപ്പുറം, യൂത്ത് വിംഗ് പ്രസിഡന്‍റ് പി.എ. ആരിഫ്, സെക്രട്ടറി ജോബി അഗസ്റ്റിൻ, വനിതാ വിംഗ് ചെയർപേഴ്സണ്‍ ജയ ബിജു, സെക്രട്ടറി ലത അനിൽ, ബിജി സജീവ് തുടങ്ങിയവർ നേതൃത്വം നൽകി.