പുതുക്കാട്: സെന്റ് ആന്റണീസ് ഹയർ സെക്കൻഡറി സ്കൂൾ യുപി വിഭാഗത്തിനായി പുതിയതായി നിർമിച്ച കെട്ടിടത്തിന്റെ ഉദ്ഘാടനം ഷംഷാബാദ് രൂപതാധ്യക്ഷൻ മാർ റാഫേൽ തട്ടിൽ നിർവഹിച്ചു. കെ.കെ. രാമചന്ദ്രൻ എംഎൽഎ അധ്യക്ഷത വഹിച്ചു. സ്കൂൾ നിർമാണത്തിന് സാന്പത്തികമായി സഹായിച്ചവരുടെ ഫലകം അതിരൂപത വികാരി ജനറാൾ മോണ്. ജോസ് കോനിക്കര അനാഛാദനം ചെയ്തു. മാനേജർ ഫാ. ജോണ്സണ് ചാലിശേരി, പി.ജി. പോൾസണ്, റപ്പായ് കാളൻ, കെ.എ. ചാർളി, പോൾ തൊമ്മാന, രാജേഷ് അഷ്മി, യേശുദാസ് എന്നിവരെ കോർപറേറ്റ് മാനേജർ ഫാ. ജോയ് അടന്പുകുളം ചടങ്ങിൽ ആദരിച്ചു.
ബ്ലോക്ക് പഞ്ചായത്ത് അംഗം അഡ്വ. അൽജോ പുളിക്കൻ ഐടി ലാബ് ഉദ്ഘാടനവും കൊടകര ബിപിസി വി.ബി. സിന്ധു സ്കൂൾ കലണ്ടർ പ്രകാശനവും നടത്തി. മാനേജർ ഫാ. ജോണ്സണ് ചാലിശേരി, ഗ്രാമപഞ്ചായത്ത് പ്രസിഡന്റ് കെ.എം. ബാബുരാജ്, ഗ്രാമപഞ്ചായത്ത് അംഗം സെബി കൊടിയൻ, ട്രസ്റ്റി സി.കെ. ജോസഫ്, പ്രിൻസിപ്പൽ ഗിൽസ് എ. പല്ലൻ, കെ.എൽ. സുരേഷ്, സീതാലക്ഷ്മി, എം. യൂജിൻ പ്രിൻസ്, ആന്റി കുന്നിക്കുരു, ജെയ്സണ് തെക്കുംപുറം, ജോണ്സണ് പുളിക്കൻ എന്നിവർ സംസാരിച്ചു. ഒന്നരക്കോടി രൂപ ചെലവിൽ രണ്ടു നിലകളിലായാണു കെട്ടിടം നിർമിച്ചിരിക്കുന്നത്. ആറ് ക്ലാസ് മുറികളും അനുബന്ധ സൗകര്യങ്ങളും കെട്ടിടത്തിൽ ഒരുക്കിയിട്ടുണ്ട്.