അന്തിക്കാട്: നിർധന കുടുംബത്തിന് വീടൊരുക്കാൻ സിപിഎം അന്തിക്കാട് വെസ്റ്റ് ലോക്കൽ കമ്മിറ്റിയുടെ നേതൃത്വത്തിൽ ബിരിയാണി ചഞ്ചിലൂടെ സമാഹരിച്ച 2,18,765 രൂപയുടെ ചെക്ക് മുഖ്യ സംഘാടക സമിതിക്ക് കൈമാറി. സി പിഎം ജില്ല സെക്രട്ടറിയേറ്റ് അംഗം മുരളി പെരുനെല്ലി എം എൽഎ ഏറ്റുവാങ്ങി. ചടങ്ങിൽ സംഘാടക സമിതി ചെയർമാൻ ടി.ഐ. ചാക്കൊ അധ്യക്ഷനായി. ബിരിയാണി ചലഞ്ച് കണ്വീനർ ഷിബു പൈനൂർ, ചെയർമാൻ കെ വി ശിവൻ, എന്നിവർ ചേർന്നാണ് ചെക്ക് കൈമാറിയത്.
സംഘാടക സമിതി കണ്വീനർ സന്ദീപ് പൈനൂർ, വി.ഡി. അനിൽകുമാർ, അന്തിക്കാട് പഞ്ചായത്ത് പ്രസിഡന്റ് ജ്യോതി രാമൻ, ജനപ്രതിനിധികളായ മേനക മധു, സരിത സുരേഷ്, മിനിചന്ദ്രൻ, പി.എ. ഷെഫീർ, അന്തിക്കാട് സഹകരണ സംഘം പ്രസിഡന്റ് ഇ.ജി. ഗോപാലകൃഷ്ണൻ, അഡ്വ. കെ.ബി. രണേന്ദ്രനാഥ് എന്നിവർ സംസാരിച്ചു.
6,52,000 ലക്ഷം രൂപ ചിലവഴിച്ചാണ് വീട് നിർമ്മിക്കുക.ക്യാൻസർ ബാധിച്ച് മരിച്ച മുറ്റിച്ചൂർ വീട്ടിൽ അനിൽ കുമാറിന്റെ ഭാര്യ രാഗിണിക്കാണ് 615 സ്ക്വയർ ഫിറ്റിൽ സ്നേഹവീടൊരുക്കുന്നത്.
സംഘാടക സമിതി രുപീകരിച്ച് പ്രവർത്തനം തുടങ്ങിയിട്ട് ഒരു മാസം തികയുന്നതിന് മുന്പേ 5,61000, രൂപ ഇതിനകം വിവിധ വിഭാഗങ്ങളിൽ നിന്ന് സംഭാവനയായി സമിതിയുടെ ബാങ്ക് അക്കൗണ്ടിലെത്തി കഴിഞ്ഞു.
നിർമാണം പൂർത്തീകരിച്ച് 2023 ജനുവരി ഒന്നിന് താക്കോൽ കൈമാറാനുള്ള ഒരുക്കത്തിലാണ് പ്രവർത്തകർ.