കോ​ത​മം​ഗ​ലം ക​ള്ളാ​ട് കൊ​ല​പാ​ത​കം: മൂന്ന് പേർ കസ്റ്റഡിയിൽ, ചോദ്യം ചെയ്യൽ തുടരുന്നു
Thursday, March 28, 2024 4:49 AM IST
കോ​ത​മം​ഗ​ലം: കോ​ത​മം​ഗ​ലം: കോ​ത​മം​ഗ​ല​ത്ത് ചേ​ലാ​ട് ക​ള്ളാ​ട് ചെ​ങ്ങ​മ​നാ​ട്ട് സാ​റാ​മ്മ ഏ​ലി​യാ​സ് പ​ട്ടാ​പ്പ​ക​ല്‍ വീ​ടി​നു​ള്ളി​ല്‍ കൊ​ല്ല​പ്പെ​ട്ട സം​ഭ​വ​ത്തി​ൽ അ​യ​ൽ​വാ​സി​യാ​യ ഒ​രാ​ൾ പോ​ലീ​സ് പി​ടി​യി​ൽ. സ​മീ​പ​ത്തെ കോ​ള​നി​യി​ലെ താ​മ​സ​ക്കാ​ര​നാ​യ ടാ​പ്പിംഗ് തൊ​ഴി​ലാ​ളി​യാ​ണ് പോ​ലീ​സ് പി​ടി​യി​ലാ​യ​ത്.

മു​ൻ​പും ഇ​യാ​ളെ പോ​ലീ​സ് ചോ​ദ്യം ചെ​യ്തി​രു​ന്നു. മൊ​ഴി​യി​ലെ വൈ​രു​ദ്ധ്യ​മാ​ണ് വീ​ണ്ടും ക​സ്റ്റ​ഡി​യി​ലെ​ടു​ക്കാ​ൻ ഇ​ട​യാ​ക്കി​യ​ത്. ഇ​യാ​ൾ​ക്കൊ​പ്പം മ​റ്റ് ര​ണ്ട് യു​വാ​ക്ക​ൾ​ക്കും സം​ഭ​വ​ത്തി​ൽ പ​ങ്കു​ള്ള​താ​യാ​ണ് സൂ​ച​ന. രാ​ത്രി വൈ​കി​യും ഇവരെ പോ​ലീ​സ് ചോ​ദ്യം ചെ​യ്ത് വ​രി​ക​യാ​ണ്.

സം​ഭ​വം ന​ട​ന്ന് ര​ണ്ടു ദി​വ​സം പി​ന്നി​ട്ടി​ട്ടും വ്യ​ക്ത​മാ​യ തെ​ളി​വു​ക​ളോ സൂ​ച​ന​ക​ളോ ല​ഭി​ക്കാ​ത്ത സാ​ഹ​ച​ര്യ​ത്തി​ൽ മ​ധ്യ​മേ​ഖ​ല ഡി​ഐ​ജി പു​ട്ട വി​മ​ലാ​ദി​ത്യ കോ​ത​മം​ഗ​ല​ത്തെത്തി. അ​ദേ​ഹം അ​ന്വേ​ഷ​ണ​ത്തി​ന് നേ​തൃ​ത്വം ന​ൽ​കു​ന്ന ഉ​ദ്യോ​ഗ​സ്ഥ സം​ഘ​വു​മാ​യി ച​ർ​ച്ച ന​ട​ത്തി​യ ശേ​ഷം സാ​റാ​മ്മ​യു​ടെ വീ​ടും സ​ന്ദ​ർ​ശി​ച്ചു.

വീ​ടി​നു​ള്ളി​ൽ നി​ന്നോ, പ​രി​സ​ര​ത്തു​നി​ന്നോ വി​ല​പ്പെ​ട്ട തെ​ളി​വു​ക​ളൊ​ന്നും ക​ണ്ടെ​ത്താ​ൻ ക​ഴി​യാ​ത്ത​താ​ണ് പോ​ലീ​സി​ന് വെ​ല്ലു​വി​ളി​യാ​യി​രി​ക്കു​ന്ന​ത്. ആ​യു​ധ​മോ പ്ര​തി​ക​ളു​ടേ​തെ​ന്ന് ഉ​റ​പ്പി​ക്കാ​വു​ന്ന വ​സ്തു​ക്ക​ളോ, വി​ര​ല​ട​യാ​ള​മോ, ഒ​ന്നും ല​ഭി​ച്ചി​ട്ടി​ല്ലെ​ന്നാ​ണ് അ​റി​വ്. കൊ​ല​പാ​ത​ക​ത്തി​ന്‍റെ ല​ക്ഷ്യം മോ​ഷ​ണം ത​ന്നെ​യാ​യി​രു​ന്നോ, അ​തോ മ​റ്റെ​ന്തെ​ങ്കി​ലു​മു​ണ്ടോ എ​ന്ന​തി​ലും വ്യ​ക്ത​ത​യാ​യി​ട്ടി​ല്ല.

സാ​റാ​മ്മ​യു​ടെ അ​യ​ൽ​വീ​ട്ടി​ൽ വാ​ട​ക​യ്ക്ക് താ​മ​സി​ച്ചി​രു​ന്ന മൂ​ന്ന് അ​ന്യ​സം​സ്ഥാ​ന തൊ​ഴി​ലാ​ളി​ക​ളി​ലു​ള്ള സം​ശ​യം പോ​ലീ​സി​ന് പൂ​ർ​ണ​മാ​യും മാ​റി​യി​ട്ടി​ല്ലെ​ന്നാ​ണ് സൂ​ച​ന. സം​ഭ​വ​ദി​വ​സം രാ​വി​ലെ ജോ​ലി​ക്ക് പോ​യ ഇ​വ​ർ ഉ​ച്ച​യ്ക്ക് വീ​ട്ടി​ലെ​ത്തി​യി​രു​ന്ന​താ​യി ക​ണ്ടെ​ത്തി​യി​ട്ടു​ണ്ട്. ഇ​തും സം​ഭ​വ​വും ത​മ്മി​ൽ ബ​ന്ധ​മു​ണ്ടോ​യെ​ന്ന് പോ​ലീ​സ് പ​രി​ശോ​ധി​ക്കു​ന്നു​ണ്ട്.

ഈ ​മൂ​വ​ർ സം​ഘ​വു​മാ​യും പ്ര​ദേ​ശ​വു​മാ​യും ബ​ന്ധ​മു​ള്ള ചി​ല അ​ന്യ​സം​സ്ഥാ​ന​ക്കാ​രേ​യും പോ​ലീ​സ് ചോ​ദ്യം ചെ​യ്തി​രു​ന്നു. ക്രി​മി​ന​ൽ പ​ശ്ചാ​ത്ത​ല​മു​ള്ള​വ​രെ​യും നി​രീ​ക്ഷി​ക്കു​ന്നു​മു​ണ്ട്. വൈ​കാ​തെ അ​ന്വേ​ഷ​ണ​ത്തി​ൽ വ​ഴി​ത്തി​രി​വു​ണ്ടാ​കു​മെ​ന്നാ​ണ് അ​ന്വേ​ഷ​ണ സം​ഘ​ത്തി​ലെ ഉ​ദ്യോ​ഗ​സ്ഥ​ർ ന​ൽ​കു​ന്ന സൂ​ച​ന.

Copyright @ 2022 , Rashtra Deepika Ltd.