വാഴക്കുളം: ഇൻഫാം കോതമംഗലം കാർഷിക ജില്ലയുടെ നേതൃത്വത്തിൽ നവസംരംഭകർക്കായി ശില്പശാല നടത്തി. ബിഷപ് മാർ ജോർജ് പുന്നക്കോട്ടിൽ ഉദ്ഘാടനം ചെയ്തു. ഇൻഫാം സംസ്ഥാന ഡയറക്ടർ ഫാ. ജോസ് മോനിപ്പിള്ളിൽ യോഗത്തിൽ അധ്യക്ഷത വഹിച്ചു.
സംസ്ഥാന പ്രസിഡന്‍റ് ജോസ് എടപ്പാട്ട്, കാർഷിക ജില്ല ഡയറക്ടർ ഫാ. ജേക്കബ് റാത്തപ്പിള്ളിൽ, പ്രസിഡന്‍റ് റോയി വള്ളമറ്റം, സോഷ്യൽ സർവീസ് സൊസൈറ്റി ഡയറക്ടർ ഫാ. ജോർജ് പൊട്ടയ്ക്കൽ, ഫാ. ജോസ് കിഴക്കേൽ, ജോബിഷ് തരണി, ജോംസി തോമസ് എന്നിവർ നേതൃത്വം നൽകി. കോട്ടയം എംജി സർവകലാശാല ഇന്നൊവേഷൻ ആൻഡ് ഇൻകുബേഷൻ ഡയറക്ടർ ഡോ. ഇ.കെ രാധാകൃഷ്ണൻ, ഐആർഇഎ ടെക്നിക്കൽ എക്സ്പെർട്ട് ഡോ. വി.ജെ. ഫിലിപ്പ്, ഡോ. കെ.ജെ. കുര്യൻ, ഗ്ലോബൽ മില്ലറ്റ്സ് ഫൗണ്ടേഷൻ പ്രചാരകൻ എ.എം. മുഹമ്മദ്, ആതിര എസ്. കുമാർ, മല്ലിക ഹരിദാസ്, ഒ.എം ജോയി എന്നിവർ ക്ലാസ് നയിച്ചു.
കാർഷിക വിളകളിൽ നിന്ന് മൂല്യവർധിത ഉത്പന്ന നിർമാണവും ലാഭകരമായ വിപണനവും, അഗ്രി ഫാം, അഗ്രി ടൂറിസം, ഓർഗാനിക് മില്ലറ്റ് ഔഷധം, ഭക്ഷണം, കൃഷി രീതി എന്നീ വിഷയങ്ങളിലാണ് ക്ലാസുകൾ നടത്തിയത്. എംജി സർവകലാശാല, ഇൻഫാം വനിതാ വിഭാഗം, പൈങ്ങോട്ടൂർ ചക്ക ഗ്രാമം എന്നിവയുടെ സഹകരണത്തോടെയാണ് പരിപാടി സംഘടിപ്പിച്ചത്.