ദോ​ഹ: ഖ​ത്ത​ർ മ​ത​കാ​ര്യ വ​കു​പ്പി​ന് കീ​ഴി​ൽ ശൈ​ഖ് അ​ബ്ദു​ല്ലാ​ഹ് ബി​ൻ സൈ​ദ് ആ​ലു മ​ഹ്മൂ​ദ് ഇ​സ്‌​ലാ​മി​ക് ക​ൾ​ച്ച​റ​ൽ സെ​ന്‍റ​റും സം​യു​ക്ത​മാ​യി മ​ല​യാ​ളി കു​ടും​ബ​ങ്ങ​ൾ​ക്കാ​യി ഫാ​മി​ലി കോ​ൺ​ഫ​റ​ൻ​സും കൗ​മാ​ര​ക്കാ​രാ​യ വി​ദ്യാ​ർ​ഥി​കൾക്കായി ടീ​ൻ​സ്പേ​സും സം​ഘ​ടി​പ്പി​ക്കു​ന്നു.

"വി​ശ്വാ​സ വി​ശു​ദ്ധി, സം​തൃ​പ്ത കു​ടും​ബം' എ​ന്ന വി​ഷ​യ​ത്തി​ൽ വെ​ള്ളിയാഴ്ച വൈ​കുന്നേരം 6.30 മു​ത​ൽ ദോ​ഹ ബി​ൻ സൈ​ദ് ഓ​ഡി​റ്റോ​റി​യ​ത്തി​ൽ വ​ച്ചാ​ണ് ഫാ​മി​ലി കോ​ൺ​ഫ​റ​ൻ​സ് സം​ഘ​ടി​പ്പി​ച്ചി​ട്ടു​ള്ള​ത്.

കെ​ട്ടു​റ​പ്പു​ള്ള ഒ​രു സ​മൂ​ഹ​ത്തെ നി​ല​നി​ർ​ത്തു​ന്ന​തി​ൽ ഏ​റെ പ്രാ​ധാ​ന്യ​മ​ർ​ഹി​ക്കു​ന്ന കു​ടും​ബം എ​ന്ന സ​ങ്ക​ൽ​പ്പ​ത്തെ നി​രാ​ക​രി​ക്കു​ക​യും അ​ധാ​ർ​മി​ക​ത​യു​ടെ വി​ള​നി​ല​മാ​യി മാ​ന​വി​ക സ​മൂ​ഹ​ത്തെ മാ​റ്റു​ക​യും ചെ​യ്യാ​ൻ കൊ​ണ്ടു​പി​ടി​ച്ച ശ്ര​മ​ങ്ങ​ൾ ന​ട​ന്നു കൊ​ണ്ടി​രി​ക്കു​ന്ന വ​ർ​ത്ത​മാ​ന സാ​ഹ​ച​ര്യ​ത്തി​ൽ വി​ശ്വാ​സ വി​ശു​ദ്ധി നേ​ടു​ന്ന​തി​ലൂ​ടെ സം​തൃ​പ്ത​മാ​യ ഒ​രു കു​ടും​ബാ​ന്ത​രീ​ക്ഷം നേ​ടി​യെ​ടു​ക്കാ​ൻ സ​മൂ​ഹ​ത്തെ പ്രാ​പ്ത​രാ​ക്കു​ക എ​ന്ന​താ​ണ് പ​രി​പാ​ടി​യി​ലൂ​ടെ ഉ​ദ്ദേ​ശി​ക്കു​ന്ന​ത്.

ശ​നി​യാ​ഴ്ച വൈ​കുന്നേരം 6.30നു ​ഏ​ഷ്യ​ൻ ടൌ​ൺ ക്രി​ക്ക​റ്റ് സ്റ്റേ​ഡി​യം വി​ഐ​പി റീ​ക്രീ​ഷ​ൻ ഹാ​ളി​ൽ കൗ​മാ​ര​ക്കാ​രാ​യ വി​ദ്യാ​ർ​ഥി​ക​ൾ​ക്ക് മാ​ത്ര​മാ​യി ന​ട​ത്ത​പ്പെ​ടു​ന്ന ടീ​ൻ​സ്പേ​സ് പ​രി​പാ​ടി ന​ട​ക്കും.


നൈ​തി​ക​മാ​യ ജീ​വി​ത മൂ​ല്യ​ങ്ങ​ളും ധാ​ർ​മി​ക പാ​ഠ​ങ്ങ​ളും പു​തി​യ ത​ല​മു​റയ്​ക്ക് പ​ക​ർ​ന്നു ന​ല്കു​ക​യും ല​ഹ​രി പോ​ലു​ള്ള മാ​ര​ക​മാ​യ സാ​മൂ​ഹി​ക തി​ന്മ​ക​ളെ​ക്കു​റി​ച്ചു അ​വ​ർ​ക്ക് വ്യ​ക്ത​മാ​യ അ​വ​ബോ​ധം ന​ൽ​കു​ക​യും ചെ​യ്യു​ക എ​ന്ന​താ​ണ് പ​രി​പാ​ടി​യു​ടെ മു​ഖ്യ​മാ​യ ല​ക്ഷ്യം.

കൂ​ടാ​തെ കൗ​മാ​ര​ക്കാ​രാ​യ വി​ദ്യാ​ർ​ഥി​ക​ൾ നേ​രി​ടു​ന്ന വി​വി​ധ​ങ്ങ​ളാ​യ മാ​ന​സി​ക വെ​ല്ലു​വി​ളി​ക​ൾ​ക്കു​ള്ള പ്ര​തി​വി​ധി​യും സ​മ്മേ​ള​നം ച​ർ​ച്ച ചെ​യ്യും.

ഫാ​റൂ​ഖ് ട്രെ​യി​നിംഗ് കോ​ള​ജ് പ്ര​ഫ​സ​റും കേ​ര​ള​ത്തി​ലെ അ​റി​യ​പ്പെ​ടു​ന്ന പ്ര​ഭാ​ഷ​ക​നു​മാ​യ ഡോ. ​ജൗ​ഹ​ർ മു​ന​വ്വ​റാ​ണ് ര​ണ്ടു പ​രി​പാ​ടി​ക​ളി​ലും വി​ഷ​യാ​വ​ത​ര​ണം ന​ട​ത്തു​ന്ന​ത്.

ടീ​ൻ​സ്പേ​സി​ൽ പ​ങ്കെ​ടു​ക്കു​ന്ന വി​ദ്യാ​ർ​ഥി​ക​ൾ​ക്ക് അ​ദ്ദേ​ഹ​വു​മാ​യി സം​വ​ദി​ക്കാ​നു​ള്ള അ​വ​സ​ര​വും ഉ​ണ്ടാ​യി​രി​ക്കു​ന്ന​താ​ണ്. പ​രി​പാ​ടി​ക​ളി​ൽ പ​ങ്കെ​ടു​ക്കാ​ൻ ആ​ഗ്ര​ഹി​ക്കു​ന്ന​വ​ർ​ക്ക് വി​ശ​ദ വി​വ​ര​ങ്ങ​ൾ​ക്കാ​യി 6000 4485 എ​ന്ന ന​മ്പ​റി​ൽ ബ​ന്ധ​പ്പെ​ടാ​വു​ന്ന​താ​ണ്.