പടിയൂർ: വെള്ളാങ്കല്ലൂർ ബ്ലോക്ക് പഞ്ചായത്തിന്റെയും ക്ഷീര വികസന വകുപ്പിന്റെയും, വെള്ളാങ്കല്ലൂർ ബ്ലോക്ക് പരിധിയിലെ ക്ഷീര സഹകരണ സംഘങ്ങളുടെയും സംയുക്താഭിമുഖ്യത്തിൽ ക്ഷീര കർഷക സംഗമം മന്ത്രി ഡോ. ആർ. ബിന്ദു ഉദ്ഘാടനം ചെയ്തു. പടിയൂർ ക്ഷീരോൽപാദക സഹകരണ സംഘത്തിന്റെ ആതിഥേയത്വത്തിൽ പടിയൂർ വളവനാങ്ങാടി കെകെഎംഎസ് ഓഡിറ്റോറിയത്തിൽ നടന്ന ചടങ്ങിൽ വെള്ളാങ്കല്ലൂർ ബ്ലോക്ക് പഞ്ചായത്ത് പ്രസിഡന്റ് വിജയലക്ഷ്മി വിനയചന്ദ്രൻ അധ്യക്ഷത വഹിച്ചു.
പടിയൂർ ഗ്രാമപഞ്ചായത്ത് പ്രസിഡന്റ് ലത സഹദേവൻ, പൂമംഗലം ഗ്രാമപഞ്ചായത്ത് പ്രസിഡന്റ് കെ.എസ്. തന്പി, വെള്ളാങ്കല്ലൂർ ബ്ലോക്ക് പഞ്ചായത്ത് വൈസ് പ്രസിഡന്റ് ഉണ്ണികൃഷ്ണൻ കുറ്റിപ്പറന്പിൽ, സ്റ്റാൻഡിംഗ് കമ്മിറ്റി ചെയർമാൻമാരായ പ്രസന്ന അനിൽകുമാർ, സുരേഷ് അമ്മനത്ത്, പടിയൂർ ഗ്രാമപഞ്ചായത്ത് വൈസ് പ്രസിഡന്റ് കെ.വി. സുകുമാരൻ, ബ്ലോക്ക് പഞ്ചായത്ത് അംഗങ്ങളായ രാജേഷ് അശോകൻ, സുധ ദിലീപ്, രഞ്ജിനി ടീച്ചർ, അഡ്വ. ശശികുമാർ ഇടപുഴ, അസ്മാബി ലത്തീഫ്, കെ.ബി. ബിനോയ്, ടെസി ജോയ് കൊടിയൻ, പടിയൂർ ഗ്രാമപഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻമാരായ ടി.വി. വിബിൻ, ലിജി രതീഷ്, ജയശ്രീ ലാൽ, പടിയൂർ ഗ്രാമപഞ്ചായത്ത് അംഗങ്ങളായ ജോയ്സി ആന്റണി, സുനന്ദ ഉണ്ണികൃഷ്ണൻ എന്നിവർ സംസാരിച്ചു.